Friday, January 15, 2016

Sinagpa beach planong gamitin bilang docking area ng dalawang cruise ship ngayong Enero

Posted January 15, 2016
Ni Jay-ar M. Arante, YES FM Boracay  

Image result for MS MillenniumPlano ngayon ng Jetty Port Administration na ilipat ang docking area ng dalawang cruise ship na dadaong sa isla ng Boracay ngayong Enero.

Ito ang sinabi ni Jetty Port Administrator Niven Maquirang sa pagdalo nito sa SB Session ng Malay nitong Martes.

Ayon kay Maquirang, ang desisyong ito ay nagmula umano sa Government Officials ng Aklan para maibsan ang problema sa Cagban Port.

Sinabi ni Maquirang na maglalagay nalang umano sila ng pontoon sa may Sinagpa area kung saan puweding dumaong ang dalawang barko na darating sa Enero 26 at 28, 2016.

Nabatid na ang mga barkong MS Millennium at MS Nautica ay magdadala ng mahigit sa tig dalawang libong pasahero kung saan karamihan umano sa mga ito ay mga European tourist.

Magugunitang ang Cagban Port ang siyang ginagamit sa tuwing may dumadating na cruise ship sa Boracay ngunit dahil sa problema sa sistema ngayon ng nasabing pantalan dala ng kakulangan ng docking area ay pinaplanong ilipat na ito ngayon.

50 pulis na na-augment sa Boracay inalalayan sa kanilang responsibilidad

Posted January 15, 2016
Ni Inna Carol L. Zambrona, YES FM Boracay

Image result for boracay pnpKasalukuyan na ngayong ginagampan ng 50 pulis na bagong augment nitong Martes sa Boracay Tourist Assistance Center (BTAC) ang kanilang trabaho.

Sa pangunguna ni BTAC Officer In-Charge PSI Nilo Morallos, isinailalim nito sa briefing ang mga nasabing pulis bago ang deployment sa kanilang mga area sa ibat-ibang lugar sa Boracay.

Maliban dito, sumabak agad ang mga ito sa pagbibigay ng mga flyers na nakapaloob ang ibat-ibang paalala tungkol sa mga ipinagbabawal na gawain sa isla kabilang na ang Comelec Gun Ban.

Samantala, nabatid naman na pagkatapos ng selebrasyon ng Ati-Atihan sa Kalibo ay babalik  ang mga na-augment pulis sa PRO- Region 6 Iloilo City para sa Dinagyang festival habang wala pang pormal kung saan talaga matatalaga ang mga ito.

Hotel sa Boracay, nakatanggap ng death treat

Posted January 15, 2016
Ni Inna Carol L. Zambrona, YES FM Boracay

Image result for DEATH THREAT CELLPHONENabalot ng takot ang isang Hotel sa Boracay matapos itong makatanggap ng pambabanta o death treat kahapon sa Sitio Bolabog, Boracay.

Sumbong ng Management sa pamamagitan ng kanilang empleyado na kinilalang si “Dane” sa Boracay PNP, nakatanggap umano ng message ang kanilang company phone mula sa kinilalang si “Kumander Andy” na humihingi ng pera.

Nakapaloob pa umano sa nasabing message na kung hindi nila ito pagbibigyan ay sisirain umano nito ang kanilang hotel at papatayin pa umano sila.

Agad namang ini-report ng nasabing Management ng Hotel sa mga pulis ang natanggap na pambabanta kung saan nagresulta naman ito ng takot sa kanilang mga empleyado para sa kanilang seguridad.

Sa ngayon, patuloy ang ginagawang imbestigasyon ng mga otoridad hinggil sa nasabing reklamo.

Muslim students mula Balabag ES Malay hakot award sa First Regional Musabaqah

Posted January 15, 2016
Ni Jay-ar M. Arante, YES FM Boracay

Limang award ang nakuha ng Balabag Elementary School Muslim pupils bilang representante ng Division of Aklan sa Iloilo City sa ginanap na First Regional Musabaqah.

Sa anim na contest lima ang napanalunan ng Balabag ES kung saan tinanghal silang champion sa Alpha Touch at Arabic Spelling.

Maliban dito kampyon din sila sa Level III Qur'an Reading, 1st runner-up Arabic Spelling at sa Level II ay 2nd Runner-up sa Call to Prayer.

Sila din ang tinanghal na Over-all Regional Champion kung saan sila ang magiging representative ng Region VI sa National Musabaqah na gaganapin sa Tagaytay City sa huling linggo ngayong buwan ng Enero.

