Mga bangka sa Boracay, handa na sa mga uuwing pasahero bukas

Ni Christy dela Torre, News writer, YES FM Boracay

Inaasahang dadagsa ang mga pasaherong magsisipag-uwian bukas, araw ng Linggo, mula sa ilang bayan ng Aklan lalo na ang mga pasaherong nagmula sa bayan ng Kalibo, ito’y matapos ang selebrasyon ng taunang Kalibo Ati-Atihan o selebrasyon sa kapiyestahan ni Sr. Santo Niño.

Kung kaya’t dahil dito, tiyak na siksikan ang mga uuwing pasahero hindi lamang sa mga Bus at mga Van, kundi maging sa sasakyang pandagat.

Ayon kay Godofredo Sadiasa, Chairman ng Caticlan-Boracay Transport Multi-Purpose Cooperative o CBTMPC, handing-handa na ang mga pampasaherong bangka na may rutang Caticlan-Boracay o Vice Versa.

Katunayan, eksaktong tatlumpung bangka mayroon ang CBTMPC na siyang maaaring sakyan ng mga pasahero bukas. Ayon pa kay Sadiasa, palagi naman umanong handa ang mga kapitan ng mga bangka upang pagsilbihan hindi lamang ang mga turista kundi maging ang mga lokal na residente.

Ngunit, sinabi nitong magiging normal lamang ang biyahe ng bangka kung maganda ang panahon dahil kung sakali aniyang hindi maganda ang panahon ay may posibilidad na ma-kansela ang ilang biyahe ng mga ito, lalo pa nga’t ang iniisip lang din umano nila ay ang kaligtasan ng mga pasahero.

Ganunpaman, nakakatiyak itong sa lahat ng oras ay may nakahandang bangka, lalo na yaong malalaking para sa mga pasaherong uuwi bukas.

LGU Malay, hindi pa gumagalaw laban sa mga kolorum na tricycle sa Boracay

Ni Edzel Mainit, Senior Field Reporter, YES FM Boracay

Ang Boracay Land Transportation Multi Purpose Cooperative (BLTMPC) na mismo ang nagtataka kung bakit hanggang sa ngayon ay wala pang ginagawang aksiyong ng local na pamahalaan ng Malay laban sa mga kolurom na tricycle sa isla.

Ito ay sa kabila ng ilang beses na rin umanong ipinaabot sa mga pulong na ipinatatawag ng LGU at maging sa Sangguniang Bayan, pero hanggang sa ngayon ay tila ganoon parin.

Kung saan, ayon kay BLTMPC Board Chairman Ryan Tubi, ang nais lang sana nila ay masugpo o mahuli na ang mga hindi rehistradong tricycle na ito sa isla.

Aniya, ang diskarte ng mga kulurom na sasakyang ito sa Boracay, ay gagayahin din ang kulay ng mga unit dito kaya mahirap matukoy ang mga hindi rehistrado sa legal na tricycle na pumapasada dito.

Pero, makikila umano ang mga kulurom na ito dahil, ang tricycle na walang plaka mula sa LGU Malay at nakasabit na Mayors Permit, gayon din walang sticker na nakadikit sa harap na bahagi ng unit mula sa BLTMPC ay klarong kolurum na kailangan nang hulihin.

Samantala, batay sa isiniwalat ni Tubi, nabatid mula dito na sa kasalukuyan mahigit dalawangpu ang mga kolurom na tricycle sa Boracay, kung saan limang daan at labing isa naman ang rehistrado sa BLTMPC.

BLTMPC, pinahuhuli ang mga lumalabag sa batas trapiko sa Boracay

Ni Edzel Mainit, Senior Field Reporter, YES FM Boracay

Mahigpit na pagpapatupad sa batas sa trapiko ang hamon ngayong ng Boracay Land Transportation Multi Purpose Cooperative (BLTMPC) sa taga pagpatupad ng ordinansa sa isla para hindi mamihasa ang mga driver at matoto na ring sumunod ang mga ito.

Ito ay dahil sa bahagi ng BLTMPC, hindi naman umano sila nagkulang sa pagpaalala sa mga driver na sundin ang batas trapiko ay dumadaan naman ang mga ito sa seminar sa kooperatiba ayon kay BLTMPC Board Chairman Ryan Tubi.

Maliban dito, ang mga driver sa isla ay dumaan na rin aniya ng seminar sa Land Transportation Office o LTO bago bigyan ng lisensiya kaya kung hindi man sumusunod sa batas, naniniwala si Tubi na ang mga indibidwal na ito ang may problema.

Dahil dito, hamon ngayong ng kooperatiba na para mabigyan ng liksiyon, ang mga makikitang lumabag sa batas trapiko, lalo na yaong hindi marunong rumespito sa mga sinage na ipinakalat sa kalye sa isla ay agad hulihin para hindi na mamisaha pa.

Naniniwala si Tubi na basta driver, likas sa mga ito na kapag makakita ng malulusutan nagpapalusot parin ang mga ito.

Ang panayam at pahayag na ito kay Ryan Tubi ng BLTMPC ay ginawa kasunod ng naging sintemeyento ni SB Member Jupiter Gallenero, na tila hindi na nirirespito pa ang mga sign Board sa kalye na kung saan nakalatag ang batas trapiko katulad ng loading at unloading area, gayong ang mga signage na ito ay ginastusan umano ng LGU Malay pero isinasawalang bahala lamang ng mga drivers sa Boracay.

P100.00 na terminal Fee sa Caticlan Jetty Port, aprubado na

Ni Edzel Mainit, Senior Field Reporter, YES FM Boracay

Tila hindi na mapipigilan pa ang pagtaas ng singil sa Terminal Fee na ipapatupad sa Caticlan Jetty Port ano mang araw simula ngayon taon.

Ito ay makaraang mailusot at maaprobahan ng Sangguniang Panglalawigan ng Aklan sa paraan ng isinulong na General Ordinance na naglalaman ng bagong Revenue Code ng probinsiya sa huling sisyon na isinagawa bago paman matapos ang taon ng 2011, at ngayong taon ng 2012 ipapatupad na ito.

