YES THE BEST 911 BORACAY

Saturday, January 18, 2014

DOT Boracay, pinaghahandaan ang pagdating ng mahigit 200 Filipino - Canadian

Ni Jay-ar M. Arante, YES FM Boracay

Pinaghahandaan ng Department of Tourism o DOT Boracay ang pagdating ng mahigit sa 200 Filipino-Canadian ngayong araw sa isla ng Boracay.

Ayon kay DOT Boracay Officer In-Charge Tim Ticar.

Dadayo ang mga nasabing turista sa Western Visayas partikular na sa apat na probinsya na kinabibilangan ng Iloilo, Guimaras, Capiz at Aklan.

Pangungunahan naman ni Malay Mayor John Yap ang pag-welcome sa mga turista sa pamamagitan ng maikling programa na gaganapin sa isang resort sa Boracay.

Mamayang tangghali ay inaasahan ang pagdating ng mga ito mula sa Manila airport patungong Kalibo International Airport, pero bago umano ito dumiritsong Boracay ay makikisaya muna sila sa selebrasyon ng Ati-Atihan Festival sa Kalibo.

Dagdag pa ni Ticar, bago pumuntang Roxas City ang mga Filipino-Canadian sa Lunes ay iikutin muna nila ang ilang magagandang pasyalan sa Boracay at susubukan ang mag island-hopping.

Nabatid na ilan sa mga turistang ito ay mga bigating tao mula Canada at ilan pang Ambassador para sa kanilang isinasagawang tour.

Suporta ng BPI Globe BanKo sa E-Trike program ng LGU Malay, pinasalamatan ni Mayor John Yap

Ni Gloria Villas, YES FM Boracay

Pinasalamatan ni Mayor John Yap ang suporta ng BPI Globe BanKo sa E-Trike program ng LGU Malay.

Sa ginanap na launching para sa mga bagong E-Trike sa isla kaninang umaga.

Sinabi ng alkalde na mapapadali ang pagpapatupad ng mga nasabing sasakyan sa isla dahil sa suporta ng BPI Globe BanKo.

Ang BPI Globe BanKo umano kasi ang nagpondo para sa magkaroon ng mga E-Trike sa Boracay.

Samantala, sinabi din nito na hindi umano basta-basta ang pagpapatupad ng nasabing programa kung saan inabot pa ng dalawang taon bago ito tuluyang maipatupad.

Ito’y dahil kinailangan munang e-testing ang mga nasabing sasakyan.

Magkaganon paman, sinabi pa ng alkalde na determinado ang lokal na pamahalaan na sa magiging E-Trike na ang gagamitin sa isla sa taong 2015.

Hinihikayat din nito ang kooperasyon ng mga stakeholders at residente sa isla na suportahan ang E-Trike program.

Friday, January 17, 2014

Sertipikasyon sa 15 tricycle operators na makapagbyahe ng E-trike sa isla ng Boracay, naipamigay na

Ni Gloria Villas, YES FM Boracay

Matagumpay na idinaos ang Launching ng E-trike gayundin ang pagbibigay ng sertipikasyon sa 15 na mga tricycle operators na makapagbyahe sa isla ng Boracay.

Sa isinagawang programa kaninang alas nuebe ng umaga sa Barangay Balabag Plaza, masayang-masaya ang mga operator at drivers nang matanggap ang sertipikasyon.

Sa pahayag ni Malay Mayor John Yap ang pag-papaunlad umano ng transportasyon sa isla ay hindi para sa kanila kundi para sa ikabubuti ng mga residente at turista.

Ayon naman kay dating Sangguniang Bayan Member at kasalukuyang E-Trike Program In Charge Dante Pagsugiron.

Malaki aniya ang advantage o pakinabang ng E-Trike sa mga operator kung ikukumpara sa mga conventional na tricycle.

Bukod sa iwas ‘noise at air pollution’, makakatipid pa ang mga driver kapag E-Trike na ang kanilang gagamitin.

Kabilang din sa mga nakikipagtulungan sa nasabing programa ang OIC- ng Globe Telecom na si Annie Mae Dangan, Retail Specialist nito na si Ma. Corazon Dolar kung saan namigay din ang mga ito ng cellphone sa mga operators.

Buong suporta at hanga rin umano si BPI Globe BanKo President, John Rovio sa pagpupursige ng lokal na pamahalaan na maipatupad ang E-Trike sa isla.

Masaya din ang CEO ng Gerweiss Motors Corporation na si Gerald Beloria na sila ang naging supplier ng mga naturang E-trike.

Sa taong 2015 ay inaasahan na umano ng lokal na pamahalaan ng Malay na mapapalitan na ang mga traditional tricycle na makikita sa isla.

Pasilidad sa Caticlan Jetty Port, preparado na para sa pagdagsa ng maraming turista sa Boracay

Ni Jay-ar M. Arante, YES FM Boracay

Handa na ang mga pasilidad sa Caticlan Jetty Port sa inaasahang pagdagsa ng maraming turistang dadayo sa isla ng Boracay.

