Kontrobersyal na Yellow Submarine nasilayan na sa Boracay

Posted December 17, 2015

Ni Jay-ar M. Arante, YES FM Boracay

Nasilayan na kahapon sa karagatang sakop ng isla ng Boracay ang kontrobersyal na Yellow Submarine mula sa Cebu City para makapag-operate.

Ngunit ayon kay BRTF o Boracay Redevelopment Task Force Secretary Mabel Bacani, naisumite na umano sa kanila ng Sangguniang Bayan ng Malay ang resolusyon tungkol dito ngunit hindi pa umano nila ito na aprobahan.

Sinabi pa nito, na hindi pa sila maaaring makapag-release ng endorsement o permit para sa Submarino dahil sa hindi pa sapat ang mga dokumento nito.

Dahil dito, bawal pa itong mag-operate sa Boracay kung saan kailangan pa umano nilang magbigay ng go signal lalo na at hindi pa nila ito nabigyan ng permit na makapag-operate.

Nabatid na umani ng reaksyon sa social media ang naturang submarine ng ito ay nag-ooperate pa sa Cebu City dahil sa nasisira umano nito ang mga coral reefs.

Samantala tiniyak naman ni Committee on Tourism Jupiter Gallenero na hindi naman umano ito makaka-apekto sa mga korales sa karagatan ng Boracay kung saan tatakbo lamang ito ng mabagal at aatras pabalik sa isang area kung saan lulutang din umano ito sakaling may korales na madadaanan.

MHO Malay, nanawagan sa mga hindi nabigyan ng Oral Polio Vaccine

Posted December 17, 2015

Ni Inna Carol L. Zambrona, YES FM Boracay

Nanawagan ngayon ang Municipal Health Office (MHO-) Malay sa mga hindi nabigyan ng Oral Polio Vaccine partikular ang mga Day Care Students sa Boracay.

Ayon kay Malay Municipal Health Office (MHO) Health and Educational Promotion Officer Arbie Aspiras, ang mga hindi umano nakapunta sa kanilang unang pag-bibigay ng Oral Polio Vaccine ay binibigyan nila ng pagkakataon para magkaroon nito.

Sinabi nito na kailangan lang pumunta ang mga ito sa Health Center ng Manoc-manoc, Yapak at Balabag ngayong Biyernes Desyembre 18 ng alas-8 ng umaga.

Ngunit kung hindi naman umano makakapunta sa Biyernes ay pwede naman silang pumunta sa Desyembre 22-23 o di kaya ay sa 28 at 29 ngyong buwan ng ala- 1 ng hapon.

Nabatid na ang nasabing Oral Polio Vaccine ay ligtas umano para sa mga mabibigyang mga bata.

Australian National, ninakawan habang naka-upo sa dalampasigan

Posted December 17, 2015

Ni Inna Carol L. Zambrona, YES FM Boracay

Isa nanamang nakawan ang ine-report sa Boracay PNP kahapon sa Station 1 Brgy. Balabag, Boracay, Malay, Aklan.

Sumbong ng Australian National na si Tessa Poliakow sa mgapulis, kasama umano niya ang kanyang mga kaibigan na umupo sa dalampasigan kung saan linapag nito ang kanyang brown leather bag.

Dahil dito nabigla nalang umano siya dahil makalipas ng ilang minuto ay mabilis namang naglaho na parang bula ang kanyang bag na sinasabing kinuha ng hindi nakilalang lalaki kung saan siya mismo na kaupo.

Ang nasabing bag umano na ay naglalaman ng Panasonic camera, Cellphone, Portable Speaker at perang nagkakahalaga ng P900.

Miyembro ng 4Ps sa Aklan, nag-rally

Posted December 16, 2015

Ni Inna Carol L. Zambrona, YES FM Boracay

Nagsagawa ng rally ang mga miyembro ng Pantawid Pamilya Pilipino Program (4Ps) sa Aklan kaninang alas-2 ng hapon sa Kalibo Pastrana, Park.

Ang dahilan umano ng nasabing rally ay para maipagpatuloy ang na-umpisahang programa ng 4Ps na sila ay matulongan.

Nabatid na nanawagan ang mga konsumidor ng 4Ps na isabatas umano ang Conditional Cash Transfer (CCT) Bill at ipagpatuloy ang nasimulang tulong sa kanila.

Bukod dito ginawa rin  umano nila ang pag-rarally dahil sa bali-balitang tatapusin na ang nasabing programa sa susunod na taon sa kadahilanang magtatapos na ang kasalukuyang administrasyon sa 2016.

Biyahe ng mga bangka sa Boracay pansamantalang ginawang Tambisaan at Caticlan

Posted December 16, 2015

Ni Jay-ar M. Arante, YES FM Boracay

Pansamantala ngayong ginawang Tambisaan at Caticlan Jetty Port vice versa ang biyahe ng mga bangka papunta at palabas ng Boracay.

Ito ang pahayag ni Lt. Edison Diaz Commander In-Chief ng Philippine Coastguard (PCG) Caticlan nitong umaga sa panayam ng himpilang ito.

Ayon kay Diaz, kaninang alas-5 ng umaga ay ibinalik na sa normal ang biyahe ng mga bangka sa Cagban at Caticlan Jetty Port mula sa Tabon at Tambisaan Port kagabi.

Ngunit bago mag-tanghali kanina ay nag-desisyon umano ang Caticlan Boracay Transportation Multi Purpose Cooperative (CBTMP), na ilipat muli sa Tambisaan papuntang Caticlan Jetty Port ang biyahe dahil sa hindi umano kaya ng mga boatman ang lakas ng alon sa Cagban area.

Nabatid na tinanggal na kahapon ang storm signal number 1 sa Aklan dahil kay bagyong Nona na ngayon ay nararanasan pa sa ibang lugar sa bansa at inaasahang hihina at magiging low pressure area na lamang sa West Philippine Sea sa Biyernes.

Samantala, isa namang panibagong bagyo ang inaasahang papasok ngayong linggo kung saan pinaghahandaan na rin umano ito ng Coastguard Caticlan ayon kay Diaz.