2016 budget ng Kalibo, dinis-aproba ng SP Aklan

Posted March 5, 2016

Ni Inna carol L. Zambrona, YES FM Boracay

Dinis-aproba ngayon ng Sangguniang Panlalawigan Aklan ang 2016 budget ng Kalibo.

Sa ginanap na 6th SP Regular Session, hindi umano ito inaprobahan ng mga myembro ng SP Aklan kung saan ang naturang budget ay nagkakahalaga ng P224, 139, 643.40 para sa budget ng bayan ng Kalibo.

Dahil dito, nagpasa naman ang isang miyembro ng SP ng motion for resolution para muli itong talakayin sa darating na Miyerkules sa 7th regular session.

Kaugnay nito, ikinalungkot naman umano ito ng alkade ng Kalibo na si Mayor William Lachica dahil sa hindi pag-abroba ng nasabing budget na ilalaan sa ibat-ibang proyekto sa bayan ng Kalibo.

Manoc-manoc naglaan ng P44 Milyon para sa mga bagong kalsada sa brgy.

Posted March 5, 2016

Ni Jay-ar M. Arante, YES FM Boracay

Naglaan ngayon ng budget na P44 Milyon ang brgy. Manocmanoc sa Boracay para sa kanilang mga bagong road infrastructure.

Ito ang sinabi ni Manoc-manoc Brgy. Captain at Liga President Abruam Sualog sa himpilang ito.

Aniya, may mga bago ng access road sa naturang brgy. kagaya ng mula sa Tambisaan papuntang Manoc-manoc proper at Bet Shalom at iba pang kalsada na papunta naman sa Cagban Port.

Sinuri na rin umano ito ng DPWH at nakatakda ng masimulan ang naturang proyekto kung saan nakausap na din umano ni Sualog ang mga mag-ari ng lupa na nagbigay ng right of way.

Nabatid na ang mga nasabing kalsada ay paglalagyan din ng mga streetlights kabilang na ang bagong kalsada mula sa may Rotonda papunta sa Sitio. Angol.

Nakuhang P3 Milyon ng DILG Malay sa SGLG ipinatayo ng Navigation light house

Posted March 5, 2016

Ni Jay-ar M. Arante, YES FM Boracay

Ipinagawa umano ng Department of Interior and Local Government (DILG) Malay ng Navigation light house sa Sambiray ang kanilang nakuhang premyo sa Seal of Good Local Governance.

Ayon kay Malay Local Government Operations Officer (MLGOO) II Mark Delos Reyes, ito ang kanilang pinag-gamitan sa premyong Tatlong Milyong peso.

Nabatid na ang Seal of Good Local Governance ng DILG ay kumikilala sa mga bayan at Provincial Government na may magandang performance sa pamamagitan ng kanilang 6 core values assessment.

Ang navigation light house ay nasa ilalim ng operasyon ng Philippine Coastguard kung saan malaki umano itong tulong sa kaligtasan lalo na sa mga mangingisda kung saan ang kanilang mga bangka ay hindi moderno para sa paglalayag.

Samantala, hiling naman ni Delos Reyes na sana ay muli silang makapasok sa Seal of Good Local Governance para sa mas marami pang proyektong maipatayo sa bayan ng Malay.

Mga Security Guard sa Boracay sumailalim sa seminar ng NTC kaugnay sa paggamit ng Hand Held Radio

Posted March 4, 2016

Ni Inna Carol L. Zambrona, YES FM Boracay  

Mahigit 60 Security Guard sa Boracay ang sumailalim sa seminar ng National Telecommunication Commission (NTC) Region 6 tungkol sa paggamit ng Hand Held Radio.

Sa pangunguna ni Engr. Nestor Antonio Monroy, Engr. Leah Dela Cruz-Doromal at Engr. Canille Caesar Dalumpines, ay nagbigay ang mga ito ng panuntunan sa tamang paggamit ng Hand Held Radio.  

