YES THE BEST 911 BORACAY

Wednesday, September 06, 2017

Kriminalidad sa isla bumaba sa buwan ng Agosto - BTAC

Posted September 7, 2017
Ni Inna Carol L. Zambrona, YES THE BEST Boracay

Bumaba ang naitalang kriminalidad ng Boracay Tourist Assistance Center o (BTAC) sa buwan ng Agosto kung ikukumpara ito sa nakaraang taon sa kaparehong buwan.

Sa Comparative Crime Data ng BTAC, nitong nakalipas na buwan ay 62.9 % ang ibinaba sa record nila kung saan nakapagtala lamang sila ng kabuuang 69 na kriminalidad kumpara sa 186 noong nakaraang taon.

Ayon kay BTAC PSI Jose Mark Anthony Gesulga, malaki ang ibinaba sa Non-Index Crime tulad ng estafa, unjust vexation at malicious mischief.

Dagdag pa ni Gesulga, halos kalahati rin ang ibinaba ng mga kasong physical injury at theft o pagnanakaw na umano’y madalas nangyayari sa pagitan ng alas-onse ng gabi hanggang alas-tres ng madaling araw.

Bagamat may mga naitatala paring insidente ng nakawan sa isla, ayon sa hepe ay kadalasang nasa loob ng mga hotel o residential unit ito nangyayari dahil nabawasan na ang kaso ng salisi sa beachline sa tulong ng police visibility at force multipliers.

Nagpapasamalamat naman si Gesulga sa BPATS, Malay Auxiliary Police, Beachguard, PARDSS FOUNDATION, PARDSS ANTI-CRIME, KABAYAN, KABALIKAT CIVICOM at iba pang force multipliers na tumutulong sa kanila upang masawata itong mga gumagawa ng hindi maganda sa sa isla ng Boracay.

DTI Aklan, magsasagawa ng one-day business registration sa Boracay

Posted September 6, 2017
Ni Teresa Iguid, YES THE BEST Boracay

Image result for one-day business registrationMagsasagawa ng one-day business registration activity ang DTI Aklan sa isla ng Boracay sa darating na September 8 ng taong kasalukuyan.

Sa pahayag ni Ryan Molina ng DTI Go Negosyo Center Boracay, imbitado ang lahat lalo na ang nais iparehistro ang kanilang mga negosyo sa kanilang special booth sa Eurotel Boracay sa ganap na ala-una ng hapon.

Nais ring ipabatid ni Molina na ang pagpaparehistro ng kanilang negosyo ay ang unang hakbang na magpapatunay at magbibigay ng karapatan na ito ang pangunahing nag mamay-ari ng kanilang negosyo.

Ang hakbang na ito ay malaking tulong din lalo na sa matagal ng nagbabalak na mag pa-register subalit kailangan pang bumiyahe papuntang Kalibo.

1.4M tourist arrivals, naitala sa ikawalong buwan ng taon

Posted September 6, 2017
Ni Danita Jean A. Pelayo, YES THE BEST Boracay

No automatic alt text available.Umabot na sa mahigit 1.4M ang naitalang tourist arrival sa loob lamang ng walong buwan ng taong ito.

Base sa datos ng Municipal Tourism Office (MTOUR) lumobo na sa 1,405,023 ang kabuuang bilang ng mga turista na bumisita sa isla kung saan nanguguna pa rin rito ang mga Chinese Nationals na nakapagtala ng 37, 640.

Kaugnay nito pumapangalawa naman ang Korea na may 31, 806  na sinundan naman ng Taiwan, Saudi Arabia, Malaysia, USA, Japan, United Kingdom, Australia at Singapore.

No automatic alt text available.Sa buwan ng Agosto pumalo sa 85, 696 ang bilang ng mga Foreign Tourists, Local Tourists na may 55,849 habang 2,520 sa mga OFW’s.

Sa panayam ng himpilang ito kay Chief Tourism Operations Officer Felix Delo Santos, tiwala umano silang maaabot ang target nilang 1.8M tourist arrivals sa taong ito.

