Aklan PPO naka full-force na ngayong Semana Santa

Posted March 23, 2016

Ni Jay-ar M. Arante, YES FM Boracay

Ipinag-utos na ni Senior Superintendent John Mitchell Jamili, acting APPO director ang pagbabantay ng seguridad sa mga pangunahing lugar sa probinsya lalo na sa isla ng Boracay.

Kabilang sa mga pinalalagyan ng mga pulis ni Jamili ay ang mga terminal ng bus, mall, simbahan, paliparan at iba pang matataong lugar na dadagsain ngayong Semana Santa.

Maliban dito, pinaigting na rin ni Jamili ang seguridad sa isla ng Boracay kung saan nagsimula ng magbuhos ang dami ng mga pasahero sa mga pantalan.

Sa ngayon all-out na rin umano ang pwersa ng Boracay PNP kasama ang Philippine Army at iba pang force multipliers sa isla kung saan naka-antabay na ang lahat ng mga kapulisan sa mga tataong lugar sa isla lalo na sa long beach area.

Kaugnay nito, nakakatutok din sa pag-siguro ng segurdid ang APPO sa Tigayon at Manduyog Hills kung saan dinadagsa ito ng maraming tao at turista tuwing Semana Santa para mag station of the cross.

Samantala, nakalatag na rin ngayon ang mga help disk sa Caticlan at Cagban Jetty Port para sa inaasahang pagbuhos ng libo-libong turista at mga taong uuwi sa kani-kanilang probinsya ngayong araw.

DepEd Malay handa na sa Senior High School

Posted March 23, 2016

Ni Jay-ar M. Arante, YES FM Boracay

Handa na umano ang Department of Education (DepEd) Malay sa Senior High School sa pagsisimula ng implementasyon nito ngayong darating na pasukan.

Ayon kay Senior High School Coordinator Val Casimero ng District Malay, ready na umano ang mga silid aralan at mga gamit na gagamitin para sa K-to-12 Program.

Sinabi nito na sa K-to-12 program ay magiging mandatory ang kindergarten ng isang taon, anim na taon naman sa elementarya (Grade 1 hanggang 6), apat na taon sa junior high school (Grade 7 hanggang 10), at dalawang taon sa senior high school (Grade 11 hanggang 12).

Layun umano ng programang ito na maging handa ang mga kabataan sakaling sila ay didiritso sa kolehiyo, trabaho, negosyo at maging globally competitive.

Ang k-to-12 ay mandato ng Republic Act 10533 Enhanced Basic Education Act of 2013 na nilagdaan ni Pangulong Benigno Aquino Jr. noong Mayo 9, 2015.

BFP Boracay, may paalala sa mga magbabakasyon ngayong Semana Santa

Posted March 23, 2016

Ni Inna Carol L. Zambrona, YES FM Boracay

Doble paalala ngayon ang Bureau of Fire Protection Unit (BFP) Boracay sa mga magbabakasyon ngayong Semana Santa.

Ayon kasi kay Fire Officer 3 Oscar Deborja ng BFP Boracay, dapat umanong mag-doble ingat ang publiko lalong-lalo na sa kanilang bahay na maiiwan pag-sila ay magbakasyon kung saan sinabi nito na dapat i-off ang main switch ng kuryente para maka-iwas sa sunog.

Bilin pa ni Deborja sa mga residente na ipag-bigay alam sa kanilang mga kapitbahay kung sila ay aalis upang ng sa ganon ay malaman na walang tao at mabantayan din nila ito.

Kaugnay nito payo naman niya sa mga babyahe gamit ang kanilang sasakyan ay i-double check muna ang battery at gasolina bago ito gamitin upang maka-iwas nadin sa disgrasya.

Samantala, naka-red alert din ang kanilang himpilan para sa seguridad ng tao ngayong Semata Santa sa Boracay.

Fruit vendor na lola sa Boracay, ninakawan

Posted March 23, 2016

Ni Inna Carol L. Zambrona, YES FM Boracay

Nanlumo na nagsumbong sa mga pulis ang isang lola na nagbebenta ng prutas sa Boracay matapos itong pagnakawan sa harap ng Pawnshop sa Brgy.Balabag, Malay, Aklan kagabi.

Nakilala ang biktima na si Dignidad Dalida 77-anyos residente ng Brgy. Fulgencio, Balete, Aklan at temporaryong nakatira sa Brgy. Manoc-manoc, Boracay.

Sa report nito sa Boracay PNP, iniwan niya umano ang kanyang bag sa kanyang stall na nag-lalaman ng mga importanteng ID at cash na nag-kakahalaga ng P 4, 000.

Napag-alaman na sa pag-iimbestiga ng mga pulis sa lugar ay iniwan umano ng biktima ang kanyang bag para umihi ngunit sa pagbalik nito wala na ang kanyang bag at tinangay ng sinasabing magnanakaw.

