YES THE BEST 911 BORACAY

Friday, September 16, 2016

Mga hinuhukay na kalsada sa Boracay, nakatakdang imbestigahan

Posted September 16, 2016
Ni Inna Carol L. Zambrona, YES FM Boracay

Image result for kalsada sa boracayNakatakdang imbestigahan ng Municipal Engineering ng Malay ang parti ng mga kalsada sa Boracay na hinukay at hanggang ngayon ay hindi parin naaayos.

Ayon kay Municipal Engineer Elizer Casidsid, susuriin umano nila ang mga construction na ginagawa sa mga kalsada sa Boracay upang malaman kung ano na ang status nito.

Aniya, bago paman bigyan ng permit ang mga konstraksyong ito ay nagbigay umano sila ng kondisyon kasabay ng pag-aaral ng nasasakupang ahensya bago bigyan ng rekomendasyon kung kaylan ito sisimulang tibagin.

Maliban dito nakasaad din umano sa naturang permit at rekomendasyon na kanilang napagkasuduan na ang mga ito na din umano mismo ang magbabalik o mag-aayos ng mga binungkal na bahagi ng kalsada.

Nabatid kasi na mayroong mga nababahala sa nasabing hukay na hanggang ngayon ay hindi parin ito naibabalik sa normal simula ng bungkalin at ayusin kung saan hindi na din umano ito maganda sa mata ng mga turista o maging sanhi umano ng insidente.

Lalaki, nagreklamo matapos pagtulungang nakawin ang kanyang motorsiko

Posted September 16, 2016
Ni Inna Carol L. Zambrona, YES FM Boracay

Image result for police blotterPinag-hahanap na ngayon ng Boracay PNP ang pagkakakilanlan ng mga suspek na kumuha ng motorsiklo ng isang lalaki sa Sitio Tulubhan, Baranggay Manoc-manoc, Boracay.

Ayon sa report ng biktima na si Muhammad Ryyan Apal, 27-anyos sa mga pulis, kahapon umano ng umaga sakay siya ng kanyang motorsiklo galing sa isang basketball sa lugar ng makita nito si certain “JAN-JAN” at walang kadahi-dahilan ay sinuntok siya sa kanyang mukha na naging dahilan naman ng pagbagsak nito mula sa motorsiklo.

Maliban dito, pinagtulungan pa umano siyang pagsusuntukin ng mga hindi nakilalang lalaki habang mabilis na tinangay ng mga ito ang kanyang motorsiklo.

Pahayag pa ng biktima sa mga pulis nasa loob umano ng U-box ng motor ang kanyang wallet at mga importanteng dokumento ng kanyang motorsiklo.

Sa ngayon, ay nakatakdang imbestigahan ng Boracay PNP ang insidente.

Bayan ng Malay kumpiyansa na muling makikilala sa SGLG

Posted September 16, 2016
Ni Jay-ar M. Arante, YES FM Boracay 

Image result for SGLG DILGKamakailan lang ay sumailalim ang bayan ng Malay sa Validation ng Department of Interior and Local Government (DILG) Region 6.

Ito ay para na naman sa Seal of Good Local Governance (SGLG) 2016 na ibinibigay na parangal ng DILG sa mga bayan na may magandang performance sa Region 6.

Ayon kay MGLOO Mark Delos Reyes, kumpiyansa sila na muling makakahuha ng parangal sa SGLG dahil na rin sa kanilang magandang performance.

Samantala, pito lang mula sa 17 bayan sa Aklan ang napiling sumailalim sa validation kasama na dito ang Provincial Government kung saan may tiyansa ang mga ito na mabigyan ng SGLG award.

Nabatid na naging awardee rin ang bayan ng Malay noong nakaraang taon ng kaparehong parangal kung saan ang nakuhang cash na P3 Milyon pesos ay ipinatayo naman ng Navigational Light House sa Brgy. Sambiray para sa mga mandaragat.

Thursday, September 15, 2016

Architect at Turista sa Boracay, huli sa buy-bust operation

Posted September 15, 2016
Ni Inna Carol L. Zambrona, YES FM Boracay


Hindi na nakapalag pa ang isang Architect at turista matapos itong mahuli sa isinagawang buy-bust operation kaninang madaling araw.

Kinilala ang mga suspek na sina Rey Buendia y Morales, 36-anyos native ng Doongan, Butuan City at  Daniel Wilhelm Guntli, 31-anyos, isang Swiss national at temporaryong nakatira sa Brgy. Manoc-Manoc, Boracay.

Sa pinagsanib pwersa ng Malay MPS, BTAC, APSC BTAC, SWAT at 605th MARPSTA nahuli ang suspek sa pamamagitan ng isang poseur buyer kung saan narecover dito ang transparent plastic sachet ng sinasabing suspected shabu kapalit ng P1, 000.

Kung saan habang sa body search pang isinagawa nakuha pa kay Buendia ang dalawang plastic sachet at 1 pang  pinaniniwalaang droga kay Guntli at drug paraphernalia.

