300M budget Ng DPWH handa na para sa Road Widening sa Boracay

Posted April 24, 2018

Yes The Best Boracay NEWS ---Naglatag na ng plano ang Department of Public Works and Highways o DPWH kaugnay sa nakatakdang anim na buwang rehabilitasyon ng Boracay.

Sa isinagawang Press Briefing, iprenisenta ni Engr. Fritz Ruiz, Focal Person at Chief Planning and Design Section ng DPWH-Aklan ang plano sa gagawing road widening na magsisimula sa Cagban Port hanggang Circumferential Road.

Sa inisyal na plano, tutulong ang DPWH sa LGU-Malay sa pag-demolish sa mga minarkahan nilang sukat para sa road set-back kung saan 6.2 kilometers ang unang tatrabahuin at gagawin ito section by section.

Ani Ruiz, inaantay pa ng DPWH ang Executive Order ng Pangulong Duterte para sa mas malinaw na rehabilitation plan subalit naglaan na umano ang ahensya ng 300 Million mula sa National Government.

Aminado rin ang DPWH na problema pa rin nila ang mga apektadong establisyento partikular sa 25+5 easement rule at hangad niyang makipag-coordinate ang mga ito upang magtuloy-tuloy ang rehabilitasyon para mapaaga ang soft opening ng Boracay.

Tatalima rin sila sa Malay Municipal Ordinance No. 131 Series of 2000 na ang sukat na susundin nila ay ang 6 Meters from the center of the road at hindi ang PD 1064 na may kabuuang sukat na 30 meters.

Samantala, inabisuhan na rin umano nila ang BIWC at BTSI na itigil muna ang kanilang mga proyekto at pipe laying gayundin din ang AKELCO at iba pang service provider na ilipat ang mga poste at wirings para sa mas mabilis na pagsasagawa ng road widening.

Tinibag na Boracay West Cove Resort, muling pinasilip sa Media

Posted April 23, 2018

Yes The Best Boracay NEWS --- Muling pinasilip sa mga miyembro ng media ang tinibag na Boracay West Cove kaninang umaga.

Pagkatapos ng ginawang press briefing ng Metro Boracay Police Task Force kasama si DILG Asec Manuel Felix sa Caticlan Jetty Port ay  ng grupo ang konstrobersyal na resort.

Halos nasa 40% na ang natibag sa main structure ng Boracay West Cove kung saan bantay sarado ito ng mga otoridad.

Noong nakaraang buwan ng Marso ay tuluyan ng pinahinto ang operasyon nito pagkatapos silbihan ng “Closure Order” ng LGU Malay.

Ininspeksyon din ng Task Force ang kahabaan ng long beach bago bumalik sa Information and Action Center sa Cagban Jetty Port.

Ayon kay PRO 6 Police Senior Superintendent Jesus Cambay Jr., sa Information and Action Center manggagaling ang lahat ng impormasyon sa panahon ng rehabilitasyon.

Dito rin aasikasuhin ang lahat ng security issues and concerns ng mga stakeholders at ng mga residente.

Samantala, apela nila na huwag mag-atubiling magtanong lalo na sa mga katanungan hinggil sa demolition at iba pa.

Pag-issue ng Terminal Id Pass, pinalawig hanggang Miyerkules

Posted April 23, 2018

Ni Danita Jean A. Pelayo, YES THE BEST Boracay

In-extend ng Caticlan Jetty Port Management ang pag-issue ng Terminal ID Pass hanggang araw ng Miyerkules, Abril 25.

Base sa ipinalabas na abiso, pinalawig na ang pagbibigay ng Terminal Pass para may pagkakataon pa ang ilang manggagawang hindi nakasingit sa mahabang pila nitong nakalipas na linggo.

Sa panayam ng himpilang ito kay Caticlan Jetty Port Special Operation III Jean, marami-rami pa rin ang bilang ng mga hindi pa nakakakuhang workers ng naturang ID Pass kahit na ginawa ang proseso sa dalawang Jetty Port.

Samantala, ipinapabatid din ni Pontero sa publiko na simula ika-26 ng Abril, ang schedule ng Bangka at Ferry Boats papuntang Boracay ng mga residente at workers ay mula lamang alas-sais ng umaga hanggang alas-sais ng gabi habang ang mga residente naman ay alas-sais ng umaga hanggang alas-diyes ng gabi.

Magugunitang nito lamang nakaraang linggo ay inilabas ang notice na ang huling araw ng pag-iissue nito ay hanggang alas-singko ng hapon ng Abril 22.