YES THE BEST 911 BORACAY

Saturday, October 19, 2013

19 na bagong E-Trike sa Boracay, umarangkada na

Ni Gloria Villas, YES FM Boracay

Umarangkada na ang 19 na bagong E-trike sa isla ng Boracay mula sa mga iba’t-ibang supplier sa bansa.

Ayon kay Boracay Land Transport Multi-Purpose Cooperative (BLTMPC) General Manager Ryan Tubi, ito umano ay mula sa tatlong suppliers na kinabibilangan ng ELAIE Green Corporation, Tojo Motors Corporation at PROZZA.

Ayon sa kanilang data, meron nang pitong unit na galing sa una nitong supplier na ELAIE Green Corporation galing sa Antipolo at sampu naman sa bago nitong supplier na Tojo Motors Corporation mula sa Sta. Rosa Laguna.

Samantala, ayon pa kay Tubi, binigyan naman ng 15 araw ng Tojo ang BLTMPC para e-trial ang mga nasabing sasakyan kung sakaling meron man itong mga deperensya at may mga maaaring baguhin.

Matapos na ito ay masubukan ay ibibigay na umano ang mga ito sa mga myembro na nakapasa sa pagmamay-ari ng E-trike kung saan sila na ang magpapatakbo at magbabayad para dito.

Sa kabilang banda, sinabi naman ni Tubi na madadagdagan pa ang mga nasabing sasakyan sa mga susunod pang mga araw.

Kasalukuyan namang nakikita ngayon ang mga E-trike na pumapasada na sa mga kalsada sa isla.

Aklan Government, nagpasalamat sa mga naging bahagi ng pagbisita ng MS Superstar Gemini sa Boracay

Ni Jay-ar M. Arante, YES FM Boracay

Nagpapasalamat ngayon ang Aklan Government sa mga tumulong sa matagumpay na pagbisita ng MS Superstar Gemini sa Boracay nitong Huwebes.

Sa pangunguna ni Aklan Governor Joeben Miraflores at Bisi-Gobernador Gabriele Calizo-Quimpo ipinaabot nila ang kanilang pasasalamat sa mga naging bahagi ng malaking okasyon na naganap sa isla.

Una na rito ay ang lokal na pamahalaan ng Malay, Department of Tourism at ibat-ibang private agencies na malaki ang naiambag sa maayos na pagtanggap sa mga bisitang sakay ng cruise ship.

Pinasalamatan din ang mga PNP, PCG, bantay-dagat dahil kanilang pagpatrolya sa mga lugar na pinuntahan ng mga nasabing turista.

Samantala, ang pamunuan naman ng Wallem Philippines ang naging daan sa matagumpay na pagbisita ng cruise ship sa Boracay.

Bago naman magtapos ang taong 2013 ay isa pang cruise ship ang inaasahang bibista sa Boracay sa Nobyembre a-kwatro na may pangalang MS Superstar Aquarius.

Friday, October 18, 2013

Canadian national na nawawala sa sarili kapag lasing at 2 beses na nagtangkang magpakamatay nakatakas na naman sa DSWD

Ni Gloria Villas, YES FM Boracay

Now you see, now you don’t.

Ito ang sitwasyon ngayon ng isang babaeng Canadian National sa Boracay na sinasabing dalawang beses nang nagtangkang magpakamatay.

Nakatakas na naman umano kasi ang nasabing turista, matapos na i-turn over ng Boracay Tourist Assistance Center (BTAC) sa Department of Social Welfare and Development (DSWD).

Kung saan, isa na namang report kanina ang natanggap ng Boracay PNP na umalis umano sa DSWD ang nasabing babae at hindi na naman makita.

Nakilala ang 21 anyos na Canadian national kay Amanda Gudot, at sinasabing may problema sa pag-iisip.

Dalawang beses na umanong tinangkang tapusin ang sarili niyang buhay, subalit lagi namang natutulungan ng mga tao.

