Phase 2 ng DPWH Road Widening Operation sa Boracay, inumpisahan na

Posted May 16, 2018

Yes The Best NEWS --- Inumpisahan na ng DPWH ang pagtibag sa Phase-2 na mag-uumpisa sa Sitio Pinaungon papuntang Barangay Yapak na bahagi ng road widening project ng ahensya sa nagpapatuloy na rehabilitasyon ng isla ng Boracay.

Halos kumpleto na ang ginawang clearing operation sa Phase-1 mula Cagban paakyat ng Pinaungon area na may habang 5.26 kilometer at pinondohan ng 490-M kung saan posibleng ilatag na ang mga drainage network at mga streetlights sa unang bahagi ng Hunyo.

Ayon kay Aklan DPWH OIC Engr. Noel Fuentebella, naging mabilis ang kanilang operasyon dahil bagamat na nagbigay sila ng notice of demolition ay kusa ng humingi ng tulong ang mga apektadong establisyemento na DPWH na ang magtrabaho ng demolition.

“Hindi kami nagtibag ng ayaw” ito ang sambit ni Fuentebella sabay sabi na lumapit na ang mga owners sa kanila para humingi ng schedule sa pagtibag.

Samantala, dahil 12-meters ang gagawing paglapad ng kalsada, ang madadaanan na mga portion na may bangin ay gagawan umano ng “slope protection” para stable ang roadway.

Sa ngayon, may koordinansyon na rin ang DPWH sa mga Telcos at utility providers kagaya ng AKLECO at PANTELCO para ma-relocate ang mga poste at utility lines para hindi maabala ang kanilang operasyon.

#YesTheBestBoracayNEWS

#BoracayRehabilitation

#DPWH

Barangay at Sangguniang Kabataan Election, payapa – PSSUPT Cambay

Posted May 15, 2018

Ni Inna Carol L. Zambrona, YES THE BEST Boracay

Payapa at walang naiulat na unto¬ward incidents sa nangyaring Barangay at Sangguniang Kabataan Elections kahapon sa isla ng Boracay.

Ayon kay Police Senior Superintendent Jesus Cambay Jr., Metro Boracay Police Task Force Commander, peaceful o naging mapayapa at walang naitalang anumang karahasan ang katatapos na eleksyon sa isla.

Ilan umano sa mga reklamo na kanilang naririnig ay ang pagkakainitan ng mga supporter’s sa social media o facebook pero normal ito na nangyayari.

Pagdating naman sa opisina ng COMELEC, sinabi ni Comelec Officer III Elma Cahilig na karamihan sa mga nai-refer sa kaniya na mga concerns ay ang pagkawala ng mga pangalan ng botante subalit wala naman silang naitalang mga reklamo kagaya ng vote buying hinggil sa election sa buong bayan ng Malay.

Kaugnay nito, kahit tapos na ang eleksyon tuloy-tuloy parin ang ginagawang pagbabantay ng kapulisan kaugnay parin sa anim na buwang rehabilitasyon ng isla.

Balabag at Manocmanoc may bagong kapitan, Yapak punong Barangay mananatili sa Pwesto

Posted May 15, 2018

BORACAY ISLAND - Parehong incumbent Barangay Kagawad ang nanalo sa pagka-kapitan sa Barangay Balabag at Barangay ManocManoc habang re-elected naman sa Yapak si Punong Barangay Hector Casidsid.

Sa naganap na eleksyon kahapon, parehong natalo ang mga dating Punong Barangay na sina Glenn Sacapano ng Balabag at Joel Gelito ng ManocManoc.

Sa Balabag, lumamang ng mahigit 500 boto si Balabag Kagawad Jason Talapian na nakakuha ng 2,390 laban sa kaniyang katunggali na si former Punong Barangay Glenn Sacapano na may botong I,838.

Sa ManocManoc, malaki ang naging lamang ni ManocManoc Incumbent Kagawad Nixon Sualog laban kay former Punong Barangay Joel Gelito kung saan si Sualog ay nakakuha ng mahigit apat na libong boto kumpara sa mahigit dalawang libo na boto na napunta kay Gelito.

Samantala, tinambakan ni Yapak Incumbent Punong Barangay Hector Caisdsid ng mahigt 800 votes ang kaniyang katunggali na si Yapak Kagawad Marlyn Villaresis kung saan si Casidsid ay may 1,637 na boto habang 791 na boto naman ang napunta kay Villaresis.

Kapansin-pansin na bahagyang bumaba ang voters turnout sa Boracay dahil sa pag-uwi na ilang manggagawa at residente dahil sa pagsara na ilang establisyemento dulot ng anim na buwang rehabilitasyon ng isla.

Ayon kay Malay Comelec Officer III, generally peaceful naman ang katatapos na Barangay at SK election at wala namang naitala na insidente na may kaugnayan sa eleksyon.

#YesTheBestBoracayNEWS

#BSKE2018