Friday, May 12, 2017

Boracay Police, patuloy ang Community Education kontra-droga

Posted May 12, 2017
Ni Danita Jean A. Pelayo, YES FM Boracay

Patuloy ngayon ang kampanya ng Boracay Tourists Assistance Center o (BTAC) sa pagpapalaganap ng kaalaman sa komunidad hinggil sa iligal na droga.


Sa panayam ng himpilang ito kay SPO2 Christopher Mendoza, ang community education umano ay itinuturo nila sa mga paaralan, Ati Community, 4P’s maging sa Boracay Photographers Association Inc. at  nitong huli ay sa  pagtitipon ng  Manocmanoc Youth Camp.

Ani Mendoza, layunin nitong ipaabot ang masamang epekto sakaling malulong sa iligal na droga ang isang tao gayundin ang kaakibat na penalidad at ang pag-aresto sa mga indibidwal na nasadlak sa ganitong bisyo.

Samantala, hinihikayat naman nito ang publiko na suportahan ang kampanya kontra iligal na droga at iwasan na ang pagbebenta, pagbili at paggamit nito dahil ito aniya ang nagiging ugat ng mga problema sa komunidad lalo na sa kriminalidad.

Aklanon Athlete sa Palarong Pambansa, bibigyan ng pagkilala

Posted May 12, 2017
Ni Inna Carol L. Zambrona, YES FM Boracay

Image result for palarong pambansa 2017
Nakatakda ngayong bigyan ng pagkilala ang mga nanalong Aklanon Atletes sa ginanap na Palarong Pambansa 2017.

Bibigyang pagkilala ng Probinsya ang mga atleta na sina:

1.Kyla Soguilon, 2. Michael Gabriel Lozada, 3.Sheila Talja, 4.Jil Iron Tabuena, 5.Aaron Vincent Merin, 6.Jemuel Booh De Leon, 7.Christian Paul Tiongson, 8. Angie Nicole Reyes,9.Jasper Jay Lachica, 10.Christian Jade Pablo, 11. Aina Nicole Dela Cruz, 12. Jea Angel Esquilito, 13.Cherish Joy Reyes, 14.Shanello Malolos, 15.Arnel Tolentino, 16.Athena Romylla Molo, 17.Mary May Ruiz, 18.Jerrylyn Laurente, 19. Kyle Joshua De Pedro 20.  Jan Patrick A. Sagang.

Kabilang din sa bigyan ng rekognasyon ay ang mga atleta sa Paralympic Division na sina Claire S. Calizo, Edwin Villanueva, Anna Mae Rico at Cristina I. Dela Cruz at iba pang sumali dito.

Samantala, itong pagkilalang ibibigay sa mga atleta ay bilang pagpapahalaga sa karangalan na iniuwi ng mga ito sa probinsya ng Aklan.

Pantalan sa Yapak, pinag-aaralan na ng Provincial Government - Jetty Port Administrator

Posted May 12, 2017
Ni Danita Jean A. Pelayo, YES FM Boracay

Image result for PANTALANPinag-aaralan na umano ng Sangguniang Panlalawigan ang proposal na inihain para sa isa pang port sa Yapak area.

Sa pakikipanayam ng himpilang ito kay Jetty Port Administrator Nieven Maquirang, nabanggit nito ang binabalak na pagpapatayo ng isa pang pantalan sa Yapak kung saan layun nitong mabawasan ang abala na nangyayari sa Cagban Port at para maging maayos ang akomodasyon sa volume ng mga turista at bibisita.
Ani Maquirang, nasa proseso na ito kasama ang pakikipag-usap sa mga lot owners para sa magiging lokasyon.

Dagdag pa nito na ang ideya umano sa pagtatayo ng bagong port ay upang mapabilis ang magiging daloy ng mga bibisita lalo na ang mga turista at residente na nakatira sa hilagang bahagi ng isla.

Tututukan sa planong ito ang seguridad sa isla at i-momonitor ang mga papasok dito dahil na rin sa mga travel warning na inilalabas katuwang ang mga Coastguards, Maritime at maging ang hanay ng pulis.

Sa iba pang development, inaprubahan na umano ang Memorandom of Agreement sa pagpapatayo ng building para sa Coastguard sa Cagban at may nakalaan ng budget at lugar para dito kung saan maglalagay rin ng Command Center para sa mas mabilis na komunikasyon sakaling may insidenteng mangyari.

Samantala, handa naman umano ang Probinsya ng Aklan na mag- invest para rito kung saan isa itong hakbang para protektahan at mapanatili ang ganda ng Boracay at mas lumago pa ang turismo.

Pinaabot nito sa lahat na maging vigilant at makipagtulungan para sa ikauunlad ng isla ng sa gayon ay manatiling matiwasay ang Boracay.

Thursday, May 11, 2017

Truckers at Haulers na dumadaan sa Caticlan, isinulong na gawing gabi ang operasyon

Posted May 11, 2017
Ni Inna Carol L. Zambrona, YES FM Boracay

Image result for Truckers at HaulersIni-refer ngayon ni LIGA President Juliet Aron ang ordinansa patungkol sa truckers at haulers sa Caticlan na gawing gabi ang kanilang operasyon.

Sa ika-14 th Regular Session nitong Martes ng Sangguniang Bayan ng Malay, binuksan ni Aron ang usapin sa Privilege Hour para maibahagi ang balakin ng Caticlan council.
Sinabi nito sa mga miyembro ng SB, na kaya niya ito ini-refer at binuksan ang usapin sa session ito’y dahil nahihirapan na umano ang mga commuters lalo na at nagiging dahilan ito ng mahabaang traffic sa lugar.

Nabatid kasi na pinag-usapan nila ito sa naganap na meeting ng Barangay Council kung saan ito ang kanilang gustong isulong ngayon.

Samut-sari naman ang mga naging komento ng mga konsehales ukol dito dahil hindi lamang mga haulers ng aggregates ang balak na i-regulate kundi maging ang mga truck na may kargang livestock at iba pa.

Samantala, ini-refer ito ngayon sa Committee on Laws and Ordinances na pinamumunuan ni SB Jupiter Gallenero.

Hinugtan Beach, nais i-develop upang maging Tourist Attraction

Posted May 11, 2017
Ni Inna Carol L. Zambrona, YES FM Boracay

Image result for HINUGTAN BEACH“Hinugtan Beach”.

Ito ngayon ang sinasabi nilang isa pang mala-Boracay na lugar sa Aklan na nakatakda ngayong i-develop upang maging tourist attraction sa Probinsya ng Aklan.

Nabatid na ayon kay Buruanga Mayor Concepcion Labindao, may inilaan na umanong 25-Million  na budget ang Department of Public Works and Highways para sa pagsasa-ayos nito.

Bagamat na aabot pa ng ilang minuto bago marating ang Hinugtan, madalas na raw itong dinadayo ng publiko dahil sa maputi at mapino rin nitong buhangin katulad ng isla ng Boracay.

Samantala, puspusan na ang pagpa-plano ng pamahalaan sa pagdevelop ng Hinugtan Beach.