Nabatid na nitong nagdaang araw umano ay muling nagtangka ang biktima na tumalon sa sinasakyang tricycle at ang pinakahuli ay tumalon naman ito mula sa sinasakyang motorbanca.

Patuloy naman sa ngayong iniimbistigahan ng pulisya ang nasabing insidente.

Boracay PNP Chief Joeffer Cabural, kasama sa mga sinibak ni PND Director General Alan Purisima

Ni Bert Dalida, YES FM Boracay

Kasama sa mga sinibak ni Philippine National Police Director General Alan Purisima si Boracay PNP Chief Joeffer Cabural.

Ito ang kinumpirma ni APPO o Aklan Police Provincial Office Information Officer PO3 Nida Gregas, kaugnay sa pagsibak ni Purisma kay mismong Aklan Police Provincial Director S/Supt. Pedrito Escarilla, Kalibo PNP Chief Supt. John Limwell Villafranca, Ibajay PNP Chief Police S/Insp. Ricky Bontogon.

Magkaganon paman, hindi pa umano natatanggap ng APPO ang relieve order mula sa kanilang national headquarters.

Sinasabing paglabag sa istriktong command policy katulad ng tamang crime statistics reporting ang dahilan ng pagkakasibak ng mga nasabing opisyal sa puwesto.

Samantala, tumanggi munang magbigay ng pahayag ang mga taga Boracay PNP, tungkol dito.

Mga tatakbong kandidato sa pagkakapitan sa ilang brgy.sa Malay, walang makakalaban

Ni Jay-ar M. Arante, YES FM Boracay

Sigurado na ang pagkapanalo ng ilang mga kandidato sa pagka-kapitan sa ilang baranggay sa Malay ngayong darating na election.

Ito’y matapos ang ginawang filing ng CoC o Certificate of Candidacy nitong linggo kung saan halos karamihan ay walang makakalaban.

Ayon kay Malay COMELEC Election Officer II Elma Cahilig, pitong mga baranggay sa Malay ang iisang kandidato lamang ang nag-file ng COC sa pagka baranggay captain.

Kinabibilangan umano ito ng baranggay Cubay Norte, Cubay Sur, Dumlog, Motag, Naasog, Napaan at Sambiray.

Kinumpirma naman nito na ang baranggay Yapak lamang ang may pinakamaraming tatakbo sa pagka-baranggay captain na umabot sa lima.

Tig-dadalawa naman umano ang tatakbong kapitan sa baranggay Balabag at Manoc-manoc sa Boracay.

Samantala, ipinaabot naman ni Cahilig sa mga boboto na piliin ang kandidatong kayang mamuno sa baranggay sapagkat ito umano ang pinaka basic unit society na doon nagmumula ang lahat.

Mga kandidato sa barangay election, pinaalalahanan ng Comelec Malay

Ni Jay-ar M. Arante, YES FM Boracay

Pinaalalahanan ng Comelec Malay ang mga tatakbo para sa baranggay election sa pagsisimula ng pangangampanya ngayong araw.

Ayon kay Malay COMELEC Election Officer II Elma Cahilig, binigyan nila ang mga kandidato ng kopya kung saan sila dapat mag-lagay ng kanilang poster at Law fall election propaganda.

Paalala ni Cahilig, dapat sundin ng mga kandidato ang tamang sukat ng mga campaign poster.

Mag-iinspeksyon din umano sila kung may mga sumunod sa kanilang batas at padadalhan ng notice ang mga lalabag dito.

Samantala, dagdag pa ni Cahilig, bibigyan nila ng tatlong araw para tanggalin ang mga campaign materials sa mga ipinagbabawal na lugar.

Sa ngayon halos preparado na ang Comelec Malay sa kanilang mga gagamitin para sa nalalapit na baranggay election ngayong Oktobre bente-otso.

