Wednesday, June 01, 2011

SP Templonuevo tila nahiya nalang sa pagiging late nito sa sesyon

(Ni Edzel Mainit, YES FM Boracay Senior Field Reporter)

Kaugnay sa sentimento ni Sangguniang Panlalawigan Member Raymar Rebaldo, tila nahiya tuloy si SP Member Gerick Teplonuevo dahil sa huli na itong dumating sa regular na sisyon ng SP nitong umaga.
Ang masaklap pa, ilang minuto pa lang ito mula ng dumating at hindi pa nag-init kahit ang upuan nito ay ideniklara nang tapos na ang sesyon.

Kung saan ang rason ng pagdeklara ng maagang pagtatapos ng sisyon ay dahil sa wala naman mainit na pinag-usapan sapagkat ang nasa agenda na committee report ay hindi natuloy dahil wala ding nangyaring Committee Hearing.

Board member Rebaldo, sinermunan ang kapwa konsehal dahil sa madalas na pag-absent?

(Ni Edzel Mainit, YES FM Boracay Senior Field Reporter)

Naglabas ng hinanaing sa subrang pagkainis si Board Member Raymar Rebaldo sa kapwa nito konsehal sa sesyon ng Sangguniang Panlalawigan nitong umaga dahil sa madalas umanong walang Quorum at hindi pagsipot ng ilang miyembro ng konseho,kapag magpatawag ng Committee Hearing.

Sinabi nito sa sesyon na nahihiya ito para sa iba pang may akda ng resulosyon at  ordinansa na mula pa iba’t ibang bayan sa Aklan na dumadalo at naghihintay sana na madinig sa SP ang kanilang isunusulong.
Ang  labas aniya ay nag-aaksaya lamang ng panahon  at pamasahe ang mga ito dahil sa huli ay uuwi lang din na hindi man lang na bigyan ng hustisya ang kanilang pagpunta doon.

Binanggit din nito na tila nahihiya siya sa mga dumalo kamakailan lamang, partikular sa mga taga lokal na pamahalaan ng Malay na inaanyayahan din para dinggin ang nakasalansang resolusyon at ordinansa.

Dahil dito,hiniling ni Rebaldo sa kapwa miyembro ng Sanggunian na kung maaari ay abesuhan ang kalihim ng SP sakaling hindi makakadalo ang mga ito,upang hindi rin malagay sa alanganin ang mga naimbitahan.

Samantala, tila natahimik naman ang ilang miyembro ng Sangguniang Panlalawigan sa naging latinyang iyon ni Rebaldo.

Scholarship Program ng LGU, may hatid na magandang balita


(Ni Edzel Mainit, YES FM Boracay Senior Field Reporter)

Magandang balita!

May limampung kabataan pa, ang maaaring makapag-aral sa ilalim ng Scholarship Program ng lokal na pamahalaan ng Malay sa kasalukuyan.

Ayon kay Dennis Briones ng Public Employment Services Office o PESO Malay, limang porsiyento pa lamang ang nagagamit sa ngayon, at ang limampung pursiyento o kalahati sa target na bilang na maaaring makabenipisyo nito ay bakante pa ngayon.

Ayon pa dito, ang target nila ngayong taon upang mapag-aral ang mga Malaynon na walang kakayahang makapag-aral ay isang daang estudyante, kung saan pinunduhan ito ng limangdaan at limampung libo na katumbas nito ay limang libo at limampung piso bawat estudyante.

Ang isang daang pursiyentong pinansiyal aniya na tulong na ito para sa mga nais mag-aral ay diretsong ibibigay sa paaralan na ka-tie-up ng LGU Malay.

Makikita rin sa nasabing bayan na nagtuturo ng teknikal katulad ng House Keeping, Food and Breverages Services at House Hold Worker ang para sa mga nais lumabas ng bansa.

Samantala, ang mga kwalipikado naman ay ang mga hindi nakapagtapos ng pag-aaral sa koliheyo pero nakatapos ng High School.

