Saturday, January 23, 2016

Vaccine handog para sa mga Senior Senior Citizen sa Balabag

Posted January 23, 2016
Ni Inna Carol L. Zambrona, YES FM Boracay

Image result for vaccinePatuloy ngayon ang pagbibigay benipisyo sa pamamagitan ng Vaccine for Flu para sa mga Senior Citizen sa Brgy. Balabag sa isla ng Boracay.

Ayon kay Punong Brgy. Lilibeth Sacapaňo, ito umanong ibinibigay nilang vaccine ay para maprotektahan at hindi agad makapitan ng sakit ang mga matatanda.

Nais naman ni Sacapaňo na lahat ng mga Senior Citizen sa nasabing brgy. ay sumailalim sa nasabing vaccine.

Samantala, pina-alalahanan naman ni Sacapaňo ang mga Senior Citizen na huwag matakot na subukan ito dahil para din umano ito sa kanilang kalusugan. 

California USA media group RecordNet, kinilala ang Boracay bilang most beautiful tropical beaches in the World for 2016

Posted January 23, 2016
Ni Jay-ar M. Arante, YES FM Boracay

Isa na namang pagkilala ang nakuha ng isla ng Boracay bilang most beautiful tropical beaches in the World for 2016.


Ito ay base sa datos ng California USA media group RecordNet kung saan tanging ang Boracay lamang ang nakapasok mula sa Pilipinas.

Dahil dito naging tanyag naman ang #ConsistentlyBeautifulIsland dahil sa sunod-sunod na pagkilala sa isla ng Boracay.

Samantala, base naman sa Department of Tourism ang Boracay umano ay nasa top drawer para sa international tourists ngayong 2016 kung saan tinawag din itong "Crown Jewel of Philippine Islands" ng DOT.

Aklan muling kinilala bilang Philippines No.1 Revenue generating province

Posted January 23, 2016
Ni Jay-ar M. Arante, YES FM Boracay

Muli na namang kinilala ang probinsya ng Aklan bilang Philippines No.1 Revenue generating province sa buong bansa.

Ito ay base sa datos na inilabas ng Finance Department.

Sa nasabing tala ng departamento, ang Aklan umano ay nasa top revenue-generating province nitong 2014 na may annual regular income na P1,161,975,895 at may locally sourced income na P492,969,004 na mayroon namang 42.4-percent ratio.

Nabatid na ang patuloy na paglaki ng income ng probinsya ay dahil na rin sa tuloy-tuloy na paglago ng turismo ng isla ng Boracay kasama na ang pagpasok ng malalaking kumpanya sa probinsya katulad ng Wind Mill Energy project.

Maliban dito, dumadami na rin ngayon ang pumapasok na International flights sa Kalibo International Airport at iba pang negosyo.

Samantala, kamakailan lang ay hinirang sa rank number 3 sa top 10 emerging destinations ngayong 2016 ang Kalibo na inilabas ng global travel search engine Skyscanner.

Friday, January 22, 2016

Pag-operate ng Yellow Submarine sa Boracay pabor kay Island Administrator Sacapaño

Posted January 22, 2016
Ni Inna Carol L. Zambropna, YES FM Boracay

“Wala akong nakikitang dahilan na pwedeng ikasira sa ilalim ng dagat sakaling pahintulutang mag-operate ang Yellow Submarine sa Boracay”.

Ito ang sinabi ni Boracay Redevelopment Task Force (BRTF) Chairman at Boracay Island Administrator Glenn Sacapaño, matapos nitong masaksihan kung paano mag-operate ang Yellow Submarine sa ilalim ng dagat sa ginawang validation kaninang umaga.

Gayundin, sinabi nito na hindi ito makakasira ng coral reefs sa karagatan dahil malayo umano ang operasyon nito mula sa beach area at hindi naman iikot sa buong isla dahil sa ang galaw lamang umano nito ay paatras at paabante na tatagal lamang ng halos 30 minuto sa ilalim dagat.

Aniya, bago tuluyang mag-operate ang Yellow Submarine ay kailangan pa umano itong dumaan sa mga pag-aaral o ibat-ibang proseso.

Dagdag pa ni Sacapaño, hindi lang umano madadagdagan ang aktibidad na pwedeng gawin ng bisita dito sa isla dahil maaari pa nilang makita ang kagandahan ng isla sa ilalim ng karagatan.

