Pag-operate ng E-Trike sa Boracay, kailangang dumaan sa tamang akreditasyon

Posted August 31, 2017

Ni Inna Carol L. Zambrona, YES THE BEST Boracay

29th Regular Session Malay

Kailangan munang dumaan sa tamang akreditasyon ang lahat ng mga E-trike na gustong kumuha ng permit to operate  dito sa isla ng Boracay.

Ito ang sinabi ng Sangguniang Bayan ng Malay kay Peter Montalban, Director ng Modelo Global Solutions Corporation nitong Martes sa naganap na sesyon ng plenaryo.

Nabatid kase na ang Modello ay siyang kinukuhaan o nagsusuplay ng Star 8 E-trike na siyang nag-ooperate sa isla ngunit walang kaukulang permit dahilan kung bakit sila pinagpaliwanag sa sesyon.

Pinangunahan ni Sangguniang Bayan Member Jupiter Gallenero ang katanungan kay Montalban na aniya bakit sila nag-ooperate na hindi manlang dumaan sa kanila.

Giit ni Gallenero hindi sila tutol sa kanilang negosyo ang kanya lang ay magbigay sila ng respeto sa kanilang mga SB Member dahil isa sila sa mga nag-aaproba na makapasok at makapag-operate ang mga ito sa isla.

Ang sagot lang ni Montalban dito ay meron na umano silang application para makapasok at maka-operate ang kanilang unit mula sa LGU-Malay.

Paglilinaw ni Vice Mayor Abram Sualog upang wala nang po-problemahin pa, ang kinakailangan nilang gawin ay tiyakin na meron munang akreditasyon para sila ay maaprobahan ng Sangguniang Bayan ng Malay.

Napag-alaman na may sampung Star 8 E-trike na umano dito sa isla ng Boracay ang namamasada.

Kung maisakatuparan ang akreditasyon ng Modello, pang-lima na silang suppliers ng E-trike sa Boracay kung saan ang apat na nag-ooperate na dito ay Be-mac, Tojo, Gerweiss Motors at Prozza.

Bahay ng Dutch National, niluoban ng magnanakaw

Posted August 30, 2017

Ni Inna Carol L. Zambrona, YES THE BEST Boracay

Nagpasaklolo ang Dutch National sa Boracay PNP matapos umanong looban ang kanilang bahay sa Sitio Hagdan, Yapak, Boracay.

Ang nagrereklamo ay isang dutch national na kinilalang si Ingrid Yolande Van Breemen, 63-anyos at pansamantalang nakatira sa nasabing lugar.

Ayon sa report nito sa mga pulis, naglilinis umano ng swimming pool ang kanilang caretaker ng mapansin nito ang bag ni Breemen sa labas ng bahay  na labis nitong ipinagtaka.

Dahil dito, mabilis na kinuha ng caretaker ang bag at ibinigay sa kanya
subalit ng ito ay kanyang tiningnan ay laking gulat nito na nawawala na ang kanyang pera na nagkakahala ng P 6, 000 at $50 US Dollar.

Napag-alaman na nawawala rin sa loob ng bahay ang cellphone ng asawa nito na nakapatong sa lamesa ng sala.

Sa kanilang pag-usisa  sa CCTV, dito nila nakita na pinasok sila ng hindi nakilalang suspek at umano’y ito ang nagnakaw ng kanilang nawawalang pera at cellphone.

Kasalukuyan namang inaalam ang pagkakakilanlan ng suspek na nakunan pa sa CCTV at kumalat na sa social media habang patuloy ang imbestigasyon ng pulisya.

Customer, sinabuyan ng asido ng isang GRO

Posted August 30, 2017

Ni Inna Carol L. Zambrona, YES FM Boracay

Aprubado na kahapon sa 29 th Regular Session ang kahilingan ni Mayor Ceciron Cawaling na magkaroon ng Memorandom of Agreement sa pagitan ng Department of Interior and Local Government (DILG) para sa pag-implementa ng Community Base Monitoring System (CBMS).

