YES THE BEST 911 BORACAY

Friday, December 16, 2016

Signages para sa Rules and Regulation sa baybayin ng Boracay, nailagay na

Posted December 16, 2016
Ni Danita Jean A. Pelayo, YES FM Boracay

No automatic alt text available.Pinangunahan ni Executive Secretary Rowen Aguirre kasama si Sangguniang Bayan Member  Nenette Graf ang paglalagay ng mga signages sa Bolabog  Beach nitong nakaraang araw.

Sinimulan nila ang paglalagay ng mga signages sa front beach upang mag-paalala sa mga dumadayo doon kabilang ang mga turista kung ano ang mga patakarang ipinapatupad ng LGU-Malay sa number one tourist destination sa bansa na isla ng Boracay.

Nabatid na nakapaloob sa naturang signage board ang mga dapat at hindi dapat gawin kapag nasa dalampasigan o beachline.

Image may contain: one or more people, people standing, sky, tree, child and outdoorSa kabilang banda, ang paglalagay umano ng signages sa front beach ay bahagi ng pagbibigay paalala sa mga tao na dapat nating pangalagaan ang ipnagmamalaki nating puting buhangin at para sa kalinisan ng isla.

Kasabay nito, magpapakalat din ng mga miyembro ng Malay Auxilliary Police (MAP) sa lugar upang mabantayan at hulihin ang sinuman na lumalabag sa ipinapatupad na mga ordinansa.

Drivers ng lahat ng pampasaherong traysikel sa Boracay, dapat isailalim sa seminar- SB Bautista

Posted December 16, 2016
Ni Inna Carol L. Zambrona, YES FM Boracay

Image may contain: one or more people and indoorDahil sa problema na kinakaharap ngayon ng mga residente sa mga driver/operators ng mga pampasaherong tricycle sa Boracay, nais ngayon ni Sangguniang Bayan Member Floribar Bautista sumailalim ang mga ito sa Seminar.

Bagamat dumaan sa seminar ang ilan sa kanila, hindi kumbinsido ang konsehal na dumaan sa tamang orientation ang mga ito kung pagbabasehan ang mga reklamo ng publiko at turista.

Iminungkahi rin ng huli na dapat magkaroon ng penalidad kung sinu ang lalabag na mga operators kung saan ayon kay Senior Land Transportation Officer Cesar Oczon na karamihan umano sa kanilang mga nadadakip ay niri-refer sa opisina ng BLTMPC para sa mas mataas na penalidad.

Sinagot naman ito ni BLTMPC Vice Chairman Prudencio Vargas, dapat umanong i-adopt na ng LGU ang mga polisiya sa pagbibigay ng penalidad.

Kaugnay nito, sinabi pa ni Bautista na kailangan umanong kumuha ng seminar sa Tourism Office ang mga drivers para sa kanilang accreditation bago sila mabigyan ng certificate at endorsement ng BLTMPC para mamasada.

Dahil dito, dapat umanong magkaroon na ng time table ng sa gayon ay mabilis na maaksyunan itong problema sa transport system sa isla na isa ngayon sa agaw atensyon na problema ng mga residente.

Mga kompaniyang nagsusuplay ng tubig sa Malay, ipapatawag sa susunod na sesyon ng SB

Posted December 16, 2016
Ni Danita Jean A. Pelayo, YES FM Boracay

Laman ng Privilege Speech ni Liga President Julieta Aron nitong Martes sa 22nd Regular Session ang tungkol sa serbisyo ng Malay Water District o MWD na siyang nagsusuplay ng tubig sa Mainland Malay.

Ito ay kaugnay sa mga reklamo ng mga residente kung saan hanggang sa ngayon ay nananatili pa ring problema.

Dahil dito, iminungkahi ni SB Pagsuguiron na dapat ipatawag ang mga water utilities o providers dito sa Malay.

Dagdag pa ni Bautista na suriin muli ang MOA sa gitna ng LGU at ng dalawang kompanya na Malay Water District (MWD) at Boracay Island Water Company (BIWC) na sinang- ayunan naman ni Aron.