Samantala, pansamantala naman ngayong naka-kulong ang dalawang suspek sa Boracay PNP  at nahaharap sa kasong paglabag sa Republic Act 9165 o Dangerous Drugs Act of 2002.

Excel Awards, pinaghahandaan ng DILG Malay

Posted September 15, 2016
Ni Jay-ar M. Arante, YES FM Boracay

Image result for DILGTarget ngayon ng Local Government Unit ng Malay sa pangunguna ng Department of Interior and Local Government (DILG) na muling makamit ang Excel Awards of Excellence in Local Governance 2016.

Sa panayam kay MGLOO Mark Delos Reyes, naghahanda na umano sila ngayon para sa inaasahang pagbisita sa kanila ng DILG Region 6 para sa tinatawag na validation.

Ayon kay Delos Reyes, ito umano ay taunang ginanawa ng DILG 6 upang kilalanin ang mga LGU na maayos na namamalakad at ang ginagawang serbisyo sa kanilang nasasakupan.  

Nabatid na bago makuha ang naturang parangal ay kailangan munang maipasa ang Accomplishment Administrative Government na kinabibilangan ng Social, Economic at Environmental Government na layong mag-promote ng accountability, transparency at inclusivity.

Samantala, isang meeting ang ipapatawag ni Delos Reyes na kinabibilangan ng lahat ng Department Heads ng LGU Malay kasama si Mayor Cawaling para paghandaan ang nasabing Excel Awards.

Matatandaan na ang bayan ng Malay ang siyang naging 3rd placer noong nakaraang taon sa 1st at 3rd class municipality sa buong Region 6 sa kaparehong parangal.

Korean tourist nangunguna parin sa top tourist visitors sa Boracay

Posted September 15, 2016
Ni Jay-ar M. Arante, YES FM Boracay

Image result for Korean tourist sa boracay
Korean tourist parin ang siyang nangungunang tourist arrival sa isla ng Boracay ngayong taon simula nitong Enero hanggang nitong Agosto 2016.

Base sa tala ng Municipal Tourism Office ng Malay umabot sa 223, 460 ang mga bumisitang Koryano sa Boracay sa nasabing taon.

Sumunod naman dito ang Chinese national na umabot sa 209, 113 at pumapangatlo naman dito ang Taiwanese tourist na may 41, 908.

Nabatid na ang pangunguna ng Korean tourist sa Boracay taon ay dahil sa malakas na market ng isla sa kanilang bansa kasama na dito ang direct flights ng mga eroplano.

Lalaki, kulong sa aktong pagsasamantala sa lasing na turista na hubot-hubad

Posted September 14, 2016
Ni Inna Carol L. Zambrona, YES FM Boracay

Image result for blotter reportRehas nalang ngayon ang hinihimas ng isang lalaki matapos itong makulong dahil sa aktong pagsasamantala sa isang hubot-hubad na turistang babaeng lasing sa isang hotel sa Balabag, Boracay kaninang madaling araw. 

Sa report ng Boracay PNP, kinilala ang nagrereklamong lalaki na si Zhen Hong Chong, 28-anyos at isang Malaysian National.

Reklamo nito sa mga pulis, papasok na umano siya sa kanilang kwarto ng makita nitong walang damit ang kanyang kaibigang babae na si Kian Yew Sia na nakahiga at nasa ilalim ng  nakakalasing na inumin katabi ang hindi nakilalang lalaking suspek na wala na ring damit pang-itaas.

Dahil sa gulat ay napasigaw umano ang biktima at pinatitigil ang suspek sa ano pang posibleng gawin nito sa nakahubad na kaibigan.

Subal’it nagalit umano sa kanya ang suspek at pinatatahimik siya nito dahilan para magkaroon sila ng kaunting kumusyon na nauwi rin sa sakitan.

Sa kalaunan agad namang naaresto ng mga pulis sa lugar ang suspek kung saan pansamantala muna itong ikinustudiya sa Boracay PNP station.

Mga CCTV Camera ikinabit sa Caticlan jetty port

Posted September 15, 2016
Ni Jay-ar M. Arante, YES FM Boracay

Image result for CCTV CAMERATinatayang nasa 30 closed-circuit television (CCTV) camera ngayon ang ikinabit sa buong Caticlan jetty port para sa pagpapaigting ng seguridad.

Ayon kay Port Administrator Niven Maquirang, ito umano ay para matutukan pa lalo ang kaligtasan ng mga pasahero na dumaraan sa nasabing pantalan.

Layun din umano nito na ma-monitor ang posibleng krimen na mangyari sa Jetty port kung saan ginawa umano ito base sa deklarasyon ni President Rodrigo Duterte ng state of national emergency kaugnay sa lawless violence matapos ang Davao City bombing nito lamang Setyembre.

Samantala, maliban umano sa mga CCTV ay lalo ngayong naghigpit ang kanilang pantalan kung saan ang mga nakabantay na security guard, police, Philippine Coast Guard sa lugar ay nadagdagan pa ng pwersa ng grupo ng Philippine Army.