Wednesday, August 10, 2016

BFI, balak ipatawag ang AKELO dahil sa palagiang brownout sa Boracay

Posted August 9, 2016
Ni Inna Carol L. Zambrona, YES FM Borcay

Image result for bfi boracayNagbigay ngayon ng komento ang isang malaking Stakeholders Group sa Boracay hinggil sa palagiang brownout na nararanasan ng mga residente sa isla ng Boracay.

Sa panayam ng himpilang ito kay Boracay Foundation Incorporated (BFI) President Dionisio “Jony” Salme, sinabi nito na importante ang ilaw sa Boracay lalong lalo na sa mga negosyante ng resort. Itoy dahil nagseserbisyo sila sa mga turistang bumibisita sa isla ng Boracay.

Dagdag pa nito na mabuti nalang kung may mga generator na gagamitin ang ibang mga negosyante sa oras na mag-brownout subalit abala din ito dahil sa paandarin pa ito.

Dahil dito, ay kinausap ni Salme si Engr. Joel Martinez, assistant General Manager ng AKELCO, kung saan iimbitahan niya ito sa Kapihan sa Boracay na mging guest para tanungin ang tungkol sa nangyaring patay-sinding kuryente sa Boracay.

Nabatid na umani ng negatibong reaksyon mula sa social media ang mga nangyayaring power interruption sa isla nitong nakalipas na araw dahil sa makailang beses na patay-sindi na naging sanhi ng pagkasira ng mga appliances ng mga kunsumidor.

No comments:

Post a Comment