Nabatid na kung ikukumpara umano ang bayad per cubic meter di hamak na mas mababa ang nasa huli kesa sa MWD.

Samantala, itong usapin ay napagkasunduan na tatalakayin sa susunod na sesyon at ipatatawag ang Boracay Water Company o (BIWC), Malay Water District o MWD, Local Water Utilities Administration o LWUA at representante ng Office of the Mayor.

Thursday, December 15, 2016

Isyu sa mga traysikel sa Boracay, tinalakay sa SB Malay

Posted December 15, 2016
Ni Inna Carol L. Zambrona at Danita Jean A. Pelayo, YES FM Boracay

Overpricing, illegal parking at hindi pagpapasakay ng pasahero ng mga bumibyaheng traysikel, ito ang mainit na pinag-usapan sa ginanap na 22nd Regular Session ng SB Malay.

Naging pangunahing bisita ang kinatawan ng Transportation Office na si Cesar Ocson at mga taga Boracay Land Transport Multi-Purpose Cooperative o BLTMPC Vice Chairman Prudencio at Board Members Gerry Villanueva at Felimon Abayon.

Sa deliberasyon, isa umano sa nakikitang dahilan ni SB Floribar Bautista ay ang mababang penalidad na nakasaad sa ordinansa rason kung bakit hindi takot na hulihin ang mga pasaway na drivers.

Image may contain: 3 people, people sitting and indoorKinatigan naman ito Senior Land Transportation Officer Cesar Oczon na dapat taasan na ang bayarin sa violation kasabay ng paliwanag na dapat ang tarrif rate ay dapat sundin para maiwasan ang overpricing at pananamantala ng mga tricycle drivers.

Ang pagpila naman ng mga traysikel sa Puka Beach at sa mga street shoulders ay pinuna naman ni SB Nenette Graf at hiningi nito sa BLTMPC na paalalahanan ang mga miyembro nito na unahin ang serbisyo sa riding public kesa sa mga turista.

Ito rin umano ang dahilan kung bakit hindi na nagpapasakay ang traysikel dahil sa pila naka-concentrate ang mga traysikel kung saan mahigpit itong ipnagbabawal kung pagbabatayan ang prangkisa na ibinigay ng LTFRB.

Naaawa ang mga konsehal sa mga estudyanteng hindi pinapasakay rason na nagrekomenda si SB Bautista na dapat lahat ng unit ay lagyan ng nakadikit na taripa, ipagbawal ang pila, at pag-assign ng traffic auxiliary na magmumula sa LGU-Malay para sa paghuli sa mga abusadong drivers.

Kasabay nito, nagbigay rin ng suhestiyon si SB Daligdig Sumndad na maglagay umano ng mga stickers sa harap at likod ng traysikel kung saan makikita ang mga hotline numbers na maaaring kontakin sakaling may reklamo ang mga pasahero sa mga ito.

Samantala, pinamamadali rin ng SB ang pag-alam sa mga loading at unloading area para maiwasan ang mabigat na daloy ng trapiko.

Kaugnay nito, napagkasunduan ng komite na magpasa ng sulat sa opisina ng LGU-Malay upang masolusyonan na itong problema sa transport system sa isla ng Boracay.

Wednesday, December 14, 2016

Pagdadala ng bote ng alak, habang nagsa-sadsad sa Kalibo Ati-Atihan; ipinagbawal

Posted December 14, 2016
Ni Inna Carol L. Zambrona, YES FM Boracay

Image result for no to bottle 
Pinagkasunduan ngayon ng Sangguniang Bayan ng Kalibo sa pangunguna ng Committee on Tourism at ang mga negosyante, na ipagbabawal na ang pagdadala ng bote ng inumin habang nagsasadsad sa Kalibo Ati-atihan Festival.

Ayon kay SB Philip Kimpo Jr., hindi naman ipinagbabawal ang pag-inom sa kasagsagan ng festival, subalit paalala lang nito sa mga negosyante na huwag ipadala sa mga bibili ang babasaging bote at dapat lang aniyang inumin ito sa kanilang tindahan o ilagay sa plastic.