Kung saan napaloob sa bago at komprehisibong Revenue Code ng Aklan, ang taripa sa pagbubuwis, gaya ng sa mga propidad (Real Property Tax), buwis sa negosyo, franchise tax, professional tax at marami pang iba.

Kasama din sa bagong revenue code ay nilatag ang taripa sa mga siningil na renta sa mga gusali na pag-aari ng pamahalaang probinsiya, bayarin o Fees katulad ng terminal fee sa Caticlan Jetty Port, at bayarin sa pagpapaupa ng mga pasilidad ng gobyerno sa Aklan.

Samantala, dahil sa aprobado na ito, inaasahang ano mang buwan ay maglalabas na rin ng kautusan ang kina-uukulan kung kaylan ito pormal na ipapatupad matapos maisapubliko.

Matatandaang kasabay ng pasulong at pag-ameyenda sa Revenue Code na ito, ay hiniling din ni Aklan Governor Carlito Marquez na gawing isang daang piso mula sa pitongput limang piso na singil sa terminal Fee sa Caticlan Jetty Port.

Mapupunta di umano ayon sa gobernador ang kikitain dito sa pagpapa-unlad ng terminal at pasilidad ng pantalan gayon din pang bayad sa Bond Floatation o utang ng pamahalaang probinsiya na siyang ginamit na pundo sa reklamasyon sa Caticlan at planong expansion ng Jetty Port.

BLTMPC, hinamon ang SB na umaksiyon na ukol sa pagbebenta ng prangkisa

Ni Edzel Mainit, Senior Field Reporter, YES FM Boracay

Katulad ng konseho, hindi umano i-endorso ng kooperatiba ang mga unit ng tricycle kapag nakita nilang nabubulok na ito ayon kay BLTMPC Board Chairman Ryan Tubi.

Katunayan sa pag-inspeksiyong ginagawa sa mga unit ng tricycle sa isla maliban sa pagsisiyasat na ginagawa ng konseho, naghigpit at nagsimula na rin ang BLTMPC o Boracay Land Transportation Multi-purpose cooperative na mag-inspeksiyon sa mga unit nitong Lunes.

Kinlaro din ni Tubi na ang pagbibenta sa mga prangkisa ay bawal talaga, subalit matagal na rin itong ginagawa kaya nakasanayan na rin dahil wala naman ginagawa ang SB sa gawaing ito.

Kaya dapat ang konseho na rin umano ang gumawa ng aksiyon ukol dito.

Maliban din kasi sa isyu ng pagbebenta sa mga prangkis,a may ilang impormasyon ding sa iisang prangkisa dalawa o tatlo ang unit, na mariing ipinagbabawal din ayon dito.

Pero wala pa naman umano silang nalalaman na gumagawa nito, sapagkat dapat sa bawat isang prangkisa, isang unit lang din ang pwede.

Ang pahayag na ito ay bilang reaksiyon ng kooperatiba sa plano ng konseho na maghihipit na pagdating sa pag-endorso at paggamit ng prangkisa lalo na ng mga tricycle sa Boracay.

LGU Malay, maghihipit na sa prangkisa at sa pag-e-endorso sa mga magre-renew ng tricycle

Ni Edzel Mainit, Senior Field Reporter, YES FM Boracay

Nasa plano na rin ng Sangguniang Bayan ng Malay na higpitan at ipa-inspeksiyong mabuti ang mga tila nabubulok na na mga unit ng tricycle sa Boracay, gayong turista ang pangunahing pinagsisilbihan ng mga ito.

Partikular na tinukoy ng konseho kung kumpleto pa ang mga ilaw at ilang parte ng sasakyan bago aprubahan at makapag-renew para sa operasyon ng mga ito sa taon 2012, at mangyayari iyon sa tulong ng transportation officer.

Maliban dito, pinuna na rin ng konseho ang hinggil sa bentahang nangyayari ng prangkisa, gayong mariing ipinagbabawal ito.

Kaunay nito hiniling ni Vice Mayor Ceceron Cawaling na kung maaari para maiwasan na ang ganitong gawain dahil maging sila na lumalagda sa dokumento kapag magre-renew ay sumasakit na ang ulo at nadadamay.

Ito ay dahil pati ang patay na na may mamay-ari ng prangkisa ay binubuhay pa umano, gayong bawal sanang ilipat sa pangalan ng iba o ibenta ito.

Kaya ayon sa Bise Alkalde, kailang balikan o i-review nila ang mahahalagang bagay at nakasaad sa batas ukol dito para mawala na rin ang isyu na pati sila ay nadadamay na dahil sa pagpapahintulot nila. 

Malay Water District, animadong kulang sa pondo; serbisyo, ipinangakong aayusin

Ni Edzel Mainit, Senior Field Reporter, YES FM Boracay

Taon na rin ang lumipas at ganoon na rin katagal ang paghahangad ng konseho na malaman ang estado ng Malay Water District (MWD) lalo na sa kanilang kapasidad at sa pagbibigay serbisyo sa mga kunsumidor ng nasabing kumpaniya ng tubig.

Subalit nitong Martes, sa unang sesyong ng taong 2012, nagharap-harap na ang konseho at ang General Manger ng kumpaniya ng tubig na si Bartolome Bautista, makaraang ipatawag ito ng Sangguniang Bayan para matanong ukol sa mga isyu kaugnay sa kanilang serbisyo.

Una rito, matagal na ring kinukuwestiyon ng mga konsumidor at opisyal ng bayan kung bakit hindi kanais-nais ang kulay ng tubig na sinu-suplay ng nasabing kumpanya.

Pero sa paliwanag ni Bartolome, nangyayari lang umano ito kapag may baha sa pinagkukunan nila ng tubig, kasabay ng paglilinaw na ligtas pa rin itong inumin sa kabila ng di kagandahan nitong kulay.

Ayon dito, lumabas batay sa pagsusuri ng Department of Health sa buwanang pagmonitor nila sa tubig na ligtas parin itong inumin.