Ang Community Base Monitoring System (CBMS) ay isang data base kung saan makikita o naka-rekord ang regular funds, financial plan at kung saan mapupunta ang budget at paglalagyan ng budget.

Itong usapin ay pinag-usapan noong Martes kung saan i-prenesenta dito ni Aklan DILG LGOO-5 Debra Lynn Romero sa plenaryo kung ano ang CBMS at kung ano ang maitutulong nito sa bayan ng Malay.

Samantala, sinang-ayunan naman ni Mayor Cawaling itong database monitoring dahil aniya sa paraang ito hindi na mahihirapan ang LGU-Malay at madaling matututunan ang mga opisinang nangangailangan ng budget.

Bagama’t aprubado na itong proyekto ay sa susunod pang taon ito ma-iimplementa dahil sa kulang na ang budget para sa pagpapatupad nito ngayong taon.

Community Base Monitoring System ng DILG, aprobado na ng SB-Malay

Posted August 30, 2017

Ni Inna Carol L. Zambrona, YES FM Boracay

Aprubado na kahapon sa 29 th Regular Session ang kahilingan ni Mayor Ceciron Cawaling na magkaroon ng Memorandom of Agreement sa pagitan ng Department of Interior and Local Government (DILG) para sa pag-implementa ng Community Base Monitoring System (CBMS).

Ang Community Base Monitoring System (CBMS) ay isang data base kung saan makikita o naka-rekord ang regular funds, financial plan at kung saan mapupunta ang budget at paglalagyan ng budget.

Itong usapin ay pinag-usapan noong Martes kung saan i-prenesenta dito ni Aklan DILG LGOO-5 Debra Lynn Romero sa plenaryo kung ano ang CBMS at kung ano ang maitutulong nito sa bayan ng Malay.

Samantala, sinang-ayunan naman ni Mayor Cawaling itong database monitoring dahil aniya sa paraang ito hindi na mahihirapan ang LGU-Malay at madaling matututunan ang mga opisinang nangangailangan ng budget.

Bagama’t aprubado na itong proyekto ay sa susunod pang taon ito ma-iimplementa dahil sa kulang na ang budget para sa pagpapatupad nito ngayong taon.

85 Fire Brigade Volunteers, nagsanay sa Malay

Posted August 30, 2017

Ni Inna Carol L. Zambrona, YES THE BEST Boracay

Sumailalim ang walumpot limang fire brigade volunteers sa pagsasanay ng first aid at rescue drills upang maging suporta sa mga tauhan ng Bureau of Fire Protection (BFP) sa panahon ng sunog at anumang responde.

Ayon kay Catherine Fulgencio ng Municipal Disaster Risk Reduction and Management Office (MDRRMO), nagsimula ngayon araw ang kanilang training sa Balusbos Elementary School kung saan magtatagal ito hanggang September 1.

Ang mga volunteers ay sasanayin sa tama at epektibong pagtulong at kung paano ang ligtas na paraan bilang isang fire volunteer.

Kaugnay nito, ang mga fire  brigade  volunteers  ay may kabuuang  apatnapung  oras na pagsasanay  sa  pag-aapula  sa sunog,  emergency reponse, first aid  at  marami pang iba.

Ito umano ang kauna-unahang Fire Brigade Training sa lahat ng mga Volunteers sa bayan ng Malay.

Ang aktibidad ay naisakatuparan sa pamamagitan ng Malay MDRRMO Responders Team, Barangay Disaster Risk Reduction Management Council, mga Barangay Tanod, empleyado ng LGU-Malay, MAP at marami pang iba.

Cruise Ship na MV Genting Dream,masisilayan sa isla ng Boracay

Posted August 29, 2017

Ni Danita Jean A. Pelayo, YES THE BEST Boracay

Masisilayan na bukas araw ng  Miyerkules, Agosto a trenta ang MV Genting Dream sa isla ng Boracay.

Ayon kay Caticlan Jetty Port Special Operation Officer III Jean Pontero, aasahan ang pagdaong nito sa ganap na alas- syete y medya ng umaga na tatagal hanggang alas-kwatro y medya ng hapon.

