YES THE BEST 911 BORACAY

Friday, April 20, 2018

Bayan muna at I am Boracay Coalition nagsagawa ng konsultasyon sa mga apektado ng Boracay Closure


Posted April 20, 2018
Yes The Best Boracay NEWS ---- Isang public consultation ang isinagawa ng grupo ng I Am Boracay Coalition na binubuo ng Bagong Alyansang Makabayan, NUPL, at Bayan Muna kahapon ng hapon sa isla ng Boracay.

Image may contain: 4 people, people sitting, table and indoor Ayon kay Bayan Muna Representative Carlos Zarate, ang ginawang konsultasyon ay bahagi ng kaniyang pagbalangkas ng House Resolution No. 1806 para imbestigahan sa kongreso ang pagpapasara ng Boracay.

Nais ni Zarate na iparating na hindi lahat ay pumapabor sa closure ng isla dahil malaki ang magiging epekto ng hakbang na ginawa ng gobyerno sa ekonomiya ng probinsya at kabuhayan ng mga maliliit na mamamayan ng Boracay.

Hindi rind daw malinaw at detalyado ang plano ng gobyerno lalo na ng mga ahensya ng DENR, DOT, at DILG.

Ipinunto pa ng I Am Boracay Coalition na lahat ay anunsyo lang at walang pirmadong EO o Executive Order at wala ring inilabas na Presidential Proclamation ang Pangulong Duterte.

Ito rin ang mga katanungan ni Atty. Angelo Guillen ng NUPL na nais malaman ang legal na aspeto ng pagpapasara ng pangulo dahil hindi man lang umano ito nagsagawa ng public consultation.

Ani Guillen, dapat habulin at parusahan ang violators at huwag ng bigyan ng perwisyo ang walang kasalanan lalo na ang mga maliliit at ordinaryong tao na namumuhay sa Boracay.

Balak ngayon ng grupo na dalhin sa kongreso ang sentimyento ng mga dumalo para maimbestigahan at maparating ang tulong mula sa gobyerno na dapat matanggap ng mga apektadong sektor.

Bago nito, nagkaroon muna ng caravan protest ang mga tutol sa “Boracay Closure” na nagsimula sa bayan ng Kalibo hanggang Barangay Caticlan sa Bayan ng Malay.

Thursday, April 19, 2018

Lady boy sa Boracay nahulihan ng 31 sachet ng suspected shabu sa buy-bust operation


Posted April 19, 2018
Ni Inna Carol L. Zambrona, YES THE BEST Boracay

Image result for buybustKalaboso ang 20- na Lady Boy sa pagbebenta ng iligal na droga sa ikinasang buybust operation ng mga otoridad sa Sitio Cabanbanan, Barangay Manocmanoc kahapon ng umaga.

Ang suspek ay kinilalang si Jose Berdonar y Sambas alyas "Heart", tubong Unidos, Nabas at pansamantalang nakatira sa nabanggit na lugar.

Hindi na nakapalag ang suspek ng masukol ng pinagsamang pwersa ng Regional Drug Enforcement Unit 6, Malay Police Station at Boracay Police Community Precinct sa koordinasyon ng PDEA 6 matapos mabilhan ng isang sachet ng ipinagbabawal na droga kapalit ng P5, 200 buy bust money.

Sa isinagawa pang body search ng kapulisan nakuhaan pa si Berdonar ng nasa tatlumpong suspected shabu, P 3, 500 at cellphone na naglalaman ng illegal transaction.

Nakatakdang dalhin ang suspek sa bayan ng Kalibo at sasampahan ng paglabag sa Republic Act 9165 o Comprehensive Dangerous Drugs Act of 2002 dahil sa pagbebenta ng droga.

Wednesday, April 18, 2018

Inter Agency Task Force at LGU-Malay nag-presenta ng Rehabilitation Action Plan

Posted April 18, 2018
Ni Danita Jean A. Pelayo, YES THE BEST Boracay

Image may contain: one or more people and indoorNaglatag ng kanilang mga action plan ang LGU-Malay at Inter Agency Task Force sa isinagawang “Save Boracay Conference” kahapon kaugnay sa nalalpit na pagpapasara ng Boracay.