Mga tricycle operators at drayber sa Boracay, naturuan ng tamang paraan sa pagtapon ng nagamit na langis

Ni Christy T. Dela Torre, YES FM Boracay

Naturuan ng tamang paraan sa pagtapon ng nagamit na langis ang mga tricycle operators at drayber sa Boracay.

Ito ang kampanteng sinabi ni Boracay Land Transport Multi Purpose Cooperative o BLTMPC General Manager Ryan Tubi, kaugnay sa itinatapong langis matapos mag-change oil sa kanilang traysikel ang mga nasabing drayber.

Ayon kay Tubi, bagama’t may kaniya-kaniyang pamamaraan ang mga ito ng pagtapon ng langis matapos mag-change oil.

Nasisiguro umano niya na naitatapon naman ito ng maayos, kung saan ang mga changed oil ay nire-recyle naman, at inililibing sa lupa.

Alam din umano kasi ng mga ito na mapanganib ito sa paligid.

Samantala, ayon pa kay Tubi, wala namanng regulation ang LGU Malay ukol dito, kung kaya’t sila na rin mismo ang nagtuturo sa mga operators at drayber ng tamang pagtapon ng mga pinalitang langis.

Thursday, October 17, 2013

Pagdating ng cruise ship MS Superstar Gemini kaninang umaga sa Boracay, naging matagumpay

Ni Jay-ar M. Arante, YES FM Boracay

Naging matagumpay ang pagdating ng MS Superstar Gemini kaninang umaga sa isla ng Boracay.

Sa pagbaba ng mga turista ay sinalubong sila ng dance performance ng Ati-Atihan Tribe kasabay din ng pagsalubong ng mga taga Provincial Government ng Aklan, LGU Malay, local communities at mga taga media.

Sa loob naman ng ilang oras, nagkaroon ng pagkakataon ang mga turista at ilang crew ng barko na mag-ikot ikot sa Boracay.

Nabatid na nag-shopping ang mga ito sa D’mall de Boracay, kumain sa ibat-ibang restaurant doon at nag-island hopping.

Samantala, inilarawan naman ni Superstar Gemini Captain Jukka Silvennoinen na makabuluhan ang sandali nilang pagpunta sa Boracay bilang kauna-unahan nilang pagbisita sa bansa.

Sa pag-akyat naman ng mga opisyales ng Aklan at ilang mga Aklanon community sa cruise ship ay inikot sila sa loob ng barko at ipinakita kung gaano ito kaganda.

Nagkaroon naman ng maikling programa at nagpalitan ng plaque of appreciation ang mga opisyales ng Aklan sa pangunguna ni Governor Joeben Miraflores at Bisi-gobernador Gabrille Billie Calizo Quimpo.

Nagpasalamat naman ang mga ito sa pagdalaw ng MS Superstar Gemini sa Boracay bilang pangunahing Tourist destination sa bansa.

Aklan Board Member Rodson Mayor at Board Member Plaridel Morania, nagkainitan sa sesyon kahapon

Ni Gloria Villas, YES FM Boracay

Nagkainitan kahapon sa sesyon sina Aklan Board Member Rodson Mayor at Board Member Plaridel Morania.

Katunayan, minarapat ni Vice Governor Gabrielle Calizo-Quimpo, na magpatawag ng dalawang sergeant -at- arms para magbigay assistance kung sakaling may mga hindi inaasahang pangyayari sa loob ng session hall.

Nagkabatuhan kasi ng masasamang salita sa gitna ng kanilang regular session ang dalawang nabanggit na board member.

Nag-ugat ang nasabing pangyayari nang humingi ng committee report si Mayor kaugnay sa isinusulong na ordinansa ng bise gobernador, tungkol sa paggamit ng alternatibo at mga eco-friendly na packaging materials sa lalawigan ng Aklan.

Ngunit hindi inaasahang nauwi sa pakikipagpatalo nina Mayor at Morania ang nasabing sesyon.

