Posted July 14, 2014
Ni Gloria Villas, YES FM Boracay
Hinuli ng isang security guard ang tatlong
kalalakihan matapos na umano’y magsuntukan at magkagulo sa Sitio Diniwid Balabag
Boracay.
Ayon sa blotter report ng Boracay PNP Station, alas
dos kahapon ng hapon habang nag-iinuman ang tatlo sa nasabing lugar nang
maganap ang isang komosyon na nagdulot ng pangamba sa ilang residente malapit
doon.
Ito’y matapos na masugatan ang isa sa tatlo na
nakilala kay “Renel” dulot ng nasabing suntukan.
Sinasabi namang dahil sa sobrang kalasingan at
hindi pagkakaintindihan kaya nagsuntukan ang mga ito.
Samantala, matapos ang medical examination sa
Boracay Hospital ay pansamantala munang ikinustodiya sa Boracay PNP Station ang
tatlo para sa kaukulang disposisyon.
No comments:
Post a Comment