Ipinaliwanag din nito na nangyayari ang pagkakaroon ng malabong tubig na sinu-suplay nila dahil sa wala pang reservoir at filter ang MWD, pero sa oras na maayos at magkaroon na ng tamang pasilidad, magiging malinaw na rin ang tubig na dadaloy sa mga pamamahay sa Malay.

Samantala, kaugnay sa estado ng kumpaniya ito, aminado din si Bartolome na hindi ganon ka-ganda ang financial status kaya maglo-loan o uutang sila para sa pang-gastos sa pagsasa-ayos ng operasyon ng Water District.

Plano umano ng kumpanya na umutang ng P15M, kung saan kalahati muna ng nasabing halaga na katumbas ng P8M ang matatanggap nila bilang pauna na siyang magagamit nila.

Ngunit ang loan nilang ito ay hindi pa naibibigay sa MWD mula sa LOWA.

Samantala, dahil sa marami na ring development sa Caticlan ngayon, inihayag ng huli na aayusin nila nag kanilang serbisyo para sa mga ito.

Sa kabila ng nararanasang suliranin ngayon ng Malay Water District, sinabi ni Bartolome na makakaya nilang masuplayan ng tubig ang Airport at ang itatayong Hotel dito dahil may plano na rin sila na paunlarin ang kanilang serbisyo.

Kasong isinampa laban kay Yapak Punong Brgy Hector Casidsid, sismulan nang dingin

Ni Edzel Mainit, Senior Field Reporter, YES FM Boracay

Pagbungad palang ng taon pinag usapan na at itinakda nang simulang ng EnBanc ng Sangguniang Bayan ng Malay ang pagberipika sa reklamong isinampa laban kay Yapak Punong Brgy Hector Casidsid.

Kung saan ang reklamong ito laban kay Casidsid ay ipinaabot sa konseho ng limang Kagawad nito sa Yapak.

Kaugnay nito, bukas araw ng Biyernes, ika labin tatlo ng Enero sa Balabag Action Center, magkakaroon ng Committee Hearing ang mga kumitiba ng SB Malay na kasama sa pag- asses at pag-e-imbistiga sa kasong administratibong isinampa sa Punong Barangay.

Matatandaang, kinasuhan ng limang Brgy Kagawad ng Yapak si Casidsid, dahil sa di umano ay may ginawa itong hukos pukos sa ilang dukomento ng Brgy, na ginamit ang kanilang lagda at lagda na nakalap mula sa mga mamamayan doon para sa kampanya ng “No to Casino”.

Ang kaso na ito ang ikalawang reklamo na isinamapa kay Casidsid, subalit ang nauna reklamo ay napagsilbihan na nito ang penalidad nang masuspende ito.

Respeto sa Traffic Sign at pagkakaroon ng Fire Station sa Mainland Malay, hiniling ng SB Malay

Ni Edzel Mainit, Senior Field Reporter, YES FM Boracay

Hindi na nirerespito ang mga traffic signage na ipinakalat sa mga kalye, na kung iispin ginastusan ito ng lokal na pamahalaan ng Malay para sa siguridad at kaligtasan ng publiko lalo ng mga sasakyan sa kalye.

Ito naman ang ipinaabot na sentimeyento ni SB Member Jupiter Gallenero, Chairman ng Committee on Pulic Safety and Accountability, kung saan kasama sa mga sintiyementong ipinaabot ng ilang pa nitong kasamahan sa konseho.

Bagay na hiniling nito na sana ay bigyang pansin na rin sana para maipasunod at maipatupad ang nakalatag sa mga sinage na ito.

Maliban dito, bahagi din ng opening salvo at dagdag sa listahan ng Sangguniang Bayan ay ang proposisyong magkaroon na rin ng fire truck sa mainland ng Malay ayon kay Gallenero.

Bagay ng kwenisyon naman ng ibang miyembro ng konseho, dahil kapag may fire truck, nanga-ngailangan din aniya ng fireman o bombero gayon din ng himpilan o gusali para sa mga ito.

Subalit pasimpleng bumanat si Gallenero, sa pagsasabing, ”kailangan pa aniyang antaying magkasunog bago magkaroon ng bombero”.

Dahil dito, inihayag ni SB Member Rowen Agguire na titingnan nito sa pundo ng LGU kung kakayanin ng local na pamahalaan ng Malay na makabili ng fire truck para sa mainland.

Paliwanag kasi ni Gallenero, kailangan din ito sa mainland upang maiwasan ang pagkawala o pinsala sa mga ari-arian at buhay ng tao dala ng matagal na pagresponsde sa sunog.

Bilang tugong, sinabi ni vice Mayor Ceceron Cawaling na ipapaabot nito ang nasabing usaping sa Punong Ehekutibo.

Kawalan ng baryang panukli ng mga tricycle driver sa Boracay, pinuna ng konseho

Ni Edzel Mainit, Senior Field Reporter, YES FM Boracay

Iba’t ibang sentimiyento ang baon ng mga konsehal sa unang sisyon ng Sangguniang Bayan ng Malay ngayong 2012 na isinagawa kahapon araw ng Martes.

Una rito, suliranin ukol sa mga pakalat-kalat na mga vendors sa front beach ang suliranin sa isla na nakita ang mga SB, gayon din bigat ng trapiko at suliranin ukol sa mga tricycle na isinatinig ni SB Member Dante Pagsugiron.

Pinuna din ng konseho ang suliranin ukol sa obserbasyon nila sa trabaho at kapasidad ng bagong mga miyembro ng Municipal Auxiliary Police o MAP.

Mula sa planong pagpapatupad ng color coding sa mga tricycle sa Boracay, lalo pa at nasa ordinansa naman ito at ngayon palang ipapatupad.

Nakita at nababahala na rin ngayon ang konseho sa mahabang pila ng mga tricycle na nagpapasikip sa kalsada na tumatakbo sa mainroad na wala naman pasahero ang iba ayon kay SB Member Rowen Agguire, kaya nais na ng lokal na mambabatas na ipatupad na ito.

Hindi rin pinalampas ng konseho ang obserbasyon nila hingil sa mga tricycle driver sa Boracay.

Una rito ay ang kawalan di umanong barya na dapat ay inihahanda agad ng mga tricycle driver para panukli sa mga pasahero.

