Wednesday, April 01, 2015

Tricycle driver na naninigarilyo habang namamasada, automatic suspended ayon sa BLTMPC

Posted April 1, 2015
Ni Jay-ar M. Arante, YES FM Boracay
               
Image result for Tricycle sa Boracay“Automatic suspended”

Ito ang salitang binitawan ni BLTMPC Chairman Joel Gelito laban sa mga tricycle driver na naninigarilyo habang namamasada sa isla ng Boracay.

Ayon kay Gelito, hindi umano nila ma-control ang mga pasaway na mga tricycle driver na naninigarilyo sa oras ng kanilang pamamasada.

Kaugnay nito nagpatawag umano ang Boracay Land Transportation Multi Purpose Cooperative (BLTMPC) ng General Assembly na dinaluhan ng mga may-ari ng tricycle unit sa isla.

Sinabi nito sa mga dumalo kung ano ang mahigpit nilang ipinagbabawal sa mga tricycle driver sa Boracay katulad ng paninigarilyo sa oras ng kanilang pagbiyahe lalo na ngayon at dagsa ang mga turista sa isla.

Dagdag pa ni Gelito, nagpakalat na umano sila ng text brigade sa mga residente sa isla na maging mapagmatyag at isumbong sa kanilang tanggapan ang sino mang makita nilang driver na sumusuway sa nasabing kautusan.

Ang parusa umano rito ay awtomatikong pagsuspendi sa mga driver sa oras na mapatunayan ang kanilang pagkakamali.

Samantala, sinabi pa nito sa mga driver na kung wala silang pagmamahal sa kanilang sarili dahil sa paninigarilyo ay patunay lamang na hindi nila mahal ang kanilang mga pamilya lalo na ang kanilang mga pasahero kung saan sila kumukuha nang pang-kain araw-araw.

Seguridad ng mga turista sa isla, patuloy na binabantayan ng B.U.S.T.E.R. Patrollers

Posted April 1, 2015
Ni Bert Dalida YES FM Boracay

Image result for beachfront Boracay islandPatuloy ngayong binabantayan ng B.U.S.T.E.R. Patrollers ang seguridad ng mga turista sa isla.

Makikita ang mga ‘B.U.S.T.E.R.’o Boracay Action Group Unified Strategic Tourism Enforcement sa beach front na kinabibilangan ng Boracay PNP, Task Group Boracay-Philippine Army, at ilan pang force multipliers sa isla.

Sa isang panayam, sinabi ni PO3 Christopher Mendoza ng Boracay Police Community Relations na bumaba ang kaso ng pambibiktima ng mga salisi dahil sa patuloy nilang pagpapatrolya.

Lalo din umanong naging kampante ang mga turista sa beach dahil sa kanilang presensya.

Kasabay din kasi ng kanilang pagpapatrolya ang pagbibigay nila ng ‘safety tips’ sa mga turista ngayong summer vacation.

Maliban sa beach area, tiniyak naman ng Boracay PNP na tinututukan din nila ang ilang lugar sa isla lalo na ang pananamantala ng mga ilegal komisyoner sa mga turista.

BFPU-Boracay, may mga ‘fire safety tips’ ngayong Holy Week

Posted April 1, 2015
Ni Bert Dalida YES FM Boracay

Image result for Bureau of Fire Protection UnitMasarap mamasyal kasama ang buong pamilya lalo na ngayong summer vacation.

Subali’t hindi kailang walang maiiwan sa ating mga tahanan, kung kaya’t minarapat ngayon ng BFPU o Bureau of Fire Protection Unit Boracay na magbigay ng mga fire safety tips.

Ilang araw bago ang Holy Week, nabatid na nagsimula na ring magkampanya para sa ‘iwas-sunog ang BFPU, lalo na nitong nakaraang Fire Prevention Month.

Maliban sa isinagawang fire inspection sa mga establisemyento at resort sa isla, ipinagpatuloy parin ng BFPU ang kampanya laban sa sunog lalo na ngayong Holy Week.

PRC Boracay-Malay Chapter, maglalagay ng mga first aid stations ngayong Semana Santa

Posted April 1, 2015
Ni Gloria Villas, YES FM Boracay

Image result for Philippine Red  CrossNapakahalaga ang pagbibigay ng paunang lunas o first aid.

Kaya naman, ngayong Semana Santa, muling maglalagay ng first aid stations ang Philippine Red Cross (PRC) Boracay-Malay Chapter sa Caticlan at Boracay.

Ayon kay Philippine Red Cross Boracay-Malay Chapter Administrator Marlo Schoenenberger, sa ganitong paraan ay maiiwasang lumala ang sitwasyon ng isang pasyente at matugunan din ang kanilang mga pangangailangan lalo na ng mga bakasyunista.

