Phase 1 sa ipinapatayong ospital sa Boracay, nakatakdang buksan

Posted January 5, 2017

Ni Inna Carol L. Zambrona, YES FM Boracay

Nakatakda ngayong buksan ang Phase 1 sa ipinapatayong bagong ospital na Don Ciriaco S. Tirol Memorial Hospital (DCSTMH) o mas kilala sa tawag na Boracay Hospital.

Ito ang sinabi ni Lily Ann Eslabra Medical Officer 4 ng ipinapatayong ospital.

 Aniya, pansamantala umanong bubuksan sa Enero 25 ang Phase 1 ng naturang ospital subalit para lang muna ito sa Out Patient Department.

Ito umano ay bahagi na rin ng preparasyon para sa nalalapit na ASEAN Summit at para rin sa mga mamayan ng Malay at Boracay.

Sinabi nito, na patuloy parin  ginagawa ang Phase 2 at 3 ng ospital kaya hindi pa ito pweding magamit.

Kaugnay nito, meron umanong 35 bed ang ospital kung saan hinihintay na lang ma-deliver ang ibang mga equipment dito.

Nabatid na meron ng mga nakatakdang espesyalistang doktor para dito subalit kulang sila ng dalawa kaya naghahanap sila ngayon ng bagong aplikante.

Kaugnay nito, may sampu na ring mga nurse ang ospital, ngunit may apat pa silang kailangan dito.

Sinabi pa ni Eslabra nakatakda umano nilang imbitahan ang mga stakeholders sa Boracay upang pag-usapan ang proyekto at kung ano ang kanilang maiitulong sa naturang ospital.

Mutya it Kalibo Ati-Atihan Festival 2017, malapit ng matunghayan

Posted January 4, 2017

Ni Danita Jean A. Pelayo, YES FM Boracay

Malapit ng matunghayan ang isa sa mga na prestihiyosong beauty event sa Aklan na inaabangan sa taong ito na may kaugnayan sa selebrasyon ng Ati-atihan Festival.

Dalawang araw na lamang ang hinihintay para sa pagrampa ng mga kandidata sa nalalapit na “Mutya it Kalibo Ati- Atihan 2017” na gaganapin sa January 6, 2017 sa Gov. Augusto B. Legaspi Sports and Cultural Center sa Kalibo, Aklan.

Magtatagisan ang labing-anim na kandidata sa patimpalak na mayroong apat na kategorya para sa swimsuit, production number, evening gown, Ati-Atihan Festival costume at para maiuuwi na ang korona sa patimpalak na ito.

Ang mga kandidata ay kinilalang sila Harriette Panagsagan, Gillian Christine Bartolome, Eleonora Valentina Laorenza, Kimberly Joy Dalida, Camille Fate Santos, Honey Christy Bandiola, Eirene Mae Cuare, Janelyn Salido,Theodora Elizabeth Laorenza, Jazzine Mae Andres, Rose Fuerte, Khadine Hontiveros, May Adel Ahmed Salman, Cleorodizel Baruela, Ma. Andrea Paula Gabay, at Rosebella Arbon.

Sa kabilang banda,inaasahan ang pagbisita ng ilang artista at mga beauty queens tulad na lamang nina GMA TV network singer James Wright, Miss Global Pilipinas 2016 at Miss Global first runner-up Camille "CJ" Hirro, 2015 Binibining Piipinas International Janicel Lubina, at Miss Tourism Queen International Pilipinas 2016 Nancy Lee Leonard.

Samantala, handang-handa na si outgoing Mutya ito Kalibo Ati-Atihan 2016 Michelle Lou Tordecillas Dela Cruz na ipatung ang korona sa susunod na festival queen.

Pag-issue ng Snorkeling Ticket balak gawan ng SB Resolution dahil sa anomalya

Posted January 4, 2017

Ni Inna Carol L. Zambrona, YES FM Boracay

Matapos talakayin ang anomalya sa pekeng snorkeling ticket, umusbong na naman ang bagong usapin patungkol sa operasyon sa mga snorkeling area sa Boracay.

