YES THE BEST 911 BORACAY

Saturday, August 13, 2016

Dahil sa problema sa suplay ng kuryente sa Boracay SB Graf may naisip na paraan

Posted August 13, 2016
Ni Inna Carol L. Zambrona, YES FM Boracay

Image result for representanteAng pagtalaga ng isang representante mula sa bayan ng Malay ang isa sa mga naisip na paraan  ngayon ni SB member Nenette Aguirre-Graf tungkol sa problema sa kuryente.

Ayon kay Graf ito umano ang magiging taga-abot ng mga concerned sa Aklan Electric Cooperative (AKELCO) pagdating sa problema sa suplay ng kuryente sa nasabing bayan para sa mas mabilis na pag-aksyon.

Nabatid kasi na nitong mga huling araw ay tila napaaga ang pasko dahil sa patay sindi na ilaw na mistulang Christmas light dahilan para maghimutok sa galit ang mga taga Boracay dahil sa dinudulot nitong pagkasira ng kanilang mga appliances.

Samantala kung sakali naman umanong matuloy ito ay bubuo muna sila ng isang grupo para lamang sa suplay ng kuryente sa isla saka ang pagtalaga ng representante.

25 na preso ng BJMP Aklan kinilala bilang ALS A & E passers

Posted August 13, 2016
Ni Jay-ar M. Arante, YES FM Boracay

Image result for BJMP Aklan  inmates graduate
Photo by Aklan Forum
Nasa 25 inmates mula sa Bureau of Jail Management and Penology ang nabigyan ng rekognasyon sa graduation ceremony sa Nalook, Kalibo, Aklan nitong nakaraang linggo.

Ito’y matapos silang makapasa sa Department of Education’s Alternative Learning System Accreditation and Equivalency Test.

Sa press release mula sa BJMP-Aklan ang ginawang programa ay pinagsamang graduation rites para sa mga preso na nakakumpleto ng ALS elementary o secondary education para sa taong  2016, 2015, 2013 at naipasa ang A & E Test.

Ang ALS A & E Program, ay alinsunod sa Republic Act of 9155, kung saan ito ay module-based non-formal education na layun na mabigyan ng alternatibong paraan ng pagtuturo ang out-of-school youth at adult inmates na literate at hindi nakumpleto ang basic education.

Nabatid na sa 25 graduates, 16 ang graduates ng 2016, kung saan apat ang nakapasa sa  four elementary A & E Test habang 12 para sa secondary test. 

APPO tinututukan ang mga mga wanted person sa probinsya

Posted August 13, 2016
Ni Jay-ar M. Arante, YES FM Boracay

Image result for wanted personNakatutok din ngayon ang atensyon ng Aklan Police Provincial Office (APPO) sa mga wanted person sa probinsya.

Sa panayaman kay PINSP Angelito De Jose ng Trackers Team ng APPO isa umano sa mga layunin nila ngayon ay mahuli ang mga wanted o mga nagtatagong personalidad na may pananagutan sa batas.

Katunayan umano sunod sunod ang Kanilang mga nahuling wanted sa Aklan nitong mga nakaraang araw kung saan isa rito ang top 9 wanted person sa New Washington sa kasong pagnanakaw at ang isa naman ay sa bayan ng Numancia sa kasong serious physical injury.

Dahil dito nanawagan si De Jose sa mga wanted na akasudo na sumuko na para mapagaan ang kanilang mga kaso.

Friday, August 12, 2016

Miyembro ng 4P’s sa Malay, sumailalim sa Disaster Preparedness ng MDRRMO

Posted August 13, 2016
Ni Inna Carol L. Zambrona, YES FM Boracay

Image result for disaster preparedness“Paghahanda sa Kalamidad”

Ito ang sinabi ni Catherine Ong ng Municipal Disaster Risk Reduction Management Office ng Malay, para ihanda ang mga miyembro ng 4P’s o Pantawid Pamilya Pilipino Program ng Malay sa maaring kalamidad na mangyari sa ating bansa.

