Saturday, August 06, 2016

Curfew sa mga menor-de edad, ipapatupad na sa Boracay

Posted August 6, 2016
Ni Inna Carol Zambrona, YES FM Boracay

Image result for curfew
Mahigpit na ngayong ipinapatupad ng pamahalaan ng bayan ng Malay ang curfew para sa mga menor de-edad lalo na sa isla ng Boracay.

Batay sa muling ipinalabas na municipal ordinance No. 11 Series of 1978 ng Office of the Mayor ipinagbabawal na ang mga batang nasa edad 18-anyos na pagala-gala mula alas-9 ng gabi hanggang alas-4 ng madaling araw.

Nabatid na ang sino mang lalabag dito na walang kaukulang dahilan ay huhulihin ng Malay at Boracay PNP para mabigyan ng karampatang penalidad.

Maliban dito bawal din ang mga menor de-edad sa mga computer shop simula alas-7 ng umaga hanggang alas-11 ng umaga at ala-1 ng hapon hanggang alas-4 ng hapon at gayon din sa pagitan ng alas-7 ng gabi.

Kasama din sa mga mahigpit na ordinansang ipapatupad ngayon ay ang pagala-galang aso at anumang uri ng hayop, pagbabawal ng maingay na muffler o tambutso ng motorsiklo, paglilimita sa paggamit ng videoke kung saan maaari lamang itong gamitin sa enclosed na lugar at patugtugin hanggang alas-10 ng gabi at gayon din ang pagbabawal ng pag-inom ng alak sa pambulikong lugar.

Dahil dito nanawagan ang LGU sa publiko na kung sino man ang lalabag sa mga ordinansang ito ay agad na isumbong sa himpilan ng Malay at Boracay PNP Station.

Media at ibat-ibang oraganisasyon sa Aklan, magkakaroon ng tree planting ngayong araw

Posted August 6, 2016
Ni Jay-ar M. Arante, YES FM Boracay     

Image result for tree plantingNakatakdang isagawa ang taunang Broadcastreeing o tree planting activity ngayong umaga sa Cabugao, Ibajay, Aklan.

Ito ay pangungunahan ng Kapisanan ng mga Brodkaster ng Pilipinas (KBP) Aklan Chapter kasama ang Seals Rescue, PNP, Philippine Army, Red Cross, Boracay Islanders at mga Mass communication student ng NVC at iba pang volunteers.

Tinatayang nasa mahigit isang libong seedlings ang inaasahang itatanim sa Kapatiran Ground ng RPAA sa nasabing Brgy.

Ang KBP Aklan ay binubuo ng 9 na istasyon ng radyo sa probinsya kasama ang PIA sa pamumuno ng Chairman na si Alan Palma Sr. ng YES FM Boracay.

Ang Brodcasttreeing ng KBP ay isang awardee dahil sa magandang adbokasiya nito sa pangangalaga ng kalikasan.

Friday, August 05, 2016

Public at Private sectors, hinikayat na sumailalim sa Drug test

Posted August 5, 2016
Ni Inna Carol L. Zambrona, YES FM Boracay

Image result for drugtestDahil sa kampanya laban sa ipinagbabawal na droga sa bansa, hinihikayat ni Aklan Sangguniang Panlalawigan Member Nemesio Neron na sumailalim ngayon ang mga ito sa drug test.

Sa panukalang resulosyon ni Neron, nais nito  na ang lahat ng pampubliko at pribadong ahensya ng gobyerno sa lokal na sangay ay sumailalim sa "random drug test".

Sa 4rth Regular Session ng Sangguniang Panlalawigan (SP), nakapaloob din sa  resolusyon na magsagawa ng regular random drug test ang mga estudyante at empleyado ng mga pribado at pampublikong paaralan sa probinsiya .

Sa ngayon ay pinag-aaralan pa ng mga komitiba sa Disaster Preparedness and Peace and Order, Committee on Health and Social Services at Committee on Laws, Rules and Ordinances ang nasabing resulosyon.

Environment summit nakatakdang isagawa sa isla ng Boracay

Posted August 5, 2016
Ni Jay-ar M. Arante, YES FM Boracay

Image result for ENVIRONMENTAL SUMMITIsang Environmental summit umano ang nakatakdang idaos sa isla ng Boracay ngayong taong 2016.

Ito ang sinabi ni Sangguniang Bayan (SB) member at Chairman of Committee on environment Nenette Aguirre Graf sa isang panayam.

Ayon kay Graf, layun umano ng summit na pag-usapan at maghanap ng solusyon para sa mga environmental problem ng Boracay na itinuturing na isa sa pinakamagandang isla sa buong mundo.

Dahil dito ang Local Government Unit umano ng Malay ay tutulong sa pag-organisa ng nasabing summit kung saan nais naman umanong magsilbi bilang secretariat ang Boracay Foundation, Inc. at Philippine Chamber of Commerce and Industry-Boracay.

Samantala, ang provincial government umano ng Aklan at ang Department of Tourism ay nag-paabot na rin ng suporta para rito.

Construction worker, kulong matapos mahuling nagnanakaw

Postesd August 5, 2016
Ni Inna Carol L. Zambrona, YES FM Boracay

Image result for kulong mata[pos magnakawKulong ang isang Construction worker matapos itong maaktuhang nagnanakaw sa isang tindahan malapit sa isang eskwelahan sa Balabag, Boracay kahapon.

Sumbong ng may-ari ng tindahan na si Lheslie Calle, 28-anyos sa Boracay PNP, sinabihan umano siya ng kanyang katulong na hinahabol ng isang Municipal Auxiliary Police (MAP) ang suspek na construction worker na si alyas “dro” dahil ninakaw nito ang kanyang paninda.

Dahil dito, ay mabilis na pinuntahan ng biktima ang kanyang tindahan at tumawag ng pulis kung saan ang suspek ngayon ay nahuli ng mga otoridad at agad na ikinulong sa Boracay PNP.

Nabatid na ang ninakaw ng suspek ay dalawang kilong bigas, sigarilyo at mga inuming alak.

Kalibo International Airport pagtutuunan ng pansin ng DOT at transportation department

Posted August 5, 2016
Ni Jay-ar M. Arante, YES FM Boracay

Image result for KALIBO INTERNATIONAL AIRPORT FACEBOOK
Isa ang Kalibo International Airport (KIA) sa mga pagtutuunan ng pansin ng Department of Tourism (DOT) at ng Transportation Department ng bansa.

Ito ang napagkasunduan sa isinagawang press meeting sa Davao City ng mga kinauukulun kung saan nais ng DOT na bigyang pansin ang development at improvement ng nasabing paliparan.

Kabilang din dito ang Manila (NAIA), Mactan International Airport sa Cebu, Clark International Airport sa Pampangga, Davao International Airport, Iloilo International Airport at Puerto Princesa.

Layun umano nito na mabigyang pansin ang kakulangan ng mga nasabing paliparan para mabigyan ng magandang serbisyo ang mga pasahero lalo na ang mga turista na pumapasok sa Pilipinas mula sa ibat-ibang bansa.

Ang Kalibo International Airport ay patuloy ngayong inaayos kung saan isa ito sa pinakaabalang paliparan sa bansa dahil sa daming International flights na pumapasok araw-araw dahil sa isla ng Boracay.