Kaugnay nito pinasalamatan naman ni Malay Public Schools District Supervisor Jessie Flores ang lahat ng mga tumulong para makamit ang tagumpay ng mga mag-aaral mula sa bayan ng Malay at sa Probinsya ng Aklan. 

Bayan ng Balete kampyon sa Aklan Higante Contest

Posted January 15, 2016
Ni Jay-ar M. Arante, YES FM Boracay

Kampyon ang bayan ng Balete sa Aklan Higante Contest na ginanap sa bayan ng Kalibo kahapon ng hapon kaugnay sa Ati-Atihan Festival 2016.

Umuwi ng nagkakahalaga na P40, 000 ang bayan ng Balete habang 2nd place naman ang bayan ng Tangalan na nakakuha ng premyong P35, 000, 3rd place ang Numancia na may P30, 000, Fourth place ang Ibajay na nakakuha ng P25, 000 at ang Fifth place naman ay Kalibo na nag-uwi ng P20, 000.

Nabatid na labin-isang Higante ang naglaban-laban mula sa ibat-ibang bayan sa Aklan na kinabibilangan ng Banga, New Washington, Nabas, Malinao, Madalag, Libacao.

Tema naman ngayong taon ang “Eco Friendly Ati” kung saan yari sa mga recycled materials ang ginamit sa paggawa ng mga pigura ng Higante.
Ang Higante contest ay taunang ginagawa sa selebrasyon ng Kalibo Ati-Atihan Festival sa kapistahan ni Sr. Sto. Niño.

Thursday, January 14, 2016

Aklan Higante Contest, dinumog ng mga manunuod sa Kalibo

Posted January 14, 2016
Ni Jay-ar M. Arante, YES FM Boracay

Halos hindi na mahulugan ng karayom ang bayan ng Kalibo sa sobrang dami ng tao kaugnay sa selebrasyon ng Kalibo Sto. Niño Ati-Atihan Festival 2016 na magtatapos nitong Linggo.

Ito’y dahil na rin sa Aklan Higante Contest na isinagawa kaninang ala-ona ng hapon kung saan naging agaw atraksyon naman ito sa mga manunuod lalo na sa mga turista.

Labin-isang pigura ng Higante ang inabangan ng mga manunuod mula sa ibat-ibang bayan sa Aklan na may temang “Eco Friendly Ati”.

Present naman ang mga Alkade ng 16 anim na bayan sa Aklan para saksihan ang programa na ginanap sa Pastrana Park sa bayan ng Kalibo.

Kaliwat-kanan naman ang street dancing o “sad-sad” sa mga major streets ng bayan ng Kalibo na kinabibilangan ng ibat-ibang grupo at mga paaralan sa probinsya.

Samantala, sa darating na Sabado naman ang highlight ng naturang event kung saan mahigit sa 20 tribo ang kasali sa patimpalak suot ang kanilang Ati Tribal costume habang sa araw ng Linggo naman ang kapistahan ni Sr. Sto Niño kung saan isang high mass ang isasagawa sa harap ng Kalibo Cathedral.

Ang Ati-Atihan ay kilala sa tawag na “Mother of All Philippine Festival” na ginanap tuwing ika-tatlong linggo sa buwan ng Enero.

Cagban at Caticlan Jetty Port posibleng e-dredging dahil sa problema sa low tide

Posted January 14, 2016
Ni Jay-ar M. Arante, YES FM Boracay

Image result for Caticlan Jetty Port“Low Tide”

Isa ito sa matinding problema sa Cagban at Caticlan Jetty Port dahil sa pahirapang makasampa ang mga bangka sa gutter kung saan sila dapat dadaong.

Sa 2nd Regular Session ng Malay nitong Martes, napag-usapan ng mga konsehales at ni Jetty Port Administrator Niven Maquirang ang nasabing problema kung saan inaasahang sa susunod na araw ay magkakaroon umano sila ng dredging sa dalawang pantalan.

Ayon kay Maquirang, mayroon ng equipment para rito ang probinsya, kung saan nakatakdang hukayin ang bahag na mababaw upang makadaong ang mga bangka.

Nabatid na isa lamang ito sa mga plano ngayon ng probinsya para maibsan ang problema sa jetty port kung saan sinasabing mabagal ang operasyon dala ng kawalan ng docking area kakulangan ng bangka at ang pagpapatupad ng manifesto.

