Sariling linya ng kuryente kailangan ng Boracay – Former Energy Secretary Petilla

Posted March 12, 2016

Ni Alan Palma Sr., YES FM Boracay

Pinangangambahan na magdulot ng malaking problema sa supply ng kuryente ang isla ng Boracay sa hinaharap kung hindi ito mapagplanuhan na magkaroon ng sariling linya ng kuryente.

Ito ang sinabi ni former Energy Sec. Jericho Petilla sa isinagawang press briefing ng Department of Health sa Aklan kasama si DOH Secretary Janette Garin.

Nakakaranas ngayon ng panaka-nakang power interruption ang Boracay at isa sa nakita nitong dahilan ay ang kakapusan ng suplay ng kuryente na dumadaloy papasok sa isla.

Phenomenal umano ang progreso sa Boracay at kinakabahan si Petilla lalo na kapag mag-operate na ang mga bago at malalaking resort na nag-invest dahil hindi daw ito kakayanin ng kasalukuyang estado power supply.

Dagdag pa ni Petilla, kailangan muna isabatas ang paglatag ng bagong linya ng kuryente sa Boracay para hindi isingil sa konsumidor kasama na ang budget na ilalaan sa proyekto sakaling matuloy ito.

Samantala, payo din nito na hangga’t maaga pa ay kailangan na umanong upuan at paghandaan para hindi na makadulot ng anumang suliranin ang premiere tourist destination ng bansa.

Lalaki, nag-reklamo matapos suntukin at hampasin ng bote

Posted March 12, 2016

Inna Carol L. Zambrona, YES FM Boracay      

        

Mahilio-hilo pang nagsumbong ang isang lalaki sa Boracay PNP, matapos itong hampasin ng bote at suntukin sa Mainroad ng Sitio Bantud, Brgy. Manoc-manoc, Boracay.

Nakilala ang biktimang si Samuel Sancho Jr. 21-anyos residente ng Dalipdip, Altavas, Aklan at temporaryong nakatira sa Cagban Bubon ng nasabing Brgy.

Sa report nito sa Boracay PNP, papauwi na umano ito sa kanyang bahay ng bigla itong tambangan ng dalawang hindi nakilalang lalaki kung saan hinampas ito ng bote sa kanyang ulo at hindi pa umano ito nakuntento at sinuntok pa siya sa kanyang kanang mukha at mabilis namang tumakas.

Nabatid na dahil sa madilim ang lugar kaya hindi nito nakilala ang dalawang suspek na sinasabing napag-tripan lamang ito.

Bagong manifesto sa mga bangka sa Boracay malaki umanong pabor sa mga pasahero

Posted March 12, 2016

Ni Jay-ar M. Arante, YES FM Boracay

Malaki umanong pabor para sa mga pasahero ng bangkang may biyaheng isla ng Boracay at Caticlan ang bagong manifesto na tinawag na passengers data sheet.

Ito ang pahayag ni Special Operation III Jean Pontero ng Jetty Port Administration, matapos ang kanilang ginawang implementasyon nitong Miyerkules sa pangunguna ng Philippine Coastguard (PCG).

Sinabi nito na may kabilisan na ang operasyon ng mga bangka dahil sa hindi na kailangang magsulat sa manifesto sa loob ng bangka ang mga pasahero.

Bagamat mayroon umanong mga nagtataka at ilang reklamo hindi naman umano ito maiiwasan kung saan sa kabuuan ay naging maayos naman ang naturang implementasyon.

Samantala, pinayuhan naman ni Pontero ang mga pasaherong sasakay ng bangka papuntang Boracay at Caticlan na kailangang sundin ang naturang patakaran para maiwasan ang delay ng biyahe kung saan tuloy-tuloy na rin itong ipapatupad.

Secretary Garin, pinangunahan ang paghatid ng mga proyekto ng DOH sa Aklan

Posted March 12, 2016

Ni Alan Palma Sr., YES FM Boracay

Pinangunahan ni DOH Secretary Janette Garin ang ang isinagawang Groundbreaking Ceremony para sa panibagong extension building ng Dr. Rafael S Tumbukon Memorial Hospital sa bayan ng Kalibo.

Ang tatlong palapag na hospital building ay nagkakahalaga ng P132.3-M na pinunduhan ng Department of Health na bahagi ng Health Facilities Enhancement Program ng departamento.

