YES THE BEST 911 BORACAY

Friday, September 25, 2020

Simula Oktubre Phase Out na ang mga tricycle sa isla – Malay Acting Mayor Bautista

Posted September 22, 2020

Inna Carol L. Zambrona, NEWS DEPARTMENT

Total phase out na ang operasyon ng mga natitirang tricycle na nag ooperate sa isla ng Boracay simula Oktubre 1, 2020.

Ito ang kinumpirma ni Malay Acting Mayor Fr
olibar Bautista, sa panayam sa kanya ng himpilang ito.

Nagpaalala ito sa mga tricycle driver/operators na wala ng extension at hanggang katapusan na lang ng Setyembre phase out na ang lahat ng operasyon ng tricycle sa isla.

Iginiit nito na full implementation na ang etrike program sa buwan ng Oktubre.

Kung matatandaan dapat katapusan pa sana ng Desyembre 2019 ang impelentasyon ng etrike program subalit dahil sa bagyo at sa kinakaharap na COVID-19 pandemic ng bansa ngayong taon ay ipinagpaliban muna ito ng bayan ng Malay

Samantala, sa naging panayam kay Cesar Oczon, Senior Malay Transportation Regulation Officer MTRO, sa 538  na may tricycle franchise sa isla ng Boracay nasa 454 na dito ang naka apply ng aplikasyon at mahigit kumulang 84 na lang ang hindi pa nakakapag proseso ng aplikasyon para sa etrike program.

 


Monday, June 08, 2020

Mag-asawa nasawi sa nangyaring banggan ng bus at tricycle kahapon


UPDATES: // June 8, 2020

Image may contain: one or more people, outdoor and nature
(CTTO)
Binawian ng buhay ang mag-asawang sakay ng tricycle sa nangyaring vehicular accident kahapon ng umaga sa Brgy. Union, Nabas, Aklan.

Kinilala ang mag-asawang biktima na sina Cesar Sadiasa, 54-anyos at Celia Sadiasa, 58-anyos at residente ng Tagaroroc, Nabas.

Nangyari ang aksidente ng nabangga ng Ceres Bus Liner na menamaneho Dionito Gumboc ang traysikel kung saan naipit ang driver sa driver seat at tumilapon naman ang kaniyang maybahay.

Sa panayam kay Police Staff Sergeant Melvin Alba ng Nabas PNP, 10:23 ng umaga umano sila nakatanggap ng tawag na may aksidente ng banggaan na nangyari sa lugar kung saan agad naman nila itong nirespondihan.

Mabilis na dinala ang mga biktima sa ospital sa tulong ng MDRRMO Malay subalit binawian ng buhay ang lalaki sa Motag Hospital sa bayan ng Malay habang ang misis nito ay binawian din ng buhay ng i-refer ito sa ibang ospital.

Na-inquest na ang driver ng Ceres Bus na boluntaryong sumuko at nakatakda itong sampahan ng kasong Reckless Imprudence Resulting to Multiple Homicide.

Thursday, March 12, 2020

Event Consultant nahulihan ng Marijuana sa buy-bust operation

Posted March 12, 2020
Inna Carol Zambrona, NEWS DEPARTMENT

Image may contain: plantBoracay Island - Tiklo ang isang event consultant matapos mabilhan at makuhanan ng labing limang plastic sachet ng marijuana sa ikinasang buy-bust operation ng mga otoridad pasado alas onse kagabi sa Station 2, Brgy. Balabag, Boracay.

Kinilala ang suspek na si Paul Bryan Bravo y Carreon, 37-anyos ng Quezon City at kasalukuyang nakatira sa  lugar.

Naaresto ang suspek matapos itong mabilhan ng 7 sachet ng tuyong dahon ng marijuana kapalit ng P 3, 500 na buy-bust money mula sa poseur buyer na pulis.

Samantala, sa isinagawa body search ng kapulisan nakuhaan pa umano ito ng karagdagang 8 sachet ng marijuana.

Naging matagumpay ang pag-aresto sa suspek sa pinagsamang pwersa ng Malay PNP, at PDEA Aklan.

Paglabag sa Section 5 at Section 11 of Article II Republic Act 9165 o (Comprehensive Dangerous Drugs Act of 2002) ang kahaharaping kaso ng suspek.

Pangulong duterte tuloy ang pagbisita sa isla sa kabila ng banta ng COVID 19


Posted March 11, 2020
Inna Carol Zambrona, NEWS DEPARTMENT

Image may contain: outdoorTuloy ang pagbisita ni Pangulong Rodrigo Duterte sa isla ng Boracay bukas March 12 sa kabila ng banta ng coronavirus desease o COVID-19.

Ito ang pahayag ni Maria Theresa Valencia, Provincial Agrarian Reform Officer II matapos ang ginawa nilang meeting bilang paghahanda sa pagpunta ng Pangulo sa isla.

Pangungunahan ng pangulo ang pagbibigay ng Certificate of Land Ownership Award o CLOA sa mga tumandok o Boracaynon.

