Asya Premier Suites Boracay, kampeon sa 2nd First Aid Olympics ng Philippine Red-Cross

Posted September 29, 2015

Ni Jay-ar M. Arante, YES FM Boracay

Tinangahal na kampeon ang Asya Premier Suites Boracay sa ginanap na 2nd First Aid Olympics ng Philippine Red-Cross (PRC) Boracay-Malay Chapter kaninang umaga.

Tinalo nito ang mga kalaban mula sa ibat-ibang Resort/Civic Groups sa Boracay na sumali sa nasabing palaro na may temang "First Aide and Ageing Population".

Naglaban-laban ang mga ito sa limang categories sa limang areas kagaya ng bandaging relay, caring of patient, Cardiopulmonary resuscitation (CPR), Situational analysis at Quiz bee.

Tinanghal naman bilang 2^nd place ang Boracay Shang-rila, 3^rd place ang Boracay Haven habang nakakuha naman ng special awards ang KABALIKAT CIVICOM.

Nakatanggap naman ang mga nanalo ng Plaque at medals na iniabot mismo ni PRC Boracay-Malay Chapter Marlo Schoenberger at ni Municipal Chief Tourism Operations Officer Felix Delos Santos na siyang naging panauhing pandangal.

Samantala, pinasalamatan naman ni Schoenberger ang lahat ng mga grupong sumali sa matagumpay na First Aid Olympics sa Boracay.

9 na chief of police sa Aklan paiimbestigahan dahil sa umanoy non-performance of duties

Posted September 29, 2015

Ni Jay-ar M. Arante, YES FM Boracay

Nasa ilalim ngayon ng imbestigasyon ng Aklan Police Provincial Police Office ang siyam na Chief of Police na umanoy hindi ginagawa ang kanilang trabaho.

Ayon kay Senior Superintendent Iver Appelido, acting provincial police director, bigo umano ang siyam na mga chief of police na maka-aresto ng mga suspek sa illegal na druga sa kanilang nasasakupang bayan.

Napag-alaman na walang record ang sinasabing siyam na mga chief of police sa pag-aresto sa mga suspek na may kaugnayan sa ipinagbabawal na druga.

Samantala, iginiit naman ni Appelido na sinusunod lamang nila kung ano ang ipinapagawa sa kanila ng Police Regional Office 6.

Opening Salvo ng Ati-Atihan Festival 2016 inaabangan na ngayong Oktobre

Posted September 28, 2015

Ni Jay-ar M. Arante, YES FM Boracay

Ngayong Oktobre 23, 2015 pormal ng magbubukas ang mahabang selebrasyon ng Ati-Atihan Santo Niño Festival 2016 sa Enero.

Ayon kay Kalibo Sto. Nino Ati-Atihan Foundation, Inc. (Kasafi) chairman Albert Menez, dadagundong na umano ang malalakas na tunog ng mga drums na sasabayan ng pagsayaw ng mga deboto.

Sinabi ni Menez na matapos ang pormal na pagpaphayag ng Opening Salvo ay dito na umano magsisimula ang tinatawag na ‘sadsad’ o street dancing sa ibat-ibang pangunahing kalsada sa bayan ng Kalibo lalo na sa paligid ng Pastrana Park.

Matapos nito isang kasiyahan naman ang magaganap sa Magsaysay Park sa Oktobre 24 tampok ang ilang DJ at artista sa bansa.

Ang Ati-Atihan celebration ay magaganap sa Enero 8-17 2016 sa bayan ng Kalibo kung saan inaasahan ang libo-libong deboto at mga turista sa tinaguriang “Mother of all Philippine Festivals,”

Mga "dangling wires" sa bayan ng Kalibo, tatanggalin na

Posted September 26, 2015

Ni Jay-ar M. Arante, YES FM Boracay

Dahil sa mabilis na improvement ng bayan ng Kalibo, nakatakda ngayong tanggalin ang mga "dangling wires" o mga nakalawit na kable ng kuryente ng ibat-ibang telecommunication company.

Ito mismo ay kikilalanin ng Kalibo Municipal Planning & Development Coordinator (MPDC).

Sa report nangako ang utility firms na kanilang aayusin o tatanggalin ang mga nakabitin na wire at bulok na poste na maaaring magdulot ng panganib sa pangunahing kalsada sa bayan ng Kalibo.

Maliban dito aayusin din nila ang mga mababang kable ng kuryente para sa kaligtasan ng mga motorista sa sandaling mailagay na ang mga traffic lights.

Nabatid na kabilang din dito ang pag-sasaayos ng mga sirang poste na maaaring makapagdulot ng piligro sa mga establisyemento at ang tinatawag na spaghetti wire na eye-sores sa mga tao.

Lasing na lalaki, sa kulungan na ipinagpatuloy ang kanyang kaarawan

Posted September 26, 2015

Ni Jay-ar M. Arante, YES FM Boracay

Sa kulungan na ng Boracay PNP Station ipinagpatuloy ng isang lalaki ang kanyang ika-26 na kaarawan matapos na magwala at manggulo sa Sitio Pinaungon, Boracay.

Sumbong ng nagrereklamong si Judy Seraspi sa Boracay PNP, masyado umanong nakadistorbo ang ginagawang pag-iingay ng inirereklamo nitong si Mark Leo Basay sa kanilang lugar.

Ayon kay Seraspi lasing umano si Basay habang ipinagdidiriwang nito ang kanyang kaarawan dahilan para ireklamo niya ito dahil sa inililikhang ingay.

Maliban dito makailang beses niya rin umanong sinuway si Basay ngunit hindi umano siya pinakinggan sa halip ay sumigaw pa ito ng malakas at sinira ang bakud sa lugar.

Samantala sa Boracay PNP lock-up cell na nagpalipas ng kanyang kaarawan si Basay.