Pagkatapos ng ground breaking ceremony na kung saan ay dinaluhan din nina Aklan Governor Florencio Miraflores at iba pang provincial officials ng Aklan ay namahagi rin ang kalihim ng mga medical equipments sa lahat ng mga Health Centers, Rural Health Unit, at mga District Hospitals sa 17 bayan sa Aklan.

Ang bayan ng Malay ay isa sa mga tumanggap ng mga gamit-pangkalusugan tulad ng mga Digital BP Apparatus, Dressing Set, Thermometers, Glucometers, Nebulizers, at marami pang iba na personal na tinanggap ng mga kawani ng Malay Health Office.

Ayon kay Garin, mapalad ang Aklan dahil isa ito sa mga probinsya na na-handogan ng mga proyektong tulad nito kung saan higit na makakatulong at maka benipisyo dito ang mga mahihirap at walang kakayahan na mag pagamot sa pribadong hospital.

Samantala, ayon kay Miraflores ang Don Ciriaco Tirol Memorial Hospital sa Boracay ay isa din sa priority project ng DOH at ng Provincial Government na minamadali na para mapakinabangan ng mga taga-isla subalit nagkaroon ng mga delay dahil umano sa problema sa boundary at drainage  sa area.

Preparasyon ng BRTF para sa Summer events sa Boracay nakalatag na

Posted March 11, 2016

Ni Inna Carol L. Zambrona, YES FM Boracay

Nakalatag na ngayon ang paghahanda ng Boracay Redevelopment Task Force (BRTF) sa mga mag-oorganisa ng summer events sa isla ng Boracay.

Ayon kay BRTF Secretariat Head Mabel Bacani, simula na ang kanilang paghahanda at pagmonitor sa mga nais magdala ng kanilang mga event kung saan nakatutok  umano sila sa La Boracay events.

Kaugnay nito, sinabi pa ni Bacani na magkakaroon muna sila ng meeting bago umano mag-operate ang isang event kung saan nakiki-pagtulungan umano sila sa Boracay Action Group (BAG), Medical Responders, at Solid Waste Management para sa maayos at maganda ang kalalabasan nito.

Samantala, payo naman nito sa mga may-ari na mag-cooperate lang sa mga rules and regulations lalong-lalo na sa kanilang isasagawang event na wag masyadong lakihan ang kanilang set-up dahil nasa Anti-terrorism campaign umano ang isla ng Boracay para maging komportable ang lahat ng bakasyonista.

Dagdag pa nito na panatalihing malinis ang lugar at wag kalimutang i-segregate ang mga kalat at kung maari  ang bilhin na mga inumin ay yaong mga bottle can upang maiwasang mabasag ang bote.

Boracay PNP, todo-manman sa mga videoke bar sa Boracay

Posted March 11, 2016

Ni Jay-ar M. Arante, YES FM Boracay

Patuloy umano ang ginagawang pag-mamanman ng Boracay Tourist Assistance Center (BTAC) sa mga videoke bar sa isla ng Boracay.

Ito’y kasunod ng kanilang isinagawang entrapment/rescue operation kasama ang MSWD at Boracay ECPAT-Philippines nitong Sabado sa videoke king sa Brgy. Manoc-manoc.

Sa panayam ng himpilang ito kay Police Inspector Joey Delos Santos, Deputy Chief ng Boracay PNP,  sinabi nito na tuloy-tuloy ang kanilang ginagawang monitoring sa mga bar sa isla para masugpo ang sexual exploitation sa lugar.

Kaugnay nito, sinabi pa ni Delos Santos na nahuli na ang dalawang bading na nambugaw sa 24 na babae sa naturang bar kasama na ang menor de-edad.

Kinilala ang dalawa na suspek sa human trafficking na sina Boyet Pajareto ng Odiongan, Romblon at Nestor Pabiano ng Naga City.

Ang dalawang suspek ay kulong na ngayon sa BJMP Kalibo kung saan sinampahan na rin ang mga ito ng kasong paglabag sa violation ng R.A.10364 o “The Anti-Trafficking in Persons Act of 2003” habang ang mga biktima ay nakauwi na rin sa kani-kanilang mga lugar.

Staff ng isang bar sa Boracay, ini-reklamo matapos hamunin ng away ang costumer

Posted March 11, 2016

Ni Inna Carol L. Zambrona, YES FM Boracay

Ini-reklamo ng isang costumer ang staff ng isang Bar sa station 1 Balabag, Boracay kaninang 2:50 ng madaling araw matapos umano itong maghamon ng away.

