Saturday, June 13, 2015

Board Meeting ng AKELCO nakatakdang isagawa sa Boracay ngayong Hunyo

Posted June 13, 2015
Ni Jay-ar M. Arante, YES FM Boracay

Image result for akelco general meetingNakatakdang makipagkita si AKELCO OIC General Manager Pedro Nalangan sa lahat ng Board of Directors at Department Officers ng nasabing kooperatiba sa Boracay.

Ito ay para sa kanilang isasagawang board meeting ngayong Hunyo 26 sa kanilang tanggapan sa isla para pag-usapan ang kanilang pamamalakad at serbisyo sa buong lalawigan ng Aklan.

Dahil dito sinabi naman Nalangan na maaaring dumalo sa kanilang meeting ang mga stakeholders at residente sa Boracay upang maipaabot sa kanila ang kanilang mga programa.

Maliban dito handa umano silang sagutin ang mga concern at mga katanungan ng mga taga Boracay pagdating sa kanilang serbisyo sa pamamagitan ng pagbibigay suplay ng kuryente.

Kaugnay nito nagsusuplay umano ang Aklan Electric Cooperative ng 48 megawatts sa kanilang nasasakupan kung saan halos napupunta umano sa Boracay ang 23 megawatts.

Samantala may paalala naman si Nalangan sa mga malalaking ipinapatayong establisyemento sa Boracay na gagamit ng malalaking load ng kuryente na kung maaari ay lumapit umano ang mga ito sa kanilang tanggapan dahil tila alanganin umano silang makapagbigay ng malaking suplay ng kuryente.

COMELEC-Malay huling arangkada nalang ngayon sa biometrics registration sa Balabag

Posted June 13, 2015
Ni Jay-ar M. Arante, YES FM Boracay

Ngayong araw nalang ang huling Biometrics Registration ng Commission on Election (COMELEC) Malay para sa mga taga Brgy. Balabag isla ng Boracay.

Ayon kay Malay COMELEC Officer II, Elma Cahilig, marami-rami na rin umano ang mga botanteng nagparehistro sa kanilang isinagawang biometrics registration sa Balabag simula noong Hunyo 8.

Sinabi nito na maraming mga botante sa ibat-ibang Brgy. sa Malay ang wala pang biometrics kung kayat sila nalang umano ang dumadayo sa mga nasabing lugar upang ng sa gayon ay ang lahat ay makakaboto sa darating na halalan.

Kaugnay nito hinihikayat pa ni Cahilig ang lahat ng hindi pa nakaparehistro na kung maaari ay maghabol sa nasabing biometrics registration.

Samantala, ngayon din umanong Hunyo ay itinakdang schedule of registration sa Brgy. Manoc-Manoc sa Boracay.

Tinatayang 50 kabahayan tinupok ng apoy sa C. Laserna Kalibo

Posted June 13, 2015
Ni Jay-ar M. Arante, YES FM Boracay

Tinatayang limampung kabahayan ang tinupok ng apoy sa nangyaring sunog sa C. Laserna St. Kalibo Aklan kahapon ng hapon.

Base sa inisyal na embistigasyon ni Bureau of Fire Protection Unit (BFP) Kalibo Inspector Donnie Torre, nagmula umano ang sunog sa faulty service drop wire ng isang bahay na pagmamay-ari ni Lorelie Sargisa.

Nabatid na aabot umano sa isang daang pamilya ang apektado ng nasabing sunog kung saan dinala ang mga ito sa inilaang evacuation center sa Aklan Trade Hall at Magsaysay Park.

Maliban sa Kalibo tumulong naman ang mga firefighters mula sa Altavas, Numancia, Balete at New Washington at ilang volunteer groups na nagsagawa ng mopping-up operations sa nasabing area kung saan naaapula naman ang sunog bandang ala-5:20 ng hapon.

Kaugnay nito wala namang naiulat na casualties sa nasabing sunog ngunit ilang residente ang nagtamo ng injuries dahil sa pinilit ng mga ito na maisalba ang kanilang mga gamit.

Samantala, patuloy parin ang ginagawang embistigasyon ng Bureau of Fire Protection Unit (BFP) Kalibo kung saan tinataya namang umabot sa P2-milyon ang pinsala sa nasabing sunog.

Dahil sa kaso ng human trafficking, Bureau of Immigration pinalitan ang ilang tauhan sa KIA

Posted June 13, 2015
Ni Jay-ar M. Arante, YES FM Boracay
               
Hindi umano nagdalawang isip ang Bureau of Immigration (BI) na palitan ang ilang immigration personnel sa Kalibo International Airport (KIA).

Ito mismo ang kinumpirma ni Civil Aviation Authority of the Philippines (CAAP)-Aklan Manager Martin Terre, matapos ang nangyaring sunod-sunod na kaso ng human trafficking sa naturang paliparan.

Ayon kay Terre karamihan umano sa mga immigration personnel na nakatalaga ngayon sa Kalibo airport ay mga baguhan mula sa central office kasama ang bago nilang supervisor na si Lot Acuña.

