Apat na bayan sa Probinsya ng Aklan, nakatanggap ng bagong ambulansya mula sa PCSO

Posted December 21, 2016

Ni Inna Carol L. Zambrona, YES FM Boracay

Photo Credit: PIA-Aklan

Apat na bayan ngayon sa probinsya ng Aklan ang nakatanggap ng bagong ambulansya mula sa Philippine Charity Sweeptakes Office o (PCSO).

Ito ay ang bayan ng Tangalan, Malinao, Ibajay at Buruanga kung saan nakatanggap rin ang Aklan Cooperative Mission Hospital ng naturang bagong ambulansya.

Isinagawa ang turn-over ceremony sa ABL Sports Complex kung saan pinangunahan naman ito ng kinatawan ng PCSO General Manager, Alexander Balutan, Atty. Reena Yason at PCSO Kalibo Manager Mon Alipao.