“No Compliance, No Bookings” sa re-opening ng Boracay – DILG

Posted July 19, 2018

Boracay Island--Pinayuhan ngayon ng Depeartment of Interior and Local Government o DILG ang mga resort owners na huwag tumanggap ng mga bookings kapag hindi pa kumpleto ang mga permits para sa pag-operate ng kanilang mga negosyo.

Kasunod ito ng deklarasyon ni  Secretary Roy Cimatu na tuloy na ang pagbubukas ng Boracay sa itinakdang petsa na October 26, anim na buwan pagkatapos na isinara ang isla para sa rehabilitasyon.

Sa panayam kay DILG Action Officer Martin Despi, patuloy ang kanilang koordinasyon sa mga establisyementong may mga kulang na dukomento at permits para punan ito bago ang pagbubukas at nang sa ganun ay ma-sertipika na “compliant”.

Sa mahigit dalawang-libo na inispeksyon ng DILG at Licensing Office ng Malay, nasa mahigit 300 pa lang umano ang compliant sa kasalukuyan.

Payo nito sa mga hindi pa compliant, i-proseso ang kulang sa checklist ng mga permits at isumite sa DILG Operation Center para hindi maantala ang kanilang pagtanggap ng turista lalo na sa online bookings.

Karamihan sa mga nakitang paglabag sa ginawang inspeksyon ay kulang na mga dokumento sa Buerau of Fire na Fire Safety Inspection Certificate, occupancy permit at building permit.

Paglilinaw ni Despi, kahit na may Mayor’s Permit/Business Permit subalit may kulang na dokumento ay maituturing pa rin na non-compliant.

Nagpatulong na rin ang DILG sa BFI at PCCI para mapayuhan at mahikayat ang mga nasa 520 na saradong establisyemento na ma-update ang mga ito sa hakbang na ginagawa ngayon ng ahensya.

Samantala, malaking hamon naman sa ngayon sa panig ng DENR kung sa papaanong paraan nila ipatupad ang Memorandum Circular patungkol sa STP o Sewage Treatment Plant sa mga malalaking resort sa nalalabing mga buwan bago ang re-opening ng Boracay.

Kung maaalala, kinasuhan na ang ilan sa mga identified violators na naglalabas ng wastewater sa dalampasigan at posibleng hindi rin papayagang mag-operate kung hindi aayusin ang mga nilabag na batas.

#YesTheBestBoracayNEWS

#BoracayClosure

Bangkay ng isang lalaki natagpuan sa wetland area ng Manocmanoc

Posted July 18, 2018

Boracay Island - Isang bangkay ang nadiskubre nitong Miyerkules ng umaga sa wetland portion ng Sitio Ambulong sa ManocManoc matapos itong ipaalam ng isang concerned citizen sa mga otoridad.

Photo Credit - PO1 URETA, PNP

Sa pagdating ng rumespondeng pulis, tumambad sa kanila ang isang bangkay ng lalake na tinabunan ng mga sanga at dahon ng nipa na kalaunan ay kinilala ng kapatid dahil sa kaniyang kasuotan.

Ang bangkay ay kinilalang si Donie Manuel, 49-anyos ng Sta. Fe Romblon at pansamantalang naninirahan at nagtatrabaho bilang construction worker sa Sitio Tulubhan.

Sa inisyal na imbestigasyon ng Boracay PNP Sub-Station, ayon sa nagpakilalang witness na si Sadam Nacionales Y Sta. Maria , noong nakaraang Sabado ng madaling araw ay ikinuwento sa kanya ng suspek na meron itong pinatay at itinapon umano nito ang bangkay malapit sa kanilang bahay.

Sinabihan pa umano siya ng suspek na “Kun hindi ka magpati ayani bala to”, at ng makita ng witness ang bangkay ay binantaan umano ito na siya ang isusunod kung magsusumbong sa mga pulis.

Sa pagtatanong ng otoridad kay Nacionales, ang suspek ay si Glemer Escasulatan y Pagayunan, 25-anyos, taga Dao Capiz at pansamantalang naninirahan sa nasabi ring lugar.

Samantala, ayon sa kapatid ng biktima, noong Sabado pa ito nawawala at nagtataka ang mga kasamahan nito dahil hindi na ito pumasok sa kaniyang pinagtatrabahuan.

Ang bangkay ng biktima ay isasailalim sa Postmortem Fingerprinting para malaman ang sanhi ng kaniyang pagkamatay.

Patuloy namang pinaghahanap ng mga otoridad ang itinuturong suspek para mapanagot sa ginawang krimen.

#YesTheBestBoracayNEWS