Nabatid na ito ang kauna-unahang Yellow Submarine na mag-ooperate sa isla ng Boracay sakaling makapasa ito sa masusing pag-aaral.

Ang Validation ay ginawa kasama ang Philippine Coastguard at mga Stakeholders mula sa BFI at PCCI Boracay. 

Bagong Brgy. Hall ng Balabag palalagyan na ng Health Center

Posted January 22, 2016
Ni Inna Carol L. Zambrona, YES FM Boracay


Isa lamang umano ang Health Center sa idadagdag na bagong pasilidad sa patuloy na renovation ng Brgy. Hall ng Balabag sa isla ng Boracay.

Ayon kay Punong Brgy. Lilibeth Sacapaňo, nilakihan umano ito para narin magkaroon ng opisina ang Brgy. Tanod kasama na ang pagsasaayos ng silid-aralan ng Day Care Center.

Maliban dito, isa ring Session hall ang ilalagay sa ikalawang palapag ng gusali at sa ikatlong palapag naman ang Function Hall.

Sinabi naman ni Sacapaňo na hindi pa nito matiyak kung kaylan ito matatapos ngunit nais nitong makumpleto ang construction bago magtapos ang kanyang termino ngayong taon.

Samantala, sa kabila ng ginagawang construction ay tuloy parin sa pag-aasikaso ang mga Brgy. employees para sa renewal ng mga permit sa nasabi ring gusali.

25+5 easement rule violator sa Boracay dumaan na umano sa validation

Posted January 22, 2016
Ni Jay-ar M. Arante, YES FM Boracay

Dumaan na umano sa validation ng Department of Environmental and Natural Resources (DENR) ang 25+5 meter easement rule violator sa Boracay.

Ito ang sinabi ni BRTF Secretary Mabel Bacane, kung saan may 297 listing umano sila ngayon ng mga establisyemento sa beach area na kasama sa nasabing easement rule.

Ayon kay Bacane ang bilang umanong ito ay nabigyan na ng substantial ng DENR kung sino ang na-validate o hindi pa na-validate.

Sinabi pa ni Bacane na meron umanong buwan na tumataas ang bilang nito at may bumababa naman dahil sa patuloy na construction.

Samantala, nabatid na ang lalabag sa 25+5 easement rule ay makakatanggap ng notice sa BRTF at kung hindi sila mag se-self demolish ay ang BRTF umano ang siya mismong gagawa ng aksyon.

23 anyos na lalaki, kulong matapos suntukin ang katrabaho

Posted January 22, 2016
Ni Inna Carol L. Zambrona, YES FM Boracay

Image result for lalaki kulongKulong ang isang 23- anyos na lalaki matapos nitong suntukin ang katrabaho sa Station 2, Brgy. Balabag, Boracay kagabi.

Sa report ng Boracay PNP, nag-iinuman umano ang biktimang si Ryan Leccio 30-anyos isang Kitchen Helper at ang suspek na si Nico Abella 23- anyos na isa namang Kitchen Staff at kapwa nag-tatrabaho sa isang hotel ng bigla nalang nagkaroon ng mainitang pagtatalo ang dalawa.

Napag-alaman na tinanong lamang umano ng biktima kung saan ang kaibigan nitong babae ngunit agad umano siyang sinuntok ng inirereklamo nito na tumama sa kanyang kaliwang kilay.

Dahil dito, agad namang na-aresto ng mga pulis ang suspek at ngayon ay pansamantalang naka-kustudiya sa himpilan ng Boracay PNP Station.

Yellow Submarine sa Boracay idadaan sa validation ngayong araw

Posted January 22, 2016
Ni Jay-ar M. Arante, YES FM Boracay

Image result for validationNgayong araw na ang nakatakdang validation na isasagawa ng Municipal Development Guideline Review Committee (MDGRC) katuwang ang Boracay Redevelopment Task Force (BRTF) sa Yellow Submarine sa Boracay.

Ayon kay BRTF Secretary Mabel Bacani, alas-10 ngayong umaga ang kanilang gagawing validation para malaman kung ang isinumiting report ng submarino ay totoo.

Sinabi pa ni Bacani na ang validation ay para matingnan din ang safety procedures at ang rota nito kung saan ang mahalaga umano nito ay hindi dumating na masira niya ang turismo at  huwag mag-pollute.

