CBTMPC, handa sakaling matuloy ang planong Boracay Bridge

Posted 24, 2019

“Wala naman kaming kontrol doon pero handa kami sakaling matuloy ang tulay”.

Ito ang reaksyon ni Caticlan Boracay Transport Multi-Purpose Cooperative o CBTMPC Chairman Godofredo “Goding” Sadiasa sa panayam ng Boracay Good News patungkol sa napipintong proyektong tulay na magdudugtong ng Boracay at Mainland.

“Lahat ay ayaw pero ngayon ay gusto na dahil walang “choice” kaya open kami d’yan, ang importante ay aming napaghahandaan”, ani Sadiasa.

Dagdag pa nito, ang nais lang ngayon ma-klaro ng kooperatiba ng bangka ay kung anong klaseng tulay ito at kung ano ang mga tatawid.

Bagamat maganda umano ito sa business side ng industriya ng turismo at all-weather ay magagamit ang tulay, pangamba ng ilan ay baka magdulot ito ng pagtaas ng kriminalidad at pagsisikip sa isla kapag hindi i-regulate.

Ayon pa kay Sadiasa, hamon sa gobyerno ang isyu sa livelihood, kalikasan at posibilidad na pagkawala ng ganda ng Boracay.

Sa ngayon, hinahanapan umano nila ng oprtunindad ang bawat sagabal na darating sa kooperatiba kaya pinaghahandaan nila ang posibilidad na serbisyuhan ang ilang malapit na destinasyon sa Boracay tulad ng Hambil sakaling matuloy ang tulay.

Nitong nakalipas na araw, inanunsyo na ni DPWH Secretary Mark Villar na malapit na nilang desisyonan ang OPS o Original Proponent Status ng San Miguel Holding Corp. (SMHC).

Kapag pumasa sa DPWH ang planong 1.2 kilometer na limited-access bridge na ito na nagkakahalaga ng mahigit P 5-billion ay isusumite nila ito sa National Economic and Development Authority o NEDA.

Ang NEDA ang siyang may huling pasya para sa pag-aproba ng proyekto at kung kelan ito uumpisahan.

Public Utility Vehicle Modernization isinusulong ng Office of Transportation Cooperatives

Posted June 21, 2019

Inna Carol Zambrona, YES THE BEST BORACAY NEWS DEPARTMENT

Pinulong ng OTC o Office of Transportation Cooperative ang mga kooperatiba at mga transport group sa Caticlan, Malay kaninang umaga para sa isinusulong programa na Public Utility Vehicle Modernization.

Ayon kay Richard Osmeña, Regional Director ng LTFRB-6, mahalaga ang modernization programa na ito ng gobyerno para ang publiko ay mabigyan ng mas komportableng serbisyo ng mga pampublikong sasakayan mapalupa man o dagat.

Layunin din ng programang ito na ayudahan ang mga transport cooperative na makakuha ng accreditation at kapital para sa pagpapalit ng mga lumang unit.

Ani Osmeña, walang problema pagdating sa franchising dahil mayroong bangkong magpapahiram ng pera kung sakaling wala pang sapat na puhunan para dito.

Alalayan din ng OTC ang mga kooperatiba sa kanilang operasyon sa pamamagitan ng training at financial management kabilang na ang mga technical assistance.

Samantala, sa darating na Hulyo 4 ay magkakaroon ng National Launching sa mga bagong bus, jeepney at taxi units upang ipakita kung ano ang direksyon ng modernization program.

Kapag fully implemented na ito, aasahan umanong ang mga PUVs at mga sakayang pandagat ay magkakaroon ng wifi, aircon at marami pang iba.

Ilan sa mga dumalong grupo sa Malay at Boracay ay ang BLTMPC, CBTMPC at mga TODA sa mainland.

Ang “Public Utility Vehicle Modernization” na ito ay unti-unti ng ipinapatupad sa buong bansa ng Duterte Administration katuwang ang DOTc, OTC, LTO, at LTFRB.