YES THE BEST 911 BORACAY

Saturday, November 19, 2016

Municipal Health Office ng Malay, hinikayat ang publiko sa Hepatitis B and HIV/ AIDS Forum

 Posted November 19, 2016
Ni Inna Carol L. Zambrona, YES FM Boracay

Hinikayat ngayon ng Municipal Health Office ng Malay ang mga residente ng Malay at Boracay na maki-isa sa kanilang forum na gagawin kaugnay sa hepatitis B at Human Immunodeficiency Virus (HIV) at Acquired Immune Deficiency Syndrome (AIDS).

Nabatid kasi mula sa National Epidemiology Center ng Department Health, na mula June sa taong ito ay may naitala silang rekord na 34, 999 na kaso ng HIV sa labing pitong rehiyon sa bansa.

Sa interview ng himpilang ito kay Malay Municipal Health Office (MHO) Health and Educational Promotion Officer Arbie Aspiras, itong programa ay bilang paggunita sa December 1 (World Aids Day at TB kung saan may tema itong “Creating Alliance and Strengthening the Fight to Stop TB, HIVANDAIDS”.

Aniya, ginagawa ito upang makapagbigay kaalaman at para mahikayat ang komunidad na magpunta sa Social Hygiene Clinic Boracay at Poblacion Malay, upang magpatest sa mga nararamdaman nila kung saan isa dito ay magpa Free HIV test and screening at iba pang serbisyo gaya ng Pap Smear, Gram Stain (Urethral, Cervical Smear).

Pangalawa, makapagbigay ng impormasyon sa pamamagitan ng Symposium upang mapag- usapan ang tungkol  sa TB at HIV, kung saan ayon sa datos ng Kagawaran ng Kalusugan, tumataas ang kaso nito sa Pilipinas at ang pangatlo ay ang pagbibigay ng simpatya, pagmamahal at suporta sa mga taong may HIV.

Ordinansa para sa Mosquito Borne Diseases, aprobado na ng SP Aklan

Posted November 19, 2016
Ni Inna Carol L. Zambrona, YES FM Boracay

Image result for approvedInaprobahan na sa 14th Regular Session ng Sanguniang Panlalawigan (SP) Aklan ang ordinansa patungkol sa Mosquito Borne Diseases.

Nabatid na itong usapin sa pangangasiwa ni Vice Governor at Presiding Officer, Atty.  Reynaldo M. Quimpo, ay naipasa para maiwasan at makontrol ang mosquito borne diseases sa probinsya ng Aklan.
Layunin ng nasabing programa na maipaalam sa publiko kung paano makaiwas sa lumalaganap na sakit tulad ng dengue, chikungunya, at zika virus.  Pinag-usapan din dito kung ano ang pinagmumulan ng mga sakit, kung ano ang pagkakaiba ng mga ito at kung ano ang mga sintomas nito, kabilang dito ang pagkakaroon ng lagnat, muscle pain, joint sweeling, at pagkakaroon ng rashes.

Ang naturang ordinansa ay inispinonsoran ni Hon.Nelson   Santamaria, Chairman  ng  Committee on Health and Social Services.

Friday, November 18, 2016

ICS Training ng MDRRMO bilang paghahanda sa kalamidad, nagtapos na ngayong araw

Posted November 18, 2016
Ni Inna Carol L. Zambrona at Danita Jean A. Pelayo, YES FM Boracay

Nagtapos na ang tatlong araw na Basic Incident Command System (ICS) Training ng Municipal Risk Reduction and Management Office (MDRRMO) para sa paghahanda sa mga ibat-ibang insidente, kalamidad sa Malay at Boracay.

Nabatid kay Catherine Ong Fulgencio ng MDRRMO Malay, malaki umanong tulong itong training ng kanilang opisina dahil hangad nitong matulungan ang mga tao lalo na sa maaring kalamidad na mangyari sa ating bansa.