Local campaign period, March 26 pa!, Mga pulitiko pinayuhan ngayong Semana Santa

Posted March 22, 2016

Ni Jay-ar M. Arante, YES FM Boracay

Nilinaw ngayon ng Commission on Elections (Comelec) na sa darating pa na Marso 26 ang pagsisimula ng local campaign period.

Ito ang pag-kaklaro ng Comelec kung saan mahigpit na ipinagbabawal ang pangangampanya sa Marso 25, lalo na’t tumapat ito sa Biyernes Santo.

Ayon kay Getulio Esto ng Comelec Provincial Office, iwasan muna ang pangangampanya o pag ikot-ikot ngayong Semana Santa at unahin muna ang pag-alala sa naging sakripisyo ng Diyos.

Dahil dito magsisimula umano ang campaign kick-off ng mga lokal na kandidato na kinabibilangan ng mga congressmen, governors, vice governors, provincial board members, city and municipal mayors, at city and municipal councilors ay magsisimula pa sa Sabado de Gloria.

Samantala, matatandaan na nitong Pebrero 9 nagsimula ang campaign period para sa national candidates na kinabibilangan ng Pangulo, Bise-Prsidente, Senador at Party-list representatives.

DOT, tutok sa marketing and promotion ng isla ng Boracay

Posted March 22, 2016

Ni Jay-ar M. Arante, YES FM Boracay

Photo credit to Altavistaboracay.com

Isa sa tinututukan ngayon ng Department of Tourism (DOT) ay ang marketing and promotion sa ibang bansa ng isla ng Boracay.

Ito ang sinabi ni DOT Boracay Sub-Office Tourism Assistant Kristoffer Leo Velete, sa panayam ng himpilang ito.

Ayon kay Velete, nagbigay umano sa kanila ng advice si DOT Regional Director Helen Catlabas na hikayatin ang mga turista sa ibang bansa na subukan ang mag-bakasyon sa isla ng Boracay.

Sinabi pa nito na isang daang porsyento naman ang kanilang ginagawang promotion sa labas ng bansa para sa Boracay.

“hamon din ito sa DOT na e-promote pa ang isla ng Boracay sa mga bansa na hindi pa ito masyadong kilala”ani Velete.

Samantala, hinihikayat naman ng nasabing departamento ang publiko na mag-post ng mga magagandang larawan ng Boracay sa social media para mahikayat ang mga dayuhan na pumunta sa nasabing isla.

Lalaking wanted sa kasong child abuse sa Naga City, arestado sa Boracay

Posted March 22, 2016

Ni Inna Carol L. Zambrona, YES FM Boracay

Arestado ngayon ang isang lalaking wanted sa kasong child abuse sa Naga City sa Sitio Ambulong Brgy. Manoc-manoc kagabi.

Nakilala ang naarestong si Rodolfo Narido 28-anyos residente ng Cadlan Pili, Camarines Sur at temporaryong nakatira sa nasabing Brgy.

Sa report ng Boracay PNP, nahuli ang suspek na may kasong Violation of RA 7610 o child abuse at may criminal case no. RTC 2015-0049 na inisyu ni presiding judge Erwin Virgilio Ferrer ng 5^th judicial Region branch 20 ng Naga City at may petsang Pebrero 6, 2015.

Samantala, nagkakahalaga naman ng P80, 000 ang inilaang piyansa ng korte para sa kanyang pasamantalang kalayaan na ngayon ay nasa kustudiya pa ng Boracay PNP at nakatakdang i-turn over sa nasabing korte.

Red Cross Boracay Malay Chapter mayroon ng 11 certified swimming Instructors

Posted March 21, 2016

Ni Inna Carol L. Zambrona, YES FM Boracay

Photo Credit by: Jay Pee

Masaya ngayon ang Philippine Red Cross Boracay-Malay Chapter dahil sa pagkakaroon nila ng 11 certified swimming instructors.

Ayon kay PRC Deputy Administrator John Patrick Moreno, lahat umano ng mga lifeguard sa Boracay ay sumubok sa isinagawang training nitong nakaraang linggo sa Boracay kung saan labin isa rito ang binigyan ng certificate at pito naman ay nabigyan ng lisensya.

Dahil dito certified na umano silang magturo sa larangan ng paglalangoy kung saan sinanay pa umano ang mga ito ng mga professional lifeguards mula sa PRC chapter ng National headquarters, Ormoc City Chapter, Capiz Chapter at Iloilo Chapter.

Samantala sa ngayon ay patuloy naman ang kanilang isinasagawang meeting sa pagbibigay ng mga rules and regulation ng lifeguards at bilang paghahanda narin ngayong Super Peak Season sa isla ng Boracay.