Kabilang sa mga itinuro sa kanila ang Technical Concepts of Radio Waves, Traffic, Handling, Safety and Preventive Maintenance at iba pang mahahalagang bagay kaugnay sa paggamit ng naturang radyo.

Ayon kay Monroy, pumunta umano sila dito sa isla ng Boracay upang ibahagi sa mga Security Guard ang legal operation ng radyo.

Sa pagtatapos ng nasabing seminar ay nabigyan naman ng karagdagang impormasyon at kaalaman ang mga security guard kauganay sa paggamit nito at kung anong mga bagay ang dapat iwasan na magreresulta ng panganib sa bawat isa o sa kanilang trabaho.

Ang naturang seminar ay ginanap sa Casa Pilar Convention Hall Boracay kaninang ala-ona ng hapon.

Construction sa reclamation project sa Caticlan; sisimulan na pagkatapos ng eleksyon

Posted March 4, 2016

Ni Jay-ar M. Arante, YES FM Boracay

Sa pagtatapos umano ng eleksyon sa Mayo ay magsisimula naman ang isasagawang construction sa reclamation project sa Caticlan Jetty Port.

Ito ang tiniyak ni Jetty Port Administrator Niven Maquirang sa panayam ng himpilang ito.

Ayon sa Administrator, matatapos na umano ang pagtatambak sa northern part o sa may cargo area kung saan wala na rin umanong masyadong movement ng sasakyan sa loob ng reclamation dahil sa pinapahinto na rin ito.

Sinabi din nito na ang lahat ng access na puweding gamitin sa katabi nito, ay pinapasarado na rin para maging-ligtas ang nasabing area dahil sa anumang oras umano ay maaari na silang mag-umpisa ng unang proyekto sa pamamagitan ng pagtatayo ng finger port na siyang magsisilbi para sa mga Ferry, Speedboat at Private boat, kasama na ang pagtatayo ng bagong terminal building.

Samantala, dagdag nito na kailangan munang unahin ang port para maaari rin nilang ma-accommodate ang mga bangka na mahirap makapasok sa tuwing lowtide sa kasalukuyang Jetty port.

Dagdag pa ni Maquirang na nailatag na rin ang budget para rito at lahat ay aprobado na kung saan nakatakda rin umano itong iprisinta sa Sangguniang Panlalawigan at sa mga stakeholders sa Aklan.

Ang reclamation area ay sinasabing patatayuan din ng malaking parking area, mall, hotel at iba pang mga business establishment sa loob.

Boracay PNP full-force na sa Semana Santa at sa super peak-season sa Boracay

Posted March 4, 2016

Ni Jay-ar M. Arante, YES FM Boracay

Full-force na umano ang Boracay PNP Station para sa darating na Holy Week at pagpasok ng super-peak season sa isla ng Boracay.

Ayon kay Police Inspector Mark Joseph Gesulga, nakahanda na ang kanilang hanay para sa pagpapaigting ng seguridad sa inaasahang pagdagsa ng maraming turista sa isla ngayong buwan.

Aniya, may mga pulis umano ngayong naka-duty sa Puka Beach, Diniwid, Back Beach area, Mangrove at sa mga matataong lugar sa Boracay.

Sinabi pa ni Gesulga na malaking tulong umano ang kanilang ATV mobile patrol na nag-papatrolya sa mismong beach area gayon din ang mga bagong naka-install na mga CCTV camera sa isla.

Nabatid na libo-libong tao ang dumadagsa sa isla ng Boracay sa tuwing Semana Santa at super peak-season sa panahon ng summer.

Ang Boracay PNP ay may kabuuang 140 personnel na tumutulong sa pananatili ng kaayusan at seguridad sa Boracay lalo na pagdating sa mga turista.

