Saturday, October 01, 2016

Kalibo-Numancia Bridge II, planong buksan ngayong buwan ng oktubre

Posted October 1, 2016
Ni Inna Carol L. Zambrona, YES FM Boracay

Tuloy-tuloy pa rin ang ginagawang pagsa-saayos ng Kalibo-Numancia bridge II kung saan plano itong buksan ngayong buwan ng Oktubre para magamit na ito.

Ito ang magandang balitang ipinaabot ng Department of Public Works and Highways (DPWH).

Sinabi ni Aklan District Engineer Noel Fuentebella, kanila ng minamadali ang construction sa proyekto ng sa gayon ay magamit na ito at maayos na rin ang right of way sa naturang tulay.

Nabatid na aabot sa P370 million ang ipinundo ng DPWH sa pagpapatayo ng tulay kung saan nilagyan rin ito ng sidewalks, baluster railings at street lights.

Ang pagpapatayo ng bagong tulay ay para maibsan ang nararanasang trapiko at ang pagkakaroon ng maayos na biyahe ng mga motorista sa probinsya ng Aklan.

Tamang paggamit ng Address na Malay, pinuna ni sb graf

Posted October 1, 2016
Ni Inna Carol L. Zambrona, YES FM Boracay

Nakatakda ngayong i-refer sa Committee on Tourism na pinangungunahan ni Dante Pagsuguiron ng Sangguniang Bayan ng Malay ang tungkol sa tamang paggamit ng Adress na Malay.

Ipinunto ni SB Nenet Aguirre-Graf sa kanyang Privilege Speech sa 13th Regular Session ng Malay ang tamang paggamit ng Address na ito lalong-lalo na sa mga residente.

Napag-alaman kase na meron umanong hinihiwalay ang Malay sa Aklan.

Sinabi pa ni Graf, na kailangan na itong aksyunan upang hindi na malito ang mga tao at malaman nila ang wastong paggamit, katulad nalang umano sa pagpuna noon sa tamang paggamit ng Boracay at hindi “Bora”.

Sa kabila nito, naging usapin rin sa naturang sesyon ang paglalagay ng impormasyon sa TV ng port, bus airlines at maging sa mga tour guide ito’y upang malaman nila ang mga rules and regulation at kung anong merong kagandahan ang isla ng Boracay.

Friday, September 30, 2016

Lalaki sa Boracay, kulong matapos pagbubuksan ang mga kwarto ng boarding house

Posted October 1, 2016
Ni Inna Carol L. Zambrona, YES FM Boracay

Image result for kulongSa kulungan ang inabot ng isang lalaki matapos nitong pagbubuksan ang mga kwarto sa isang boarding house sa Sitio Hagdan,Brgy. Yapak, Boracay.

Kinilala ang nagrereklamo na si Reynaldo Cose, 43-anyos native ng Negros Occidental at pansamantalang nanunuluyan sa lugar.

Sumbong ng biktima sa Boracay PNP, wala umanong karason-rason ay pinag-papasok ng suspek na si certain “J.R” ang mga kwarto ng boarding at pinagbubuksan .

Nabatid na isa rin umanong boarder ang nagreklamo matapos umanong nagsisigaw ang suspek kung saan pinapalabas niya ang mga ito at nagsabi pang papatayin.

Dahil sa nangyari ay nagresulta naman ito ng takot sa biktima dahilan para ireklamo niya ito sa mga pulis.

Napag-alaman na meron umanong nervous breakdown ang suspek kaya nito nagawa ang insidente.

Paglatag ng proyektong Zero Carbon Resorts sa Boracay, napuno ng katanungan

Posted September 30, 2016
Ni Inna Carol L. Zambrona, YES FM Boracay

Sa kabila ng paglatag ng proyekto ng Zero Carbon Resorts for Sustainable Tourism sa isla ng Boracay, napuno naman ito ng katanungan sa paglatag ng kanilang mga suppliers tungkol sa paggamit ng solar system.