Anya, maliban sa paglalagay ng first aid stations sa Caticlan Jetty Port at beach front ng Boracay, mag-momonitor din umano ang mga Red Cross life guard sa baybayin ng isla.

Samantala, 24/7 din umanong naka-antabay ang ambulansya ng Red Cross kasabay ng kanilang libreng serbisyo sa mga magpapatingin ng kanilang blood pressure, pagbibigay lunas sa mga posibleng makaranas ng pagkahilo, sakit ng katawan at heat stroke sanhi ng mainit na panahon.

Seguridad para sa pagdating ng MS Seven Seas Voyager sa Boracay ngayong Huwebes Santo kasado na

Posted April 1, 2015
Ni Jay-ar M. Arante, YES FM Boracay

Kasado na ang inilitag na seguridad ng ibat-ibang ahensya ng gobyerno ng Aklan para sa pagdating ng MS Seven Seas Voyager sa Boracay ngayong Huwebes Santo.

Ayon kay Special Operation Officer III Jean Pontero ng Caticlan Jetty Port, nagkaroon umano sila ng meeting kahapon ng hapon para pag-usapan ang seguridad ng naturang barko kasama ang Philippine Army, Philippine National Police, Philippine Coastguard, Philippine Navy, Philippine Army at Philippine Ports Authority (PPA).

Dito umano nakalatag na ang seguridad magmula sa dadaungan ng barko sa Cagban Jetty Port hanggang sa beach area kung saan pupunta ang mga sakay na pasahero ng Cruseship.

Sinabi pa ni Pontero na darating ito sa Boracay ng alas-10 ng umaga at ang departure time naman ay alas-8 ng gabe.

Mayroon din umano itong 600 passengers capacity at 250 na crew kung saan ang mga pasahero nito ay iba-iba ang nationality.

Muli namang inihanda ng Jetty Port at Provincial Tourism Office ang Ati-Atihan Group para sa pag-welcome sa mga pasahero at Rondalia pabalik ng mga pasahero sa barko.

Samantala, isa na namang plaque exchange ang isasagawa para sa maiden call sa pagitan ng kapitang ng barko at Provincial Government ng Aklan kasama ang Department of Tourism.

MTO Malay, nagpaalala sa mga motorista ngayong Semana Santa

Posted April 1, 2015
Gloria Villas, YES FM Boracay

Kasabay ng pagdagsa ng libu-libong magbibiyahe patungo sa mga iba’t ibang lugar ngayong Semana Santa.

Nagpaalala ngayon ang Municipal Transportation Office (MTO) Malay sa mga motorista para sa ligtas na biyahe.

Ayon kay Senior Transportation Regulation Officer Cesar Oczon Jr. ng Municipal Transportation Office.

Mahigpit na ipinagbabawal ang paggamit ng mga cellphone kapag nasa byahe, at ang paninigarilyo sa loob ng sasakyan.

Dapat din umanong tiyakin na kumpleto at walang depekto ang sasakyan para iwas disgrasya sa pagbiyahe.

Samantala, nagsimula na rin ngayong magpakalat ng mga traffic enforcers ang Land Transportation Office (LTO) upang mabantayan ang daloy ng trapiko.

Nabatid na ilang L300 Van drivers na bumibiyaheng Caticlan-Kalibo ang ikinadismaya ng mga pasahero dahil sa paggamit nila ng cellphone habang nagmamaneho.

Tuesday, March 31, 2015

One way lane sa Boracay, unti-unting nang ipinapatupad ng LGU Malay

Posted March 31, 2015
Jay-ar M. Arante, YES FM Boracay 

Image result for Logo LGU Malay, AKLANUnti-unti na ngayong ipinapatupad ng LGU Malay ang one way lane sa isla ng Boracay.

Ayon kay Malay Senior Transportation Regulation Office Cezar Oczon, paunti-unti na umano ngayon ang ginagawa nilang re-routing bilang paghahanda para sa APEC Ministerial meeting ngayong Mayo.

Layunin umano nito na mabawasan ang mga dumaraming sasakyan sa mainroad papuntang Station 3 o Cagban Jetty Port.

Ayon kay Oczon, ang lahat ng mga private vehicle at malalaking sasakyan kasama na ang resort service na mula sa station 1 o Brgy. Yapak na diritsong Cagban, Manoc-manoc ay liliko sa harap ng Crafts of Boracay o papuntang Bloomfield area.

Ngunit nilinaw nito na hindi pa ito na fully implemented dahil hindi pa sila nakakapaglagay ng mga signage’s sa mga lugar na daraan ng mga nasabing sasakyan.

Dagdag pa nito na kung sakaking maging successful ang nasabing proyekto ay maaaring ituloy-tuloy na ito na maging isang ordinansa o batas.