Kung saan ang bagay na inaasahan nila na sa bawat pasada ay may nakahandang barya ng sa ganon ay hindi maantala ang mga pasahero at maka-abala sa kapwa driver na minsan ang nangyayari  ay paparahan pa sa gitna ng kalye upang magpabarya, ayon kay SB Esel Flores.

Aniya kung kina-kailangang magdala ang mga driver ng timba-timbang barya mas mainaman sana.

Dahil dito, hiling ng konseho sana ikunsidera din ng mga operator ng ganitong obserbasyon, bagay na ipapa-abot umano nila sa mga operator ang ukol dito.

“Walang pilitan sa pagbabayad ng Garbage Fee, basta huwag na rin silang tumira sa barangay ko!” --- Punong Barangay Lilibeth Sacapaño

Ni Edzel Mainit, Senior Field Reporter, YES FM Boracay

Hinamon ngayon ni Punong Brgy. Lilibeth Sacapaño ng Balabag ang mga residente o boarders na kapag hindi ito magbayad, hihigpitan nila ang pagpapatupad ng ordinansa ukol sa tamang paghihiwalay ng basura na may multang P2,500.00.

Ito ay dahil hanggang sa ngayong ay kwestiyunable pa rin sa publiko ang P600.00 na Garbage Fee at ang bagong P200.00 na kinukolekta sa bawat empleyado bilang garbage fee din na sinisingil ng Balabag, at hindi talaga mapipilit ang mga ito na magbayad.

Ayon sa barangay kapitan, kung tutuusin umano, ang P200.00 na babayran ng isang indibidwal ay sentimo lang ito sa kinikita ng mga empleyado sa isla.

Dagdag pa nito, dapat ay makunsensiya din umano ang mga boarders at empleyado sa Boracay para mag-share din, dahil kung walang mag-aasikaso sa mga basura dito sa isla, ano na lang ang mga negosyong ito sa Boracay.

Samantala, nang matanong kung ano ang posibleng mangayri kapag hindi nagbayad ng Garbage Fee ang mga empleyado at boarders na ito sa Balabag, sinabi ng huli na hindi na nila ito ipagpipilitan pa.

Pero hiling nito, na sana ay huwag na lang tumira ang mga ito sa kanyang barangay, kung ayaw sumunod sa ordinansa na ipinatutupad sa kanyang barangay.

Ngunit bibigyan pa rin nila ang mga ito ng Barangay Clearance, subalit ililista nila ang mga pangalan ng hindi nagbayad ng Garbage Fee.

Dagdag pa ng Punong Barangay, wala di umanong iniisip ang mga taong ito sa Boracay, kundi kumita lamang na hindi manlang kahit maisip na makapagshare sa Barangay.

Ang pahayag na ito ni Sacapaño ay bilang sagot sa mga ipinipikol na katanungan kaugnay sa pangungulekta nila ng garbage fee, subalit maging ang konseho ay nagtataka rin kung bakit kailangan pang mangulekta na ang LGU Malay ay nagbibigay ng subsidy para sa pangungolekta ng basura sa isla.

P600.00 Garbage Fee na, may dagdag na P200.00 pa?!

Ni Edzel Mainit, Senior Field Reporter, YES FM Boracay

Halos isang linggo pa lang ang nakakalipas nang inihayag ni Punong Brgy. Lilibeth Sacapaño na tanging ang mga pamamahay lamang sa Boracay at boarding houses ang magbabayad ng P600.00 garbage fee, at ngayong buwan ng Enero ay sisimulang ipatupad kasabay ng pagkuha ng mga barangay clearance at ang magbabayad nito ay mga may-ari ng boarding houses ay kahit sino lang sa loob ng isang pamamahay na sakop ng Balabag.

Subalit marami naman ang nagulat ngayon dahil naniningil na ng P200.00 sa indibidwal o bawat empleyadong bilang garbage fee, maliban sa P50.00 barangay clearance na babayaran sa barangay.

Subalit sa panayam kay Punong Barangay Lilibeth Sacapaño, sinabi nitong ito ay dahil ito ay naging suhestiyon ito ng mga negosyante sa isla na gawain na lang itong indibidwal at ipataw sa empleyado o boarders sa halagang P200.00 sa isang taon, gayong nakakadagdag din naman ang mga ito ng basura sa isla.

Pero ang may pinanghahawakan naman umanong resibo na boarders na nagpapatunay na nakapagbayad ng P600.00 na garbage fee ang kanilang landlord ay hindi na sisingilin ng P200.00.

Sa kabilang banda, nang natanong ang punong barangay kung kaninong ordinansa ang ipinapatupad nilang ito, sinabi ni Sacapaño na ordinansa ito ng bayan at matagal na ito, pero ngayon lang naipatupad.

Ngunit kung iisipin, at base rin sa panayam kay SB Member Rowen Aguirre, hindi pwedeng maningil ang Barangay kung ordinansa ito ng bayan, sapagkat hindi na sakop ng kanilang hurisdiksiyon ang maningil.

Mariin namang ipinaliwanag ni Sacapaño na naipaabot na nila ito sa publiko sa pamamagitan ng pagpapatawag ng isang assembly meeting na kinatigan naman at ikinatuwa pa nga aniya nasasakupan nila dahil sa maaaring makatulong ito sa pag-asenso ng kanilang lugar.

Aniya, kinuwestiyon ng SB ang pangungulekta nila sapagkat hindi rin siguro umano alam ng konseho na napag-usapan na ito at kinakaltasan ang IRA ng Barangay ng 5% share ng LGU para sa usapang pangkapaligiran.

Samantala, naniniwala naman si Sacapaño na hindi mabigat ang P200.00 garbage fee kung tutuusin dahil bahagi lamang ito ng kanilang tulong sa naiko-contribute na basura ng mga boarders sa Boracay.

Magaan lang din aniya ang P600.00 at wala nang babayarang P200.00 ang isang indibidwal kung magkakaisa at mag-ambag ambag ang mga boarders sa isang boarding house, bilang kanilang share sa Barangay.