Kaugnay nito, naki-usap ang bise gobernador na palabasin muna ang ilang mga empleyado at kasapi ng media para sa isang executive session at mapag-usapan ang nasabing ordinansa at ang hinihiling na committee report ni Mayor.

Wednesday, October 16, 2013

KASAFI, todo na ang preperasyon para sa 2014 Ati-Atihan Festival

Ni Jay-ar M. Arante, YES FM Boracay

Todo na ang preperasyon ng mga organizer ng Kalibo Sto. Nino Ati-Atihan Foundation Inc. (KASAFI) para sa sa 2014 Ati-Atihan Festival.

Ayon kay Kasafi chairman Albert MeƱez, nasa pitumpung porsyento na ang kanilang paghahanda ngayon para sa napakalaking event sa probinsya ng Aklan.

Aniya, ngayong darating na Oktobre bente-singko ay magkakaroon ng opening salvo sa bayan ng Kalibo bilang pagbubukas ng nasabing festival.

Isa umano sa mga gagawing aktibidad ay ang body painting at susundan pa ng ibat-ibang programa kabilang na ang pagtatanghal ng ilang sikat na artista.

Bilang paghahanda nagkaroon naman sila ng meeting nitong Linggo para sa allocation ng budget ng mga sasaling tribo sa street dance competition sa darating na buwan ng Enero.

Sinisiguro naman ngayon ng Kalibo Sto. Nino Ati-Atihan Foundation Inc. na magiging maganda ang gaganaping 2014 Ati-Atihan Festival.

Disi-otso anyos na babae sa Malinao, Aklan, patay matapos pagsasaksakin ng kaniyang Live In partner

Ni Jay-ar M. Arante, YES FM Boracay

Patay ang 18-anyos na babae matapos pagsasaksakin ng ilang beses ng kaniyang live-in partner sa Sitio Mambog Brgy. Cabayugan Malinao, Aklan.

Ayon kay Police Inspector Alfonso Manoba Jr. ng Malinao PNP, bandang alas nueve bente kagabe ng mangyari ang insidente ng maabutan ng supek ang biktimang nakikipag-inuman sa kaniyang mga pinsan.

Napag-alaman na nagalit umano ang suspek sa live-in partner nito dahil sa kabila ng pagkakaroon ng lagnat ng kanilang anak ay nagawa pa nitong makipag-inuman.

Dahil dito agad na kumuha ng kutsilyo ang supek at pinagtataga ang biktima sa ibat-ibang parti ng kaniyang katawan na agad nitong ikinamatay.

Nabatid na halos umabot sa sampu ang natamong saksak ng biktima na kinilalang si Ardelyn Ibutnande ng nasabing lugar.

Agad namang naaresto ang supek na si Boyet Cristobal at ngayon ay kasalukuyang nakakulong sa Malinao PNP at agad na ililipat bukas sa Bureau of Jail Management and Penology (BJMP) sa bayan ng Kalibo.

Sa pag-iimbistiga naman ng mga kapulisan napag-alamang lasing din ang suspek ng mangyari ang krimen.

Sa ngayon ay kasalukuyan paring nasa punerarya ang labi ng biktima at ito ay iuuwi  bukas sa kaniyang bahay sa Cabayugan Malinao, Aklan .

Aklan Government, todo pasalamat sa mga tumulong para sa arrival ng MS Superstar Gemini bukas

Ni Jay-ar M. Arante, YES FM Boracay

Todo ang pasasalamat ng gobyerno ng Aklan sa mga tumulong para sa pagdating ng MS Superstar Gemini bukas sa karagatan ng Boracay.

Ayon kay Jetty Port Administrator Nieven Maquirang, sa ngalan umano ni Aklan Governor Joeben Miraflores ay ipanaabot nito ang pasasalamat dahil sa puspusan ang ginagawang tulong at paghahanda ng lokal na pamahalaan ng Malay at ilang agencies sa Boracay.