Samantala, naging parte naman umano sa kanilang ginawang training ang ibat-ibang Head ng Municipal Government Offices sa Malay na kinabibilangan ng Boracay at Malay PNP, Philippine Army, Philippine Coast Guard, Philippine Maritime, Malay Auxiliary Police o MAP, Consultant  ng ibat-ibang grupo katulad ng Boracay Fire Rescue Ambulance Volunteers, Transportation group at iba volunteer groups.

Kalakip nito, ang iba’t- ibang grupo ay kanilang isinailalim sa pagsasanay para sa paghahanda sa panahon ng mga sakunang posibleng  mangyari sa bayan ng Malay lalo na sa isla ng Boracay.                                                     

Ibat-ibang aktibidad para sa 2017 Kalibo Ati-atihan Festival, inilatag na

Posted November 18, 2016
Ni Inna Carol L. Zambrona, YES FM Boracay

Image result for Kalibo Santo Niño Ati-Atihan FestivalInilatag na ng Kalibo Santo Niño Ati-Atihan Festival (KASAFI) organizer ang iba’t-ibang aktibad para sa tinaguriang “Mother of All Philippine Festival” sa Enero 6 hanggang 15 2017.

Ayon kay KASAFI Chairman Albert Meñez, nasa final stage na umano ang kanilang preparasyon dito kung saan sa Enero 6, sisimulan ang nine-day devotional novena, parish visitation ng Santo Niño, tradisyunal paeapak at search for Mutya ng Kalibo Ati-atihan 2017.

Narito ang iba pang mga sumusunod na skedyul sa naturang event;

Enero 7 Kalibo red hot party, sikad karera para sa mga mahilig sa bike.

Enero 8 car show, bikers rally at Ati-atihan fun run.

Enero 9 mag-uumpisa ang hala bira Atiatihan nights at ang pagbubukas ng Aklan Visual Arts Exibit, Street Bazaar, products showcase, sarok film fest at Ati-atihan float parade.

Enero 10 pagdayaw kay Senior Santo Siño kung saan  lalahukan ito ng halos lahat ng Private at Public Schools ng lalawigan.

 Enero 11 at 12 naman ang Aklan Higante Contests at Dep-ed sinaot sa kalye.

Enero 13, buong araw na sad-sad pagpasalamat kay Senior Santo Niño.

Enero 14 bisperas, dawn penitential procession at sadsad Ati-atihan dancing contest

Enero 15 ang pag-transfer ng Santo Niño Image, pilgrims mass, sadsad at religious procession.

Samantala, ang highlight ng naturang Festival ay sa darating na Enero 14 at  15 kung saan maglalaban-laban ang mga grupo na kinabibilangan ng Tribal Big and Small, Balik-Ati, Modern Groups at Individual Street Dancing Contest.

Turista , nagtalik umano sa baybayin ng Boracay; kulong

Posted November 18, 2016
Ni Danita Jean A. Pelayo, YES FM Boracay

Dumulog sa himpilan ng mga pulis ang kinilalang si Aldwin Pascua Mauricio, 32- anyos, isang Immigration Officer, native ng Catanduanes at temporaryong nanunuluyan sa isang hotel sa Station 2, Brgy. Balabag, Boracay.

Ayon sa report nito sa Boracay PNP, nakita niya umano ang dalawang turista sa may baybayin na isang British at Italian national kung saan nakakandong umano ang babae sa lalaki habang pareho silang nakahubad at marahil umano ay nagtatalik nilapitan naman niya ito at sinabihan na itigil nila ang kanilang ginagawa.

Nabatid na nagtungo pa umano ang dalawa malapit sa baybayin at inasar pa ang immigration officer.

Dahil dito, tinawag ng lalaki ang atensyon ng mga pulis at i-nereklamo ang mga ito.

Sa ngayon ay pansamantalang ikinustodiya ang dalawang turista sa himpilan ng Boracay PNP station.

