Lalaking nakursunadahan, binaril sa Kalibo

Posted December 12, 2016

Ni Danita Jean A. Pelayo, YES FM Boracay

Nagpapagaling na sa ngayon sa Aklan Provincial Hospital ang isang fish vendor matapos na barilin sa tapat ng isang paaralan kagabi.

Ayon sa live- in partner ng biktima na kinilalang si April Gay Salonzo, nag-uusap di umano silang dalawa ng bigla na lamang dumating ang suspek na kinilalang si Mark Jojo Maayon Taligatos, 24- anyos, construction worker at residente ng Purok 6 C. Laserna St. at nagsabi ng “Kursunada mo ako meg ay”? na agad namang sinagot ng biktima ng “Uwa meg ah”.

Subalit sa hindi malamang dahilan, ay bigla na lamang umano siyang sinuntok ng suspek. At para makaiwas sa gulo, tumakbo papalayo ang biktima.

Ngunit hinabol umano ito ni Taligatos, na napag- alamang may dalang armas at dito na nga binaril ng suspek ang biktima kung saan nagtamo ito ng tama sa kanang dibdib.

Sa ngayon, patuloy na ang manhunt operation ng mga kapulisan para madakip ang nasabing suspek.

34-anyos na lalaki sa Boracay, arestado sa buy-bust operation

Posted December 12, 2016

Ni Inna Carol L. Zambrona, YES FM Boracay

Arestado ang isang 34-anyos na lalaki matapos itong mahuli sa isinagawang drug buy-bust operation sa Sitio Lugutan, Brgy. Manocmanoc, Boracay.

Nakilala ang naarestong suspek na si Michael Capangpangan y delos Santos, ng Sitio Ambulong ng naturang Brgy.

Nabilhan ng dalawang sachet ng pinaghihinalaang droga kapalit ng P1, 000 na buy-bust money ang suspek ng pinagsamang puwersa ng Malay Municipal Anti-Illegal Drug Special Operations Task Group (MAIDSOTG) ng Malay PNP at Boracay PNP.

Sa ngayon ang suspek ay nakatakdang sampahan ng kasong paglabag sa Republic Act 9165 o dangerous drugs act of 2002.

Red at Yellow flag sa front beach, inilagay ng Boracay Lifeguards para sa ligtas na paliguan ngayong Holiday Season

Posted December 12, 2016

Ni Inna Carol L. Zambrona at Danita Jean A. Pelayo, YES FM Boracay

Nakahanda na ang Municipal Disaster Risk Reduction Office o MDRRMO lalo na ngayong panahon ng holidays at Christmas season kung saan naglagay na sila ng Red at Yellow flag sa front beach para malaman ng publiko na ligtas ditong maligo.

Ayon kay Greg Ong at Nonah Delo Santos ng MDRRMO, mayroon umanong indikasyon upang malaman na ligtas ang nasabing lugar at ito ay sa pamamagitan ng mga nakalagay na red at yellow flags at sinisiguradong may nakaduty na lifeguard.

Anila, may mga taong nagbabantay sa mga baybayin ng isla at sa taas na rin ng life guard tower, para i-monitor ang pangyayari sa beach, at ang iba ay nagro-roving din.

Nag-paabot naman ng mensahe ang mga lifeguard ng Boracay sa mga turistang naliligo at maliligo sa baybayin ng isla na maging responsable din sa mga alintuntuning ipinapatupad ng MDRRMO at Boracay Lifegurads upang maiwasan ang mga disgrasyang pwedeng mangyari lalo na’t papalapit na ang super peak season at aasahang dagsa na naman ang mga magbabakasyon sa isla ng Boracay.

Samantala, ang pagbabantay sa mga baybayin sa isla ay ginagawa ng Boracay Lifeguards mula alas-siyete ng umaga hanggang alas-siyete ng gabi. Habang bukas naman 24 hrs.ang kanilang Command Center para sa anumang concern ng publiko at anumang tulong na maaari nilang hingin sa mga Boracay Lifeguards.

Swimsuit competition ng mga kandidata ng “Mutya it Ati-Atihan 2017”, matutunghayan sa Boracay

Posted December 10, 2016

Ni Danita Jean A. Pelayo, YES FM Boracay

Matutunghayan ang 16 na mga nag-ga-gandahang mga kandidata ng “Mutya it Kalibo Ati- Atihan 2017” sa kanilang swimsuit competition na gaganapin sa Hennan Group of Resorts sa Boracay Wave Bar Station 2 ngayong alas- otso ng gabi.

Ayon kay Kalibo Ati-Atihan Sto. Niño Foundation, Inc. (KASAFI) Chairman Albert Meñes, maliban sa kompetisyong ito irarampa din ng mga kandidata ang mga obra ng mga top designers magmula sa Iloilo at Aklan.

Dagdag pa ni Meñes, ang final competition umano ay magaganap sa January 6, 2017 sa ABL Sports Complex sa Kalibo kung saan dadaluhan din ng mga artista galing sa isang malaking network.

Ang Ati-Atihan ay isinasagawa tuwing ikatlong linggo sa buwan ng Enero sa Kalibo, na tinatawag na “Mother of All Philippine Festival”.

Pinay Boracay, isinusulong ang organic farming

Posted December 10, 2016

Ni Inna Carol L. Zambrona, YES FM Boracay

Organic Farming.

Ito ngayon ang isinusulong ng Pinay Boracay sa kanilang mga miyembro dito sa isla ng Boracay.

Kanina sa programa ng Boracay Good News sa himpilang ito, ipina-abot ni Desiree Segovia, Secretariat/ Founder ng Boracay Women Producers Cooperative sa pamamagitan umano ng kanilang organisasyon ay -abot nila sa pubiko na nais sana nilang maipatupad na maging organic ang mga tao pagdating sa kanilang mga kinakain.

Aniya, sa 90 nilang miyembro bibigyan nila ito ng mga buto o binhi na kanilang itatanim at paparamihin.

Layunin umano nilang i-promote itong proyekto, para ma-educate at mapanatiling organic ang mga miyembro ng kanilang kooperatiba at maipalaam din sa tao ang importansya sa pagtanim at pagkain ng organic.

Nabatid na sila rin umano ay tumutulong sa mga miyembro ng 4P’s o Pantawid Pamilya Pilipino Program upang magkaroon sila ng ideya tungkol dito.

Kaugnay nito, nakatakda din nila umanong ituloy ang paggawa ng shampoo na gawa sa bulaklak na Gumamela.