Dagdag pa nito, ang Submarino ay may layong 2 kilometro mula sa beach area sa station 1  at may 100 meters movement kung saan gagalaw lamang umano ito ng 50 meters forward at 50 meters backward at hindi umano kagaya sa operasyon nito sa Cebu na umiikot sa karagatan na siyang sinasabing may mga nasirang korales.

Maliban dito, malalaman naman rito kung ang area ng nasabing submarine ay walang maaapektuhang korales base na rin sa isinumiting dokumento ng kumpanya na humahawak nito.

Samatala, matapos umano ang isasagawang validation ay muli itong uupan para pag-usapan kasama ang ibat-ibang head ng mga concern agencies upang malaman ang kanilang magiging desisyon para sa operasyon ng Yellow Submarine kung saan provisional pa lamang umano ang kanilang maibibigay rito dahil dadaan pa sa ilang pag-uusap.

Nabatid na ang nasabing Submarine ay galing sa Cebu kung saan naging kontrobersyal umano ito noong taong 2013 at nasuspendi dahil sa nagkaroon ng problema.

Solar Street lights ng LGU Malay iilaw na sa Boracay

Posted January 22, 2016
Ni Jay-ar M. Arante, YES FM Boracay

Image result for Solar Street lightsIilaw na umano sa isla ng Boracay ang Solar Street lights na proyekto ng Local Government Unit (LGU) Malay na itatayo mula station 1 hanggang station 3 mainroad.

Ayon kay BRTF Secretary Mabel Bacani, isang daan at Labinwalong Street lights ang kanilang itatayo sa mainroad partikular sa mga madilim na bahaging lugar.

May taas umano itong 7 feet kung saan itatayo din ito 6 meters mula sa kalsada.

Nabatid na kahit brown out umano ang isla ay patuloy itong iilaw dahil sa isa itong solar street lights na na sa init dumidipendi.

Thursday, January 21, 2016

Pagkuha ng Police Clearance ililipat na sa Boracay

Posted January 21, 2016
Ni Jay-ar M. Arante, YES FM Boracay

Image result for police clearance Unit ng Malay na ibalik pansamantala ang pagkuha ng Police Clearance sa isla ng Boracay. 


Ito’y matapos makatanggap ng reklamo ang LGU mula sa mga manggagawa sa isla dahil sa kailangan pa nilang tumawid ng mainland at gumastos ng mahal upang makakuha ng police clearance na dating sa isla lamang na-proproseso.

Ayon naman kay Brgy. Captain Lilybeth Sacapano ng Balabag, hiniling din umano nila ito kay Mayor John Yap na ngayon ay pinagbigyan na rin.

Sinabi din ng kapitana na may inilaan na umano silang area sa Brgy. Hall kahit na ito ay nasa ilalim pa ng renovation para lamang ma-cater ang mga kumukuha ng clearance ngayong renewal.

Sa kabila nito inaayos na rin ng pamunuaan ng Malay PNP ang nasabing area kung saan ang tauhan din nila ang mamalakad nito simula bukas.

Nabatid na ang kailangan lamang mag-process ng Police Clearance ay Municipal Police Station at hindi kagaya ng Boracay Tourist Assistance Center na isang Mobile Station na para lamang sa mga turista.

Lalaki kulong matapos magnakaw ng cellphone na itinago sa loob ng kanyang underwear

Posted January 21, 2016
Ni Inna Carol L. Zambrona, YES FM Boracay

Image result for kulongHindi makapaniwala ang may ari ng isang restaurant sa isla ng Boracay matapos itong pagnakawan ng sarili nitong trabahador na pinasok pa nito sa kanyang underwear.

Sumbong ng may ari na si Chris Fallorina, 39-anyos sa Boracay PNP, naka-charge umano ang dalawa nitong cellphone sa itaas ng refrigerator ng matuklasan nitong nawawala na.

Dito, nag-hinala ang biktima na kinuha ito ng kanyang staff kung saan agad naman nitong tinawag ang kanyang mga empleyado at doon ay isa-isa niya itong kinapakapan.

Dahil dito, isang empleyado ang kanyang nadiskubrehan na may tinatago itong matigas na bagay sa loob ng kanyang underwear at sa pag-usisa nito ay dito nakita ng biktima ang kanyang nawawalang cellphone.