P600.00 na Garbage Fee ng Balabag, inalmahan ng SB Malay

Ni Edzel Mainit, Senior Field Reporter, YES FM Boracay

Halos karamihan sa mga miyembro ng konseho ay nagtataka kung bakit nangungulekta ng Garbage Fee na P600.00 ang Barangay Balabag.

Ito ay kasunod ng natanggap umano nilang mga katanungan mula sa ilang indibidwal, lalo pa ngayon panahon nanaman ng pagkuha ng Barangay Clearance.

Dahil dito ay naging intresado ang konseho na alamin kung bakit naninigil pa ng garbage fee ang Balabag gayong ang lokal na pamahalaan naman ay may subsidiya o tulong na ibinibigay para sa gastusin sa pangungulekta ng basura.

Maliban dito, ang LGU Malay din umano ang nangungulekta na ng katulad na bayarin dito sa isla ng Boracay.

Dahil dito nagpahayag ng iba’t ibang reaksiyon ang ilang konsehal kung para saan pa ang babayaran at ano ang legal na basihan ng paniningil ng naturang Barangay.

Kaugnay nito, para mabigyan ng sagot, ipapatawag ng konseho sa Martes, Enero 16, ang Punong Barangay ng Balabag para tunungin ukol sa bagay na ito.

Samantala, sa panayam kay SB Member Rowen Aguirre, Chairman ng Committee on Laws and Ordinances, sinabi nito na hindi niya diretsong masagot ang mga bagay ukol sa usaping ito, gayong hindi niya alam ang legal ng basehan.

Subalit kung nakasaad naman umano ito sa Revenue Ordinance ng Barangay na ipinasa sa Konseho, magkakaroon ng karapatan ang Brgy para gawin ito.

Ngunit kung wala, hindi aniya pwedeng mangulekta ang Balabag ng P600.00.

Ayon pa sa konsehal ang ganitong usapin kapag nasa Revenue Ordinance kailangan itong idaan sa pagreview ng SB, pero wala aniya itong natatandaang mayroong napaloob doon.

Samantala, sakaling mapatunayan na walang basehan ang paniningil ng P600.00 Garbage Fee ng Balabag, maaari umanong masampahan ng kaso ang opisyal ng barangay.

Sa katulad na usapin, naniniwala ng ilang konseho na karagdagang pahirap ito sa publiko lalo na sa taga Brgy. Balabag, kung saan ayon kay SB Member Dante Pagsugiron tila hindi ito makatarungan dahil double na ang babayaran ng mamamayan.

Maliban sa Punong Barangay ng Balabag, ipapatawag din ang Punong Barangay ng Manoc-manoc, Yapak at Caticlan dahil kinuwestiyon din ng konseho ang proposisyong I.D System, dahil sa hindi klaro sa konseho kung ano ang legal na basehan sa pagpapasa ng nasabing ordinansa lalo pa at walang approval ang SB para ipatupad ito.

Dahil dito, nais ng konseho na sila mismo ang magpa-abot sa mga Punong Barangay na ito, kaugnay sa kanilang nakitang problema sa mga ordinansang ipinaabot sa konseho.

Pulis sa Malay na namaril ng media man sa Kalibo, kinumpirma ni PD Defensor

Ni Edzel Mainit, Senior Field Reporter, YES FM Boracay

Tila tagilid ngayon ang  sitwasyon ng isang pulis na naka-assign sa  Malay Police station, matapos kumpirmahin mismo ni Police Senior Supt. Cornello Defensor, Provincial Director ng Aklan Police Provincial Office (APPO) na si PO2 Larry Molo mismo ang nagpaputok at namaril sa kasagsagan ng sadsad kagabi, batay sa isinagawang imbestigasyon ni Defensor.

Nilinaw ni Defensor na walang nangyaring pamamaril doon, kundi nagmula mismo sa pulis ang bala na tumama din sa kaniyang sarili.

Mismong ang Provincial Director din ang nagkumpirma na tinangka aniyang barilin ni PO2 Molo ang media man na si Jojit Reyes, subalit ang sibilyang si Johnny Sitjar ang timaan sa kanang braso nito.

Inawat at piniliit umanong kunin ng kasamang pulis na nagsasadsad din ang baril mula kay Molo at sa pag-tabig aniya sa baril ay sa katawan mismo ng biktimang pulis ito pumutok, rason para magtamo ng pinsala sa kanyang baywang.

Nangyari ang insidente makaraang sitahin di umano ng media man si Molo dahil sa di kanais-nais nitong gawain dahil nasa impluwensiya na rin ng alak hanggang sa nagkagulo at masuntok din Molo.

Samantala, dismayado naman si Defensor dahil sa pangyayaring ito sa kabila ng maaga niyang paalala sa mga pulis at sa hindi nito pagpayag na magsadsad ang grupo ng mga pulis dahil kailangan ang serbisyo ng mga ito sa kasagsagan ng pagdiriwang ng kapistahan ni Sr. Sto. Niño sa Kalibo.

Umaasa sana ang nasabing Provincial Director na makakatulong ito sa pagbabantay para sa kaligtasan ng publiko sa selebrasyong ito.

Kaso ni PO2 Lary Molo, hindi pagtatakpan ng APPO; PD Defensor, mismong magsasampa ng kaso

Ni Edzel Mainit, Senior Field Reporter, YES FM Boracay

Dahil sa pamamaril na ginawa ni PO2 Larry Molo ng Malay PNP sa bayan ng Kalibo kagabi, nangako  si Police Senior Supt. Cornello Defensor, Provincial Director ng Aklan Police Provincial Office o APPO na walang mangyayaring pagtakipo pagkampi mula sa hanay ng PNP dahil ang may kasalanan ay dapat umanong managot kaya walang “cover up”.

Pero sinabi nito na magkakaroon ng masusing imbestigasyon sa pangyayari.

Dalawang kaso din ang kakaharapin ni Molo: una ay ang kasong criminal na isasampa ng media man at ng sibilyang tinamaan ng baril nito, at ang kasong administratibo.

Kinumpirma din ni Defensor na siya mismo ang magsasampa ng kaso laban sa naturang police officer.