Kasama nila sa kanilang operasyon ang Municipal Social Welfare and Development Office (MSWDO), Malay Police Station at Bureau of Fire Protection Unit (BFP) upang magbigay ng kaalaman ang mga ito tungkol sa disaster preparedness.

Nabatid na mahigit 838 na indibidwal ang sasailalim sa naturang programa na miyembro ng 4P’s kung saan ang mga ito ay pupuntahan sa kanilang mga Barangay at doon sasanayin.

Ang programang ito ay sampung araw nilang gagawin na nag-simula nitong araw ng lunes Agosto 8 at magtatapos naman sa Agosto 22 taong kasalukuyan.

Illegal Commissioner sa Boracay huhulihin at pagmumultahin

Posted August 12, 2016
Ni Jay-ar M. Arante, YES FM Boracay 

Image result for Lokal na Pamahalaan ng MalayTila gagamitan na ngayon ng kamay na bakal ng Lokal na Pamahalaan ng Malay ang mga illegal commissioner sa isla ng Boracay.

Ito’y matapos silang isama sa isasagawang clearing operation o “Oplan Hawan” na magsisimula sa susunod na linggo.

Ayon kay Executive Assistant IV Rowen Aguirre ng Office of the Mayor ang sino mag illegal commissioner ang makikitang mag-aalok ng kanilang negosyo sa beach area o sa buong isla ay ipapahuli sa mga pulis at ire-rekord ang mga pangalan saka bibigyan ng penalidad na P2, 500.

Samantala,  lilimitahan din sa bawat sea sport shop ang kanilang mga taga-alok ng island activities na bibigyan ng pareho-parehong uniforme at I.D upang maiwasan ang pagkalat ng mga commissioner.

Nabatid na ang mga commissioner ang isa sa mga problema sa isla ng Boracay dahil sa panloloko ng mga ito sa mga turista sa pamamagitan ng pagtakbo sa ibinayad sa kanilang pera ng mga turista para sa island activities.

Night market pinaplano para sa mga Ambulant vendor sa Boracay

Posted August 12, 2016
Ni Jay-ar M. Arante, YES FM Boracay

Image result for ambulant vendor sa boracaySa kabila ng pagtanggal sa mga ambulant vendor sa vegetation area tuwing day-time pinaplano naman ngayon ng Lokal na Pamahalaan ng Malay ang night market para sa kanila.

Ito ang sinabi ni Executive Assistant Rowen Aguirre ng Office of the Mayor sa nakaraang meeting para sa gagawing clearing operation sa susunod na linggo.

Ayon pa kay Aguirre ilalagay na sa isang area ang mga ambulant vendor kung saan bibigyan naman ng penalidad ang mga susuway nito.

Napag-alaman na kahit ang vendor na may permit ay huhulihin ng mga pulis kung wala ang mga ito sa tamang puwesto.

Nabatid na kasama ang mga ambulant vendor sa gagawing clearing operation ng LGU kung saan kinakailangang malinis ang lahat ng area ng vegetation at walang makikitang mga upuan, lamesa at mga nagbibinta maliban sa mga masahista 

Thursday, August 11, 2016

Embalsamador, sinaksak ng kainuman

Posted August 11, 2016
Ni Inna Carol L. Zambrona,YES FM Boracay

Image result for stabbing incidentDuguan ang isang Embalsamador matapos itong masaksak sa Brgy. Poblacion, Nabas, Aklan kaninang madaling araw.

Sa report ng Nabas Police Station, nakilala ang biktima na si Allan Villanueva y Eguib, 55-anyos habang ang suspek ay nakilala kay Nuevo Sales y Colombres 56-anyos residente ng Buenasuerte ng nasabi ring bayan.

Nabatid na nag-iinuman ang dalawa ng magkaroon ng mainitang diskusyon sa pagitan ng mga ito dahilan para masaksak ng suspek ang biktima sa kanyang kaliwang dibdib.

Dahil dito, ay agad na dinala ang biktima sa Aklan Provincial Hospital sa bayan ng Kalibo habang ang suspek naman ay boluntaryong sumuko sa mga pulis na nagresponde.

Sa ngayon ay patuloy ang ginagawang imbestigasyon ng mga pulis sa pinangyarihan ng insedente.