Bahay sa loob ng isang compound sa Boracay, ninakawan; cash tinangay

Posted March 4, 2016

Ni Inna Carol L. Zambrona, YES FM Boracay

Nanlumo ang isang ginang matapos na akyatin ng kawatan ang kanilang bahay sa loob ng isang compound sa Sitio Bantud, Brgy. Manoc-manoc, Boracay.

Sumbong ng biktima si Babydin Isagan 33- anyos sa Boracay PNP, nagising umano siya na nawawala na ang kanyang pouch o lagayan ng pera malapit sa gilid ng kanyang higaan.

Agad niya umano itong hinanap sa loob ng kanyang kwarto at sa buong bahay pero hindi niya ito makita, ngunit sa pagpupumilit na mahanap ay natagpuan naman niya ito sa gilid ng banyo sa labas ng bahay ng kanyang ina.

Pero ikinalungkot nito na wala na ang perang laman ng kanyang pouch na nag-kakahalaga ng mahigit sa P11, 000.

Sa ngayon ay patuloy naman ang ginagawang imbestigasyon ng mga pulis kung saan napag-alaman na makailang beses na ring pinasok ng kawatan ang naturang compound.

BTAC, nakafull-alert laban sa mga kawatan ngayong super-peak season

Posted March 3, 2016

Ni Inna Carol L. Zambrona, YES FM Boracay

Naka-full alert ngayon ang Boracay Tourist Assistance Center o (BTAC) bilang paghahanda sa pagpasok ng Super-peak season sa isla ng Boracay.

Ayon kay Deputy Director Police Inspector Jose Mark Gesulga ng Boracay PNP, ang kanilang paghahanda ay hinggil sa umano’y tumataas na kaso ng nakawan kung saan patuloy ang kanilang ginagawang monitoring para mapuksa ang lumalalang insidente.

Sa kabila nito sinabi pa ni Gesulga, na noong nakaraang buwan ng Enero 2015 ay may record silang mahigit 101 na kaso ng nakawan kung saan bumaba na umano ito ngayong buwan ng Pebrero 2016 sa 48.

Subalit sa kanilang bagong record ngayon ay mas laganap umano ang nakawan sa mga hotels at boarding house kung saan ito naman ngayon ang puntirya ng mga mag-nanakaw na dati ang pandidikwat ay sa front beach area.

Maliban dito, malaking tulong din umano sa Boracay ang pag-deploy ng karagdagang 50 Police personnel sa BTAC kasama na ang kanilang ginagawang ATV Mobile Patrol o Long beach patrol at ang dagdag na puwersa ng Force Multipliers sa Boracay.

Samantala, paalala naman ni Gesulga sa mga turistang mag-babakasyon ngayong super-peak season sa Boracay na mag-doble ingat sa pagdala at pag-bantay ng kanilang gamit lalong-lalo na sa kanilang hotel na tutuluyan para hindi mabiktima ng kawatan.

German National patay matapos tangkang tumakas sa mga taga Bureau of Immigration

Posted March 3, 2016

Ni Jay-ar M. Arante, YES FM Boracay

Credit to Rb Bachiller

Hindi na nailigtas ng mga doktor ang suspek na kinilalang si Dr. Rudolf Wilhelm Stolz, 66-anyos isang German national at kasalukuyang nakatira sa Sitio. Sugod, Manocmanoc, Boracay, Malay, Aklan.

Ito’y makaraang barilin niya ang isang taga Bureau of Immigration Agent at tumalon sa isang bangin kaninang alas 12:40 ng hapon sa nasabing lugar.

Sa report ng Boracay PNP Station, nagtungo umano ang biktimang si Rodrigo Oamil, 49-anyos sa bahay ng suspek sa naturang lugar kasama ang tatlo pang agent ng BI at ilang kapulisan para silbihan ito ng warrant of deportation at summary deportation order.

Ngunit dahil dito ay binaril naman ng suspek ang biktima na tumama sa kanyang kanang dibdib na agad ding isinugod sa isang klinika sa isla pero inilipat naman sa isang hospital sa bayan ng Kalibo para sa karampatang medikasyon.

