Posted January 26, 2016
Ni Inna Carol L.
Zambrona, YES FM Boracay
Pinag-usapan na ngayong hapon sa isinagawang meeting ng Boracay
Redevelopment Task Force (BRTF) ang tungkol sa ginawang validation sa Yellow
Submarine sa Boracay.
Ito ay pinangunahan ni BRTF Chairman at Island
Administrator Glenn Sacapaño.
Kabilang naman sa mga dumalo ay ang mga kasapi ng
Philippine Coast Guard, Department of Environmental and Natural Resources (DENR)
Engineering at Zoning Department at iba pang concern agencies na kasama sa
ginawang validation noong Enero 22.
Dito, ibinahagi ng mga dumalo ang kanilang mga naging
opinyon sa naranasang pagsakay sa nasabing submarine at kung pabor ba ang mga
ito na mag-operate sa isla.
Ayon naman kay BRTF Secretary Mabel Bacani, ang nasabi
umanong submarine ay pang-edukasyon para sa mga turistang sasakay nito.
Samantala, patuloy pa ngayong pinag-aaralan ng BRTF ang
nasabing submarine kung saan sasailalim pa ito sa ilang delebrasyon bago
mapag-desisyon kung maaaprobahan o hindi.
No comments:
Post a Comment