Phase II ng Drainage sa Boracay, nasa bidding process na

Posted March 9, 2017

Ni Inna Carol L. Zambrona, YES FM Boracay

Nakalatag na o nasa bidding process na umano ang Phase II sa gagawing drainage system sa isla, partikular sa area ng Bolabog.

Sa panayam kay Boracay Island Water Company (BIWC) Operations Head Jennifer Vergara , sinisimulan na umano ng Tourism Infrastructure and Enterprise Zone Authority (TIEZA) ang pag-sasaayos para sa pag-uumpisa ng Phase II ng drainage system na nakatakdang gawin sa 1^st half ng taon.

Aniya, kung matatandaan noong 2014 ng simulan ang Phase 1 ng drainage system at nito lamang nakaraang taon ay nagkaroon ng Memorandum of Agreement (MOA) signing sa gitna ng Lokal na pamahalaan ng Malay at ibat-ibang stakeholder sa Boracay para sa naturang proyekto.

Ayon kay  Vergara, meron ng budget ang una sa apat na packages ng  proyekto lalo na ang Bolabog drainage line na uumpisahan kapag meron ng napiling contractor sa ginagawang bidding.  

Ang bawat package umano ng mga area na lalatagan ng drainage line ay magkakaroon ng sariling pumping station na kinabibilangan ng Bolabog hanggang Ambulong at Lugutan areas.

Sa Phase II, balak din na habaan ng outfall pipe para hindi maka-apekto sa kalidad ng tubig lalo na sa Bolabog Beach.

Umapela naman si Vergara sa mga Boracaynon na hindi lang umano ang kanilang opisina, TIEZA at LGU ang magtulungan para sa drainage system sa Boracay kundi pati na ang mga residente dito.

Apat na katao, arestado pagkatapos makuhanan ng Skimming Device

Posted March 8, 2017

Ni Danita Jean A. Pelayo, YES FM Boracay

Photo Credit SPO1 Christopher Mendoza 

Arestado ang apat na katao sa Boracay matapos na magsagawa ng hot pursuit manhunt operation ang Boracay Tourist Assistance Center o (BTAC) sa Caticlan Jetty Port.

Kinilala ang apat na naaresto na sina Camela Cho Pahati, 33-anyos mula sa Sta Cruz, Manila, Reynald Merlan Bartolome, 29-anyos na residente ng Mariveles, Bataan, Jose De Leon Marcelino at Apol Cruz Buenaflor na parehong nagmula sa Taguig.

Ayon sa salaysay ng waitress ng isang sikat na bar na nagreport sa BTAC, mayroong umanong ginamit na tatlong credit cards ang mga suspek kung saan ni-reject itong lahat.

Napag- alaman na ang mga suspek ay unang lumabag sa di-umano'y estafa dahil sa hindi pagbayad ng kanilang bill na nagkakahalaga P8, 188.98 pesos sa naturang bar.

Bukod dito, isang bar pa ang nabiktima ng modus ni Bartolome na nagpakilala bilang si Sebastian matapos itong umorder ng champagne at pagkain.

Dahil dito, naalarma na ang isang HR ng hotel sa isla kung saan nanuluyan ang mag suspek at tinawag ang atensyon ng nabiktimang bar tungkol sa card transaction kung kaya’t agad naman itong ini-report sa mga otoridad.

Narecover ng mga operatiba ang mga skimming device, isang laptop, assorted credit cards, Postal ID, Driver license at cellular phones mula sa mga nahuling suspeks.

Sa ngayon ang apat ay kasalukuyang nakapiit na sa BTAC lock-up cell para sa kasong estafa at paglabag sa Republic Act No. 8484 “An Act Regulating the Issuance and Use of Access Devices, Prohibiting Fraudulent Acts".

Lalaki, srestado sa kasong Murder

Posted March 8, 2017

Ni Danita Jean A. Pelayo, YES FM Boracay

Arestado ang isang lalaki na may kasong murder kahapon ng alas-singko sa Brgy. Agbago,Ibajay.

