Bagsak presyo ng ilang Travel Agency tinalakay sa Sangguniang Bayan

Posted June 5, 2019

Inna Carol L. Zambrona, YES THE BEST BORACAY NEWS DEPARTMENT

Nais paimbestigahan ni Sangguniang Bayan Member Dante Pagsuguiron ang isang Travel Agency dahil sa nagbibigay umano ito ng bagsak presyo o mas mababang taripa sa mga turista.

Nag-ugat ang alegasyon sa sumbong ni Thomas Santiago, Presidente ng Chinese-Pilipino Community at tinukoy nito na isang Chinese National ang nagpapatakbo ng naturang travel and tour agency.

Sa kaniyang privilege speech, inihalimbawa ni Pagsuguiron ang presyuhan sa Helicopter Tour kung saan nasa P4,500 hanggang P4,900 ang rate subalit mahigit tatlong libo lang ang ino-offer ng nasabing agency na malayo umano sa taripa na dapat sundin.

Dahil sa komplikadong isyu, nais malaman ng Sangguniang Bayan kung akreditado o miyembro ng Boracay Island Travel and Tour Operators Association (BITATOA) ang inirireklamong agency.

Nais kasi ni SB Nenette Aguirre-Graf na huwag na itong idaan sa plenaryo at irefer sa committee level para maresolba ang isyu.

Samantala, sinangayunan ito ni SB Bautista na idaan ito sa Committee Hearing at suhestyon nito na imbitahan sa sususnod na sesyon ang Water Sports Activity Association.

Dagdag pa ni Bautista na hindi pwedeng basta-bastang magpababa ng tariff rate ang mga operators ng water sports at ilang tour operators hanggat hindi na-a-aprubahan ng BITATOA.

Kung maaalala, regulated ng LGU Malay ang lahat ng rate ng water sports at island activities sa Boracay.

Dahil dito, napagkasunduan na imbitahan sa susunod na sesyon ang presidente ng Travel and Tours na si Thomas Santiago at Russel Cruz ng Water Sports Association.

Bagsak presyo ng ilang Travel Agency tinalakay sa Sangguniang Bayan

Posted June 6, 2019

Inna Carol L. Zambrona, YES THE BEST BORACAY NEWS DEPARTMENT

Nais paimbestigahan ni Sangguniang Bayan Member Dante Pagsuguiron ang isang Travel Agency dahil sa nagbibigay umano ito ng bagsak presyo o mas mababang taripa sa mga turista.

Nag-ugat ang alegasyon sa sumbong ni Thomas Santiago, Presidente ng Chinese-Pilipino Community at tinukoy nito na isang Chinese National ang nagpapatakbo ng naturang travel and tour agency.

Sa kaniyang privilege speech, inihalimbawa ni Pagsuguiron ang presyuhan sa Helicopter Tour kung saan nasa P4,500 hanggang P4,900 ang rate subalit mahigit tatlong libo lang ang ino-offer ng nasabing agency na malayo umano sa taripa na dapat sundin.

Dahil sa komplikadong isyu, nais malaman ng Sangguniang Bayan kung akreditado o miyembro ng Boracay Island Travel and Tour Operators Association (BITATOA) ang inirireklamong agency.

Nais kasi ni SB Nenette Aguirre-Graf na huwag na itong idaan sa plenaryo at irefer sa committee level para maresolba ang isyu.

Samantala, sinangayunan ito ni SB Bautista na idaan ito sa Committee Hearing at suhestyon nito na imbitahan sa sususnod na sesyon ang Water Sports Activity Association.

Dagdag pa ni Bautista na hindi pwedeng basta-bastang magpababa ng tariff rate ang mga operators ng water sports at ilang tour operators hanggat hindi na-a-aprubahan ng BITATOA.

Kung maaalala, regulated ng LGU Malay ang lahat ng rate ng water sports at island activities sa Boracay.

Dahil dito, napagkasunduan na imbitahan sa susunod na sesyon ang presidente ng Travel and Tours na si Thomas Santiago at Russel Cruz ng Water Sports Association.

Menor de edad huli matapos tangkang nakawan at sunogin ang pinasok na bahay

Posted June 4, 2019

Inna Carol Zambrona, Yes The Best Boracay NEWS DEPARTMENT

Nasa kustodiya na ngayon ng Womens and Children Protection Desk WCPD ng Malay PNP ang isang menor de edad matapos nitong tangkang pagnakawan at silaban ang loob ng isang bahay-paupahan sa Brgy. Yapak, nitong hapon.

