YES THE BEST 911 BORACAY

Friday, March 16, 2018

BFI President Graf, nagulat sa rekomendasyong “Total Closure” ng Boracay

Posted March 16, 2018
Ni Inna Carol L. Zambrona, YES THE BEST Boracay

Nagulat at hindi parin makapaniwala ang pamunuan ng Boracay Foundation Incorporated o BFI sa rekomendasyon ng tatlong ahensya na DENR, DILG at DOT kay Pangulong Duterte na isara ang Boracay.

Ayon kay BFI President Nenette Aguirre-Graf, hindi niya lubos akalain na hahantong sa ganitong rekomendasyon ang gustong mangyari nina Secretary Roy Cimatu, Secretary Año, at Secretary Tulfo-Teo dahil iniisip nito ang posibleng epekto sa mga manggagawa sa isla.

Ang ikinababahala pa nito ay maaaring magtagal ito ng isang taon kung pagbabasehan ang ginawang pahayag ni Cimatu kahapon.

Ayon pa sakanya, may nag-paabot din ng mensahe sa kanya na bago ang nangyaring pag-anunsyo, nakipagpulong na ang DOT Office sa Philippine Airlines o PAL na sila umano ay nag-kansela ng biyahe simula April 26 hanggang June 26 papuntang Boracay.

Bagamat ikinalungkot ito ni Graf umaasa parin siya na isaalang-alang ng Pangulo ang kanyang desisyon dahil maraming mamamayan ang maaapektuhan kapag ito ay ipinatupad.

Kaugnay nito wala paring natatanggap na komunikasyon ang alkalde ng Malay kaugnay sa isinapublikong balita ng DENR, DILG at DOT.

Apela naman ni Graf, na kung maaari ay ipulong ang LGU Malay at Stakeholders ng tatlong ahensya upang malaman nila kung ano ang mga nakapaloob sa kanilang action plan bago ang gagawing rekomendasyon sa pangulo.

Sa pinal na rekomendasyon ng inter-agency group, ang “total closure” ay ipapatupad isang buwan pagkatapos ng gagawing deklarasyon ng pangulo.

Inaasahan naman na magdedeklara ng “State of Calamity” sa mga susunod na linggo para mapunduhan ang gagawing rehabilitasyon sa panahon na ito ay isasarado.

Thursday, March 15, 2018

Moratorium sa Building Construction sa Boracay isasailalim pa sa masusing pag-uusap

Posted March 14, 2018
Ni Inna Carol L. Zambrona, YES THE BEST Boracay

Image may contain: 1 person, sitting, table and indoorIsasailalim pa sa masusing pag-uusap ang nakatakdang paglabas ng Moratorium sa pagtayo ng mga bagong gusali o istraktura sa isla ng Boracay.

Ito ang napag-desisyunan ng Sangguniang Bayan ng Malay sa request ni Mayor Ceciron Cawaling dahil magiging bahagi ito ng anim na buwang action plan alinsunod sa ultimatum na ibinigay ng Pangulong Duterte.

Nais ng mga konsehal na magkaroon muna sila ng pulong kasama ang alkalde at mga department heads para mapag-usapan at maibalangkas ng maayos ang probisyon ng Moratorium bago ito ipatupad.

Malinaw din dapat kung ito ba ay ipapatupad sa buong Malay o sa Boracay lang.

Ayon kay SB Member Fromy Bautista, mas mainam na imbitahan ang Committee on Land Use upang malaman ng publiko kung ano mga pagbabago at plano ng pamahalaang lokal sa mga lupain sa Boracay.

Dahil sa mga nangyayari ngayon, paglilinaw ni Vice Mayor Abram Sualog dapat magsakripisyo muna dahil kung patuloy na tumanggap ng aplikante ang opisina ng Zoning at Engineering ay hindi na nila maaayos ang mga dapat ayusin.

Ito na umano ang katuwang na aksyon na maibibigay ng Sangguniang Bayan ng Malay para maayos na ang dapat maayos at ma-implementa na ang mga nararapat na ipatupad sa loob ng anim na buwan.

Ayon sa pagsusuri, lumalabas na ang problema sa sewer, wasterwater at illegal structure sa isla ng Boracay ay dulot ng mabilis na development na hindi nasabayan ng imprastraktura kung kaya’t nagdulot ng polusyon sa dagat.

Sa mga nakalipas na taon ay nagkaroon din ng Moratorium ang Malay na inatasan ang bawat Barangay  na i-monitor ang mga nagpapatayo sa kanilang lugar at agad na i-report sa munisipyo para masuri kung tumutupad sa ordinansa ng bayan.

West Cove sinilbihan ng “Closure Order” ng LGU Malay

Posted March 14, 2018
Ni Inna Carol L. Zambrona, YES THE BEST Boracay

Image may contain: one or more people and shoesSinilbihan ng LGU Malay ng “Closure Order” ang kontrobersyal ng West Cove Resort sa Boracay kaninang umaga.

Sa pagpasok sa mga otoridad naturang resort, nagkaroon muna ng palitan ng argumento sa pagitan nina Executive Assistant IV Rowen Aguirre at ni Westcove Legal Gounsel Atty.  Florante Roxas na hindi raw pwedeng ipasara ang resort dahil mayroon umano silang mga dokumento na pinanghahawakan at naka-pending ang ifi-nile nilang kaso.

Image may contain: 1 person, sitting and indoorHinarap din ng may-ari ng resort na si Crisostomo “Cris” Aquino ang Legal Counsel ng LGU Malay na si Atty. Melanio Prado at iginigiit na wala na umanong basehan para gamitin ang executive order na inisyu ng nakaraang mayor para sila ay balikan nito.

Dahil wala na itong magawa ay pumayag na rin si Aquino na isara ang resort nito basta parehas lang daw ang aksyon na gagawin ng lokal na pamahalaan sa ibang may paglabag din sa Boracay.

Kahit na pumayag itong isara, inatasan ni Aquino ang kanyang abogado na mag-file ng kaso laban sa LGU sa paniwala nitong hindi tamang aksyon na ginawa laban sa kanila.

Image may contain: Nonoy AguirreSamantala, ayon kay Atty. Prado pwede namang i-apela sa Office of the President ang nais mangyari ni Aquino dahil ito lamang ang makakapigil sa kanila na ipasara ang resort.

Sa kabila nito, nagpahayag si Aquino na suportado niya ang kampanya ni Presidente Duterte na linisin ang isla pero dapat kasama umano ang paglinis pati na sa mga “corrupt” na opisyal ng Malay.

Nabatid na walang business, building at occupancy permits ang lugar kaya iligal umanong nag- operate ang resort kahit na may pinanghahawakan itong FLAG-T o Comprehensive Land Use Agreement for Tourism Purposes na inisyu ng Department of Environment and Natural Resources.