Sa pinagsamang pwersa ng APPO tracker team sa pangunguna ni PI Angelito De Jose kasama ang Ibajay MPS, Aklan PIB at Aklan Provincial Public Safety Company o APPSC ay nahuli ang suspek na si Loreto Sangyahon Y Ambrocio na residente ng Hinueogan, Brgy.Talon, Altavas sa bisa ng Warrant of Arrest na may Criminal Case No. 2544 para sa kasong murder.

Ang nasabing kautusan ay inisyu ni Hon. Manuel M. Barrios, Presiding Judge ng RTC 6th Judicial Regional Branch 21, Mambusao, Capiz noong ika - 26 ng Abril taong 2000.

Samantala, wala namang nakalaang pyansa para sa pansamantalang kalayaan ng nasabing akusado.

Lalaki sa Banga, natagpuang patay sa sariling bahay

Posted March 8, 2017

Ni Danita Jean A. Pelayo, YES FM Boracay

Isang lalaki ang natagpuang patay sa kanilang bahay kahapon alas-sais y medya ng umaga sa Brgy. Libas, Banga, Aklan.

Nadatnang naliligo na sa kanyang sariling dugo ang biktima na kinilalang si Juliuz Marledge Amparo y Risan, 35-anyos residente ng naturang ring lugar.

Ayon sa report ng Banga Municipal Police Station, naabutan na wala ng buhay na nakahiga sa kanilang kwarto ang biktima kung saan nakitang may tama ng baril sa kanyang ulo.

Agad namang humingi ng tulong ang pamilya ng biktima sa Banga PNP kung saan sinuri naman ng Scene of the Crime Operatives o SOCO ang pinangyarihan ng insidente para sa masusing imbestigasyon.

Sa ngayon ay patuloy pa ang ginagawang pagkalap ng impormasyon ng mga otoridad sa posibleng motibo ng pagpatay sa biktima.

Rebulosyunaryong Partido ng Manggagawa-Mindanao, itinanggi ang pagkadawit sa pag-paslang kay Dr. Dreyfuss Perlas

Posted March 8, 2017

Ni Inna Carol L. Zambrona, YES FM Boracay

Itinanggi ngayon ng Rebulosyunaryong Partido ng Manggagawa-Mindanao ang pagkakadawit ng grupo sa pagbaril-patay sa Aklanong doktor na si Dreyfuss Perlas nitong Marso 1 sa Kapatagan Lanao, Del Norte.

Sa sulat na inilabas ng RPM- RPA, itinanggi nila ang pagdawit sa kasamahan nilang si Ka Ruben na umano’y suspek sa pagpaslang sa doktor na kalaunan ay  napatay ng mga elemnto ng Philippine Army at PNP sa Bagong Silang, Kapatagan, Lanao Del Norte nitong Marso a-kwatro.

Nabatid na si Ka Ruben ay bahagi ng isang Political and Military Cadre of the Revulotionary People’s Army RPA simula ng umalis ito sa kumunistang grupo ng Communist Party of the Philippines- New People Army-National Democratic Front of the Philippines (CPP-NPA-NDFP).

Ayon sa rebolusyonaryong grupo, maliban sa pagpaslang sa kanilang lider ay hindi pa raw nakuntento ang mga otoridad at idinawit pa si Ka Ruben sa kaso ni Perlas kung saan kahalintulad din na hustisya ang kanilang hanap.

Paglilinaw din nila, malaking kawalan si Dr. Perlas sa Lanao Del Norte na nagsilbi sa mga mahihirap at malalayong area sa Lanao.

Sa kasalukuyan, nais ng grupo na ipaalam sa publiko na pinalabas na fall guy si Ka Ruben para pagtakpan umano ang kawalan ng kapasidad ng mga otoridad at sa panawagan ng agarang hustisya sa pinaslang na doktor.