Ito’y kaugnay sa pagdiriwang ng Kalibo Sr. Sto. Niño Ati-Atihan Festival, na kung saang maraming turista ang pupunta sa Boracay matapos ang nasbing kapistahan.

Ayon kay Special Operation 3 Jean Pontero ng Cagban Jetty Port.

Dalawang X-ray luggage machine ang ginagamit sa jetty port, pero sa ngayon umano ay isa lang ang kanilang ginagamit dahil dinidepende din nila ito sa mga pumapasok na turista kung gaano kadami.

Dagdag pa ni Pontero, wala namang problema sa mga machine at pasilidad ng Caticlan Jetty port at ng Cagban jetty port.

Sa kabilang banda, halos pumalo na umano sa 63, 000 ang tourist arrival sa isla ng Boracay nitong pagpasok ng bagong taon hanggang kahapon.

Nabatid naman na hihigitan ng Department of Tourism o DOT ang kanilang target sa tourist arrival ngayon taon kumpara noong 2013.

Byahe ng roro vessel sa Caticlan, tuloy parin sa kabila ng nararanasang LPA

Ni Gloria Villas, YES FM Boracay

Tuloy parin umano ang byahe ng mga roro vessel sa Caticlan Jetty Port.

Ito ang kinumpirma ni Philippine Coast Guard (PCG) Caticlan Acting Station Commander Pedro Taganos, kaugnay sa nararanasang Low Pressure Area (LPA) sa Visayas at Mindanao.

Aniya kamakailan ay may isang barko na nagpasuspinde ng byahe dahil sa hindi umano nito kaya ang lakas ng hangin at alon pero sa ngayon ay tuloy naman umano ang byahe ng mga barko.

Dagdag pa nya ang pagsuspende umano ng mga byahe ay nakapende rin sa sitwasyon ng alon na kung sa tingin naman ng Coast Guard ay maaaring makapaglayag.

Nabatid na ilang mga port sa Visayas at Mindanao ay nagkansela ng byahe dahil sa LPA sa bansa.

Samantala, ang nasabing sama ng panahon ay huli namang namataan sa layong 310 km sa East ng Guiuan, Eastern Samar.

Launching para sa mga bagong E-Trike sa isla, gaganapin ngayong araw

Ni Christy Dela Torre, YES FM Boracay

Masisilayan na ngayong araw ng publiko sa isla ang 15 bagong E-Trikes.

Launching kasi ngayong araw ng mga nasabing E-Trike sa Barangay Balabag Plaza kasabay ng pagbibigay ng certificate sa 15 tricycle operator para mapapa-sakanila na ang E-Trike.

Ayon kay dating Sangguniang Bayan Member at kasalukuyang E-Trike Program In Charge Dante Pagsugiron, may ilang mga miyembro ng kooperatiba na naunang nakapag-apply para sa E-Trike at nagmamadali na rin umanong ma-implement ang paggamit nito.

Malaki kasi aniya ang advantage o pakinabang ng E-Trike sa mga operator kung ikukumpara sa mga conventional na tricycle.

Bukod sa iwas ‘noise at air pollution’, makakatipid pa ang mga driver kapag E-Trike na ang kanilang gagamitin.

Ayon pa kay Pagsuguiron, maging ang mga stakeholder sa isla ay nais na ring masilayan na E-Trike na ang bumibiyahe sa isla.

Kung kaya’t dahil dito, bilang in charge sa E-Trike program ay mas lalo pa niya itong pinursige na maipatupad sa isla.

At sa tulong umano ng konseho at ni Mayor John Yap ay unti-unti na itong naipapatupad ngayon sa isla ng Boracay.

Nabatid mula kay Pagsuguiron na ang Gerweiss Motors Corporation ang supplier ng naturang mga E-Trike sa isla.

Thursday, January 16, 2014

Barge sa Boracay, sumadsad kagabi dahil sa malakas na hangin at alon

Ni Gloria Villas, YES FM Boracay

Isang barge ang aksidenteng sumadsad kagabi sa docking area ng mga cargo boats sa Barangay Manoc-manoc, Boracay.

Ayon kay Philippine Coast Guard (PCG) Caticlan Acting Station Commander Pedro Taganos.

Dadaong umano sana doon ang nasabing barge nang may pumulupot na lubid sa elise nito dahil sa malakas na hangin at alon.

Dahil dito umiba ang posisyon ng barge at humarang sa mga maliliit na cargo vessel kung kaya’t nahirapan ang mga itong makadaong.

 
Nabatid na galing Maynila ang nasabing barge at magde-deliver sana ng mga equipment sa isang resort sa isla ng Boracay.

Nakatakda namang ibalik sa posisyon ng mga taga PCG ang barge pagdating ng high tide mamaya.

Malay Sanitation office, hihigpitan ang pagbibigay ng sanitation permit

Ni Jay-ar M. Arante, YES FM Boracay

Maaaring maghigpit ang sanitation office ng pabibigay ng sanitation permits sa mga meat at fish vendors sa bayan ng Malay.

Itoy matapos ang naging problema sa sanitation ng Malay public market sa baranggay Caticlan kung saan nakatanggap ng reklamo ang LGU Malay mula sa mga mamimili dahil sa sira-sirang tindahan at hindi kalinisang lugar.