Nabatid na itong proyekto ay para magbigay ng kaalam sa mga resorts establishments kung paano ang tamang paggamit ng enerhiya o kuryente kung saan si Dr. Robert Wimmer Managing Director ng GrAT – Center for Appropriate Technology and ZCR Project ang nagpaliwanag nito.

Isa-isang nag-presenta dito ang mga suppliers ng ZCR sa mga bisita kung ano ang kanilang maibibigay na tulong kung sakaling mang gamitin nila ang kanilang proyekto katulad nalang ng solar power.

Ang naturang usapin ay nagbigay ng interes sa mga bisita kung paano ito makakatulong sa kanilang negosyo kung saan ito ang kanilang nakikitang sulusyon para mapunan ang kanilang problema sa supply ng kuryente na labis na naging problema sa isla ng Boracay.

Samantala, napuno naman ito ng hotel, resort owners at stakeholders sa Boracay na ang mga naging bisita naman dito ay ang mga Engineer at mga supplier na naglahad ng kanilang impormasyon sa kanilang proyekto.

Boracay, Champion sa 2016 National Duathlon sa Iloilo

Posted September 30, 2016
Ni Inna Carol L. Zambrona, YES FM Boracay

Masaya ngayon na naiuwi ng tatlong naninirahan sa Boracay ang kanilang award matapos magwagi at maiuwi ang kampeonato sa katatapos na 2016 National Duathlon na ginanap nito lamang a-desi-otso ng Setyembre sa Iloilo.

Sina Medindo Milanes, Jovel Patricio, Timugen Tamayo ang mga naging pambato ng Boracay na nagbahagi ng kanilang galing sa larangan ng ganitong klaseng larong pampalakasan.

Nabatid na kinabibilangan ng ibat-ibang atleta mula sa ibang probinsya sa bansa ang mga sumali sa naturang kompetisyon.

Samantala, 3rd Place naman sa Triathlon Category si Melchor Labian sa Victoria sa Negros Occidental nito lamang Setyembre 25.

Kaugnay nito, malaki umanong karangalan para sa kanila na sumali sa ganitong klaseng kompetisyon kung saan hindi lang nagbigay sa kanila ng karangalan pati narin sa mga Boracaynon.

Photographer sa Boracay, huli sa buy-bust operation

Posted September 30, 2016
Ni Inna Carol L. Zambrona, YES FM Boracay

Nahuli ang isang Photographer sa isang drug buy-bust operation sa Sitio Bantud, Barangay Manoc-manoc, Boracay kahapon.

Nakilala ang nahuling Photographer na si Ruel Sigre Baballo alias Jack, 37-anyos, native ng New Lucena, Iloilo at temporaryong nakatira sa nasabing lugar.

Ang suspek ay nahuli ng mga operatiba ng Malay MPS, Boracay PNP, Aklan Public Provincial Public Safety Company (SWAT) at Maritime Police.

Nakuha kay Baballo ang isang sachet ng pinaghihinalaang shabu at P1, 000 na buy-bust money kung saan sa isinagawa pang body search ay nakuha pa dito ang isa pang suspected shabu at 38. revolver na baril.

Sa ngayon ay nasa kustodiya parin ng Boracay PNP Station ang nasabing lalaki at nakatakdang humarap sa kasong paglabag sa Sec 5 at Sec 11, Article II of RA 9165 sa pagbebenta ng iligal na droga at RA 10591 sa paggamit ng baril.

Driver ng motorsiklo, patay matapos mabungguan ng Oil tanker

Posted September 30, 2016
Ni Inna Carol L. Zambrona, YES FM Boracay

Image result for PATAYPatay ang isang driver ng motorsiklo matapos umanong mabungguan ng Oil Tanker sa Barangay Tagbaya, Ibajay, Aklan.

Ang biktima ay kinilala kay Robert Cahilig, 42-anyos, residente ng San Joaquin, Pandan, Antique habang ang driver naman ng Oil Tanker ay si Nerry Nacion, 38-anyos ng Bago City, Negros Occidental at ang kasamang pahinante nito na si Ruben Macahilas, 24-anyos ng Cawayan, Negros Occidental.