Sumentro ang mga presentasyon ng bawat ahensya kung ano ang kanilang mga hakbang na gagawin sa anim na buwang rehabilitasyon ng isla.

Sinimulan ni LGU Executive Assistant IV Rowen Aguirre ang pag-pepresenta ng mga rekord na nakalap ng kanilang opisina at action plan para sa mga maaapektuhang sektor.

Base sa datos ni Aguirre, ang ilang posibleng epekto sa ekonomiya ng Boracay ay ang tinatayang nasa 36,000 empleyado na mawawalan ng trabaho kasama na rito ang mga informal sectors, at pagkawala o pagkalugi  ng mga negosyo.

Tinatayang nasa 80,000 naman na residente ang tinitingan na maaapektuhan ng closure kung saan ang worst case scenario ayon kay Aguirre ay ang epekto sa edukasyon ng mga bata at problema sa tahanan.

Napag-usapan din ang pagsasa-pribado ng operasyon ng Sanitary Landfill kung saan inaprobahan na ng Sangguniang Bayan ng Malay na pumasok si Mayor Cawaling sa paghahanp ng kontratista.

Samantala, naglatag din ng security plan si PRO 6 Chief Superintendent  Cesar Hawthorne Binag kung saan mula sa 472 na mga police personnel naka-deploy ay aakyat ito sa 630 na kinabibilangan ng JTF, BTAC, MBPTF/ 2nd Aklan PMFC, NOSU, at COM na layuning mapanatiling ligtas at mapayapa ang isla habang isinasagawa ang rehabilitasyon.

Ang Tourism Infrastructure and Enterprise Zone Authority o TIEZA ay nagbigay din ng updates sa mga aktibidad tulad ng dredging ng mga imburnal at pagtatanggal ng mga burak sa mga drainage kasama na ang pag-alam sa mga illegal connections.

Sa mga apektadong manggawa, sa ngayon ay patuloy pa rin ang profiling ng Department of Labor and Employment (DOLE) kung saan nakapokus sila ngayon sa informal sectors at aasahan din ang pasasagawa ng Job Fair para maalalayan ang mga nasa mahigit labim-pitong libong trabahante na mawawalan ng trabaho.

Terminal Identification Pass, libre na at para na lang sa mga workers

Posted April 18, 2018
Ni Inna Carol L. Zambrona, YES THE BEST Boracay

Image may contain: house, sky and outdoorLibre na at para na lang sa mga workers ang pagkuha ng Terminal Identification Pass na bahagi ng implementing rules sa pagpasok at paglabas ng Boracay sa panahon ng closure.

Sa naging panayam kay Jettyport Officer III Jean Montero, nagbaba ng order ang Office the Governor na wala ng babayaran sa pagkuha ng nasabing ID.

Paalala ni Pontero na ang mga importanteng dadalhin ng mga empleyado sa pagkuha ng Terminal Identification Pass ay dalawang 1x1 photo, kahit anong government issued  ID at certificate of employment na magpapatunay na ito ay legal na nagtatrabaho sa Boracay.

Hindi na kailangan mag-proseso at kumuha ng nabanggit na ID ang mga residente ng isla.

Apela ni Pontero sa mga workers na pumunta na ngCaticala  at Cagban Jetty Port at mag fill-up na ng application form upang mapadali ang kanilang pagkuha ng naturang Terminal ID Pass.

Ang mga aplikante na kukuha ay inaabisohan na i-proseso ito mula alas-otso ng umaga  hanggang alas singko knag hapon kung saan ang huling araw ng pag-issue nito ay Abril 22.

Kung maaalala, nag-anunsyo ang pamunuan ng Caticlan at Cagban Jetty Port nitong mga nakaraang araw na kailangang kumuha ng Terminal Identification Pass na nagkakahalaga ng P 100 ang lahat ng mga papasok at lalabas ng Boracay subalit umani ito ng hindi magandang feedback sa publiko.