Nakilala ang biktima na si Joss Cyril Abatayo 27-anyos, isang turista at temporaryong nakatira sa isang hotel sa Boracay.

Sumbong ni Abatayo sa Boracay PNP, nag-iinuman umano sila sa loob ng bar ng lapitan sila ng isang staff nito at pinagsabihan na magsasarado na sila kung saan sinabi din umano nito sa inirereklamo na hindi pa naubos ang kanilang inorder na alak.

Dahil dito, nagalit umano ang suspek at pinatay ang electric-fan at pinilit silang paalisin sa lugar.

Ngunit ng nasa labas na umano sila ay kung ano-ano pang masasamang salita ang binitawan sa kanila ng suspek kung saan pati umano sa pagsakay nila ng tricycle ay tinangka pa silang lapitan at hinamon ng away.

“Oplan Ligtas Biyahe” ng Caticlan Jetty Port ikakasa na para sa Semana Santa

Posted March 11, 2016

Ni Jay-ar M. Arante, YES FM Boracay 

Semana Santa o Holy Week ang isa sa mga araw na dinadagsa ng maraming turista ang isla ng Boracay dahil sa mahabang bakasyon.

Dahil dito ikinakasa na rin ngayon ng Jetty Port Administration ang kanilang paghahanda para sa pagdagsa ng maraming turista sa Boracay.

Ayon kay Special Operation III Jean Pontero ng Jetty Port Administration, ngayon umanong darating na Marso 15, 2016 ay nakatakda silang maglatag ng meeting kasama ang mga law enforcement agencies at iba pang ahensya ng gobyerno para pag-usapan ang ihahandang seguridad.

Dito nakatakda umano nilang ilatag ang “Oplan Ligtas Biyahe” na ipapatupad bago ang pagsisimula ng Semana Santa hanggang sa Marso 28.

Katuwang umano nila rito ang Philippine Coastguard na mahigpit na magpapatupad sa biyahe ng mga bangka gayon din ang mabusising inspeksyon sa mga bagahe ng mga pasahero kasama na ang sa Ro-ro vessel.

Nabatid na libo-libong mga Pinoy kasama na ang mga foreign tourist ang pumupunta sa isla ng Boracay sa panahon ng kwaresma o paggunita sa pagkamatay at pagkabuhay ni Hesu Kristo kung saan walang pasok sa mga paaralan, tanggapan ng gobyero at ilang mga private offices bansa.

PHO Aklan, may paalala sa mga mag-babakasyon ngayong summer season

Posted March 10, 2016

Ni Inna Carol L. Zambrona, YES FM Boracay

Nauuso na naman umano ngayong panahon ng Summer ang mga sakit kagaya ng sore eyes, pag-susuka, rushes at iba pa na may kinalaman sa panahon ng tag-init.

Kaya naman may paalala ngayon ang Aklan Provincial Health Office (PHO) sa publiko na mag-ingat at wag basta-bastang lumabas ng bahay dahil sa sakit na pwedeng dumapo sa kanilang katawan.

Ayon kay Dr. Cornelio Cuachon, Provincial Health Officer ng PHO-Aklan, kung makaranas umano ng isa sa mga sakit na uso ngayong tag-init ay agad na kumunsulta sa malapit na pagamutan para mabigyan ng agarang medikasyon.

Sa kabila nito, nag-paalala din si Cuachon sa mga nag-babalak na pumuntang beach na magdala ng sun-block upang ma-proteksyunan ang kanilang balat sa sunburn na isa sa itinuturing na sanhi sa pagkakaroon ng cancer sa balat.

Maliban dito, pinayuhan din nito ang lahat na huwag masyadong i-expose ang balat sa init, uminom ng maraming tubig at magsuot ng light colored na damit para hindi masyadong mainit sa paningin.

Restaurant sa Puka Beach nasunog, danyos umabot sa P60 K

Posted March 10, 2016

Ni Inna Carol L. Zambrona, YES FM Boracay

Sa paggunita ng Fire Prevention month ngayong buwan ng Marso, isang sunog naman ang sumiklab sa Puka Beach, Yapak Boracay alas-10 kagabi.

Ayon kay Fire Officer 3 Franklin Arubang ng Bureau of Fire Protection (BFP) alas- 10 kagabi ng makatanggap sila ng tawag na may nangyayaring sunog sa nasabing lugar na agad naman nilang ni-respondihan.