Magugunitang sa nakalipas na taon ay naabot naman ang target na 1.7 million tourist arrival ng Municipal Tourism Office (Mtour) Malay.

Paghahanda para sa Malay District Meet 2017, puspusan na

Posted September 6, 2017
Ni Danita Jean A. Pelayo, YES THE BEST Boracay

Image result for PALARO District Meet 2017Puspusan na ang paghahanda ng DepEd Malay para sa nalalapit na Malay District Meet 2017.

Sa panayam ng himpilang ito kay Malay District Supervisor Jessie S. Flores, handa na umano ang kanilang schedule of event na may temang Palarong Pampaaralan: “Palarong Mapagbago, Palarong Mapagpalaya.”
Ang paligsahang pampalakasan ay mag-uumpisa bukas, Setyembre 7 sa alas-singko ng umaga na hanggang 10 sa Brgy. Balusbos, Malay na lalahukan ng limang teams mula sa sekondarya at anim na teams mula sa elementarya.

Ayon kay Flores, ang tema nila ay ibinase sa national theme ng Pangulong Rodrigo Duterte sa paghikayat sa mga kabataan para ilayo sa mga masasamang bisyo sa pamamagitan ng sports activity.

Ani Flores, sa pamamagitan nito ay madedevelop ang potensyal ng mga kabataan sa napiling sports ng sa ganun ay magkakaroon ang mga ito ng magandang patutunguhan.

Nabatid na magiging panauhing pandangal sa annual activity na ito si Elmer Bedia na kauna-unahang miyembro ng Azkals sa Pilipinas.

Magugunitang nakapasok ang mga atleta ng Malay sa ginanap na Palarong Pambansa ngayong taon sa Antique.

Samantala, sa darating na Setyembre a-trese lalaban ang pambato ng Malay na si Edwin Villanueva para sa Paralympics Event sa 2017 Southeast Asian Games sa Kuala Lumpur, Malaysia.

Philippine Ports Authority, naka-amba ng i-develop ang ManocManoc Port

Posted September 6, 2017
Ni Inna Carol L. Zambrona, YES THE BEST Baoracay

Malapit ng simulan ng Philippine Ports Authority (PPA) ang proyekto at development na gagawin sa ManocManoc Port.

Bagamat nagkaroon na ng MOA sa pagitan ng PPA at DOTr hinggil sa proyekto, pinapapasa muna ng mga requirements ng Sangguniang Bayan ng Malay ang Philippine Ports Authority (PPA) bago ang implementation ng proyekto.

Sa ginanap na 30th Regular Session ng Malay, isa-isang tinanong ng mga miyembro ng Sanggunian ang mga kinatawan ng PPA lalo na ang patungkol sa Memorandum of Agreement.

Ayon kay PPA Senior Engr. Rona Mae Barabona, nangyari ang pormal na kasunduan noong taong 2016 pa subalit hindi pa ito na-implementa.

Sa pagtatanong ni Sangguniang Bayan Member Frolibar Bautista kung sino hahawak ng project kapag natapos na ito, ayon kay Barbona ay depende umano sa opisina ng DOTr dahil sila ang otorisadong tao na makapagdesisyon kung kanino nila ipapasa ang proyekto.

Upang mas malinawan ang plenaryo ay minabuti ng mga ito na imbitahan sa susunod na sesyon ang DOTr at PPA upang ipaliwanang ang kanilang ginawang MOA signing at ang mga nakapaloob dito.


Tuesday, September 05, 2017

Joint Task Force nagsagawa ng Awareness Advocacy Forum

Posted September 5, 2017
Ni Danita Jean Pelayo, YES THE BEST Boracay

Image may contain: one or more people, people sitting and indoorIsang forum at lecture patungkol sa Counter Violent Extremism sa Boracay kahapon.