Base sa imbestigasyon ng Ibajay PNP, papunta ang minamanehong motorsiklo ng biktima sa Poblacion, Ibajay habang ang Oil Tanker naman ay papuntang Caticlan ng mag-overtake ang motorsiklo ni Cahilig dahilan para mabungguan ito na kanyang ikinamatay.


Samanta, ang driver at ang Oil Tanker ay nasa kustodiya na ng Ibajay PNP station para sa proper disposition.

Thursday, September 29, 2016

23-anyos na lalaki sa New Washington, aklan arestado sa pagbebenta ng droga

Posted September 29, 2016
Ni Inna Carol L. Zambrona, YES FM Boracay

Image result for buy bust operationNahuli sa buy-bust operation ng mga pulis sa Barangay Tambak, New Washington, Aklan ang isang 23-anyos na lalaki.

Arestado si Renato Dela Cruz Jr., ng Poblacion New Washington sa isinagawang operasyon ng Municipal Anti-Illegal Drug Special Operations Task Group (MAIDSOTG) ng New Washington PNP at Provincial Anti Illegal Drug Special Operation Task Group (PAIDSODG).

Ayon kay Police Officer 2 Manny Lorenzo New Washington PNP, nabilhan ang suspek ng isang sachet ng suspected shabu kapalit ng P 500 kung saan sa isinagawa pang body search dito ay nakuha pa sa kanyang bulsa ang isa pang hinihinalang droga.

Sa ngayon, ang susupek ay nasa kustodiya na ng New Washington PNP at nakatakda namang sampahan ng kasong paglabag sa Republic Act 9165 o Comprehensive Dangerous Drugs Act of 2002.

Resulotion sa pagbigay ng 20 % share na kita ng BFP sa LGU Malay, aprobado na

Posted September 29, 2016
Ni Inna Carol L. Zambrona, YES FM Boracay

Image result for memorandum of agreementAprobado na ang pagbabahagi ng 20 percent na kita ng Bureau of Fire Protection Unit (BFP) Boracay sa LGU Malay.

Naka-paloob sa Resolution No. 0034 na pinapahintulutan ni Mayor Ceciron Cawaling na magkaroon ng MOA o Memorandum of Agreement sa gitna ng lokal na pamahalaan ng Malay at ng BFP-Boracay na magbigay ng kanilang 20 percent na kita. Ito’y base narin sa nakalagay umano sa  Fire Code Revenues.

Itong resulosyon ay inaprobahan ng kometiba sa 12th Regular Session ng SB Malay noong nakaraang Martes.

Nabatid, na ito umanong kasunduan at perang mapupunta sa LGU Malay ay gagamitin rin para sa pag-maintain, pagbili ng equipment at pag-papaayos ng fire station.

Kaugnay nito, simula taong 2010 hanggang 2015 na nakolekta ng  BFP Boracay ay ibibigay ng DBM direkta sa LGU Malay.

Paghuhukay sa isang construction site sa Kalibo, dalawang granada narecover

Posted September 29, 2016
Ni Inna Carol L. Zambrona, YES FM Boracay

Image result for grenadeAgad na ini-report ng construction worker na si Radel Maming sa may-ari ng lupa matapos nitong mahukay ang isang granada sa Sitio Talipapa, Brgy. Pook, Kalibo, Aklan.

Sa imbestigasyon ni SPO4 Vengie Repedro ng Aklan Provincial Public Safety Company Explosives and Ordinance Team, ang nakitang granada ay isang MK2 Fragmentation Hand Grenade at M26 Fragmentation Hand Grenade.

Ayon pa kay Repedro  nakuha ang mga granada isang metro ang lalim sa hinuhukay na lupa at  nakasilid ito sa isang plastic container.

