Pagkakaroon ng palagiang block out sa Boracay bahagi umano ng preparasyon sa APEC

Posted May 7, 2015

Ni Jay-ar M. Arante, YES FM Boracay

Nakakaranas umano ngayon ng palagiang block out ang isla ng Boracay dahil sa pinaghahandaan ng AKELCO ang APEC Ministerial meeting sa susunod na linggo.

Ito ang sinabi ni Aklan Electric Cooperative (AKELCO) PIO Rence Oczon matapos na muling maranasan kaninang umaga ang block out sa isla.

Nabatid na nagpalabas ng power advisory ang AKELCO tungkol sa block-out kaninang umaga na nagsimula ala-5 hanggang alas-8 ngunit inabot na ito ng alas-10 ng umaga dahil sa naranasang problema sa linya ng National Grid Corporation (NGCP).

Sinabi ni Oczon na hiniling umano ng NGCP sa AKELCO na mag-emergency block-out kaninang umaga para ayusin ang jumper sa Nabas-Caticlan Transmission line.

Aniya, nais ng kanilang kooperatiba at ng NGCP na maiwasan ang block out sa kasagsagan ng APEC sa Boracay kung kayat ngayon umano ay patuloy nila itong inaayos bago ang nasabing meeting.

Kaugnay nito sinabi naman ni Oczon na ang nararanasang power interruption tuwing gabi sa Boracay ay dahil sa marami umano ang gumagamit kung kayat hindi na makayanang makapagbigay ng suplay lalo na kung mainit ang panahon na nagdudulot ng problema sa linya ng AKELCO.

Samantala, ikinadismaya naman ng mga kusumedor sa Boracay ang sunod-sunod na power interruption dahil sa apektado umano ang kanilang mga negosyo lalo na at masyadong mainit ang panahon.

Minimum wage sa Western Visayas aprobado na sa P298.50

Posted May 6, 2015

Ni Jay-ar M. Arante, YES FM Boracay

Inaprobahan na nitong Mayo 2 ng Department of Labor and Employment (DOLE) Region 6 ang minimum wage ng mga manggagawa sa Western Visayas.

Ito’y matapos itong inilathala noong Abril 17, 2015 kung saan inaprobahan naman ito at epektibong ipinatupad nito lamang Mayo 2.

Nabatid na ang dating Php287.00 na sinasahod ng mga mangagawa sa Western Visayas ay tinaasan ng Php11.50 na ngayon ay naging Php298.50.

Ayon naman kay OIC DOLE Aklan Field Office Arlene Siaotong, kailangan na itong ipatupad ng lahat ng mga kumpanya o ano mang-uri ng negosyo sa Region 6 na mayroong manggagawa na sumasahod ng minimum wage rates.

Napag-alaman na ang petisyon para sa wage increase ay inapila ng General Alliance of Workers Association (GAWA) na naghahanap ng Php85.00, Php75.00 at Php72.00 daily wage increase sa private sector sa Region 6 para sa Non-Agricultural/Industrial at Commercial workers, Agricultural-Plantation workers, at manggagawa na employed sa establishment na may sampung manggagawa pababa at Non-Plantation workers.

Samantala, hinikayat naman ni Siaotong ang lahat ng mga establisyemento sa Boracay na kung maaari ay ipaskil na nila ang kanilang ibinigay na karatola tungkol sa minimum wage increase ng sa gayon umano ay makita rin ng mga delegado ng APEC na compliance ang mga ito sa ipinapatupad nilang mandato.

Tatlong malalaking resort sa Boracay magiging venue para sa APEC ministerial meeting

Posted May 6, 2015

Ni Jay-ar M. Arante, YES FM Boracay

Tatlong malalaking resort sa isla ng Boracay ang inaasahang magiging venue para sa gaganaping APEC Ministerial meeting ngayong susunod na linggo.

Ito ay kinabibilangan ng Shangri-La Resort Boracay, Crown Regency Resort and Convention Center at Paradise Garden Resort Hotel and Convention Center.

Nabatid na ang Boracay ang magiging tahanan ng mahigit dalawang libong delegado na kasama sa Asia-Pacific Economic Cooperation’s (APEC) 2nd Senior Officials’ Meeting and Related Meetings (SOM2) at Ministers Responsible for Trade Meeting (MRT).

