Mga hotel sa Boracay, hinikayat na maging “green”

Posted July 30, 2016

Ni Jay-ar M. Arante, YES FM Boracay

Hinikayat ngayon ng Department of Trade and Industry (DTI) Aklan ang mga hotel at establishment sa isla ng Boracay na maging environment-friendly.

Ito’y bilang kanilang tugon sa panawagan ng Duterte administration for environmental preservation ayon kay DTI Aklan Officer In-Charge Carmen Iturralde.

Ayon kay Iturralde, makikipagpulong umano ito sa ibat-ibang sektor para mapag-usapan kung paano ang paggamit ng “green’ items” gayon din at umaasa umano siya na masisiyahan ang mga hotel sa Boracay sa inisyatibong ito.

Nabatid na kung ang mga hotel ay bibili ng produktong gagamitin mula sa recyclable materials sa Aklan, lokal na magsasaka at mga negosyante ay magkakaroon ng motibasyon ang mga ito na magtanim ng madaming puno at halaman.

Matatandaang sa unang State of the Nation Address noong Lunes ni Pangulong Rodrigo Duterte ay tinawag nito ang pansin ng publiko na tumulong sa pagpreserba ng kalikasan.

E-trike driver, arestado matapos tangkaing saksakin ang kaibigan

Posted July 30, 2016

Ni Inna Carol L. Zambrona, YES FM Boracay

Bagsak sa kulungan ang isang E-trike driver matapos umano nitong tangkaing saksakin ang kaibigan sa Sitio Diniwid, Balabag, Boracay kagabi.

Sa report ng biktima na si Jever Solis, 18-anyos sa Boracay PNP, nilapitan umano siya ng suspek na si alyas “ARL” at tinangkang saksakin ng kanyang hawak na kutsilyo.

Mabilis naman umano itong naawat ng biktima at sinubukang kunin ang kutsilyo ngunit nagresulta naman ito sa pagkakaroon ng sugat sa kanyang kamay.

Nabatid na nasa ilalim ng nakakalasing na inumin ang suspek ng magawa nito ang pananangkang pagpatay sa biktima kung saan ito din ang itinuturong dahilan para wakasan ang buhay ng kanyang kaibigan.

Agad namang na-aresto ang suspek ng mga pulis at ngayon ay pansamantalang naka-kustudiya sa himpilan ng Boracay PNP Station.

Boracay excited na masama sa isa sa aktibidad ng Miss Universe 2017

Posted July 30, 2016

Ni Jay-ar M. Arante, YES FM Boracay

Ngayon pa lamang ay excited na ang mga Aklanon dahil sa posibleng pagbisita ng mga contestants ng Miss Universe sa isla ng Boracay sa taong 2017.

Sa panayam kay Malay Tourism Officer Felix Delos Santos, na isa umano itong oportunidad sakaling matuloy ang pagbisita sa Boracay ng mga naggagandahang dalaga ng Miss Universe.

Dahil dito, kailangan din umano nilang ma-meet ang standard ng organizer ng nasabing event kung saan pagdating umano sa produkto at serbisyo sa Boracay ay handang-handa na umano ito.

Ayon pa kay Delos Santos, handa sila sakaling matuloy ang isa sa mga aktibidad ng Miss Universe sa isla dahil sa ilan na rin umanong mga International event ang ginanap sa Boracay.

Una nang kinumpirma ni Tourism Secretary Wanda Teo na gaganapin ang month long pageant sa Vigan, Davao, Cagayan de Oro, Cebu, Palawan at Boracay.

Ito ang ikatlong beses na magaganap ang Miss Universe sa Pilipinas- una noong 1974 na ang reigning queen ay ang ating kababayan na si Margarita Moran at pagkatapos ay noong 1994 noong panahon ni Dayanara Torres.

Ang Miss Universe ay nakatakda isagawa sa January 30, 2017 na gagastosan ng mga private sector sa bansa.

Mga pulis na galing sa RSPB tutulong sa operasyon ng BTAC sa Boracay

Posted July 29, 2016

Ni Inna Carol L. Zambrona, YES FM Boracay

Hindi lang ngayon Ati Community sa Ati Village sa Boracay ang tututukan ng mga pulis na galing sa Regional Public Safety Battalion (RPSB).

Ito ang ipinaabot ni Police Inspector Ryan Panadero sa pagdalo nito sa SB Session ng Malay para sa pagbabago ng kanilang operasyon sa isla.

Ayon kay Panadero, tututukan din umano nila ang pagpapatupad ng seguridad sa ibang area ng Boracay lalo na sa mga residente na nakatira dito.

Suporta din umano nila sa pakikipagtulungan ang Boracay PNP at ang Malay PNP na matulungan ang publiko lalo na ang isla ng Boracay na nakahanda  sila sa anumang responde.

Nabatid na merong 13 pulis ng RSPB ang naka-duty ngayon sa naturang lugar kung saan layon nila na maprotektahan ang komunidad ng Ati sa Boracay.