Nabatid na sa kanila pang pag-usisa ay matagal na itong nakabaon sa lugar kung saan posible umanong sumabog ito dahil kumpleto pa ang parti ng naturang granada.

Wednesday, September 28, 2016

Zero Carbon Resorts na proyekto, ilalatag sa Boracay

Posted September 28, 2016
Ni Alan Palma Sr, Yes FM Boracay

Image result for Zero Carbon Resort for Sustainable TourismNakatakdang ilunsad ang  Zero Carbon Resort for Sustainable Tourism sa isla ng Boracay sa darating na Septyembre 30 taong kasalukyan.

Ito ay pinagsamang proyekto ng Center for Appropraite Technology Philippines at Department of Tourism kung saan layunin nila na matulongan ang mga nasa industriya ng turismo lalo na ang mga nasa Small and Medium Enterprise o SME.

Isa sa mga pag-uusapan ay kung paano makakatipid sa pag-gamit ng enerhiya at ang tamang pamamaraan para hindi masayang ang puhunan dahil sa maling teknolohiya.

Ang proyekto ay pinundohan ng European Union katuwang ang mga implementing partners sa Asya.

Inaasahan na dadalo sa programang ito sina DOT-6 Reginal Director Helen Catalbas , Aklan Governor Joeben Miraflores at Malay Mayor Ceciron Cawaling.

Samantala pag-uusapan at ilalatag din ng Department of Tourism sa mga stakeholders sa isla kung paano makakuha ng DOT Accreditation.

AKELCO ipinatawag sa SP, kaugnay sa patay-sinding kuryente sa Boracay

Posted September 28, 2016
Ni Inna Carol L. Zambrona,YES FM Boracay

Image result for akelco joel martinezMuling ipinaliwanag ng  Aklan Electric Cooperative (AKELCO) ang paulit-ulit na patay-sinding power interruption na nararanasan sa isla ng Boracay.

Sa 10th Regular Session ng Sangguniang Panlalawigan  ng Aklan, paliwanag ni Engr. Joel Martinez, Assistant General Manager for Engineering Department ng Aklan Electric Cooperative o AKELCO , hindi power deficiency ang dahilan kung bakit nawawala ang supply ng kuryente sa Boracay.

Samantala, nagharap naman dito ang ilang mga Stakeholders sa Boracay kung saan naglabas sila ng saloobin kung ano ang mga dapat gawin para hindi na maranasan ang pauli-ulit na brownout na labis na nakaka-apekto sa kanilang negosyo.

Kaugnay nito, ang ginagawang sulusyon ng mga negosyante sa Boracay ay ang pagbili nalang ng Genarator upang maserbisyuhan ang kanilang mga bisita.

Nabatid na ang problemang ito ay idinulog na sa SB Malay kung saan isa sa mga itinuturong dahilan ng AKELCO dito ay ang tungkol sa transient Fault dahil umano sa habagat, malakas na ulan o merong ahas o kung ano mang  hayop na gumagapang sa kanilang wire dahilan kaya nawawala ang suplay ng kuryente.

Sa kabila nito, humingi naman ng paumanhin si Martinez sa nararanasang suliranin sa supply ng kuryente kung saan kanila naman itong a-aksyunan sa madaling panahon.

Pagpapalipat ng Franchise ng tricycle sa Etrike, aprobado na

Posted September 28, 2016
Ni Inna Carol L. Zambrona, YES FM Boracay

Image result for franchiseAprobado na sa 3rd and final reading ang ordinansa patungkol sa pagpapalipat ng Franchise ng tricycle sa Etrike sa Boracay.

Sa ginanap na 13th Regular Session ng SB Malay kahapon, nakapaloob sa Resolution No. 074 ang ordinansa na ang lahat ng mga magpapalit ng kanilang franchise ay ni-rerequired ng kumuha ng Electric Tricycle (E-trike) pampalit sa kanilang pinapasadang tricycle sa isla.

Nabatid na ang ordinansa ay para lang sa mga magpapalit ng kanilang mga franchise sa Boracay.