Dahil dito, agad na nagsagawa ng hot pursuit operation ang mga pulis laban sa suspek ngunit mabilis itong tumakas papalayo sa bahagi ng bangin.

Sa pag-aakala umanong makakatakas sa mga pulis ay agad itong tumalon kung saan sinasabing bumagsak naman ito sa mga matutulis na bato sa may dagat.

Agad ding nakuha ang katawan nito ng mga rumespondeng Coastguard at dinala sa Alert Medical Clinic sa isla ngunit habang ginagamot ay agad ding binawiaan ng buhay dahil sa malakas na pagbagsak at mga tinamong sugat.

Nabatid na madami umanong kinakaharap na kaso ang suspek sa Bureau of Immigration (BI).

Turnstile sa Caticlan Jetty Port nasa dry-run na

Posted March 3, 2016

Ni Jay-ar M. Arante, YES FM Boracay

Kasalukuyan na ngayong sumasailalim ang Jetty Port Administration para sa dry-run ng Turnstile machine sa Caticlan Jetty Port.

Ayon kay Jetty Port Administrator Niven Maquirang, ready to operate na ang nasabing machine ngunit nasa testing palang umano ito sa ngayon.

Ang natura umanong machine ay para sa dadaanan ng mga turista at Aklanon residence pasakay ng bangka papuntang Boracay.

Nabatid na susuriin ng machine ang ticket na may bar code na kukunin sa Aklanon lane o sa tourist lane na walang bayad para makadaan sa nasabing Turnstile.

Sa kabila nito sinabi ni Maquirang na kailangang ang mga dadaan sa Aklanon lane ay may maipakitang ID na sila ay Aklanon residence o manggagawa sa isla dahil kung wala umano silang maipakitang ID ay hindi sila makakadaan sa nasabing turn style.

Ang turn style machine ay proyekto ng Aklan Provincial Government bilang pag-upgrade sa mga pasilidad ng Caticlan Jetty Port na siyang gateway papuntang isla ng Boracay.

Samantala, plano din ng probinsya na maglagay ng nasabing machine sa Paliparan sa Aklan para hindi na dumaan ang mga ito sa turn style sa Caticlan Jetty Port.

Governor Miraflores, inabunuhan ang sahod ng ilang BFRAV responders

Posted March 2, 2016

Ni Inna Carol L. Zambrona, YES FM Boracay

Photo Credit: Boracay Action Group

Inabunuhan ngayon ng Gobernador ng Aklan na si Joeben Miraflores ang sahod ng ilan sa mga empleyado ng Boracay Fire Rescue and Ambulance Volunteers (BFRAV).

Ayon kay Commodore Leonard Tirol Adviser/Consultant ng Boracay Action Group (BAG) na malaki ang pasasalamat nito sa gobernador sa pagbigay ng budget sa BFRAV responders para sa pagpapatuloy ng kanilang serbisyo pagkatapos na hindi na sila napasama sa payroll ng LGU-Malay.

Sa kabila nito,hindi na umano sinabi pa ng gobernador ang halaga ng budget na ipapasahod dito at kung ito ba ay sarili  niyang pera o ng probinsya ng Aklan.

Samantala nabatid na simula ngayong buwan hanggang Mayo ang nakalaan na budget para sa pagpapasahod sa BFRAV responders kung saan sinabi din ng gobernador kung hindi man siya ang mananalo sa eleksyon sa Mayo ay depende nalang sa susunod na uupo dito kung ipag-papatuloy nito ang pag-bibigay ng budget.

Sinabi pa ni Tirol na mag-papatuloy parin ang kanilang 24/7 na serbisyo sa mga turista, stakeholders at mga residente sa Boracay para sa pagresponde sa mga emerhensya.

