Saturday, November 28, 2015

Cargo area sa Boracay mahigpit na mino-monitor ng Coastguard

Posted November 28, 2015
Ni Jay-ar M. Arante, YES FM Boracay

Image result for cargo area sa boracayTodo higpit ngayon ang ginagawang pag-momonitor ng Philippine Coastguard (PCG) Caticlan sa mga cargo area sa isla ng Boracay.

Ito’y para maiwasan ang pagpasok ng mga illegal na kargaminto at ang mga taong may masasamang binabalak sa isla.

Ayon kay PCG Caticlan Commander Lt. Idison Diaz, nagkaroon umano sila ng meeting kasama si PSSUPT Iver Apellido, Acting Provincial Director ng Aklan PPO kung saan isa sa mga napag-usapan rito ay ang seguridad sa cargo area sa isla ng Boracay.

Sinabi ni Diaz na nagsasagawa umano sila ng random inspection sa mga nasabing cargo area at surprise inspection kasama ang kanilangf K-9 unit.

Maliban dito sinusuri din umano nila ang mga motorbanca kung ito ba ay overload at walang naikakargang illegal na kargaminto.

Samantala, ipinaalala naman ni Diaz, na hanggang alas-10 lang ng gabi pinapayagan mag-operate ang mga cargo vessel sa Boracay.

Security Plan ng Coastguard Caticlan pinaigting dahil sa “threat” sa Boracay

Posted November 28, 2015
Ni Jay-ar M. Arante, YES FM Boracay

Image result for philippine coast guardTotoo man o hindi ang mga “threat” sa isla ng Boracay ay tinitiyak parin ngayon ng Philippine Coastguard (PCG) Caticlan ang kanilang Security Plan.

Sa panayam ng YES FM Boracay kay PCG Caticlan Commander Lt. Idison Diaz, sinabi nito na mahigpit ang kanilang ginagawang pagpapatupad ng seguridad sa mainland Malay at isla ng Boracay pagdating sa pag-momonitor ng mga sasakyang pandagat dahil sa mga sinasabing pagbabanta sa isla.

Ani Diaz kailangan din nilang magdagdag ng mga personnel na mag-momonitor sa ibang area sa isla katulad sa Yapak kung saan may mga dumadaong na maliliit na bangka mula sa katabing isla at sa malalaking resort sa lugar.

Dagdag pa ni Diaz mahigpit umano ang kanilang pagbabantay sa mga passenger vessel kasama na sa Manoc-manoc area at sa Cargo area.

Maliban dito naka-alerto din umano sa pagbabantay ang kanilang mga personnel sa beach area sa station 1 at 2 sa pag-check sa mga motorbanca na ginagamit sa island hopping.

Samantala, katuwang ng PCG sa pagtiyak ng seguridad sa Boracay at mainland ang Malay PNP, Boracay PNP, BAG at ibang organic group.

Aklanon hinikayat sa free HIV Testing ngayong World Aids Day

Posted November 28, 2015
Ni Jay-ar M. Arante, YES FM Boracay

Image result for HIVNgayong araw ng Martes Desyembre 1 ay nakatakdang magsagawa ng free HIV (human immunodeficiency virus) testing ang Aklan Provincial Hospital.

Ito ay kasabay ng pagdiriwang ng World Aids Day sa nasabi ring araw kung saan isa sa mga aktibidad na isasagawa ng PHO ay ang nasabing testing.

Dahil dito hinikayat mismo ni Dr. Leilani Barrios ng DRSTMH’s coordinator ng HIV/AIDS ang mga Aklanon na subukan ang free HIV testing ng sa gayon ay maging-conscious umano sila sa kanilang kalusugan.

Aniya, mahalagang malaman kung ang isang tao ay may dinadala ng nasabing karamdaman upang agad itong maisailalim sa pagpapagamot sa nasabing ospital.

Kaugnay nito napag-alaman na umabot na sa 51 katao ang na-diagnosed sa HIV/AIDS simula pa noong 1984 base sa report ng Provincial Health Office.

Samantala, iginiit naman ng PHO na kung sino man ang magdi-discriminate sa taong may HIV (human immunodeficiency virus), o PLHIVs ay maaaring maparusahan sa paglabag sa Republic Act 8504, or the Philippine AIDS Prevention and Control Act.

Friday, November 27, 2015

Dahil sa pananakit, misis tinaga si mister sa Nabas, Aklan

Posted November 27, 2015
Ni Inna Carol L. Zambrona, YES FM Boracay

Image result for sinaksakDuguan ang isang mister matapos itong tagain ng kanyang sariling misis alas 6:45 kahapon ng umaga sa Brgy. Libertad, Nabas, Aklan.

Nakilala ang biktimang si Leonardo 57- anyos at asawa nitong suspek na si Eva Castro 68- anyos.

Ayon sa report ng Nabas PNP, dahil umano sa away at pananakit ng mister nito sa kanyang misis ang siyang itinuturong dahilan para tagain nito ang kanyang mister ng tatlong beses sa kanyang ulo at sa kaliwang kamay ng isang beses.

Nabatid na bago nangyari ang insidente ay umalis umano ang mga anak ng mag-asawa sa kanilang bahay dahil umano sa takot sa kanilang ama.

Agad namang dinala si Leonardo sa Baptist Hospital ng Malay pero agad namang ni-refer ito sa bayan ng Kalibo para mabigyan ng karampatang medikasyon.

Samantala wala namang balak ang mister nitong ipakulong ang misis matapos ang ginawang pagtataga nito sa kanya.

Walang permit na nagso-solicit sa Boracay, pinaalalahanan

Posted November 27, 2015
Ni Inna Carol L. Zambrona, YES FM Boracay

Image result for no solicitation signPinaalalahanan ngayon ni Island Administrator Glenn Sacapaňo ang mga walang permit na nagso-solicit sa ibat-ibang establisyemento sa Boracay.

Ito’y kaugnay sa ginawang operasyon ng Department of Social Welfare and Development (DSWD) ng Malay kung saan hinuli ang mga Badjao na pagala-gala sa beach area para humingi o manlimos sa mga turista.

Kaugnay nito sinabi ni Sacapaňo, na dapat ay tingnan ng mga business establishment sa Boracay kung may mga permit ang mga nag-aabot sa kanila ng solicitation letter para hindi sila mabiktima ng mga sinasabing modus.

Sinabi pa nito na nalalapit na ang araw ng kapaskuhan kung kayat dapat tingnan umano ng mga ito kung mayroon silang Brgy. Certificate, Indigent Certificate mula sa DSWD at kung ano ang purpose nito.

Samantala nag-paalala naman ito sa mga tao sa Boracay na itawag agad kung meron silang malaman na nagsoso-solicit na walang permit upang maiwasan at agad na maaksyonan ang mga ganitong pangyayari dahil sa nauuso na umano ngayon ang mudos hindi lang sa Pilipinas kundi pati sa buong mundo.