Ayon kay Malay Sanitation Inspector Ma. Lyn Fernandez, hindi sila nag-iisue ng permit sa mga vendors kapag ito’y hindi makakapasa sa mga requirements nila kabilang na ang kalinisan ng lugar na pinagbibintahan ng mga vendors.

Patuloy rin umano ang kanilang ginagawang monitoring pati na sa mga kabaranggayan sa Malay na nagbibinta ng mga panindang isda at meat products.

Mahigpit din nilang ipinagbabawal ang pagbibinta sa mga lugar na kung saan ay malapit sa mga maduming paligid at sa mga lugar na maraming hayop.

Nabatid na maraming mga vendors ang hindi nabigyan ng sanitation permit mula sa LGU Malay pero patuloy parin ang pagbibinta sa mga palenge.

KASAFI, inaasahang dadagsain ng maraming tao ang Higante parade ngayong araw

Ni Jay-ar M. Arante, YES FM Boracay

"Disney Themed"
Higante Parade
Ati-Atihan Festival 2014
Inaasahan ng Kalibo Santo Niño Festival Incorporated o KASAFI ang pagdagsa ng libo-libong katao sa gaganaping “Higante Parade” mamayang hapon sa Kalibo.

Ito’y bahagi parin ng weeklong celebration ng Kalibo Santo Niño Ati-Atihan Festival na nagsimula niitong Biyernes at magtatapos sa darating araw na Linggo.

Tampok sa nasabing higante parade ang “Disney themed” na napapanood sa telebisyon, kung saan pambato ng bayan ng Balete ang Pocahontas, Minie-mouse ng Kalibo, Rapunzel animated feature film ng bayan ng Banga, Princess Snow White ng Libacao, Cinderella ng Madalag at Daisy Duck, the girlfriend of Donald Duck ng bayan ng Nabas at Belle of the Beauty and the Beast ng Numancia.

Kabilang pa dito ang ibang Disney characters na sina Red Riding Hood ng Altavas, ang fun-loving magical pixie Tinker Bell ng Ibajay, Princess Merida ng Malinao at Ariel the Little Mermaid ng Tangalan.

Ang parada ay magsisimula mamayang ala-1 ng hapon kabilang ang lahat ng government employees sa probinsya ng Aklan.

Ayon sa KASAFI paglalabanan ng mga munisipalidad ang premyong P40,000 para sa grand champion, second place na P35,000 at ang third place na P30,000 mula sa provincial government ng Aklan.

Tourist arrival noong 2013 sa Boracay, inilabas ng Department of Tourism

Ni Jay-ar M. Arante, YES FM Boracay

Inilabas na ng Department of Tourism o DOT Boracay ang Tourist arrival nitong nakaraang taon kabilang na dito ang kabuoang kinita ng isla.

Base sa Tourist Arrivals- 2013 Advisory ng DOT mas tumaas ang kinita ng turismo ng Boracay kumpara noong 2012 kahit na dumaan ang bagyong Yolanda na nakaapeko sa Boracay nitong Nobyembre 2013.

Nabatid na umabot sa mahigit 25 Billion pesos ang kinita nitong 2013 kumpara sa 22.1B pesos noong 2012.

Wednesday, January 15, 2014

PCG, posibleng magkansela ng byahe ng mga bangka, sakaling maging ganap nang bagyo ang LPA

Ni Gloria Villas, YES FM Boracay

Posible umanong magkansela ng byahe ng mga bangka ang Philippine Coast Guard (PCG) sakaling maging ganap nang bagyo ang Low Pressure Area (LPA).

Ayon kay Boracay Sub-station Commander Chief Petty Officer Arnel Sulla.

Maging sila ay binabantayan din umano ang nasabing namumuong sama ng panahon na anumang oras ay magiging ganap na bagyo.

Bagamat ipinaliwanag din nito na batay sa alituntunin na kanilang sinusunod, kapag nasa Storm Signal No. 1 umano ang bagyo ay maaari paring payagan na bumyahe ang isang bangka pero may mga kondisyon.

Isa na rito ay depende sa sitwasyon ng alon na kung sa tingin naman ng Coast Guard ay maaaring makapaglayag at dapat nasa 50 percent lamang umano ang pasahero ng bangka.

Samantala, sinabi naman ni Sulla na dapat manatiling nakatutok sa telebisyon at radyo ang mga mamamayan para sa mga update at sitwasyon ng bagyo.

Huling nabatid sa ulat ng Philippine Atmospheric Geophysical and Astronomical Services Association (PAGASA), na bukas ng gabi ay magiging bagyo na ang LPA at inaasahan na tatawid sa mga isla sa Visayas kung saan makaka-ipon na umano ito ng lakas.

Kung tuluyang mabuo bilang tropical depression, ito ay tatawagin nang “Agaton,” na syang kauna-unahang bagyo ngayong 2014.

Huli namang namataan ang sentro ng LPA sa layong 100 kilometro sa silangan ng Borongan, Eastern Samar.