Kaugnay nito sinabi pa ni Terre na patuloy ang kanilang isinasagawang imbestigasyon sa kumakalat na alegasyon na mayroo umanong mga dating tauhan ng immigration ang tumatanggap ng P50,000 na suhol sa bawat maipalusot nilang overseas Filipino worker (OFW) papuntang ibang bansa na walang sapat at kaukulang travel documents.

Bagamat wala umano silang sapat na ebidensya tungkol sa nasabing alegasyon tiniyak naman ni Terre na hindi sila titigil na pagpanagunitin ang mga nasa likod nito sakaling mapatunayan ang naturang isyu.

Samantala, todo bantay na ngayon ang mga security personnel ng Kalibo International Airport upang hindi na maulit ang nangyaring pagkalusot ng mga biktima ng human trafficking papuntang ibang bansa.

Friday, June 12, 2015

Bayan ng Malay nasa Special Holiday ngayong Hunyo 15

Posted June 12, 2015
Ni Jay-ar M. Arante, YES FM Boracay 
Nasa Special Holiday ngayong Lunes Hunyo 15 ang Malay para alalahanin ang naging paglagda sa Republic Act 381 na lumikha sa Municipality ng Malay at sa seperasyon nito sa Buruanga.

Ito ay para ipaalam din sa mga kabataan ngayon ang history ng nasabing bayan at kilalanin kung sino-sinong mga tao ang naging pioneer at naghirap para sa separation ng Malay bilang independent town mula Buruanga.

Nabatid na ang seperasyon ng Malay sa Buruanga, Aklan ay nilagdaan noong Hunyo 15, 1949 ni nooy dating Pangulong Elpedio Quirno.

Dahil dito taon-taon ng idiniklarang Special Holiday ng Malay ang Hunyo 15 para alalahanin at bigyang pagpupugay ang mga founders, pioneer, heroes at leaders ng nasabing bayan.

Samantala, isang makulay na selebrasyon at programa ang ihahandog ng LGU Malay ngayong Lunes na tinawag na Malay Day.

BFI, dumistansya sa usapin kaugnay ng inaalmahang construction sa Puka Beach area

Posted June 12, 2015
Ni Bert Dalida YES FM Boracay

Image result for constructionDumistansya ngayon sa usapin kaugnay ng inaalmahang construction sa Puka Beach area ang BFI o Boracay Foundation Inc.

Subali’t nabatid na ilan sa mga miyembro nito ang nagpahayag ng kanilang personal na paninindigan at pagsuporta sa panawagan ng grupong Friends of Flying Foxes.

Ito ang grupong naglunsad ng online petition bilang panawagang ipaglaban ang natitirang gubat sa Barangay Yapak.

Samantala, napag-alamang nagpulong na rin ang mga taga DENR at BRTF o Boracay Redevelopment Task Force kaugnay sa usapin habang patuloy namang binabayo sa social media ang itinatayong proyektong Ocean Park ng Seven Seas Developer.

Base sa impormasyon, itatayo doon ang pinakamalaki umanong underwater hotel resort rooms, na ikinabahala naman ng publiko na patuloy na nagtatanong kung papaano ito nabigyan ng permit.

Kasalayang Bayan isasagawa ng LGU Malay ngayong Hunyo

Posted June 12, 2015
Ni Jay-ar M. Arante, YES FM Boracay

Image result for Kasalang BayanTanyag ang buwan ng Hunyo bilang weeding month, kung kayat magkakaroon ngayong darating na Sabado ng Kasalang Bayan ang LGU Malay.

Ayon kay Municipal Civil Registrar Diovina Santea, ito umano ay bukas para sa lahat ng mga taga Boracay at Malay na gustong magpakasal sa nasabing Kasalang Bayan na gaganapin sa Malay Activity Center sa Hunyo 21.

Dahil dito may-nakatakda umano silang Pre-Marriage Counseling bilang Pre-Requisite upang ma-secure ang marriage license para sa Kasalang Bayan ng mga aplikante.

Sa darating na Hunyo 19 umano ay nakatakdang isagawa ang Pre-Marriage Counseling sa Balabag Barangay Hall para sa mga aplikante ng Boracay at sa Malay naman ay sa darating na Hunyo 17 sa Training Center sa Brgy. Balusbos.

Samantala, si Mayor John Yap ang siyang mangunguna sa nasabing espesyal na araw na ito kung saan siya ang kakasal sa mga aplikante ng Kasalang Bayan.

Thursday, June 11, 2015

Pagbigat ng daloy ng trapiko sa Zone 5 Bloomfield area, dahil sa re-routing scheme?

Posted June 11, 2015
Ni Bert Dalida YES FM Boracay

Image result for traffic road sa BoracayNakahinga na halos ang lahat sa mabigat na daloy ng trapiko sa main road ng Central Boracay matapos ipatupad ang traffic re-routing.

Subali’t tila naging negatibo pala ang epekto nito sa mga biyaherong dumadaan sa Zone 5 Bloomfield area.