Kasama sa isinagawang privilege speech ni SB Pagsuguiron sa 1^st Regular Session ng Malay ay ang pag-presenta ng mga Snorkeling Manifesto na ibinigay umano sa kanya ng mga boatman.

Sa manifesto, nakasulat ang mga pangalan ng mga guest na dumayo sa snorkeling area at umano’y siningil ng P40 na walang ibinigay na resibo.

Sa rekomendasyon ni Pagsuguiron, nararapat na gawan ng SB Resolution ang pag-papahinto pamsamantala ng pagsingil ng snorkeling fee habang wala pang inilalabas na snorkeling ticket na galing mismo sa Treasurer’s Office ng Malay.

Anya, papayagan pa rin ang operasyon sa mga snorkeling area subalit nararapat na tapusin muna ang issue hinggil dito para maiwasan ang posibleng kurapsyon na mangyayari kapag hindi matukoy kung saan napupunta ang mga ibinabayad.

Ayon naman kay SB Fromy Bautista, kailangan munang itanong ang lahat ng ito sa opisina ng Municipal Treasurer’s Office bago bigyan ng anumang komento para maliwanag sa lahat ang susunod na gagawing aksyon ng sanggunian.

Nag-ugat ang issue sa snorkeling ticket basi  na rin sa mga naging findings ng COA at sa pagka-diskubre sa mga peke di-umanong ticket at sa umano’y ma-anomalyang pagsingil ng mga nakatalaga sa mga snorkeling areas sa karagatan ng Boracay.

Isla ng Boracay, nakapagtala ng zero fire cracker at bullet incidents nitong Pasko at Bagong Taon

Posted January 3, 2017

Ni Inna Carol L. Zambrona, YES FM Boracay

Sa kabila ng pagdagsa ng mga local at foreign tourists, nakapagtala ng Zero fire Cracker at bullet incidents ang isla ng Boracay nitong pasko at nagdaang bagong taon.

Labis naman ang pasasalamat ng Boracay PNP dahil dito.

Ayon kay Senior Police Officer 2 Christopher Mendoza ng BTAC, kasabay din umano ng kanilang pagtutulungan kasama ang iba pang mga law enforcer’s ay wala ring malalaking krimen o insidenteng naiparekord sa kanilang himpilan, maliban na lang sa away pamilya.

Nakamit ang kapayaan sa pagdiriwang ng Pasko at Bagong Taon, dahil na rin sa seguridad na ipinatupad ng mga otoridad sa isla.

At sa kabuuan, ikinatuwang inihayag ni Mendoza na naging mapayapa at masaya ang selebrasyon ng Pasko at bagong taon sa isla ng Boracay.

Biktima ng paputok ngayong taon sa Aklan, tumaas - PHO

Posted January 3, 2017

Ni Inna Carol L. Zambrona, YES FM Boracay

Tumaas umano ngayon sa 29% ang biktima ng  kumpara noong nakalipas na taon 2016.

Ayon kay Provincial Health Officer I, Dr. Cornelio Cuachon, simula December 21 hanggang Enero 1, 2017, labing-apat umano ang mga naging biktima ng paputok kung saan sampu naman noong nakaraang taon.

Aniya, ang apat umano sa labing-apat na biktima ng paputok ay nangyari ng mismong selebrasyon ng bagong taon, habang ang sampu dito ay bago ang bagong taon.

Nabatid na labing-tatlo sa mga biktima ay lalaki at isang babae kung saan lahat naman ng ito ay minor injuries lang ang natamong sugat. Samantala, kabilang umano dito ang 72- taong gulang na lola na naputukan sa kamay habang nanunood ng mga nagpapaputok.

Kaugnay nito, ang mga bayan na nabiktima ng paputok ay Kalibo, New Washington, Numancia, Nabas at Tangalan.

Samantala, magtatagal pa umano ang kanilang monitoring hanggang January 5.