Sinabi nito na nag-simula ang apoy sa kusina ng Camayan Restaurant na pagmamay-ari ni Nadia Salibio kung saan mabilis din itong kumalat sa buong kainan dahil sa gawa lamang ito sa light materials.

Samantala, tinayatang umabot sa mahigit kumulang P60, 000 ang pinsala sa nangyaring sunog kung saan idi-neklara rin itong fireout alas dakong 10:30 kagabi.

Nabatid na wala namang nasaktan sa nangyaring insidente kung saan ini-embistigahan pa  ngayon ng Boracay BFP ang sanhi sa nangyaring sunog.

Governor Miraflores pangungunahan ang groundbreaking ceremony ng DRSTMH ngayong araw

Posted March 10, 2016

Ni Jay-ar M. Arante, YES FM Boracay

Pangungunahan ngayong araw ni Governor Florencio Miraflores ang Groundbreaking Ceremony para sa Doctor Rafael S. Tumbukon Memorial Hospital (DRSTMH).

Ito ay para sa nakatakdang construction, expansion, repair, renovation at upgrading ng infrastructures ng nasabing pagamutan.

Magsisumula ang naturang programa bandang alas-9 ngayong umaga kung saan isa sa magbibigay ng mensahe ang inimbitahang bisita na si Secretary Janet Garin ng Department of Health (DOH).

Samantala, susundan naman ang groundbreaking ceremony ng distribution ng medical equipment sa municipal level at Barangay team offices sa ABL Sport Complex.

22-anyos na fish vendor, huli sa pagbibinta ng illegal na droga

Posted March 10, 2016

Ni Inna Carol L. Zambrona, YES FM Boracay 

Huli sa pag-bibinta ng illegal na droga ang isang 22-anyos na fish/sea vendor sa Sitio Diniwid, Brgy. Balabag, Boracay.

Nakilala ang suspek na si Levi Abello, residente ng Poblacion, New Washington Aklan at temporaryong nakatira sa Sitio Bolabog, Boracay.

Sa report ng Boracay PNP, nahuli ang suspek sa pamamagitan ng isang pusher buyer kung saan nakuha sa kanya ang dalawang sachet ng suspected shabu buy-bust money na isang libo at isang unit ng cellphone na naglalaman ng illegal transaction.

Sa ngayon ang suspek ay naka-kustudiya na sa Boracay PNP, at naka-takdang sampahan ng kasong paglabag sa Republic Act 9165 o Comprehensive Dangerous Drugs Act of 2002.

HRP Boracay, plantsado na ang schedule of activities para sa Semana Santa

Posted March 9, 2016

Ni Inna Carol L. Zambrona, YES FM Boracay

Plantsado na ang schedule of activities ng Holy Rosary Parish (HRP) Boracay ngayong Semana Santa.

Sa ibinigay na schedule ng Holy Rosary Parish, nakalatag na ang schedule sa susunod na linggo March 20 Palm Sunday alas 8:00 ng umaga na pangungunahan ni Bishop Jose Corazon Tala-oc, sa March 21 naman ang “Kumpisalang Bayan” sa pareho ring oras, March 22 naman alas-8 ng umaga hanggang alas-5 ng hapon ang Visitataion of Apostoles, sa Holy Wednesday naman ng March 23 ang Novena to the Our Lady of Perpetual Help ng alas-4:30 ng hapon.

Samantala, sa Huwebes Santo naman ay magkakaroon ng Mass of the Last Supper sa ganap na alas-4 ng hapon.

Sa Marso 25 naman o Good Friday , araw kung kelan namatay ang panginoon ay sisimulan ang aktibidad sa pamamagitan ng Live Station of the Cross na susundan ng Confession at Siete Palabras sa ganap na alas-12 ng tanghali.

Ang Commemoration naman sa pagkamatay ng panginoon ay mangyayari alas 3 ng hapon.

Sa  Black Saturday naman ng alas-8 ng gabi ang Easter Vigil Mass March 26, at sa Easter Sunday o Linggo ng pagkabuhay , alas -5 ng umaga ang misa ng “Pagsalubong” at susundan ito ng alas-10 na may Pre-Baptismal Catechesis.

Ang Semana Santa ay isa sa pinakamahalagang relihiyosong debosyon ng mga Pilipino kung saan isinasagawa ang lahat ng ito upang alalahanin ang mga paghihirap at ang pagkamatay ni Hesus para sa sangkatauhan.