Higit naman itong nagpapasalamat sa mga kapulisan kabilang na ang PCG, mga bantay dagat at MAP dahil sa walang tigil na pagtulong.

Aniya, mahalaga ang kapakanan ng mga turistang sakay ng cruise ship kaya kinakailangan umano nilang paigtingin ang siguridad.

Puspusan naman ang ginagawang pagtulong ng Department of Tourism (DOT) sa lahat ng kakailanganin ng mga ito kabilang na ang mga pupuntahan nilang lugar sa Boracay.

Nabatid na unang layunin ng mga pasahero ay ma-experience ang island hopping at mag-shopping sa sikat na mall sa isla.

Sa ngayon all-set na ang mga paghahanda para sa pagdating bukas ng nasabing barko lulan ang mahigit isang libo dalawang daan at pitumput isang pasahero kabilang na ang siyam na raan at pitumput tatlong crew.

Natutuwa naman ang Aklan Government dahil sa patuloy na pagpunta ng mga sikat na barkong panturista sa isla ng Boracay.

Samantala bago magtapos ang taon ito ay isa pang cruise ship ang dadating sa Nobyembre na may pangalang MS Superstar Aquarius.

PNP, PCG at mga bantay dagat, pinulong ng Wallem Philippines para sa arrival ng cruise ship bukas

Ni Jay-ar M. Arante, YES FM Boracay 

Pinulong ng Wallem Philippines ang Malay at Boracay PNP kasama na ang PCG at mga bantay dagat para sa arrival ng cruise ship bukas.

Mismong representative ng Wallem Philippines ang kumausap sa kanila kung paano nila paiigtingin ang kanilang gagawing siguridad.

Ayon naman kay Boracay PNP Chief PS/Insp. Joeffer Cabural, isang daan at labing anim ang ikakalat nilang mga pulis sa dadaaan ng mga bisitang sakay ng barko partikular na sa mga pupuntahan ng mga ito.

Dalawampung coastguard naman ang i-dedeploy sa karagatan kung saan mag-iisland hopping ang mga bisita.

Kabilang din dito ang mga bantay dagat na pangunahing nakapaligid sa napakaling barko para siguriduhin ang kaligtasan ng mga sakay na pasahero.

Mahalaga din ang gagampanan ng Municipal Auxiliary Police (MAP) para ma control ang trapiko at bigyang importansya ang mga turistang bisita parta hindi sila mahuki sa kanilang pupuntahang distinasyon sa Boracay.

Samantala, inaasahang alas singko ng umaga dadating ang cruise ship at babalik ng Maynila patungong China ng alas sais ng hapon sakay ng mahigit 1,271 na pasahero at 973 na mga crew.

Pagdating ng Cruise ship sa Huwebes, puspusang pinaghahandaan ng iba’t-ibang ahensya sa Malay at Boracay

Ni Jay-Ar Arante, YES FM Boracay


Puspusan na ang ginagawang paghahanda ng iba’t-ibang ahensya sa Malay at Boracay para sa pagdating ng Cruise ship sa Huwebes.

Katunayan, nagkaroon sila ng huling pagpupulong kaninang hapon para pag-usapan ang seguridad at mga maaaring problema sa pagdating nito.

Kabilang naman sa mga dumalo sa nasabing meeting ay ang Philippine Coast Guard (PCG), Philippine National Police (PNP), Department of Tourism (DOT) at iba pang mga concerned agencies.

Dumalo rin ang representative ng Wallem Philippines para ipabatid ang kanilang pasasalamat sa naging paghahanda ng mga otoridad sa nakatakdang pagdating ng cruise ship.

Nabatid na sa alas singko ng madaling araw darating ang barko at babalik naman alas saes ng hapon sa nasabi ring araw.

Sa ngayon ay patuloy paring isinasagaw ang nasabing pagpupulong para mapag-usapan ang iba pang mga importanteng bagay para sa pagdating ng MS Superstar Gemini sa isla.