Boracay West Cove, sumailalim sa surprise inspection ng SB Malay

Posted July 29, 2016

Ni Inna Carol L. Zambrona, YES FM Boracay

Nagsagawa ng surprise inspection ang Sangguniang Bayan ng Malay at ang Engineering Office sa Boracay West Cove sa Sitio Diniwid, Brgy. Balabag nitong nakaraang araw.

Ito ay pinangunahan nina SB member Neneth Aguire-Graf at Dante Pagsugiron kasama sina Municipal Engineer Elizer Casidsid at ang Licensing at Zoning Office.

Sa pagbisita nila sa lugar ay nakaharap mismo ng mga ito ang may-ari ng Westcove na si Crisostomo “Kris” Aquino kung saan pinag-usapan naman nila ang patuloy na construction sa nasabing lugar dahil sa may ilan umano itong nilabag sa mga ordinansa ng LGU at ng DENR.

Iginiit naman ni Aquino na wala umano silang nilalabag sa pagpapalaki ng kanilang resort dahil meron umano silang mga dokumento na pinanghahawakan.

Samantala, humingi naman ng kopya ng mga dokumento ang SB upang makita kung wala nga ba ang mga itong nilalabag na.

Maliliit na negosyante sa Western Visayas inilapit sa mga buyer sa Boracay

Posted July 29, 2016

Ni Jay-ar M. Arante, YES FM Boracay  

Sagana sa ibat-ibang produkto ang Western Visayas.

Ito ang pinatunayan ng maliliit na negosyante sa ginanap na Trade Fair ng Department of Trade and Industry (DTI) Aklan kahapon sa La Carmela De Boracay.

Layun nito na mailapit ang mga ito lalo na ang mga taga Aklan na sakop ng Micro Small and Medium Enterprises (MSMs) sa mga buyer sa isla ng Boracay.

Pinangunahan naman mismo ni Ma. Carmen Ituralde, DTI OIC Prov'l Director ang naturang aktibidad kung saan mahigit dalawangpung MSMs ang dumalo rito mula sa Aklan, Antique, Guimaras at Negros Island.

Maliban dito dinaluhan din ito ng mga stakeholders sa Boracay, restaurant manager at mga malalaking negosyante sa isla kung saan ipinakita sa kanila ang ibat-ibang produkto na kagaya ng frozen products, pasalubong, accessories, lamp shades, organic product at iba pang produkto na nababagay sa turismo ng Boracay.

Ikinatuwa naman ng mga taga Boracay na may mga ganitong produkto na makikita mismo sa probinsya at kalapit na lugar na puwedi nilang maging supplier.

Samantala, nagpasalamat naman si Ituralde sa mga dumalo at naniniwala ito na mabibigyan ng pagkakataon ang mga MSMs na tangkilikin sa Boracay ang kanilang mga negosyo na pangunahing pinagkukunan ng kanilang hanap buhay.

Musician, sinaksak ng bote ng kapwa Musician

Posted July 29, 2016

Ni Inna Carol L. Zambrona, YES FM Boracay

Sugatan ang isang lalaking Musician matapos itong saksakin ng basag na bote ng alak ng kapwa Musician nito sa Balabag, Boracay.

Salaysay ng biktima na si Allan Levi Tan, 26-anyos sa Boracay PNP, kinumpronta umano siya ng suspek na si alyas Carl tungkol sa narinig na balita laban sa kanya.

Dahil dito, ay nagkaroon ng mainitang diskusyon ang dalawa hanggang sa nagkasakitan ang mga ito kung saan kumuha pa ang suspek ng bote ng alak at hinampas nito ang biktima ngunit mabilis naman itong naiwasan ng huli.

Subali’t hindi pa umano nakuntento ang suspek kahit inawat na ang mga ito ng kanilang kaibigan hanggang sa kinuha na nito ang basag na bote at sinaksak sa kaliwang balikat ng biktima.

Samantala ang suspek ay agad namang nahuli ng mga pulis at ngayon ay naka-kulong na sa Boracay PNP station habang ang biktima ay nasa ligtas namang kundisyon matapos na mabigyan agad ng medikasyon ang tinamo nitong sugat.

Drug test ipapatupad din sa mga media sa Aklan

Posted July 29, 2016

Ni Jay-ar M. Arante, YES FM Boracay

Handa rin ngayong magpatupad ng random drug test ang mga media sa probinsya ng Aklan.

Ito’y matapos magkasundo ang tatlong malalaking organisasyon ng media sa probinsya na magsagawa ng nasabing test sa ginanap na pulong nitong nakaraang araw basi rin sa patuloy na kampanya ng mga pulis laban sa illegal drugs.

Layun ng nasabing aktibidad na malinisan ang mga kasapi ng media na hindi gumagamit at nagtutulak ng illegal drugs sa Aklan.

Nabatid na ang isasagawang drug test ay nagpagkasunduan ng Aklan Police Defense Press Corps na pinapangunahan ni Jan Allen Ascano, Aklan Press Club sa pamumuno naman ni Gary Vargas at KBP Aklan sa pangunguna ni Allan Palma.