Samantala, bilang komento naman ng Provincial Director sa pagdadala ng baril ng nasabing pulis sa kasagsagan ng sadsad, sinabi nitong hindi kasi talaga maiiwasang may mga pulis na makasarili at ang iniisip ay ang kanilang katuwaan lamang pero ang resulta at negatibo sa organisasyon.

Kaugnay nito, ang opisyal mismo ang huminggi ng despinsa sa nagyari, dahil hindi nito napasunod ang naturang pulis at nagresulta sa hindi magandang pangyayari.

Trapiko sa Boracay, unang problemang tinukoy ng konseho ngayong taon

Ni Edzel Mainit, Senior Field Reporter, YES FM Boracay

Pinoproblema ngayon ng Sangguniang Bayan ng Malay kung papaano mapa-gaan ang trapiko sa isla ng Boracay.

Dahil dito, nakabuo ng suhestiyon ang Sangguniang Bayan ng Malay na kung maaari ay ibalik at ipatupad ang color coding sa mga tricycle sa isla, ito’y matapos mapansing may kabigatan na rin ang trapiko sa isla.

Ang suhestiyong ito ay isinatinig ni SB Member Esel Flores matapos ihayag ni SB Member Dante Pagsugiron ang kaniyang obserbasyon ukol sa dami ng sasakyan at para mabawasan na rin ang bigat sa trapiko.

Paliwanag ni Flores, kapag maipatupad ang color coding, inaasahan nitong malaki ang pagbabagong mangyayari sa mainroad dahil limampung pursiyento ng mga tricyle na ito ay mamamahinga muna tuwing araw at hindi na gaanong maka-abala sa mga kalsada.

Maliban dito, umaasa din si Flores na maipatupad ng maayos ang loading at unloading area gayong mayroon namang mga signage na nakalatag sa mga tabing-daan.

Sapagkat kapag hindi umano maayos ang suliraniun ukol dito, ang mga pasahero din ang mahihirapan.

Ang mga pahayag na ito ay isinatinig ng mga nabanggit na konseho, sa unang sesyon palang ng SB sa taong ito nitong umaga.

MAP sa Boracay, hiniling na isailalim sa pagsasanay

Ni Edzel Mainit, Senior Field Reporter, YES FM Boracay

Hiniling ngayon ng Sangguniang Bayan ng Malay na kung maaari ay isa-ilalim sa pagsasanay ang mga bagong miyembro ng Municipal Auxiliary Police o MAP sa Boracay.

Ito ang kahilingang ipina-abot  ni SB Member  Rowen Aguirre sa Konseho sa kabila nang nabatid nito na dumami na ang miyembro ng MAP sa isla at umabot na ng mahigit pitumpu, subalit tila hindi  ito kumbinsido sa kapasidad ng mga bagong miyembro.

Ayon kay Aguirre, kaniyang ginawa ang naturang suhestiyon dahil sa obserbasyon nito na tila ang ilang MAP ay nakatayo lang at parang hindi alam kung ano ang gagawin, sapagkat kulang din sa kaalaman pagdating sa mga ordinansa na dapat ipatupad.

Naniniwala kasi ang konsehal na hindi lamang dahil sa marami ang MAP sa isla ay maipapatupad na ang mga ordinansa kundi, mas mainam pa rin ayon dito kung may sapat na kaalaman ang mga ito ng sa ganon ay maging epektibo din ang mga ito sa kanilang trabaho.

CCTV Camera sa Caticlan Jetty Port, hindi pa nagagalaw

Ni Edzel Mainit, Senior Field Reporter, YES FM Boracay

Bagama’t sinabi ni Caticlan Jetty Port Administrator Nieven Maquirang nitong nagdaang linggo na ililipat ng lalagyan ang mga CCTV Camera sa loob ng terminal ng pantalan sa tulong ng supplier, pero sa ngayon ay hindi pa ito nagagalaw.

Dahil dito, nilinaw ni Engr. Jessie Legaspi ng Caticlan Jetty Port na hindi na ito ililipat, sa halip ay dadagdagn ang bilang ng mga naka-install ng mas high tech pa, para klaro ang footage at makayang kunan ng mga kamera lalo ang yaong nakatutok sa mga lugar na dapat bantayan talaga.

Kung saan sa ngayon, naibigay na rin aniya nila ang plano kung saan ilalagay ang mga karagdagang CCTV camera para makita ang lahat ng angulo sa loob ng terminal.

Nabatid na sa kasalukuyang terminal, tatlong kamera pa ang ilalagay nila, at walo naman para sa bagong terminal.

Samantala, inihayag naman ni Marz Bernabe, Technical Staff sa nasabing pantalan, na hanggang sa ngayon ay hindi pa natukoy ang salarin at may kagagawan ng pagbitbit sa “pouch” ng  isang turista  na naglalaman ng mahahalagang bagay, na siyang pinapaniwalaan na isang “ladyboy” na suspek.

Gayon pa man may mga aksiyon pa ngayong ginagawa ang administrayon ng jetty port at mga pulis para sa pagkakakilanlan sa salarin. 

BSTPO, may plano na sa mga “LadyBoy” na nananalasa sa Boracay

Ni Edzel Mainit, Senior Field Reporter, YES FM Boracay

Sa susunod na linggo, nakatakdang kausapin ni Supt. Julio Gustilo, Hepe ng Boracay Special Tourist Police Office si Mayor John Yap, para ilatag ang mga plano at pag-usapan ang maaaring sulosyon sa mga suliraning may kaugnayan sa nakawan sa isla na ang karamihang sangkot ay mga “ladyboy” at ang mga ito din kasi ang kalimitang nahuhuling lumalabag sa batas lalo na ang pagpagala-gala ng mga ito sa front beach pero ang pakay ng iilan ay mag-abang ng aatakehing lasing na turista.

Ayon sa Hepe, nakikipag-coordinate ito sa local na pamahalaan ng Malay, para sa gagawin nilang puspusang kampaniya laban sa ganitong gawain, gayon din sa mga naglalabas sa ordinansa ng bayan na ipinapatupad sa Boracay tulad ng iligal na pagbibinta at pag-aalok ng serbisyo at prudokto sa front beach at marami pang iba.