Ayon kay Briones, ang scholarship na ito ay kasama na rin bilang paghahanda sa mga Malaynon sa Technical na abilidad para mapabilang din sa mga empleyado at maipasok sa Boracay.

Kaugnay nito, nabatid din mula kay Briones na sa limampung naka- benipisyo ng libreng pag-aaral, dalawamput-anim dito ay kasalukuyan ng nagsusunog ng kilay o todo sa pagsisikap at ang dalawamput-apat naman ay makakapagtapos na ng pag-aaral.

AKLECO, pinapili ang mga miyembro at konsyumer

(Ni Edzel Mainit, YES FM Boracay Senior Field Reporter)

Bawat taon ay tumataas ang pangangailangan sa suplay ng kuryente ng buong probinsya ng Aklan partikular na ang pangangailang sa isla ng Boracay ayon sa inihayag ni Chito Perlata, General Manager ng Aklan Electric Cooperative Akelco sa isinagawang Annual Membership General Assembly o AGMA sa bayan ng Lezo nitong Sabado.

Kaugnay sa mataas na pangangailangang ito at pagmahal ng kuryente mula sa pinagkukunan ng suplay na limitado na rin sa kasalukuyan.

Pinapili ngayon ni Peralta ang mga miyembro kunsumidor kung saan sila:  “sa mataas na singgil sa bayarin ng kuryente, kapalit ng sapat na suplay ng enerhiya o :   manatiling mababa ang bayarin pero kulang ang enerhiyang dini-distribute sa bawat pamamahay at establishemento o tinatawag na low voltage”  na nagiging rason ng pagkasira ng mga kagamitan.

Dahil dito, nasa plano na umano ngayon ng Akelco na magkaroon ng sariling planta sa susunod na mga taon sa Aklan para hindi na kailangan pang bumili na enerhiya kung saan, at mapanatiling mababa ang bayarin sa kuryente gayon din magakaroon ng sapat na suplay nito ang probinsya. 

Malaynon, pang-mababang posisyon lang ba talaga pagdating sa trabaho?

(Ni Edzel Mainit, YES FM Boracay Senior Field Reporter)

Nasa estado ng  Human Capacity Development ngayon ang lokal na pamahalaan ng Malay para sa mga Malaynon upang magkaroon ng abilidad na humawak ng tungkulin sa mataas na posisyon sa isang establisemento komersyal sa Boracay.

Ito ang inihayag ni Dennis Briones ng Malay Public Employment Office sa pakikipanayam ng himpilang ito.

Ang ganitong aksyon ayon dito ay mahalaga at malaki ang maitutulong upang magkroon ng patas na kompetinsya sa ibang mga trabahador sa Boracay na nagmula sa iba’t ibang lugar.

Ang pahayag na ito ay kaugnay sa odrinansang ipinapatupad sa bayan ng Malay na dapat ay apat na pung porsiyento ng kanilang empleyado ay Malaynon sana.

Subalit sa pagkaroon ng negatibong imahe ang mga ito sa kanilang mga employer, dahil sa madalas na pag-uwi sa oras ng trabaho at kakulangan sa nakitang kapabilidad na humawak ng isang mataas posisyon, aminado si Breones na tila hindi na hinihigpitan pa ngayon ng LGU Malay ang ganitong pulisiya, sapagkat mistulang hindi naman ito patas sa nagpapasahod.

Dahil dito mas mainam aniya kung pa unti-unti ay mapaunlad ang kakayahan ng Malaynon sa mga trabaho katulad ng “supervisory position”. 

Mga Malaynon, hindi na umano tinatanggap pa sa trabaho sa Boracay?

(Ni Edzel Mainit, YES FM Boracay Senior Field Reporter)

Kahit aminado ang lokal na pamahalaan ng Malay na nasira na ang mga Malaynon sa mga employer o establisemento sa Boracay bilang empeiyado,umapela ngayon si Dennis Briones ng Public Employment Office PESO Malay na bigyan din sana ng pagkakataon o i-prayoridad din kahit sa mababang uri ng posisyon sa anumang resort ang mga Malaynon na makapagtrabaho dito sa isla.

