25-anyos na lalaki sa Ibajay, Aklan, sinaksak-patay ng sariling kapatid

Posted September 27, 2016

Ni Inna Carol L. Zambrona, YES FM Boracay

Sinaksak-patay ang isang 25-anyos na lalaki ng kanyang sariling kapatid sa Brgy. Aparicio Ibajay, Aklan.

Kinilala ang biktima na si Elvin Italia at ang suspek na kapatid nito na si Edito Italia Jr., 39 kapwa nakatira sa nasabi ring lugar.

Sa report ng Ibajay PNP, nasa ilalim umano ng nakakalasing na inumin ang dalawa ng magkaroon ng mainitang diskusyon na ikinapikon ng suspek dahilan para kumuha ito ng kutsilyo at sinaksak ang biktima

Nabatid na dinala pa sa Ibajay District Hospital si Elvin, subali’t idineklara itong DOA o dead on arrival.

Sa ngayon, patuloy naman ang ginagawang manhunt operation ng Ibahay PNP station para sa ika-darakip ng suspek na tumakas matapos ang insidente.

Bagong STP ng BIWC, gagana na

Posted September 26, 2016

Ni Inna Carol L. Zambrona, YES FM Boracay

Photo Credit: Alan Palma Sr.

Binuksan na ang Manoc-manoc Sewage Treatment Plant ng BIWC ngayong araw.

Naging matagumpay ang pagbubukas ng nasabing proyekto sa pangunguna ni BIWC General Manager Mike Santos.

Ilan sa dumalo at nagbigay ng kanilang mensahe ay sina Tourism Infrastructure and Enterprise Zone Authority OIC Regulator Atty. Ma. Teresa Alvarez, Manila Water Chairman of the Board  Fernando Zobel de Ayala, Aklan Gov. Miraflores kung saan ibinahagi nila ang magandang epekto na maibibigay ng bagong STP sa isla.

Ayon kay Governor Miraflores, hangad din nito na maumpisahan ang susunod na proyekto na Yapak Sewer Treatment Plant sa lalong madaling panahon para buong isla na ang ma-serbisyuhan nito.

Kung maalala, dalawang taon na ang nakalipas ng hingin ng stakeholder sa Boracay Water na magtayo ng bagong STP dahil sa hindi na kaya ng Balabag STP ang kapasidad ng used water ng isla.

Nabatid na itong bagong planta ay may kapasidad mag linis ng mahigit sa 5-milyong litro na waste water kada araw.

Samantala, inaasahan naman na magiging matagumpay ang  pag-operate ng pangalawang Sewage Treatment Plant ng BIWC sa isla ng Boracay dahil na rin centralized network of sewer line na inilatag.

Postponement ng Barangay at SK Election, pirma na lang ni Duterte ang kulang

Posted September 26, 2016

Ni Inna Carol L. Zambrona, YES FM Boracay

Hinihintay parin ngayon ng Comelec ang opisyal na desisyon kung matutuloy o hindi ang Sangguniang Kabataan (SK) at Barangay Election ngayong Oktobre.

Ayon kay Malay COMELEC Officer II Elma Cahilig, naka-abang pa rin ang kanilang opisina sa kahihinatnan ng eleksyon habang wala pang  mula mismo kay Pangulong Duterte.

Nabatid na malapit ng ilabas ang desisyong ito na ngayon ay nasa third at final reading na ng Kongreso.  

Ayon pa kay Cahilig, nakahanda ang kanilang opisina sa kung anuman ang maging resulta sa desisyon ng COMELEC National kung saan kanila ng pinaghahandaan ang registration sa taong 2017 na magsisimula sa susunod na buwan ng Oktubre.

Sa panukala, isinusulong na maiurong ang eleksyon sa October 31, 2016 at balak na gawin sa October 23, 2017.

Isla ng boracay, napanatiling matatag sa kabila ng banta ng terorismo

Posted September 26, 2016

Ni Inna Carol L. Zambrona, YES FM Boracay

Sa kabila ng mga banta na natatanggap kaugnay sa terorismo at kasunod ng pagdedeklara ng state of lawlessness ni Pangulong Rodrigo Duterte, isa pa rin ngayon sa maituturing na matatag na dinadayo ng mga turista ang Boracay.

Ayon kay Jetty Port Administrator Niven Maquirang, ang pagdeklara ng state of lawlessness sa ating bansa para mapigilan ang posibleng pag-atake ng mga terorista sa ibat-ibang tourist destination rito, ay hindi naging hadlang dahil mas tumaas pa ang bilang ng mga turistang bumisita dito sa isla.

Nabatid na simula Enero ngayong taon hanggang  ngayong buwan ng Setyembre, may datos na 1, 310, 670 ang mga bumisitang dayuhan at lokal tourists.

Kung saan, ito umanong rekord ay mataas kumpara noong taong 2015 na nakapagtala lang ng 1, 199, 742 na turista.

Samantala, sa rekord na naitala may bilang na 662, 829 kabuuang foreign tourist na nagbakasyon sa Boracay habang 614, 338 naman ang domestic tourists.

Kaugnay nito, nanatili ang mahigpit na seguridad sa isla ng Boracay lalong-lalo na at papalapit na ang super-peak season.

Samatala, target naman nila ngayong taon ang 1.7 million tourist arrival.

Bagong OIC Jail Warden ng Aklan Rehabilitation Center, umupo na!

Posted September 24, 2016

Ni Inna Carol L. Zambrona, YES FM BORACAY

Credit to: Jy

Umpisa nitong Lunes Setyembre 19 taong kasalukuyan ay umupo na bilang bagong Jail warden Officer-in-Charge ng Aklan Rehabilitation Center o (ARC) si Provincial Guard (PG) 2 Dizon Tropa.

Ito ay matapos personal na natanggap ni PG2 Tropa ang office order sa opisina mismo ni Governor Florencio Miraflores na tumatayo bilang official jailer habang ang pinalitan naman nito na si Teddy Esto ay inassign sa Provincial Capitol.

Aminado si Tropa na maraming problema ang nangyari dito kung saan ito umano ay nag-ugat matapos simulan ang Oplan Galugad ng mga operatiba ng Philippine Drug Enforcement Agency (PDEA), Aklan Police Provincial Office ng 12th Infantry Batallion at Philippine Army noong Setyembre a-syete kung saan nakumpiska umano dito ang mga matatalim na bagay, cellphones at sari-saring drug paraphernalia sa selda ng mga inmates.

Samantala sa pagtalaga ngayon kay Tropa sa posisyon, may mga plano na itong ginagawa sa kanyang mga kasama upang mapalakas ang seguridad sa loob at hindi na maulit ang mga nangyaring problema sa Provincial Jail.