Layunin nila, na kung hindi man lubusang masugpo ang mga gawaing ito, kahit papano, target nilang mabawasan din ang ganitong operasyon sa isla.

Gayon paman pagdating sa usapin ng pambibiktima ng mga “lady boy” o bading sa Boracay, nilinaw ni Gustilo na hindi naman lahat ng mga bading sa isla ay may masasamang gawain, kaya binibigyang halaga parin ng awtoridad ang karapatang pantao ng mga ito, bagay na kailangan aniya ng masusing plano at pag-uusap para dito.

Samantala, umaasa naman ang Hepe na darating ang oras na ang mga lady boy na ito ay makakatulong din sa awtoridad at sa mga mamamayan dito para mapanatiling payapa at ligtas na lugar ang Boracay, lalo na kapag nabigyan ang mga ito ng pagkakataon. 

Nirereklamong maduming kapaligiran sa Tambisaan Area, ipapasilip

Ni Edzel Mainit, Senior Field Reporter, YES FM Boracay

Nangako si Punong Barangay Abram Sualog ng Manoc-Manoc na papatingnan nito ang sitwasyon sa Sitio Tambisaan partikular sa area ng pantalan at kalapit na lugar doon, kung saan nirereklamo ng ilang residente at stakeholder na di umano ay madumi ang bahaging ito dahil sa basura na natangay ng tubig at mga itinapong doon.

Ayon sa Punong Barangay, ang reklamong ito ay ipapasilip niya sa Brgy. Kagawad na assigned sa nasabing lugar para maaksiyunan agad.

Matatandaang nitong nagdaang Disyembre ay minsan na ring sinagot ni Island Administrator Glenn Sacapaño ang reklamo ukol dito, at nangakong ipapa-inspeksiyong nito sa monitoring team, nang sa ganon kung kinakailangan na maglagay ng taong taga linis sa lugar na ito ay gagawin nila.

Subalit, tila nababato na sa kakabantay ang ilang residente doon sa tugon di umano ng lokal na pamahalaang ng Malay, ngunit hanggang sa ngayon ay hindi parin nabibigyan aksiyon.

Hiniling din ng publiko sa lugar na iyon ay bigyang atensiyon din ang back beach, gayong may mga picnic site sa lugar na ito at nakakahiya para sa isla na makita ang sitwasyong ito ng mga turista sa kabila ng biniayad nilang ng envirornmental fee.

Target na bilang ng tourist arrival ng Boracay, hindi inabot; diperensya, konti na lang!

Ni Edzel Mainit, Senior Field Reporter, YES FM Boracay

91 na bisita na lang sana ay maaabot na ang isang milyong target na tourist arrival ngayong nagdaang taon ng 2011 batay sa naitala ng Municipal Tourism Office (MTO).

Sa rekord ng MTO, ngayong nagdaang 2011, umabot ng mahigit 900,000 ang bilang ng mga turista na pumasok sa Boracay.

Hindi man naabot ang target, tumaas naman ito ng 17% kompara noong nagdaang taon ng 2010 na nakapagtala lamang ng mahigit 700,000.

Ang labing pitong pursiyento na itinaas nitong nagdaang taon ay katumbas ng halos 130,000 turista ang naidagdag sa bilang ng MTO.

Sa tala, ang buwan ng Setyembre 2011 ang may pinakamababang bilang ng tourist arrival na umabot lamang ng halos 53,000 at ang may pinakamaraming turista naman ay ang buwan ng Abril na may mahigit 120,000 na sinundan ng buwan ng Disyembre na mahigit 80,000.

Samantala, napanatili namang ang mga Koreans ang nangunguna  sa pinakamaraming turistang dumayo sa Boracay, na umabot  sa mahigit 100,000, sinundan ng mga Taiwanese na may bilang na mahigit 75,000 at ang ika-tatlo ay ang Chinese na halos umabot 60,000 mga turista.

Ati-atihan sa Boracay, nais i-preserba

Ni Edzel Mainit, Senior Field Reporter, YES FM Boracay

Ikinatuwa ng Simbahang Katolika, partikular ng Holy Rosary Parish Church sa Boracay, na napanatiling banal ang selebrasyon ng Ati-atihan sa isla, at hindi napasok ng komersiyalismo.

Sa panayam kay Fr. Magloire “Adlay” Placer, aminado ang pari na ilang beses na ring tinangka noon paman na pasukin ito ng komersiyalismo.

Subalit pinanindigan ng simbhan na maging payak lamang ang selebrasyon nito para sa mga nanampalataya kay Sr. Santo Niño.

Aniya, gusto talaga ng Simbahan na mapanatili itong banal at mai-preserba para sa mga deboto at sa kanilang paniniwala sa Poon, na hindi na kailangan pa ng selebrasyong bongga gayong ang mahalaga ay ang pananampalataya,  pasasalamat sa mga debosyong natangaap at kanilang panata.

Samantala, ipinagpasalamat naman ni Fr. Placer na kahit hindi contest o patimpalak ang Ati-atihan sa Boracay, nakita nito ang interest ng mga tao sa Boracay para makisali at makibahagi sa taunang selebrasyon.

Dahil sa ganitong ipinakikita umano ng tao sa isla, inaasahan ng pari na maraming debosyon at pagpapala ang darating sa Boracay, dahil sa mga dasal at matibay na pananampalaya ng mga tao dito.

Ikinagalak naman ng Kura Paroko ang matagupay na pagdiriwang ng Ati-atihan sa tulong at suporta ng publiko sa isla.

Ati-atihan sa Boracay, nais i-preserba

Ni Edzel Mainit, Senior Field Reporter, YES FM Boracay

Ikinatuwa ng Simbahang Katolika, partikular ng Holy Rosary Parish Church sa Boracay, na napanatiling banal ang selebrasyon ng Ati-atihan sa isla, at hindi napasok ng komersiyalismo.

Sa panayam kay Fr. Magloire “Adlay” Placer, aminado ang pari na ilang beses na ring tinangka noon paman na pasukin ito ng komersiyalismo.