May mga pagkakataon kasi na nagkakagit-gitan ang mga sasakyan doon sa intersection ng nasabing lugar lalo na kapag dumadaan ang mga malalaking delivery truck.

Maliban dito, mistulang nagka-kanya-kanya na lamang ang mga drayber lalo na’t wala rin kung minsan ang traffic enforcer sa lugar, kungdi sa main road o entrada lamang ng Zone 5.

Samantala, gumagaan naman kung minsan ang daloy ng trapiko dahil sa ilang miyembro ng ‘Kabayan’ na nagbubuluntaryong magbantay doon sa gabi.

Kaugnay nito, sinubukan ng aming himpilan na kunan ng pahayag ang MTRO o Malay Transportation Regulation Office, subali’t tumanggi muna ang mga itong magsalita.

Magugunitang ipinatupad ng MTRO ang traffic re-routing upang maging maaliwalas ang Boracay main road para sa APEC ministerial meeting sa isla.

Boracay PNP, pinatigil na sa pag-isyu ng Police Clearance

Posted June 11, 2015
Ni Jay-ar M. Arante, YES FM Boracay      

Image result for police clearanceHindi na umano otorisado ngayon na mag-isyu ng Police Clearance ang Boracay Tourist Assistance Center (BTAC) matapos ang mahigit pitong taong serbisyo nito sa mga taga Boracay.

Ito ang sinabi ni Boracay PNP Chief P/SInsp.Frensy Andrade, matapos umanong malaman ng kanilang higher headquarters na nag-iisyu sila ng Police clearance.

Aniya, gusto naman nilang makatulong sa lahat ng mga mangagawa at residente ng Boracay ngunit wala umano silang magagawa sa ipinalabas na mandato ng kanilang higher officials dahil sila umano ay isang tourist police at hindi municipal police.

Samantala, inaayos na umano ngayon ng kanilang headquarters ang usaping ito kung saan inaasahan din nila na sa mga susunod na araw ay mabibigyan sila ng authority na makapag-release ng Police Clearance.

Maliban dito umaasa naman si Andrade na makakapaglagay ang Malay PNP Station ng detachment area sa Boracay upang hindi na mahirapan ang mga kukuha ng nasabing clearance na tumawid ng mainland Malay.

Kaugnay nito pinaalalahanan naman ni Andrade ang lahat ng mga hindi pa nakakaalam na ang Police clearance ay sa Malay PNP Station na kukunin simula pa nitong buwan ng Mayo.

Nabatid na karamihan sa mga kumukuha ng Police Clearance ay mula sa isla ng Boracay dahil ito ay isa sa mga importanteng requirements sa kanilang pinapasukang trabaho.

Mayor Yap, pangungunahan ang Independence Day sa Malay bukas

Posted June 11, 2015
Ni Jay-ar M. Arante, YES FM Boracay

Image result for Philippines independence day 2015Kasado na ang Lokal na Pamahalaan ng Malay sa gaganaping maikling programa para sa pagdiriwang ng Independence Day Celebration bukas, Hunyo 12.

Ayon kay Malay SB Secretary Concordia Alcantara, isang flag raising ceremony ang magaganap ngayong Biyernes kung saan dadaluhan umano ito ng lahat ng empleyado ng Lokal na Pamahalaan ng Malay kasama na ang mga SB Officials.

Maliban dito nakatakda naman umanong magbigay ng kanyang mensahe si Malay Mayor John Yap para sa taunang selebrasyon.

Kaugnay nito bilang pakikiisa ng mga residente o mamamayan sa nasabing lugar ay nagsabit din sila ng mga watawat sa kanilang mga tahanan gayon din sa mga sasakyan at mga establisyemento.

Samantala, hinimok naman ng LGU Malay ang lahat na makiisa sa pagdiriwang ng araw ng kalayaan ng mga Pilipino.

Wednesday, June 10, 2015

Pagpapatayo ng Ocean Park sa Boracay patuloy na binabatikos sa social media

Posted June 10, 2015
Ni Jay-ar M. Arante, YES FM Boracay

Puro negatibong komento ang makikita ngayon sa mga social media tungkol sa ginagawang construction na Ocean Park sa Boracay Puka Beach.

Ito’y matapos na ilang mga organisasyon ang nag-post ng mga larawan ng ginagawang construction sa social media partikular sa facebook at nagpaabot ng pagkabahala sa sinasapit ngayon ng Boracay.

Nabatid na ilang linggo na rin ang nakalipas matapos na pumutok ang naturang isyu ng pagpapatayo ng instraktura sa iniingatang Puka Beach ngunit trending parin ito ngayon lalo na sa mga taga Aklan.

Dahil sa inis ng mga nitizens may nag-post naman sa facebook na tinawag na ang isla ay "The Little Island City of Boracay" kung saan may naghamon din na magtayo nalang ng SM City at Disneyland sa Boracay.

Kaugnay nito wala pang naging tugon sa mga nasabing panawagan ang mga kinauukulan katulad ng DENR, Aklan Government at LGU Malay matapos silang kalampagin ng mga environmental groups advocate.