Posted July 10, 2014
Ni Jay-ar M. Arante, YES FM Boracay
Pinagtulungan umanong bugbugin ang isang lalaki na si Ian
Flores, 19-anyos ng Poblacion Nabas, Aklan sa isang Bar sa Boracay kaninang
alas-ona ng madaling araw.
Base sa report ng Boracay PNP, pumunta umano itong
biktima sa bar sa station 1 para kunin ang kaniyang Universal Serial Bus (USB)
sa isang DJ doon.
Ngunit laking gulat nito ng takutin siya ng kaniyang
inirereklamong DJ kasabay ng pagsuntok sa ibat-ibang parte ng kaniyang katawan
partikular sa ulo nito.
Lumabas din sa embistigasyon na isa pang waiter sa
nasabing bar ang tumulong para bugbugin siya kung saan higit na apektado dito
ay ang kaniyang kaliwang pisnge.
Nilinaw naman ni Flores na nagkaroon sila ng mainit na
alitan ng naturang DJ sa pamamagitan ng text message.
Dahil dito ang nasabing insidente ay mas minabuting
idulog ng Boracay PNP sa Brgy. Justice System ng Brgy. Balabag.
No comments:
Post a Comment