Naging speaker dito si Major General Jon N. Aying, Commander 3ID PA kung saan tinalakay nito ang kasalukuyang sitwasyon ng bansa para mapaghandaan ang anumang banta sa seguridad.

Ilan din sa mga ibinahagi ni Aying ay ang may kaugnayan sa peace advocacy at ang awareness sa extremism sa kabuuan ng bansa pababa sa mga kanayunan.

Kaugnay nito, sa panayam ng himpilang ito kay  LCDR Julius Reyes, Commander  ng Maritime Joint Task Force Group Protect at Operation Officer ng  Joint Task Force Boracay magkakaroon umano ng simulation exercises na gaganapin sa September 12.

Ayon pa kay Reyes, wala namang banta sa Western Visayas subalit patuloy pa rin nilang hinihigpitan ang seguridad sa Boracay dahil hindi maitatago ang posibilidad dahil sa intensyon ng mga masasamang elemento.

Siniguro naman ni Reyes na mahigpit na dumadaan sa profiling ang mga IDPs o Internal Displaced Persons mula sa Marawi, kung saan wala namang dumagdag sa bilang ng mga ito.

Katuwang sa mga dumalo sa naturang pulong ay ang Joint Task Force Boracay, mga Punong Barangay, Barangay Kawagad at BPAT Members ng  Barangay Balabag, Manoc manoc, Caticlan at  Yapak, RAdmiral Leonard Tirol, BAG Adviser at Sir Mark Delos Reyes, MLGOO IV-Malay.

Samantala, layunin ng naturang lecture ang mapalakas ang adbokasiya na maging maagap at handa ang Boracay at Malay sa anumang banta sa seguridad at para itaas ang kamalayan ng publiko para sa kasalukuyang sitwasyon ng Pilipinas maging sa Western Visayas.

Monday, September 04, 2017

Tour Guide, arestado sa buy-bust operation

Posted September 4, 2017
Ni Inna Carol L. Zambrona, YES THE BEST Boracay

Image result for tour guideArestado ang isang Tourguide sa isinagawang buy-bust operation ng mga otoridad malapit sa Mt. Luho Sitio Bolabog Barangay Balabag kahapon.

Ayon sa imbestigador, ang suspek ay kinilalang si Darwin Lambirque, 43-anyos residente ng Pimbo, Makati City at temporaryong nakatira sa Balabag, Boracay.

Narekober mula kay Lambirque ang anim na bulto ng hinihinalang shabu ang ginamit na           P 1,000 buy-bust money at tinatayang mahigit 51, 000 pesos at cellphone na naglalaman ng iligal na transaksyun.

Isinagawa ang operasyon ng Philippine Drug Enforcement Agency (PDEA) Region 6, Boracay PNP, Malay Municipal Police Station, at Aklan Provincial Safety Company (APSC).

Si Lambirque ay sasampahan ng kasong paglabag sa Republic Act 9165 o Comprehensive Dangerous Drug Act of 2002.

Philhealth-Aklan, magkakaroon ng Forum sa Boracay

Posted September 4, 2017
Ni Inna Carol L. Zambrona, YES THE BEST Boracay

Image result for philhealth aklanNakatakdang magsagawa ng Free Forum ang PhilHealth-Aklan sa darating na Miyerkules September 6 sa Station 3 Faith Village Resort Boracay.

Sa panayam kay Social Insurance Officer III Aimy Joy Desaporado ng PhilHealth-Aklan, ang aktibidad ay bukas sa lahat ng mga Malaynon at Boracaynon na miyembro ng PhilHealth.

Hinikayat ni Desaporado ang publiko na maging bahagi ng furom dahil ilalatag nila ang mga karagdagang impormasyon sa benepisyong makukuha ng mga miyembro mula sa kanilang ahensya.

Pagkakataon din ito na makapagtanong kung ano ang mga gusto nilang malaman bilang isang miyembro ng PhilHealth at para ma-update din ang MDR para sa dagdag na mga dependents.

Inaasahan naman na mahigit 150 ang dadalo sa naturang furom.