Matatandaan na noong nakaraang buwan ay nagbigay si Commo. Greg Barnes ng PCGA ng mahigit P 80, 000 para sa isang buwang pasahod dito.

BIWC nakipagsundo sa Provincial Government ng Aklan para sa itatayong public CR sa Cagban Port

Posted March 2, 2016

Jay-ar M. Arante, YES FM Boracay

Nagkaroon ngayon ng kasunduan ang Boracay Island Water Company (BIWC) sa Provincial Government ng Aklan para sa itatayong Public CR sa Cagban Port.

Ayon kay Jetty Port Administrator Niven Maquirang, wala pa umano kasing lifting station sa Cagban at sa kalapit na area kung kaya’t nagkaroon sila ng MOA o kasunduan sa pagitan ng TIEZA na magtayo nito kapalit naman ng itatayong public CR.

Nabatid na ang nasabing comport room ay may sukat na 50 square meter habang ang lift station naman ay may 20 square meter kasama na ang generator set para sa pumping station at may budget na P1 Milyon.

Sinabi pa ni Maquirang na kailangan nang ma-kakonekta ang mga taga Cagban sa sewerage system ng BIWC.

Matatandaan na noong taong 1999 ay ang may hawak na proposed project sa isla ng Boracay ay ang Philippine Tourism Authority sa pamamagitan ng pagbibigay suplay ng tubig at ang sebisyo sa sewerage system ngunit hindi umano ito napanitili kung kayat naiturn-over na ito sa TIEZA na sila naman ang magpapatuloy.

Note: This News Item is supported with Voice Clip of Mr. Maquirang last March 2, 2016.

Swedish national, binugbog ng grupo ng kalalakihan sa Boracay

Posted March 2, 2016

Ni Inna Carol L. ZAmbrona, YES FM Boracay

Pasa sa ibat-ibang parti ng kanyang katawan ang tinamo ng isang turistang Swedish national sa Station 2, Brgy. Balabag, Boracay.

Ito’y matapos umano siyang pagtulungan bugbugin ng tatlo hanggang apat na kalalakihan na hindi naman nito nakilala.

Sa report ng Boracay PNP, ang biktima ay kinilalang si Victor Lo na nanunuluyan sa isang guest house sa isla.

Base sa salaysay ng mga pulis, kasama umano ng biktima ang kanyang mga kaibigan sa loob ng bar ng bigla itong hinila ng bouncer patungo sa labas.

Ngunit ng nasa labas na umano ito ay dito siya nilapitan ng grupo ng mga kalalakihan at pinag-tulungan bugbugin na agad namang tumakas.

Mabilis ding naisugod ang biktima sa malapit na pagamutan para bigyan ng agarang medikasyon ay kanyang tinamong mga sugat sa katawan.

Samantala, ini-imbestigahan na ng mga pulis kung ano ang kabuuang dahilan ng pambubug-bog sa biktima kung saan marahil din umano sa kalasingan nito ang naging dahilan ng nasabing insidente.

SGLG, pinaghahandaan na ng DILG Malay

Posted March 2, 2016

Ni Jay-ar M. Arante, YES FM Boracay

Pinaghahandaan na ng Local Government Unit ng Malay ang Seal of Good Local Governance (SGLG) ngayong September 2016.

Ayon kay Malay DILG Officer Mark Delos Reyes, nakapagsagawa na umano sila ng meeting nitong nakaraang Pebrero 27 para paghandaan ang naturang SGLG.

Sinabi nito na pareho lang ang kategorya noong nakaraang taon at ngayong 2016 kung saan kinabibilangan ito ng 6 core values.

Hiling naman ni Delos Reyes na sana ay muli nilang makuha ang mailap na parangal para sa maganda at maayos na pamamalakad ng isang bayan.

Matatandaang nanalo noong nakaraang 2015 ang bayan ng Malay sa Seal of Good Local Governance kasama ang Provincial Government ng Aklan bayan ng Ibajay at bayan ng Banga.