Subalit pinanindigan ng simbhan na maging payak lamang ang selebrasyon nito para sa mga nanampalataya kay Sr. Santo Niño.

Aniya, gusto talaga ng Simbahan na mapanatili itong banal at mai-preserba para sa mga deboto at sa kanilang paniniwala sa Poon, na hindi na kailangan pa ng selebrasyong bongga gayong ang mahalaga ay ang pananampalataya,  pasasalamat sa mga debosyong natangaap at kanilang panata.

Samantala, ipinagpasalamat naman ni Fr. Placer na kahit hindi contest o patimpalak ang Ati-atihan sa Boracay, nakita nito ang interest ng mga tao sa Boracay para makisali at makibahagi sa taunang selebrasyon.

Dahil sa ganitong ipinakikita umano ng tao sa isla, inaasahan ng pari na maraming debosyon at pagpapala ang darating sa Boracay, dahil sa mga dasal at matibay na pananampalaya ng mga tao dito.

Ikinagalak naman ng Kura Paroko ang matagupay na pagdiriwang ng Ati-atihan sa tulong at suporta ng publiko sa isla.

Tourist Guide, hihilinging tumulong sa pagbibigay paalala sa mga turista

Ni Edzel Mainit, Senior Field Reporter, YES FM Boracay

Plano ngayon ni Police Supt.  Julio Gustilo Jr., Hepe ng Boracay Special Tourist Police Office (BSTPO), na kausapin ang lahat ng tourist guide sa isla, para makatulong ang mga ito sa pagbigay paalala sa mga turista pagdating sa pag-iingat sa kanilang mga gamit.

Ayon sa hepe ng Pulis Boracay na hihilingin nito sa lahat ng tourist guide na i-translate sa iba’t ibat salita o wika, tulad ng Korean, Chinese, at iba para ang mga tips o paalala ng pulis para mas madaling naunawaan kung ipabatid ito sa mga turista lalo na ang ukol sa mga ordinansa sa isla.

Ang tips na tinutukoy ni Gustilo, ay paalala sa mga turista na ingatan at ayusin ang kanilang mga mahahalagang gamit, ng sa ganon kung hindi talaga maiwasang mabiktima ang mga turistang ito, mabawasan din ang nananakawan.

Ang pahayag na ito ni Gustilo ay kasunod ng mga reklamong ipinararating sa pulisya kaugnay sa mga turistang ninakawan sa mga bar at front beach.

Naniniwala ang hepe na may kapabayaan din ang mga bisitang ito, sapagkat iniiwan lamang ang kanilang mga gamit kung saan, bagay na ang mga masasamang elemento  katulad ng  mga sindikato at grupo ng mga kriminal ay nakakakita rin ng pagkakataon na mangdedekwat.

Mutya ag Lakan it Kalibo Ati-atihan 2012, nakoronahan na

Ni Edzel Mainit, Senior Field Reporter, YES FM Boracay

Kinoronahan  na si Ivy Vidal mula sa bayan ng Batan, makaraang nasungkit nito ang titulo bilang Mutya it Kalibo Ati-Atihan 2012 kagabi sa ginanap na na Mutya ag Lakan it Kalibo Ati-atihan 2012.

Nakuha naman ni Shem Ragalado mula sa bayan ng Kalibo ang koruna at titulong Lakan it Ati-Atihan 2012.

Samantala, nasungkit naman nina Liezl Dumaguin mula sa bayan ng Buruanga at Ramon Alex ng bayan ng Ibajay ang unang pwesto bilang Mutya at Lakan sa nasabing patimpalak.

Pangalawang pwesto naman ang nai-uwi nina Diasy Batch ng Balete at Elven Tiel ng Tangalan.

Bagamat, hindi naiuwi ang korona ng kandidata at kandidato ng bayan ng Malay sa ginanap na pageant kagabi, nag bitbit naman ng tatlong awards ang representante ng bayan sa Mutya ng Ati-atihan na si Olive Absalon.

Gayum paman, kahit hindi nagwagi at nakakuha ng pwesto si Absalon at kandidato sa Lakan ng Malay na si Ken Cahilig, naging maganda naman ang ipinakitang performance ng dalawa.

Ang Mutya ag Lakan it Kalibo Ati-Atihan 2012, ay isa sa mga nagbibigay kulay sa taunang selibrasyong ng Kalibo, Ati-atihan Festival, kung saan ngayong 2012 ay gaganapin ito sa darating na katorse at a-kinse ng buwang kasalukuyan.

Main Road sa Boracay, pinaiiwasang daanan ng mga magsasadsad sa Boracay Ati-atihan

Ni Edzel Mainit, Senior Field Reporter, YES FM Boracay

Pinaiiwasan ang mainroad sa mga magsasadsad para hindi bumigat ang trapik.

Ito ang nais ngayon ng mga awtoridad sa isla sa darating na linggo kung saan, ipagdirawang ang Ati-Atihan sa Boracay.

Ito ang napag-usapan sa pulong kahapon para sa siguridad at kaayusan ng isla kaugnay sa selbrasyong ito.

Hiniling naman ni Boracay Administrator Glenn Sacapaño na  pina-iiwasan sa mga magsasadsad ang mainroad upang hindi magka-problema at  magkabuhol-buhol ang trapik sa araw na iyon.

Dahil dito, tanging ang front beach at pathway lamang ang lugar na inilaan para sa mga magsasadsad na tribu at dadaanan ng prosisyon.

Hiling din ni Sacapaño sa mga deboto ni Sr. Santo Niño na kung maaari ay iwasang magbitbit ng bote ng nakakalasing na inumin sa kasagsagan ng sadsad.

Maliban dito, kung may mapansin umanong hindi kanais-nais na maaaring pagmulan ng gulo sa grupong kasali sa magsasadsad, kung maaari ay ipagbigay alam agad ito sa awtoridad para ma-aksiyunan at hindi na magkagulo pa.

Samantala, para maiwasan ang negatibong komento sa Boracay, wish ng administrador na sana ay iwasan ang gulo at nambastos ng kapwa, gayon din sana ay magkaroon ng desiplina ang mga ito para hindi naman mapahiya ang Boracay sa mga turista.