Napag-alaman na ang SOM2 ay kadugtong ng APEC discussions na ginanap sa Manila at Clark Pampanga noong nakaraang December at February.

Kaugnay nito inaasahang pag-uusapan ng mga delegado ang Regional Economic Integration, SMEs’ Participation in Regional and Global Markets, Investment in Human Resource Development, at Building Sustainable at Resilient Communities.

Kasama rin dito ang trade at investment liberalization, business facilitation, at economic cooperation sa field ng Oceans at Fisheries, food security, science technology and innovation, higher education, human resource development, emergency preparedness, internet economy, connectivity, economic and technical cooperation structural reform, counter-terrorism telecommunication, tourism, at trade sa serbisyo.

Samantala, tema naman ng APEC summit ngayong taon ay “Building Inclusive Economics, Building a Better World”.

Mga miyembro ng Hualer Coop hati ang reaksyon sa bagong schedule ng delivery sa Boracay

Posted May 5, 2015

Ni Jay-ar M. Arante, YES FM Boracay

Hati ang reaksyon ng mga miyembro ng Malay Sea and Land Hauler tungkol sa ipinalabas ng LGU Malay na pansamantalang schedule sa pag-deliver ng perishable goods sa Boracay.

Ayon kay Malay Sea and Land Hauler Chairman Mr. Edgar Marasigan, kalahati umano sa kanilang mga miyembro ay hindi pabor sa bagong sistemang ito dahil sa apektado ang kanilang mga negosyo.

Ngunit para kay Marasigan pabor siya rito dahil minsan lang itong mangyari sa Boracay at upang masiguro umano ang kaligtasan ng lahat ng delegado ng APEC meeting.

Nabatid na inilabas ng Malay Transportation Office ang kautusang ito para sa APEC meeting sa susunod na linggo kung saan simula ngayon hanggang sa Mayo 28 ay ipinagbabawal ang lahat ng delivery truck sa Boracay na mag-deliver tuwing day-time at pinapayagan lamang sila tuwing alas-12 ng hating gabi hanggang ala-5 ng madaling araw.

Maliban dito nilinaw naman ni Marasigan na ang maaari lamang e-deliver tuwing araw ay ang mga soft drinks, bigas, grocery at mga pagkain ngunit kinakailangan lamang itong ikarga sa top down o multicab kalakip ang resibo kung saan ito dadalhin.

Samantala, ilang residente umano ang hindi pabor sa sistemang ito lalo na sa brgy. Manoc-manoc malapit sa cargo area dahil naiistorbo umano ang kanilang pagtulog sa tuwing oras na ng pag-deliver ng mga truck.

Mga fire fighters sa Western Visayas itinilaga sa Boracay para sa APEC ministerial meeting

Posted May 5, 2015

Ni Jay-ar M. Arante, YES FM Boracay

Maliban sa mga pulis at military itinilaga rin ngayon sa Boracay ang mga fire fighters mula sa Western Visayas para sa Asia Pacific Economic Cooperation (APEC) ministerial meeting.

Ayon kay Senior Superintendent Eleuterio Iturriaga, BFP regional director, dumating umano kaninang umaga sa Boracay ang tinatayang 209 personnel ng Bureau of Fire and Protection (BFP) na bubuo sa APEC Site Task Force (STG)-Boracay 2015.

Sinabi din nito na ang BFP ay mag de-dispatched ng medical, emergency at rescue vehicles na kinabibilangan ng fire trucks at ambulansya sa ilalagay sa pangunahing lugar sa Boracay.

Dagdag nito na ang Fire engines at buster fire trucks mula sa BFP Balete, New Washington, Boracay, Ibajay, Oton Iloilo, Kalibo, Iloilo City (Barangay Obrero), San Jose Antique ay itinalaga  para sa deployment sa APEC.

Napag-alaman na ang Rosenbauer fire trucks ng Roxas City at Passi City ay naka-deploy naman sa Caticlan Airport at Caticlan Jetty Port.

Nabatid na ang gaganapin ang second Senior Officials Meeting (SOM) ngayong Mayo  10-21 at ang Ministers Responsible for Trade Meeting ay sa darating naman ng Mayo 23 hanggang Mayo 28 sa isla ng Boracay.