Aklanong pulis,pinarangalang “Best Performing Investigator” sa buong Pilipinas

Posted June 18, 2016

Ni Inna Carol L. Zambrona, YES FM Boracay

Pinarangalan ngayon ang isang Aklanon pulis ng Best Performing Investigator sa Aguinaldo Golf Club, Quezon City.

Nakilala ang pulis na si PO1 J-Mar Moises ng Kalibo PNP kung saan kabilang siya sa pinarangalan ng Investigation and Detective Management Division o (IDMD) sa buong Pilipinas.

Napag-alaman na ang nasabing pagkilala ay base sa mga nai-file nitong kaso at mga nalutas na imbestigasyon simula June 2015 hanggang May 2016.

Pasukan ng mga estudyante sa Balabag, Elementary, School, naging maayos

Posted June 18, 2016

Ni Inna Carol L. Zambrona, YES FM Boracay

Naging maayos umano ang unang linggo ng pagbubukas ng klase sa Balabag, Elementary, School.

Ayon kay Ligaya Aparicio Principal 1 ng Balabag Elementary,School, simula umano sa kindergarten hanggang sa Grade 6 ay wala silang naging masyadong problema sa mga estudyante.

Sinabi pa nito, na ito ay isang magandang simula sa kanilang mga guro at mga estudyante dahil sa unang araw palang ng pasukan ay nagsagawa agad sila ng klase.

Aniya, ito umano ay dahil sa maagang nagpa-enrol ang mga mag-aaral kung saan malaking tulong din sa kanila ang taunang ginagawang Brigada Eskwala.

Personal na tinukoy nito na ang nakagawian umano dati sa unang araw ng klase ay naglilinis pa lamang sila imbes na magturo.

Samantala, nagpapasalamat naman si Aparicio sa mga guro sa Balabag, dahil sa kanilang pagtutulungan pagdating sa mga kanilang gawain.

Maliban dito, patuloy parin ang kanilang pagtanggap ng mga estudyanteng mag e-enroll hanggang sa Hunyo-17.

Libro sa mga paaralan puweding bilhin sa labas-DepEd

Posted June 18, 2016

Ni Jay-ar M. Arante, YES FM Boracay

Maaari naman umanong bilhin sa labas ng mga paaralan ang kanilang mga libro ayon sa Department of Education (DepEd).

Ito ang sinabi ni Chief Education Supervisor Curriculum Implementation Division DepEd Aklan Dr. Dovie Parohinog sa himpilang ito.

Ayon kay Dr. Parohinog, wala namang batas sa DepEd na nagbabawal na maaari kang bumili ng libro o aklat sa labas ng paaralan.

Nabatid kasi na may ilang paaralan na nagre-require sa kanilang mga estudyante na kailangang doon lang sila bumili ng libro ngunit mahal umano ang presyo nito kumpara sa labas.

Napag-alaman na ilan lamang ito sa mga sitwasyon ngayong pagbubukas ng klase.

Bayan ng Malay isa sa mga napiling Beneficiaries ng Handog Titulo program ng DENR

Posted June 18, 2016

Ni Jay-ar M. Arante, YES FM Boracay

Isa ang bayan ng Malay sa napiling maging benipisyaryo ng Handog Titulo program ng Department of Environment and Natural Resources (DENR) sa probinsya ng Aklan.

Ito ay sa pakikipagtulungan sa Land Registration Authority sa pamamagitan ng Registry of Deeds at ng Department of Education (DepEd) nitong Hunyo 10.

Kasama sa mga nabigyan ng libreng titulo ang 19 na mga paaralan sa bayan ng Altavas, Banga, Balete, Batan, Kalibo, Tangalan at Nabas at 14  naman na agricultural land recipients mula sa mga bayan ng Numancia, Malay, Balete, Tangalan, Madalag, Altavas at Banga.

Nabatid na ang distribusyon ng patent titles ay may kaugnayan sa DENR’s Environment Month celebration na may temang “Go Wild for Life, Combat Biodiversity Loss, #GreenEnvironmentGawingForever.”

Matatandaang nitong nakaraang taong 2015, ay namahagi rin ang DENR ng special patents sa 22 paaralan sa siyam na bayan sa Aklan sa ilalim ng pangalan ng Department of Education, alinsunod sa Republic Act No. 10023 o ang Residential Free Patent Act of 2010.

Kabuuang budget ng MEEDO Malay para sa 2016, ini-refer na sa Provincial Local and Finance Committee

Posted June 18, 2016

Ni Inna Carol L. Zambrona, YES FM Boracay

Ini-refer na ang kabuuang budget  para sa taong 2016 ng Municipal Economic Enterprises Development Office (MEEDO) ng LGU-Malay  sa Provincial Local Finance Committee (PLFC).

Sa ginanap na 20th Regular Session ng SP Aklan, nabatid na ang budget na nasa resulotion No. 029 ay ini-refer na para sa pag-aproba ng PLFC kung saan nagkakahalaga ito ng P20, 220,800.00.

Ang nasabing  budget umano ay tinatawag na Income Generating Project kung saan gagamitin ito sa mga Filter house, operasyon ng Jetty Port, slaughter house, health office at iba pang income re-sources ng Malay.

Dalawang empleyado ng Kalibo International Airport, pina-alis sa trabaho matapos maging positibo sa drugtest

Posted June 18, 2016

Ni Inna Carol L. Zambrona, YES FM Boracay

Sinibak sa trabaho ang dalawang empleyado ng Kalibo International Airport (KIA) matapos itong magpositibo sa drugtest.

 Nakilala sa isinagawang drugtest ang dalawang empleyado na sina Jeffry Dordas security guard at Renato Roque facility cleaner ng nasabing paliparan.

Sinabi ni airport manager Engr. Martin Tere, ang random drug testing ay isinagawa noong Abril 21, 2016 ng Office of the Flight Surgeon and Aviation Medicine sa 125 contractual at regular na empleyado ng Kalibo Airport.