CSO Assembly, lumarga sa bayan ng Malay

Posted November 6, 2014

Ni Bert Dalida, YES FM Boracay

Lumarga nitong araw sa bayan ng Malay ang CSO o Civil Society Organization Assembly.

Inilunsad ito ng Department of Interior and Local Government (DILG) Malay na may layong maipaliwanag sa mga Malaynon ang kahalagahan ng GPB o Grassroots Participatory Budgeting.

Sa kanyang text message, sinabi ni Malay Local Government Operations Officer (MLGOO) Mark Delos Reyes na gagawan ng mga proyekto ang mga napag-usapang problema at issues sa bayan at isla na pagkakasunduan naman ng LPRAT o Local Poverty Reduction Action Team.

Popondohan din umano ito ng GBP para sa taong 2016.

Samantala, mahigit 50 ang dumalo sa nasabing assembly mula sa iba’t-ibang ibang organisasyon mula sa Boracay at Malay katulad ng non-government organizations (NGOs) People’s Organization (POs), basic sector organization, cooperatives.

Nabatid na isang paghahanda ng mga panukala sa badyet ng isang ahensya ang GPB.