Nabatid kasi na noong nakaraang taon, base sa rekord ng Kalibo PNP, dahil umano sa kalasingan ay naghahasigisan na ang mga ito ng bote ng alak.

Samantala, siniguro naman ng mga negosyante na sila ay makikipagtulungan sa naturang ordinansa.

Boracay PNP, nagbabala kaugnay sa budol-budol operation sa isla

Posted December 14, 2016
Ni Danita Jean A. Pelayo, YES FM Boracay

Image may contain: one or more people and people sittingPinag-iingat ngayon ng mga taga Boracay PNP ang lahat ng mga establisyemento, souvenir shops, pharmacies at lahat ng tindahan sa isla ng Boracay.

Ito ay kaugnay sa umano’y modus ng Budol-budol Gang kung saan nambiktima na ngayon ng ilang tindahan at restaurant sa isla.

Image may contain: one or more peopleAng diskarte o mudos umano ng mga ito ay lituhin at salisihan ang bantay o kahera sa pamamagitan ng biglaang pagpalit ng pera.

Halimbawa, magbabayad ang suspek ng isang libo, sa oras na matanggap ng kahera ang pera ay agad namang sasabihing hindi na nila ito bibilhin sabay bawi ng pera at agad-agad nitong papalitan ng isang daan at sasabihin sa cashier na isandaan lang ang naisauli.

Sa panayam naman ng himpilang ito kay SPO1 Christopher Mendoza ng Boracay PNP, ipinapaabot nila sa publiko na maging alerto sa mga nangyayaring ganito, magkaroon ng presence of mind, at huwag magpadala sa mga matatamis na salita.

Ayon pa kay Mendoza, nagsisilabasan ang ganitong grupo sa tuwing papalapit na ang pasko kasabay ng kanilang ginagawang modus operandi.

Kung sakali aniyang maka-encounter ng ganitong pangyayari, agad itong ipaalam sa mga otoridad.

Samantala, mag-iikot na umano ang grupo ng pulisya sa isla para i-monitor ang nasabing panloloko.

Former Aklan Congressman Allen Quimpo, pumanaw na

Posted December 14, 2016
Ni Danita Jean A. Pelayo, YES FM Boracay 

Kinumpirma ng pamilya Quimpo na pumanaw na sa edad na 71- anyos ang dating Kalibo Mayor, dating Aklan Lone District Representative at Presidente ng Northwestern Visayan Colleges Congressman na si Atty. Allen Quimpo.

Napag-alamang ito ay binawian ng buhay bandang alas- dos ng madaling-araw dahil sa karamdaman na Pancreatic Cancer kung saan nasa stage 4 na umano ito.

Si Quimpo ay nagsilbing Alkalde sa Bayan ng Kalibo sa loob ng siyam na taon at nahalal din bilang Congressman ng Aklan kung saan natapos din ng huli ang kanyang tatlong termino.

Bago ang kanyang pagpanaw, nanunungkulan si Quimpo bilang Presidente ng Northwestern Visayan Colleges o NVC sa bayan ng Kalibo.

Ikino-konsidera ring isang environmentalist si Quimpo dahil sa adbokasiya nitong protektahan ang kapaligiran kung saan siya ang chairman ng Kalibo Save the Mangrove Association (KASAMA).

Ikinalungkot naman ng mga Kalibonhon at mga Aklanon lalo na ng mga malapit sa kanya ang malungkot na balita ngayong araw.

Nutrition outstanding workers sa probinsya, gagawaran ng award ng aklan Provincial Nutrition Committee

Posted December 14, 2016
Ni Inna Carol L. Zambrona, YES FM Boracay 

Image result for award
Nakatakda ngayong bigyan ng award ang mga Nutrition Workers sa Probinsya kasama ang Provincial Health Office (PHO) ngayong Disyembre 20 taong 2016.

Ito ay igagawad ng Aklan Provincial Nutrition Committee, kung saan nakapaloob sa naturang award ang Outstanding Municipal, Outstanding Barangay Nutrition Committees at Outstanding Barangay Nutrition Scholars.