Samantala, inihahanda na ngayon ng Jetty Port ang kanilang mga bagong ipapatupad na emplementasyon para sa peak season katuwang ang Philippine Coastguard at CBTMPC na inaproba naman ng Sangguniang Bayan ng Malay.

40-anyos na babae sa Boracay na biktima ng snatching, 50 mil natangay

Posted January 14, 2016
Ni Inna Carol L. Zambrona, YES FM Boracay

Image result for snatchingNanlumo ang isang 40-anyos na babae matapos itong mabiktima ng snatching kahapon sa Station 1 Mainroad Balabag, Plaza, Boracay.

Sumbong ng biktima sa Boracay PNP, pababa umano siya ng tricycle habang nag-babayad ng kanyang pamasahe ng bigla umanong agawin ng hindi nakilalang lalaki ang kanyang bitbit na bag.

Ayon sa biktima naglalaman umano ito ng Atm card, voters Id at iba pang mahahalang dokumento kasama na ang kanyang pera nag-kakahalaga ng P50, 000.

Samantala, patuloy namang ini-imbestigahan ng mga pulis ang nasabing insidente kung saan napag-alamang nakasuot ng itim na t’shirt at maong na short ang suspek papasok sa isang compound sa lugar.

Inaabangang Higante contest sa Kalibo Ati-Atihan aarangkada na ngayong araw

Posted January 14, 2016
Ni Jay-ar M. Arante, YES FM Boracay

Labing-isang Higante ang maglalaban-laban sa Higante contest na gaganapin ngayong araw sa bayan ng Kalibo para sa selebrasyon ng Ati-Atihan Festival 2016.

Paglalabanan ng mga kasaling bayan ang mga premyong P40, 000 para sa tatanghaling champion habang ang second place ay P35,000, third place P30,000, fourth place P25,000 at ang fifth place ay P20,000 habang ang consolation prize ay P10, 000.

Tema naman ngayong taon ang "Eco-friendly Ati" kung saan kinakailangan ang mga kasali ay gagamit ng mga patapong bagay na maaari pang mapakinabangan.

Maliban dito, dapat ang pigura ng Higante ay may minimum height na 8 feet at hindi lalagpas sa 12 feet mula sa ground level.

Nabatid na makikisabay sa parada ng mga Higante mamayang ala-ona ng hapon ang mga LGU Officials at Employees ng lahat ng bayan sa Aklan na tinatawag na Sad-Sad o street dancing habang ngayong alas-8 ng umaga naman ang Sinaot sa Kalye ng DepEd Aklan na kinabibilangan ng mga guro.

Samantala, aabangan naman bukas ang Sadsad pasaeamat kay Señor Sto. Niño sa mga major streets sa bayan ng Kalibo na kinabibilangan ng ibat-ibang grupo, estudyante, manggagawa at iba pang deboto ni Señor Sto. Niño.

Wednesday, January 13, 2016

Schedule ng St. John the Baptist para sa Kalibo Ati-atihan, nakalatag na

Posted January 13, 2016
Ni Inna Carol L. Zambrona, YES FM Boracay

Image result for cathedral kaliboNakalatag na ang schedule sa ibat-ibang aktibidad ng St. John the Baptist para sa Kalibo Ati-atihan Festival.

Ayon kay Father Boy Quan, ang mga schedule na idadagdag umano nila ay para mabigyan ng pagkakataon ang ibang deboto ng Santo Niňo na makapagsimba.

Uumpisahan umano ito bukas January 14 ng hapon kung saan gaganapin ang “Pagdayaw” sa harap mismo ng simbahan na pangungunahan ng mga diocesan youth.

Habang sa January 16 naman disperas ng kapistahan ay ipagdiriwang ang “Dawn Penitential Procession” alas 4 ng umaga at susundan ito ng misa alas 9:30 ng umaga, kasabay nito sa pagpatak ng alas 11 ang binyag ng mga bata at sa alas 12 naman ang “ Hornada” na susundan ng Vesper Mass.

Sa araw naman ng Linggo araw ng kapistahan ng Santo Niňo alas 4 hanggang alas 5 ng hapon ay may misa at pagpatak naman ng alas 6:30 ay ang pagpapalabas ng mga santo sa labas ng cathedral kung saan gaganapin ang pilgrim mass.

Gayundin, susundan din ito ng misa ng alas 12 ng hapon hanggang alas 2 para sa prosisyon ng mga santo, alas-4 naman hanggang alas-7 ng gabi ay may misa at pagdating ng alas-8 ang closing ng Liturgical Celebration, Thanksgiving at sadsad para sa paghatid ng santo sa simbahan.