Tuesday, October 15, 2013

Fr. Crisostomo, Pinayuhan ang mga tatakbong kandidato sa darating na eleksyon

Ni Gloria Villas, YES FM Boracay

Pinayuhan ni Fr. Arnold Crisostomo ng Balabag Holy Parish Church ang mga tatakbong kandidato sa Barangay Election ngayong Oktobre.

Aniya dapat maging patas ang mga kandidato sa mga paraan na gagawin sa pangangampanya at dapat klaro rin ang kanilang mga programa.

Inaasahan din nito na ang mga tatakbong kandidato ay may magandang pananaw para sa ikabubuti ng kanilang barangay.

Kailangan din umano nilang e-respeto kung ano man ang mga ninanais ng kanilang kapwa kandidato at iwasan ang paninira sa isa’t-isa.

Dagdag pa nito, na ang pagkapanalo ay hindi nakadepende sa tapang at lakas ng impluwesya bilang isang kandidato.

Sa halip, dapat umano nilang isaalang-alang ang tinatawag na sportsmanship para sa ikabubuti ng komunidad.

Samantala, pinayuhan din ng pari ang mga botante na piliin kung sino ang karapat-dapat at tingnan kung ito ba ay may magagawang maganda sa kanilang Barangay.

Philippine Coastguard, pinayuhang maging mahinahon ang publiko sa Boracay, kaugnay sa nangyaring lindol sa Bohol

Ni Bert Dalida, YES FM Boracay

Pinayuhan ngayon ng Philippine Coastguard ang publiko sa Boracay na maging mahinahon, kaugnay sa nangyaring lindol sa Bohol.

Ayon kay Coastguard Caticlan Detachment Chief Petty Officer Pedro Taganos.

Normal naman ang biyahe ng mga bangka sa Caticlan papuntang Tambisaan Port, sa kabila ng pagpapakansela naman ng Philippine Coastguard sa paglalakbay ng mga bangkang pandagat sa Cebu at Bohol.

Naramdaman ang 7.2 na lindol pasado alas otso kaninang umaga , maging dito sa isla ng Boracay, kung saan nag-fluctuate ang suplay ng kuryente.

PRC Boracay-Malay Chapter, nagpasalamat sa suporta ng LGU Malay

Ni Bert Dalida, YES FM Boracay

Dalawang taon na ang PRC o Philippine Red Cross Boracay-Malay Chapter sa munisipalidad na ito.

Kaya naman nagpaabot ang mga ito ng pasasalamat sa suporta ng LGU Malay.
Sa pamamagitan ng PRC Chapter Lifeguards Report para sa buwan ng October 2013.

Kinilala ng PRC na tinanggap sila ng local at internasyonal na kumunidad at ng mga turista sa Boracay dahil sa suporta ni Malay Mayor John Yap.

Kaugnay nito, iniulat din PRC ang kanilang mga narating katulad ng pagkilala sa kanila ng Philippine Red Cross Headquarters nitong nagdaang ikalabing isa ng Marso; pagiging Top 7 sa Highest Population Coverage for Membership; Resource Generation Award of Excellence.

Samantala, kasabay ng pag-apela, umaasa naman ang mga taga PRC na magpapatuloy ang suporta ng alkalde para sa mga ikakatagumpay ng mga program ng Red Cross, lalung-lalo na para sa mga life guard services.

Ginagawang siguridad para sa pagdating ng cruise ship sa Huwebes, puspusan na

Ni Jay-ar M. Arante, YES FM Boracay

Puspusan na ang ginagawang siguridad ng Boracay PNP at ng PCG para sa pagdating ng MS Superstar Gemini sa Huwebes.

Una nang nagpahayag si Boracay PNP Chief PS/Insp. Joeffer Cabural na lalo pa nilang paiigtingin ang kanilang gagawing siguridad.