Ang apela na ito ni Briones ay bilang hiling sa mga employer matapos magkaroon ng masamang impresyon ang mga ito, dahil madalas umanong umuuwi ang mga empleyadong taga rito, rason upang mamarkahan ang mga ito ng hindi magandang imahe.

Gayum pa man, sinabi ni Briones na kahit ganito na ang sitwasyon, mayroon pa namang mga establisemento ang humihingi sa tanggapan nito ng tulong para mabigyan ng mga aplikanteng Malaynon at bilang pagsunod na rin sa ordinansang dapat ang apatnapong pursiyento ng tauhan ng isang establishemento ay mga Malaynon. 

Tuesday, May 31, 2011

DOT Director Trompeta, wala na kayang tiwala sa kakayahan ng LGU Malay?

(Ni Edzel Mainit, YES FM Boracay Senior Field Reporter)

Hindi man diriktang sinabi ni Regional Director Edwin Trompeta ng Department of Tourism na may pagkukulang at  mistulang walang kakayahan ang Lokal na pamahalaan ng Malay na pamunuan ang ano mang programa o stratihiya na ipapatupad  upang  magkaroon na ng direksyon ang pag-asenso ng Boracay,nailathala naman sa isang pahayagan ang kawalan ng tiwala nito.

Nang tanungin ng himpilang ito kung may pagkukulang nga talaga ang LGU Malay sa mga kahalintulad na istratihiya,hindi “oo” o “hindi” ang sagot nito kundi ang katagang “probably”.

Kung saan ipaliwanag ni Trompeta, na ang ano mang plano o aksyong gagawin ng tanggapan nila ay magsisilbing tulong na para sa mga namumuno sa bayan o LGU Malay upang ihanda ang isla para sa pang-international na standard sa kabuuan, maging istraktura man o serbisyo.

Trompeta, may plano para sa Boracay

(Ni Edzel Mainit, YES FM Boracay Senior Field Reporter)

Sa hangaring maisaayos at  maging kaayaaya ang mga istraktura sa isla ng Boracay,kinumpirma ngayon ni  DOT Region 6 Director Edwin Trompeta na meron itong plano o proposisyong magbuo ng Boracay Tourism Development Authority o BTDA.

Ayon kay Trompeta ang nasabing development authority ay naglalayong gabayan ang patuloy na pag-unlad ng isla ng Boracay, dahil maging sila sa DOT ay wala pang nakikitang matatagtag na ideya kung paano ito mapapaunlad pa.

Kaugnay nito umaasa umano sana si Trompeta na mayroong nang  Boracay  Comprehensive Land Use Plan CLUP ang Malay para dito, subalit hanggang sa ngayon ay hindi pa ito aprobado.

.Maliban dito, nakalathala na rin ngayon sa mga pahayagan na tila nagdududa rin ito kung kakayanin pa ng LGU Malay na maisaaayos ang lahat o kung maipapatupad nga ba ang nakasaad sa CLUP.

Sinabi din ni Trompeta sa panayam ng YES FM na ang nagplano ng BTDA ay si Congressman Joeben Miraflores matapos siyand magpasa ng Batas sa kongreso katulad ng pagkakaroon ng CLUP. 

Monday, May 30, 2011

AKELCO, hiniling na magtipid sa kuryente ang mga konsumidor

(Ni Edzel Mainit, YES FM Boracay Senior Field Reporter)

Dahil sa aprobado naman ng Energy Regulatory Commission o ERC at  ng Board of Directors ng AKELCO ang tungol sa bagong taripang ipinapatupad nito,hiniling ngayon ni AKELCO Consultant Lorenzo Laserna,na magtipid na lamang ang publiko sa paggamit ng enerhiya upang makaiwas sa mataas na bayarin.