Nabatid na lulan ng barkong ito ang nasa mahigit kumulang 4,000 na karamihan ay Chinese Nationals at 2,000 mga crew members.

Napag-alamang matapos itong dumaong sa Guangzhou, China ay dadaan muna ito sa Manila papuntang Boracay at maglalayag pabalik ng China.

Kaugnay nito, puspusan na rin ang paghahanda na ginagawa ng Jetty Port para sa seguridad nito katuwang ang Philippine Army, Philippine National Police, Malay Auxilliary Police (MAP), MARITIME Police, Philippine Navy at Philippine Coast Guard kung saan nakaantabay rin ang Medical Team kasama ang Boracay Action Group (BAG) at Red Cross.

Samantala, ito na ang pang-siyam na barkong bumisita sa isla at inaasahan pa ang limang cruiseship bago matapos ang taong ito.

Ang Genting Dream ay dinesinyo para sa Asian cruise market na may malaking bilang ng mga restaurants, casino at espesyal na dinesinyong mga cabins.

Dalawa sugatan sa shooting incident sa Boracay

Posted August 28, 2017

Ni Inna Carol L. Zambrona, YES THE BEST Boracay

Dalawang kalalakihan ang nabaril sa nangyaring shooting incident kahapon sa isla ng Boracay.

Kinilala ang mga biktima na sina Edlyn Padilla, 19-anyos ng Bacolod City at Roquito Tumbagahan 39-anyos ng Rizal Ibajay, Aklan.

Sa imbestigasyon at blotter entry ng Boracay Tourist Assistance Center (BTAC), ayon sa caretaker ng The Cliff Resort na si Benny Clarite nasa dalawamput-apat na kalalakihan umano ang tinangkang pasukin ang kanilang resort.

Sa salaysay nito, tinutukan umano siya ng baril ng isa sa mga kasamahan ng isang Dr. Marichi Ramos ng Bacolod City habang inuutusan siyang buksan ang gate ng resort.

Kinuha daw nito ang susi sa loob subalit sa kanyang pagbalik ay laking gulat nalang niya na ang apat sa mga ito ay umaakyat na sa gate at pilit na pumapasok.

Samantala, dito na nakarinig ng putok ng baril si Clarite dahilan upang siya ay magtago.

Kalaunan ay napag-alaman na dalawa sa mga biktima na kasamahan ni Dr. Ramos ay may mga  tama na ng baril mula sa hindi pa natukoy na suspek o mga suspek.

Naisugod pa ang mga nabaril sa isang klinika sa Boracay subalit ini-refer ito sa bayan ng Kalibo para sa atensyong medical.

Sa ngayon ay patuloy pa rin ang ginagawang imbestigasyon ng mga pulis hinggil sa naturang insidente na umano ay may kinalaman sa lupa o land dispute.

Ex-Army huli sa drug buy bust operation

Posted August 28, 2017

Ni Inna Carol L. Zambrona, YES THE BEST Boracay

Sasampahan ng kasong paglabag sa Section 5 at Section 11 of Republic Act 9165 o Comprehensive Dangerous Drugs Act of 2002 at R.A 10591 o Comprehendsive Act of FireArms and Ammunition ang isang Ex-Army na nahuli sa isinagawang drug buy bust operation sa Sitio Balinghay, Brgy., Yapak, Boracay.

Kinilala ang suspek na si Alexis Garcera 33-anyos tubong Tapaz Capiz at pansamantalang nakatira sa nabanggit na lugar.

Nahuli si Garcera matapos itong bilhan ng isang sachet ng suspected shabu kapalit ng isang libong buy-bust money.

Samantala, nakuha pa sa posisyon ng suspek ang labing tatlong sachet ng illegal drugs, baril na 9mm na may dalawang Magazine na loaded ng bala at labing isang bala na nakuha naman sa kanyang sling bag.

Si Garcera ay naaresto ng pinagsamang pwersa ng Aklan Provincial Police Office (APPO) PDEU, Malay PNP, Boracay PNP, Aklan Provincial Public Safety Company o APPSC, 12 IB TIU, MIG 6 at PDEA 6.