Agad namang tumawag ng pulis ang biktima at doon ay hinuli ito at dinala sa presinto para imbestighan sa ginawang pagnanakaw na ngayon ay naka-kustudiya na sa Boracay PNP.

Maintenance ng isang Spa sugatan matapos barilin; suspek nakatakas

Posted January 21, 2016
Ni Inna Carol L. Zambrona, YES FM Boracay

Image result for shooting incidentSugat sa kaliwang paa ang tinamo ng isang Maintenance ng Spa matapos itong barilin ng walang dahilan sa Sitio Cabanbanan, Brgy. Manoc-manoc, Boracay kagabi.

Sa imbestigasyon ng Boracay PNP, nakaupo umano ang biktimang si Temothy Dela Cruz 18-anyos at ang kapatid nito sa isang tindahan sa nasabing lugar ng biglang lumapit ang suspek na si Jojie Hernandez 18- anyos na may dalang improvised shotgun (Sumpak) at doon ay binaril nito ang biktima sa kaliwang paa.

Agad namang nakalayo ang biktima patungo sa kanilang bahay habang ang suspek ay nagsisigaw kung saan sinabi umano nito na babayaran niya ang halaga ng kanilang buhay.

Dahil naman sa matinding pinsala na tinamo ng biktima ay isinugod naman ito sa isang klinika sa isla pero mas minabuti namang ilipat sa malaking pagamutan para mabigyan ng agarang medikasyon ang kanyang tinamong sugat.

Sa ngayon, patuloy naman ang ginagawang manhunt operation ng mga pulis para sa ikadarakip ng suspek na tumakas matapos ang insidente.

Usapin sa 25+5 meter easement rule sa Boracay muling binuksan sa SB Malay

Posted January 21, 2016
Ni Jay-ar M. Arante, YES FM Boracay

Image result for 25+5 easement rule sa boracayMuling binuksan ang usapin sa ika-3rd regular SB Session ng Malay nitong Martes ang 25+5 meter easement rule sa isla ng Boracay.

Ito’y matapos ang naging pahayag sa privilege speech ni SB Member Danilo Delos Santos kaugnay sa nasabing isyu, kung saan may mga napansin umano itong establisyemento sa beach area boat station 3 na tila lumalabag sa nasabing easement rule.

Iginiit pa ni Delos Santos na base sa ordinansa ng LGU Malay na kung hindi ka sumusunod sa setback ay hindi ka makakapag-renew ng Business at Mayor’s permit.

Dahil dito, nagdesisyon naman ang konseho na ipatawag sa susunod na session ang Boracay Redevelopment Task Force (BRTF) at ang Building Officials upang mabigyang linaw kung ano pa ang mga regulasyon sa kanilang ipinapatupad na easement rule.

Samantala, nakatakda namang magsagawa ng inspeksyon ang Sangguniang Bayan ng Malay sa building na tinutukoy ni Delos Santos.

Sulat para sa Malay PNP kaugnay sa Police Clearance naipadala na ng SB Malay

Posted January 21, 2016
Ni Jay-ar M. Arante, YES FM Boracay

Image result for Malay PNP StationNaipadala na umano ng Sangguniang Bayan ng Malay ang sulat para sa Malay PNP Station kaugnay sa hiling na ibalik pansamantala ang pagkuha ng Police Clearance sa isla ng Boracay.

Ito’y matapos ang hiling ni SB member Leal Gelito na kung maaari ay maglagay ng Satellite Office ang Malay PNP sa Boracay para hindi na mahirapan ang mga manggagawa sa isla na tumawid para kumuha ng nasabing clearance.

Nabatid na ang dating pag-process ng Police Clearance sa Boracay Tourist Assistance Center (BTAC) ay inilipat sa Municipal Police Station matapos ang ipinalabas na mandato ng kanilang higher officials dahil sa ang BTAC umano ay isang tourist police at hindi municipal police.

Umani naman ito ng ibat-ibang reaksyon sa mga taga-Boracay kung saan ilang beses pa umano silang pipila bago makakuha ng Police Clearance sa Malay PNP Station.

Hindi na umano otorisado ngayon na mag-isyu ng Police Clearance ang Boracay Tourist Assistance Center (BTAC) matapos ang mahigit pitong taong serbisyo nito sa mga taga Boracay.