Nabatid na sa bawat lugar na pupuntahan ng mga turistang sakay ng barko ay may mga pulis na nakaantabay hanggang sa makabalik na ang mga ito sa barko.

Ayon naman sa mga taga Philippine Coastguard (PCG) Caticlan nakahanda narin ang kanilang grupo para dito.

Anila, kabilang sila sa mga dadalo sa gagawing meeting bukas sa Boracay para sa panghuling paghahanda sa malaking event sa isla.

Nagpahayag pa ang mga taga PCG na may-hinihintay pa silang sulat mula sa jetty port administration kung alin pa ang magiging papel nila maliban sa pagbabantay ng barko sa karagatan.

Samantala, ang MS Superstar Gemini ay dadaong sa araw ng Huwebes petsa disi-siyete kung saan isang kilometro ang layo mula sa Cagban Port.

Inaasahan naman ang pagdating nito alas sais ng umaga at babalik ng Maynila patungong China ng alas tres ng hapon ng nasabi ring araw.

Monday, October 14, 2013

Isang lalaki, kalaboso matapos mahulihan ng Shabu sa Boracay

Ni Jay-ar Arante, YES FM Boracay

Kalaboso ang isang lalaki matapos mahuli sa isang buy bust operation nitong Sabado ng gabi sa Manoc-manoc, Boracay.

Sa pinagsanib na puwersa ng Provincial Intelligence Branch Office, Aklan Provincial Police Office, Regional Anti-Illegal Drugs Special Operation Task Group, Aklan Public Safety Company at Boracay Tourist Assistance Center, natimbog ang suspek na si Michael Sola y Sobrejuanite, 31 anyos ng Santa Barbara, Iloilo.

Narekober mula sa suspek ang isang plastic sachet na naglalaman ng hinihinalang shabu.

Narekober din mula sa buy bust operation ang isang plastic sachet na naglalaman ng nasabing droga, ilang marked money, ilang illegal drug paraphernalia, at cell phones na naglalaman umano ng mensahe tungkol sa illegal drug transactions.

Kaagad namang ikinostodiya ng mga otoridad ang suspek para sa karampatang disposisyon.

Sunog sa baranggay Balabag kahapon, patuloy paring iniimbistigahan ng fire protection office

Ni Jay-ar M. Arante, YES FM Boracay

PhotoPatuloy parin ngayong iniimbistigahan ng Boracay Island Fire Protection Unit ang nangyaring sunog kahapon sa baranggay Balabag sa isla ng Boracay.

Ayon sa mga taga fire protection unit agad nilang nirespondihan ang nasabing sunog pagkatapos ng may tumawag na isang concern citizen mula sa Balabag action center.

Anila isang bodega ng karton ng sigarilyo at bricks ang kanilang naabutang umaapoy bandang ala ona ng hapon.

PhotoAgad namang inapula ng mga bombero ang nasusunog na bodega sa tulong ng Boracay Island Water Company (BIWC) at tatlong sasakyan ng mga bombero na puno ng tubig.

Basi naman sa mga salaysay ng ilang residinte sa nasabing lugar na ilan anilang mga kabataan ang kanilang nakita na naglalaro doon bago nangyari ang insidente.

Dagdag pa ng mga taga BISFPU wala namang nadamay na mga kalapit na kabahayan at nasaktan sa nasabing sunog.

Samantala, patuloy parin ngayon ang ginagawang imbistigasyon ng mga taga Boracay Fire station kung ilan ang naging pinsala sa sunog at kung saan ito nagmula.

Ibat-ibang Tourism agencies sa Aklan, sinanay sa marketing strategy

Ni Jay-ar M. Arante, YES FM Boracay

Nagkaroon ng Training on tour package development and services delivery ang ibat-ibang tourism agencies sa probinsya ng Aklan.

Ayon kay DOT Boracay officer in-charge Tim Ticar, dalawang araw ang kanilang ginawang training sa bayan ng Kalibo simula noong a-nueve hanggang a-onse nitong Oktobre.