Thursday, November 17, 2016

“Legend of the Seas” muling dadaong sa isla ng Boracay

Posted November 17, 2016
Ni Inna Carol L. Zambrona, YES FM Boracay


Image result for ms legend of the seasMuling dadaong sa isla ng Boracay ang barkong “Legend of the Seas” ng isang international cruise liner.

AyonkayDepartment of Tourism (DOT)-Boracayhead Kristoffer Leo Vellete, sa Nobyembre 22 nakatakdang dumaong ang naturang cruise ship sakay ang tinatayang 3,000 pasahero at crew nito.

Nabatid na noong buwan ng Agosto 2015 ng huling masilayan ang naturang barko sa isla.
Kaugnay nito, ang pagdaong ng cruise ship ay isa sa magbibigay ng pagtaas ng antas ng turismo sa sikat na isla ng Boracay.

Nabatid, nitong nakaraang linggo ay naging matagumpay ang pag­daong ng Japanese cruise ship na MS Pacific Venus sa Boracay sa kauna-unahang pagkakataon.

Samantala, ang Legend of the Seas ay pang-12 cruise ship na dadaong sa isla ngayong 2016.

Possible site na pagtatayuan ng Iloilo-Guimaras Bridge, pinag-aaralan na

Posted November 17, 2016
Ni Inna Carol L. Zambrona, YES FM Boracay

Image result for iloilo guimaras bridgePinag-aaralan na umano ng Chinese investors ang possible site na pagtatayuan ng tulay na mag-uugnay ng Iloilo at Guimaras Island.

Ito ang kinumpirma ni Buenavista Guimaras Mayor at League of Municipalities (LMP)-Guimaras Chapter  President Eugene Reyes, kung saan sinabi nito na nakapunta na ang mga  Chinese Engineers mula China Roads and Bridges Cooperation para sa naturang proyekto.

Nabatid na may apat na umanong posibleng site na ipinakita ang mga ito na kinabibilangan ng Ortiz City Proper papuntang Jordan Guimaras, Bario Obrero Lapuz papuntang Brgy. Sawang Buenavista Guimaras, Ingore Lapaz papuntang Brgy. Taminla Buenavista Guimaras, at Leganes, Iloilo papuntang Brgy. Tacay o Getulio sa Buenavista, Guimaras.

Kaugnay nito, patuloy rin  nilang pinag-aaralan ang kuryente at lebel ng tubi na siyang titignan at pagbabasehan sa magiging disenyo ng tulay.

Ayon pa kay Mayor Reyes, inaalam pa nila kung kailan uumpisahan ang Phase 1 na proyekto sa lugar kung saan sakaling matapos na ito ang susunod naman na gagawin ay ang Phase 2 na mag-uugnay sa Guimaras at Negros Island.

Samantala, ang proyektong tulay ay may inisyal umano na budget na P 150-Million.

Taiwanese national, huli sa buy- bust operation sa Boracay

Posted November 17, 2016
Ni Danita Jean A. Pelayo, YES FM Boracay 


Image result for buy bust operation jpeg
Huli ang isang Taiwanese National matapos magsagawa ng buy- bust operation ang Boracay Tourist Assistance Center (BTAC), Malay MPS at MARPSTA kaninang ala-una ng madaling araw sa Sitio Bulabog, Brgy. Balabag, Boracay.

Kinilala ang biktima na si Wei Tang Yao alyas “Julian”, 54- anyos , temporaryong nakatira sa naturang lugar.

Nakuha ang isang sachet ng suspected shabu kapalit ng isang libong buy bust money kung saan may isinagawa pang body search sa kanya. Nakuha pa dito ang apat na sachet ng suspected shabu.

Sa ngayon, ang suspek ay pansamantalang nasa kustodiya ng Boracay PNP at nakatakdang sampahan ng kaso sa ilalim ng Republic Act 9165 o An Act Instituting The Comprehensive Dangerous Drugs Act Of 2002.