Saturday, October 29, 2016

BFP Boracay,may paalala sa tamang paggamit ng kandila ngayong UNDAS

Posted October 29, 2016
Ni Inna Carol L. Zambrona, YES FM Boracay

Muli ngayong nagpaalala ang Bureau of Fire Protection (BFP) Boracay sa mga residente na mag-ingat sa paggamit ng kandila sa darating na araw ng mga patay o Undas sa Martes.

Sa panayam ng himpilang ito sa BFP-Boracay, sinabi ni F03 Franklin Arubang na kung mag-sindi ng kandila ay kailangan ipatong sa ligtas na lugar upang maiwasan ang anumang insidente lalo na ang sunog.

Samantala, naka-full alert status na umano ang kanilang hanay para sa Martes hanggang sa araw ng Miyerkules.

Dagdag pa nito patuloy din umano ang kanilang pagbibigay ng mga flyers o mga paalala sa mga residente sa Boracay tungkol sa pag-iwas sa sunog.

Maliban dito naglabas na rin sila ng mga panuntunan para naman sa nalalapit na kapaskuhan ang bagong taon kagaya ng paggamit ng Christmas lights at ang pag-iwas sa paggamit ng paputok.

Dahil sa nangyaring insidente, Jetty Port isasailalim sa briefing ang lahat ng mga empleyado

Posted October 29, 2016
Ni Jay-ar M. Arante, YES FM Boracay

Image result for jettyport caticlanNapagkasunduan ngayon ng Jetty Port Administration na magsagawa ng mga briefing para sa kanilang mga empleyado at frontliners sa pamumuno ni Jetty Port Administrator Nieven Maquirang. 

Ito’y matapos ang nangyaring insidente kung saan isang Aklanon ang nagreklamo sa kanilang tanggapan matapos na bastusin umano ito ng isang collector at singilin ng P50 na terminal fee at karagdagang P100.

Dahil dito napagkasunduan umano nina Maquirang na isailalim sa briefing ang kanilang mga empleyado upang hindi na maulit ang nasabing insidente.

Sa ngayon kasalukuyang naka-suspendi na rin ng limang araw ang naturang collector na naka-talaga sa Caticlan Jetty Port.

Kaugnay nito muling palala ni Maquirang na kapag ikaw ay dadaan sa nasabing pantalan at ikaw ay isang Aklanon kailangan umanong magpakita ng ID upang hindi na magbayad ng Environmental at Terminal fee.

Kaliwat-kanang Halloween Party sa Boracay inaabangan na

Posted October 28, 2016
Ni Jay-ar M. Arante, YES FM Boracay

Image result for halloween party sa BoracayMapupuno na naman ng kakatakutan ang isla ng Boracay ngayong bisperas ng Undas dahil sa kaliwat-kanang Halloween Party na inihanda ng mga business establishment.

Dahil dito inaabangan na ng mga taga isla ang naturang okasyon maging ng mga turista kung saan taon-taon itong ginagawa sa Boracay.

Ang Mtour Malay ay inaasahan naman ang pagdagsa ng maraming turista sa isla ng Boracay dahil sa long week-end .

Samantala, plantsado na rin ang seguridad sa Boracay maging sa mga pantalan kung saan naglatag na rin ang mga otoridad ng kanilang mga Oplan Undas Public Assistance disk. 

Friday, October 28, 2016

Seguridad ng LGU Malay sa Undas sa Boracay, nakahanda na

Posted October 28, 2016
Ni Inna Carol L. Zambrona, YES FM Boracay

Image result for undasHanda na ang inilatag na seguridad ng Lokal na Pamahalaan ng Malay para sa Undas sa isla ng Boracay ngayong Martes.

Ito ay sa pamumuno ni Rowen Aguirre - Executive Secretary IV ng LGU Malay katuwang ang organic agencies, NGO's, Volunteers’, at force multipliers sa isla.

