Acting-Mayor Bautista hinamon ang mga kasamahan na mag-level up sa serbisyo

Posted July 3, 2019

Inna Carol Zambrona, YES THE BEST BORACAY NEWS DEPARTMENT

"Mag level up! "

Ito ang hamon na binitawan ni Malay Acting Mayor Frolibar Bautista sa mga department at unit heads ng LGU-Malay sa ginawang Inaugural Session nitong Martes.

Inisa-isa ng alkalde  mga dapat pagtuonan ng pansin ng bawat departamento dahil hindi umano ramdam ng taga-mainland Malay ang pagiging 1st Class Municipality ng Malay.

Tinukoy nito ang ilang problema tulad patubig sa ibang barangay, makitid na kalsada at health services sa mga Malaynon.

Aniya masakit isipin na ang Boracay ay sagana sa tubig dahil sa Nabaoy River subalit ang mga barangay tulad ng Naasug ay walang mapagkukunan ng maiinom.

Hindi rin daw binigyan ng sapat na atensyon na mapalapad at mapaganda ang kalsada ng ibang mga destinasyon tulad ng Nabaoy gayundin ang paakyat na kalsada sa Naasug.

Ipinunto ni Bautista na dapat mag-ikot ang mga department heads ng LGU-Malay at pagtuunan ito ng pansin dahil may pera naman aniya ang Malay.

Pinuna niya rin ang suliranin sa mga buildings sa Boracay na ayon sa huli ay hindi nasusunod at na-iimplementa ng tama rason na nagkaproblema ang isla.

Sa pangkalahatan, layunin umano nito na madevelop din ang mainland Malay.

Samantala, hinikayat nito ang mga bagong miyembro ng SB Malay na magtulungan upang unti-unting maresolba at mapaganda ang lokal na pamamahala.

P90-million, utang ng Malay sa ECOS

Posted July 1, 2019

Inna Carol L. Zambrona, YES THE BEST BORACAY NEWS DEPARTMENT

Mahigit P 90-million ang hindi pa umano nababayaran ng Local Government Unit ng Malay sa ECOS Sanitary Landfill and Waste Management Corporation kaugnay sa mga basurang hinahakot sa isla patawid sa Kabulihan sanitary landfill.

Ayon kay Oliver Zamora, President ng ECOS, ang halaga na ito ay kabuuang bayarin para sa anim na buwan nilang operasyon  buwan ng Enero hanggang Hunyo.

Sa kabila ng ganito kalaking halaga na sisingilin pa sa LGU-Malay, ayon kay Zamora ay patuloy ang operasyon ng ECOS dahil ito ang kanilang obligayon sa pinasok nilang 15-taon na kontrata.

Bagamat aminado sila ngayon na gipit sila sa pondo, organisado parin ang operasyon at nasusunod ang Republic Act 9003 o Ecological Solid Waste Management Act in the garbage collection and disposal.

Inaayos na rin nila ang isyu sa hauling na naunang inireklamo ng mga residente sa mainland Malay dahil sa mabahong amoy ng mga dumaraang garbage truck doon.

Samantala, hinihintay nalang nila na mapag-usapang muli ang tungkol sa bayarin ng LGU-Malay kapag naka-upo na ang mga bagong halal simula Hulyo.

Kung maaalala, ang ECOS ay kinontrata ng LGU-Malay sa pamamagitan ng PPP o Public-Private Partnership para hakutin ang lahat ng basura sa Boracay.

“Dimissal is still in effect kay Cawaling” – DILG

Posted July 1, 2019

“Walang pwersahan na mangyayari na pababain siya pero ang dismissal sa kaniya ng Ombudsman is still in effect”.

Ito ang pahayag ni MLGOO Mark Delos Reyes matapos umupo kahapon si Malay Mayor-elect Ceciron Cawaling.

Bago nito, naglabas ng advisory si DILG 6 Regional Director Engr. Ariel Iglesia noong June 27, 2019 na ang Office of the Mayor ng Malay ay ‘pansamantalang mababakante’ sa rason na si Cawaling ay na-dismissed na sa serbisyo noong April 24, 2019.

Bagamat nag-file ang kampo ni Cawaling ng MR o Motion for Reconsideration na kinikwestyon ang desisyon ng Ombudsman, hindi umano ito sapat na dahilan ayon sa DILG para maka-upo ang nahalal na alkalde.

Ito rin ang nilalaman ng memorandum na inilabas ni DILG Secretary Eduardo Año na kailangan pagsilbihan pa rin ng mga nanalong opisyal ang hatol at penalidad tulad ng (suspension, preventive suspension, at dismissal).

“Wala tayong Mayor ngayon”.

Ito ang paliwanag ni Delos Reyes hangga’t hindi ikinokonsidera ni Vice Mayor-elect Frolibar “Fromy” Bautista na uupo bilang Acting-Mayor.

Dagdag pa ni Delos Reyes, walang bisa at hindi rin daw kilalanin ng DILG ang lahat ng ng mga transaksyon at pipirmahang dokumento ni Cawaling.

Nag-aantay na rin umano siya kung ano ang magiging instruction ng national office ng DILG sa mga susunod na hakbang sakaling patuloy na manunungkulan si Cawaling sa munisipyo ng Malay.

BLTMPC kumuha ng dalawang unit na Euro-4 PUV

Posted June 28, 2019

Inna Carol Zambrona, YES THE BEST BORACAY NEWS DEPARTMENT

(CTTO)

Pumapasada na ang dalawang bagong PUV ng Boracay Land Transportation Multi-Purpose Cooperative (BLTMPC) kapalit ng ilang lumang multicab ng kooperatiba.

Ayon kay BLTMPC Vice Chairman Prodencio Vargas, itong pagpapalit ng mga unit ay bahagi ng “Public Utility Vehicle Modernization” program na ipinapatupad sa buong bansa ng DOTc, OTC, LTO, at LTFRB.

Aniya, nasa apatnapu’t isa (41) ang target nilang ma-change unit bago mag 2020.

Maliban sa 23-seater na Euro-4 Minibus na ito ay titingin din sila ng iba pang model na maaaring gamitin ng mga mananakay sa isla.

Sa ipinapatupad na programa ng national government, hindi na ire-renew at bibigyan ng franchise ng LTFRB ang mga luma at ma-uusok na public utility vehicle.

Maliban dito, inaasahan na kung fully implemented na ang programa ay kailangan na mayroong ng aircon, wifi, GPS, CCTV ang mga pampublikong sasakyan bago mag 2040 ayon sa Office of Transportation Cooperatives.

Samantala, aasahan na unti-unti na ring mawawala o i-phase out ang mga lumang traysikel sa Boracay dahil sa modernization program na ito ng gobyerno nasyonal.

PRO-6 may bagong Regional Director

Posted June 28, 2019

Inna Carol Zambrona, YES THE BEST BORACAY NEWS DEPARTMENT

(CTTO)

May bago ng Regional Director ang Police Regional Office-6 sa katauhan ni Police Brigadier General Rene Pamuspusan.

Sa lumabas na order mula Camp Crame noong Hunyo 26, epektibong uupo si Pamuspusan bilang Regional Director ng PNP Region 6 simula Hunyo 27 taong kasalukuyan.

Pinalitan ni Pamuspusan ang mag-reretirong si Police Brigadier General John Bulalacao.

Si Pamuspusan ay dating PNP Headquarters Support Service Director na ngayon ay gagampanan na ni Police Brigadier General Jesus Cambay, Jr.

Samantala, si Pol. Col. Remus Zacharias Canieso, naman ang papalit sa posisyon ni Cambay na dating Deputy Director for Administration.