Nabatid na ang nasabing award ay dahil sa  serbisyong kanilang binibigay sa kumunidad.

Nanguna umano sa listahan bilang Outstanding Municipal Nutrition Committe ay ang bayan ng Numancia, pangalawa ang Ibajay, Nabas, Lezo at Buruanga.

Habang nasa Outstanding Barangay Nutrition Committee naman ang Brgy. Rizal, Brgy. Tibiawan, Makato, Brgy. Sta. Cruz, Lezo at Brgy. Sibalew, Banga, Brgy. Poblacion Ibajay, Pang-itan, Madalag at Lanipga, Tangalan.

Top 3 naman na bibigyan ng award bilang Barangay Nutrition Scholars (BNS), ay sina Lorelyn Tambong ng Cabatanga, Makato, Lucila Caliguran ng Rizal, Nabas at Shirby Aguirre ng Sta. Cruz, Lezo.

Kaugnay nito, napag-alaman na ito na ang pangatlong award na matatanggap ng bayan ng Numancia kung saan nakatanggap na rin ito ng Consistent Regional Outstanding Winner on Nutrition (CROWN) award.

Samantala, tatanggap naman ang mga ito ng cash insentive at certificate.

Drug free na barangay sa buong aklan, umabot na sa animnapu’t dalawa

Posted December 14, 2016
Ni Inna Carol L. Zambrona, YES FM Boracay

Image result for drug freeDahil sa mas pinaigting na kampanya laban sa iligal na droga ng Duterte Administration, 138 na umano ngayon na mga drug user at pusher ang naaresto ng mga kapulisan simula Hulyo 1 hanggang Disyembre 4, 2016.

Ayon kay Provincial Intelligence Branch head Chief Inspector Bernard Ufano, sa 112 umanong naaresto nila at sumuko, 87 dito ang kabilang sa watchlist, kung saan siyam na lang umano ang hindi nahuli dahil posibleng umalis na ito sa probinsya ng Aklan.

Kaugnay nito, nabatid na sa 214 na Barangay na apektado ng naturang kampanya, 62 na sa mga ito ang malinis na sa iligal na droga.

Samantala, target naman ng kanilang opisina na maging 100% drug free ang probinsiya ng Aklan bago matapos ang taong 2016.

Sa ngayon, ay umabot na umano sa 1, 873 ang drug surrenderees sa Probinsya

Caticlan Jetty Port, handa na ngayong holiday season, seguridad hinigpitan

Posted December 14, 2016
Ni Inna Carol L. Zambrona, YES FM Boracay

Image result for jetty portNakalatag  ang preparasyon ng Caticlan Jetty Port sa mas pinaigting na seguridad sa inaasahang pagdagsa ng maraming pasahero at turista ngayong holiday season.

Sa pahayag ni Jetty Port Administrator Niven Maquirang, nagpulong na umano sila ng transport team, Coast Guard at mga operator ng bangka kung ano ang mga hakbang na kanilang gagawin sa oras na dumami na ang mga turista na magpapasko at magbabagong taon sa isla.

Aniya,pinasiguro naman nito na maayos ang daloy ng mga gagamiting bangka hindi tulad umano noong nakaraang taon na marami silang natanggap na reklamo dahil kakulangan ng bangka at bagal na daloy ng byahe.

Kaugnay nito, inaayos na nila ang pag-operate ng mga tricycle, multicab at mga private vehicle dahil posible umanong limitahan ang pag-operate ng mga ito upang maiwasan ang trapiko sa daan.

Hihigpitan din ang pagbabantay ang Philippine Coastguard, Philippine National Police at iba pang ahensya na magpapatupad ng mahigpit na seguridad.

Pinaalalahanan din ni Maquirang ang lahat ng mga pasahero na makipagtulungan sa kanila at sundin ang mga ipinapatupad na protocol ng Jetty Port.


Samantala, inaasahan ang pagdagsa lalo na ng mga Korean at Chinese tourist sa huling quarter ng taon kung saan target ng DOT ang 1.7-Million tourist arrival para sa taong 2016.