Ilan umano sa mga partisipante nito ay ang mga tourism officers ng bawat bayan sa Aklan, Hotelier, Tour travel agency operators at transports operators.

Aniya, dito sila tinuruan kung pa ano ma-idedevelope ang tour packaging at product development para e-market ang Aklan sa mga turista lalo na ang isla ng Boracay.

Una namang sinabi ni Ticar na pinagtutuunan nila ng pansin ang pag-propromote ng Boracay sa ibang bansa para lalo pa itong tangkilikin.

Karamihan naman sa mga dumalo ay mula pa sa Boracay na may hawak ng malalaking tour travel agency.

Sa ngayon tiwala ang Department of Tourism (DOT) na lalo pang-uunlad ang turismo ng probinsya ng Aklan.

Binatilyong umiihi, nasaksak sa kapistahan sa Brgy. Rizal, Nabas, Aklan

Ni Mackie Pajarillo, YES FM Boracay

Sa ospital lumanding ang isang binatilyo matapos masaksak sa kapistahan ng Brgy. Rizal, Nabas, Aklan nitong Sabado ng gabi.

Sugat sa likod at magkabilang palad ang tinamo ng biktimang si Marlon Sadiasa, nang saksakin habang umiihi malapit sa isang palayan.

Ayon kay Nabas PNP Deputy Chief Officer SPO4 Jose Rano, nakikipag-inuman ang biktima sa mga kaibigan nito, ngunit nagpa-alam saglit na iihi.

Hindi umano alam ng biktima na may lalaki palang nakasunod sa kanya at bigla na lamang itong sinaksak sa likuran.

Ayon pa sa pulisya, hindi rin nakilala ng biktima ang salarin dahil maliban sa madilim ang pinangyarihan ng krimen ay nakasuot pa ito ng bonnet.

Sa salaysay ng biktima sa mga otoridad, wala naman itong naaalalang may nakalaban o naka-away sa lugar dahil taga doon din naman ito mismo.

Agad dinala sa malapit na pagamutan ang biktima ngunit kinailangan itong ilipat ng pagamutan sa Kalibo dahil sa lubha ng tinamong sugat.

Ayon naman sa mga naka-saksi may nakita umano silang taong tumatakbo sa tabing-dagat ng nasabing lugar at agad naman itong ni-respondehan ng mga kapulisan ngunit wala man lang silang naabutan.

Sa ngayon wala pang impormasyon na nakalap kung ano ang sitwasyon ng biktima.

Electric Tricycle, sisimulan ng ideliver sa Boracay ngayong buwan

Ni Jay-ar M. Arante, YES FM Boracay


Sisimulan ng ideliver ng Gerweiss Motors Corporation ang electric tricycle(e-trike) ngayong buwan ng Oktobre sa isla ng Boracay. 

Ayon kay Gerweiss Motors Corporation President and CEO Sean Gerard Villoria, Bago magtapos ang buwang ito ay maidadala na dito ang nasabing sasakyan mula sa Maynila para maumpisahan ng maipasada.

Aniya, mahigit sampu hanggang tatlumpung mga e-trike ang dadalhin nila at susundan pa ito kada katapusan ng buwan hanggang sa makumpleto ang kanilang target.

Nauna na nitong ipinahayag na dapat ay nitong nakaraang buwan pa ang kanilang delivery pero sa hindi inaasahang pagkakaton ay naantala ito.

Nabatid na ito ang magiging pamalit sa mga tricycle na bumibiyahe ngayon sa isla para mabawasan ang polusyon at matinding trapiko.

Ilan namang mga taga Boracay ang nagpahayag na matagal na nilang inaatay ang pagdating nito bilang pandagdag atraksyon sa isla.

Samantala, ang Boracay ang kauna-unahang lugar sa bansa na may mag-pampasadang electric tricycle.