Nitong nakaraang araw ay nagpatawag ng meeting si Aguirre kasama ang mga nagpapatupad ng seguridad sa isla.

Dito napag-usapan ang kanilang binuong Oplan Undas at ang pagtatalaga ng mga force multipliers sa mga matataong lugar.

Dumalo sa nasabing meeting ang MDRRMO Malay kabilang si PO1st Condrito Alvares ng Philippine Coast Guard Boracay, PCGA Squadron 609 Capt Peter Tay,  Kabalikat Head PCGA Dep. Dir 609.1 RB Bachiller, BFP Boracay at ibang mga volunteer/enforcers organizations ng Boracay Action Group.

Samantala, ang Boracay PNP ay naka-alerto naman ngayon pa lamang dahil sa pagbuhos ng madaming turista bunsod ng long week end holiday at ng mga Halloween party at activities sa isla.

Panuntunan sa mga ipinagbabawal sa sementeryo ngayong Undas inilabas ng Brgy. Balabag

Posted October 28, 2016
Ni Jay-ar M. Arante, YES FM Boracay

Naglabas ng panuntunan ang Brgy. Balabag sa isla ng Boracay kaugnay sa mga ipinagbabawal sa loob ng sementeryo sa araw ng mga patay o Undas.

Base sa kalatas ng nasabing Brgy. mahigpit na ipinagbabawal ang pagdadala o pag-inom ng alak sa loob ng sementeryo, pagdadala ng mga matatalim na bagay o yong mga nakakamatay, kasama na ang pagsusugal at ang pagpapatugtug ng musika.

Samantala, ang mga lalabag dito ay huhulihin naman ng mga itinalagang otoridad ng nasabing Brgy.

DICT nagpa-planong maglagay ng mga call centers sa bayan ng Kalibo

Posted October 28, 2016
Ni Jay-ar M. Arante, YES FM Boracay

Image result for call centersUpang makatulong sa mga naghahanap ng trabaho nagpa-plano ngayon ang Department of Information and Communication Technology (DICT) na maglagay ng mga call centers sa bayan ng Kalibo.

Ito ang napag-usapan sa ginanap na Capacity Development Workshop for Aklan ICT council and stakeholders sa Kalibo nitong nakaraang araw sa pangunguna ni Monchito Ibrahim Executive Consultant to the Secretary ng DICT.

Suportado naman ang programang ito ng mga negosyante sa probinsya at Provincial Government ng Aklan sa pangunguna ni Gov. Joben Miraflores. 

Farm-C, nakatakdang i-ocular inspection ng SB Malay

Posted October 27, 2016
Ni Inna Carol L. Zambrona, YES FM Boracay

Dahil sa pagturn-over ng Farm-C sa Manoc-manoc, nakatakda ito ngayong i-ocular inspection ng mga kasapi ng Sangguniang Bayan ng Malay.

Ito ay para malaman umano nila kung ano na ang nangyayari sa area kung saan pinag-uusapan nila ito ngayon sa komite.

Kung matatandaan naging topiko ito sa Privilege Speech ni SB Member Dante Pagsuguiron, noong nagdaang 15th Regular Session kung saan ibinahagi niya dito ang nakasaad sa Memorandum Order na ang FARMC ay papalitan na ng bagong mamamahala sa katauhan ni Joel Gelito na ayon na rin sa utos ni Mayor Cawaling.

Nabatid na ang Farm-C ay isang NGO na namamahala sa mga fish santuary na pinupuntahan ng mga turista para sa kanilang Snorkeling Activity.

Sa ngayon samu’t-saring  reaksyon ang ibinahagi ng mga miyembro ng komitiba kung saan mas mabuting tingnan muna ang area at ipatawag ang mga involve na departamento para maliwanagan ang lahat.

Dahil dito napagkasunduan na itakda sa susunod na session sa Nobyembre 15 ang usaping ito kung saan nais ni Vice Mayor Abram Sualog na imbitahan ang opisina ng Treasurer at Accounting Office para imbestigahan kung saan naman napunta ang pera na mahigit P 1.5-Million na koleksyon ng Farm-C na susundan ng gagawing ocular inspection.