Bukod sa layunin nito na maging iwas ‘noise at air pollution’, makakatipid pa umano ang mga driver kapag E-Trike na ang kanilang gagamitin.

Ang E-trike ay isa na ngayon sa makokonsiderang pinaka-magandang transportasyon ng mga pasahero sa isla ng Boracay.

Nabatid na itong ordinansa ay ipinasa noong Hulyo 22 taong 2014 at inaprobahan naman ng Agosto 12 ng kapareho ring taon.

Tuesday, September 27, 2016

40-anyos na mister sa Nabas, Aklan arestado matapos tinaga ang asawa at anak

Posted September 27, 2016
Ni Inna Carol L. Zambrona, YES FM Boracay

Image result for arestado sa saksakArestado ang isang 40-anyos na suspek na si Jose “Jun” Villorente, Jr matapos nitong tagain ang sariling asawa at anak sa Brgy. Solido, Nabas, Aklan.

Kinilala ang biktimang asawa na si Maricar Villorente, 42-anyos  at anak nitong si Jasmine Villorente, 23-anyos ng nabanggit ding lugar.

Ayon kay Police Officer 3 Jo-an Roa ng Nabas Police Station, nakatanggap umano sila ng tawag mula sa Ibajay District Hospital kung saan  tinaga umano ng padre de pamilya ang kanyang mag-ina.

Agad umanong ni-respondihan ng mga pulis ang lugar ng pinangyarihan ng insedente kung saan lumalabas sa imbestigasyon na nasa ilalim umano ng nakakalasing na inumin ang suspek ng umuwi sa kanilang bahay at nagwawawala kung saan bukang bibig nito ang kanyang anak na wala paring trabaho.

Nabatid, na dahil umano dito ay lumabas ang kanyang anak na si Jasmine sa kanyang kwarto at pinatatahimik na nito ang kanyang ama dahilan na ikinagalit naman ng suspek kung saan kumuha ito ng itak na itataga sana sa kanyang asawa.

Subali’t hinarang ito ni Jasmine na tumama naman sa kanyang mukha kasunod ang kanyang Ina na tinamaan naman sa kanyang noo.

Kasong Frustrated Parracide sa ilalim ng Republic Act 9262 ang isinampang kaso sa suspek kung saan naka-kulong na ito ngayon sa Aklan Rehabilitation Center (ARC).

Pag-abruba sa penalidad sa pabibigay ng limos at namimigay ng limos, isasailalim pa sa pagpupulong

Posted September 27, 2016
Ni Inna Carol L. Zambrona, YES FM Boracay

Image result for penaltyIsinalaysay sa himpilang ito ni Magdalena Prado ng MSWDO Boracay na kahit aprobado na ang ordinansa sa pagbibigay ng penalidad sa mga namamalimos at nagbibigay ng limos ay kailangan parin nilang sumailalim sa pagpupulong.

Ito ay may kaugnayan sa mga magpamilyang namamalimos  sa isla kung saan nitong nakalipas na araw ay 31 Badjao ang kanilang nasagip.

Nabatid na ipupulong ulit ni Prado ang mga Law Enforcers, Stakeholders kasama na ang miyembro ng SB Malay na nagsusulong ng ordinansa upang pag-usapan ang mga guidelines sa  pag-implementa nito sa Boracay.

Nabatid kasi, sa pabalik-balik na pamamalimos ng mga badjao sa isla ay naging problema na ito lalong-lalo na sa paningin ng mga turista.

Samantala, pino-proseso naman nila ngayon na magpasa ng regulasyon, kung saan meron silang itatalagang tao sa Port ng Boracay kung saan kung sinuman ang makita na bumalik ang mga ito ay hindi na paaalisin at sa halip ay huhulihin.

Nabatid na ang nasabing batas sa pagbibigay ng penalidad ay inaprobahan noong August 1, 2016 sa 4th Regular Session ng 17th Sanggunang Panlalawigan ng Aklan.