Ayon sa may-ari na si Raymond Manalo, napansin umano nitong umuusok ang pinauupahang bahay kung kaya’t agad niya itong pinuntahan at doon nga naaktuhan nito ang suspek na na sinusunog ang loob ng bahay.

Bago nito, dumaan umano ang suspek sa bintana at ng malaman na nasa loob na ito ay sinarado ito ni Manalo para hindi ito makatakas.

Agad namang naapula ang apoy na nagmula sa mga sinilabang papel at karton.

Hindi naman sukat akalain ni Manalo na magagawa ito ng batang suspek na ayon sa huli ay madalas sa lugar.

Nabatid na ang bahay ay pinapaupahan ni Manalo sa mga trabahador ay contractor ng isang hotel na malapit sa area.

Boracay Muslim Community naghahanda na sa Eid Al-Fitr

Posted May 30, 2019

Teresa Iguid, YES THE BEST BORACAY NEWS DEPARTMENT

Naghahanda na ang muslim community sa Boracay para sa nalalapit na pagtatapos ng Ramadan o Eid Al-Fitr.

Kasabay ng nalalapit na selebrasyon ng Eid’l Fitr o ang pagtatapos ng isang buwang pag-aayuno ay ibinahagi ni Sec. Najeb Apal ng Boracay Muslim Community ang kahalagahan ng Ramadan.

“Ang Ramadan ay hindi lamang pag-aayuno kundi ang pagpapakita ng pagkakapantay-pantay ng lahat ng muslim gayundin ang aral na mahigpit na ipinagbabawal sa isang mananampalatayang muslim na makapag salita o makagawa ng ano mang makakapagpahamak sa kapwa."

Ito ang paliwanag ni Apal kung saan ang pagdiriwang umano ng Eid’l Fitr ay napakahalaga bilang isang mananampalatayang Islam.

Isa aniya itong malaking selebrasyon na nagsisimbolo ng tunay na pagkakaisa, pagmamahalan at pagpapakita ng magandang dulot ng pag-aayuno sa buwan ng Ramadan.

Bilang bahagi ng naturang okasyon, sila ay maaga pa aniyang magdarasal kasama ang kanilang mga lider na syang nagsisiwalat ng pagkakaroon ng pagpaptawad at pagkakaisa ng lahat.

Dagdag pa nito, bilang bahagi ng selebrasyon, sila aniya’y nagkakatay (tulad ng kambing o baka) na susundan ng kasiyahan matapos ang pagdadasal ng mga Islam.

Samantala, nagpaabot naman ng mensahe ng pag suporta sa kung ano ang tama si Apal sa kaniyang kapwa muslim sa Isla ng Boracay.

Kasabay sa selebrasyon na ito ay idineklara ni Pangulong Duterte na holiday ang June 5.

DPWH binuksan ang STP ng TIEZA dahil sa baha

Posted May 29, 2019

Pansamantalang binuksan ng DPWH ang STP Project ng TIEZA sa Bolabog dahil sa naranasang pagbaha sa mga low-lying areas sa Boracay kaninang madaling-araw.

“Binutas namin ang outfall ng TIEZA dahil hindi bumababa at dumadaloy ang ang tubig ulan sa drainage”.

Ito ang pahayag ni DPWH Engr. Fritz Ruiz matapos maranasan ng ilang residente sa Bolabog at Lying Inn area na pumasok na sa kanilang mga bahay ang tubig baha dulot ng apat na oras na pag-uulan.

Dagdag pa ni Ruiz, kung hindi nila ito gagawin ay siguradong babahain ang laketown area na ayon sa huli ay barado ang drainage line sa lugar.

Marami kasing debris at mga basura na bumara sa manhole na itinapon ng mga tao kaya nilinis nila ito para humupa ang baha.

Bago nito, binaha rin ang kalsada sa laketown area noong ng Linggo ng madaling-araw.

Samantala, aminado si Ruiz na matatagalan pa bago matapos ang tatlong outfall sa Bolabog na dadaluyan ng tubig-ulan subalit pag-uusapan nila ito sa Inter Agency Task Force para magkaroon ng timeline lalo’t papasok na ang panahon ng bagyo.

Kung maaalala, ang TIEZA ay naglaan ng mahigit P1-Billion para malutas ang matagal ng problema sa baha sa Boracay.

Inaasahan na matatapos itong Phase II ng Boracay Water Drainage Project ng TIEZA bago matapos ang 2019.