Thursday, October 27, 2016

Malay, Boracay, Maritime PNP at Public Safety Company kinilala ng Sangguniang Panlalawigan

Posted October 27, 2016
Ni Jay-ar M. Arante, YES FM Boracay

Kinilala ng Sangguniang Panlalawigan (SP) Aklan ang aktibong operasyon ng mga mga kapulisan sa isla it Boracay.

Ito’y matapos silang maka-aresto ng 25 mga Taiwanese at Chinese national noong nakaraang mga buwan sa isinagawang drug operation sa isla ng Boracay.

Isang resolution na nagbibigay ng komendasyon ang iginawad ng Panlalawigan sa mga kasapi ng kapulisan.

Nabatid na ang nasabing operasyon ay pinangunahan ng Malay PNP sa pamumuno ni Chief Insp. Mark Evan Salvo, BTAC chief Sr. Insp. Jess Baylon at Aklan Public Safety Company at PNP Maritime group.

Nagpapasalamat naman ang mga ito sa pagkilala sa kanila ng probinsya ng Aklan partikular ang Sangguniang Panlalawigan.

Paglagay ng free wifi sa buong Probinsya ng Aklan, itinuntulak

Posted October 27, 2016
Ni Jay-ar M. Arante, YES FM Boracay

Itinitulak ngayon ang paglalagay ng free wifi sa buong Probinsya upang mapalakas ang Information Communication Technology sa Aklan.

Ito ang napag-usapan sa isinagawang Capacity Developmet Workshop for Aklan ICT council and stakeholders ng Department of Information and Comm
unication Technology (DICT) sa bayan ng Kalibo kahapon.

Pinangunahan mismo ni Monchito Ibrahim Executive Consultant to the Secretary ng DICT ang nasabing workshop.

Ayon kay Under Secretary Ibrahim may malaki umanong potensyal ang Aklan para ma-develop ang mga bagong teknolohiya sa pamamagitan ng paglagay libreng wifi sa mga pampublikong lugar.

Maliban dito naniniwala umano siya na magdadala ng madaming trabaho sa buong Aklan ang proyektong ito sakaling maisakatuparan na.

Nabatid na tanging ang Probinsya nalang ng Aklan ang walang ganitong programa sa buong  western visayas sa kabila ng karamihan sa mga tao ngayon ay gumagamit na ng mga gadgets. 

Philippine Coastguard Caticlan, plantsado na ang preparasyon sa Undas

Posted October 27, 2016
Ni Inna Carol L. Zambrona, YES FM Boracay

Image result for Philippine Coast Guard CaticlanNaka-heightened alert status na ngayong ang “Oplan Lakbay Kaluluwa ng Philippine Coastguard Caticlan ngayong Undas.

Ayon kay Philippine Coastguard Caticlan Lt. Edison Diaz, simula umano sa Biyernes Oktubre 28 naka-alerto na ang kanilang seguridad sa Caticlan Jetty Port para sa pagdagsa ng mga taong papunta at paalis ng Boracay.

Aniya, maglalagay umano sila ng passengers assistance center sa mismong harapan ng pantalan kasama ang kanilang K9 Unit maging ang Jetty Port at ibang mga ahensya na magbabantay.

Samantala, pina-alalahanan naman nito ang mga tatawid ng Boracay na mag-ingat at bumyahe ng maaga ng sa gayon ay hindi sila madelay sa kanilang pagbyahe.

Kaugnay nito, nagmamanman na umano sila sa mga pantalan kung saan sinabi pa ni Diaz na itatalaga na nila ang kanilang mga tauhan ngayong Biyernes hanggang sa araw ng Nobyembre kwatro ng kapareho ring araw para masiguro ang seguridad ng mga manlalakbay ngayong Undas.