Samantala, hiniling din ng nasabing consultant na kung maaari ang lahat ng meyimbro at kunsumidor ng Akelco ay dumalo sa gagawing Annual General Membership Assembly o  AGMA para lubos na maipaliwanag ang mga bagay tungkol dito, sabay linaw na hindi  pa nito alam kung may plano ba ang kooperatiba na dito sa Boracay gaganapin ang katulad na aktibidad para sa benepisyo na rin ng mga nasa isla, gayong ang Boracay ay maituturing na isa sa unang pinagmamalasakitan ng AKELCO.

AKELCO, nag-sorry dahil may nakaligtaan daw ipaalam sa konsumidor?

(Ni Edzel Mainit, YES FM Boracay Senior Field Reporter)

Humingi ngayon ng paumanhin ang AKELCO,o AKLAN ELECTRIC COOPERATIVE ng dispensa sa  mga miyembro konsyumedor nito makaraang umalma ang publiko sa hindi naipaliwanag at walang abisong panibagong taripa nito.

Bagamat sinabi ni AKELCO consultant Lorenzo Laserna, na kamakailan lamang dumating ang billing ng koopertiba,aminado naman itong nakaligtaan ng kooperatiba na magpadala ng advisory kung kaya’t hindi ito nalaman ng publiko,sa halip na pag-uusapan pa lamang sana ito sa gaganaping Annual General Membership Assembly o AGMA.

Tuloy hindi maisawan ng madla na magkumento na mistulang baligtad ang pangyayari, dahil bago ito ipaalam sa kanila, na may bagong ipinatutupad na taripa sa kuryente, ay mas nauna pang mangyari ang pagtaas ng singil o bayarin.

Pagrenew at pag-a-apply ng business permit sa Malay, mas mabilis na

(Ni Edzel Mainit, YES FM Boracay Senior Field Reporter)

Garantisadong mas mabilis na ngayon ang pagproseso ng mga dokumento kung mag-aaply at magre-renew ng Business Permit, sapagkat, ipinapatupad na ang one stop shop sa tanggapan ng lokal na pamahalaan ng Malay.

Ito ang inihayag ni Ginang Alicia Manlabaw ng Licensing Department ng LGU Malay ukol sa makabagong teknolohiyang gamit ng nasabing departmento para mapabilis ang serbisyo at hindi na tumagal at pabalik balik sa pagkuha ng Business Permit.

Maliban dito, nag dagdag din ng panibagong posisyon sa katauhan ni Jean Salsona sa tanggapan ng Alkalde para sa ganitong layunin na siya na ang magsasala  sa mga dukomento at aplikasyon sa mga negosyo.

Ang pagkaroon ng panibagong posisyon na ito ay kasama umano sa bagong sistima ng munisipyo, lalo pa ngayong kailangan ito dahil sa dumadami na rin ang establishemento sa Boracay at buong bayan ng Malay.

Pagbebenta ng endangered species ng shells sa Boracay, ipagbabawal na

(Ni Edzel Mainit, YES FM Boracay Senior Field Reporter)

Plano ngayon ng Sangguniang Bayan ng Malay na magpasa ng isang ordinansang magbabawal sa  pagbebenta ng mga endangered species ng sea shells sa isla ng Boracay.

Ito’y matapos na makakumpiska ang mga kapulisan sa Kalibo International Airport at Caticlan Airport ng mga items na gawa sa shells na pinaniniwalaang endangered at ibebenta sa mga turista.

Kaugnay nito, nang mabatid ng Bureau of Fisheries and Aquatic Resources o BFAR ang naturang balita, agad namang nagpaabot ng pagsuporta ang mga ito sa ordinansang ipapasa ng SB-Malay kung saka-sakali.

Samantala, iminungkahi naman ng Sangguniang Bayan ng Malay sa BFAR na maglatag ng pag-inspeksiyon sa mga commercial establishments upang malaman at makilala yaong mga nagbebenta ng mga nabanggit na endangered shells.