Ayon kay Valencia, ang CLOA ay ipapamahagi sa tatlumpo’t isang agrarian reform beneficiaries sa Brgy. Manocmanoc, Boracay, Island.

Ang pagbisita umano ng pangulo sa isla ay isang regionwide activity kung saan nakatakda rin itong bumisita sa ibat-ibang probinsya sa rehiyon upang personal na ibigay ang Certificate of Land Ownershiop Award sa mga benepisyaryo.

Kung matatandaan ito na ang pangalawang beses na magbibigay ng CLOA ang pangulo sa Boracay.

Layun din ng pagbisita ni Duter na i-promote ang mga tourist destination sa ating bansa at matingnan ang sitwasyon ng Boracay matapos ang halos dalawang taon na rehabilitasyon.

Saturday, March 07, 2020

Pangulong Duterte nakatakdang pumunta sa isla, Certificate of Land Ownership Award ipapamahagi sa mga tumandok

Posted March 5, 2020
Inna Carol Zambrona, NEWS DEPARTMENT

Nakatakdang bumisita si Pangulong Rodrigo Duterte sa isla ng Boracay sa susunod na linggo, Marso 12.
Ito ang sinabi ni Tourism Secretary Bernadette Romula-Puyat sa isang media briefing kahapon.

Ani Puyat, ito ang unang beses na babalik ang pangulo matapos isara ang Boracay noong 2018.

Sa panayam naman kay Natividad Bernardino, General Manager ng Boracay Inter-Agency Rehabilitation Management Group BIARMG, sinabi nito na bukas ay magpupulong sila para pag-usapan ang pagdating ng pangulo.

Ani Bernardino, isa sa mga agenda ni Duterte ay ang pagbibigay ng second batch ng mga tatanggap ng Certificate of Land Ownership Award o CLOA sa wetland number 6 sa Sitio Tulubhan Manocmanoc.
Nasa tatlumpo hanggang tatlumpot-isa umano ang bibigyan ng titulo na mga tumandok ayon kay Bernardino.

Kung matatandaan, hindi muna pinaalis ang mga tumandok na Boracaynon sa naturang lugar hangga’t hindi naibibigay ang lupang para sa kanila maliban sa mga nangungupahan doon.

Nabatid na bago nito ay naibigay na ang unang batch ng CLOA sa 44 na mga katutubong Ati sa isla noong Nobyembre 2018.

Ang Boracay ang unang tourist destination na bibisitahin ng Pangulo kung saan layunin nitong mapuntahan lahat ng tourist spot sa bansa para i-promote.

Inaasahan din sa pagbisita ng pangulo ay aalamin din nito ang updates sa mga infrastructure projects ng DPWH at TIEZA lalo na ang drainage system.

Mga kukuha ng "Student Permit" sasailalim muna sa labing limang oras na Seminar

Posted March 3, 2020
Inna Carol Zambrona, NEWS DEPARTMENT

Sasailalim na sa mandatory 15-hours na seminar at driving course ang mga nais kumuha ng “student permit” sa Land Transportaion Office (LTO) simula buwan ng Abril.

Ito ang kinumpirma mismo ni Engr. Marlon Velez, Acting Chief ng LTO-Aklan.

Aniya, ang implementasyon ay kasunod ng Memorandum Circular 2019-2176 na inisyu noong December 2019.

Ang driving course ay hahatiin sa tatlong sesyon tulad ng Introduction to traffic laws, Land Transportation-Related Special Laws, at general driving.

Isasagawa ang seminar at driving course sa mga accredited driving course centers na iaanunsyo ng LTO Region-6.

Ang bagong patakaran na ito ng LTO ay upang maiwasan ang mga pasaway at hindi sumusunod sa batas trapiko.

Wednesday, March 04, 2020

Suspek sa pananaksak sa Boracay, sumuko sa Tibiao Antique

Posted March 4, 2020
Inna Carol Zambrona, NEWS DEPARTMENT

No photo description available.Sumuko sa Tibiao PNP sa Antique ang suspek na sumaksak-patay sa isang lalaki sa resto bar kahapon ng madaling araw sa Sitio Bolabog, Balabag, Boracay Island.

Kinilala ang suspek na si Jestler Silvano y Palacios, 24 anyos ng Brgy. Malabor, Tibiao, Antique.

Sa blotter entry ng Malay PNP, habang isinasagawa ng kapulisan  ang hot pursuit operation ay nakatanggap ang mga ito ng tawag alas-singko ng hapon ng Marso 3 na boluntaryong sumuko na ang suspek.

Si Silvano ay tumakas matapos masaksak ang biktimang si Jude Valen Castillo y Malijan, 24 anyos ng New Washington, Aklan habang nag-iinuman sa isang bar kasama ang kaibigan na si Mark Gerald Telic.
Sa record ng Malay PNP, nakatanggap sila ng tawag mula sa Ciriaco Hospital na may isinugod doon na biktima ng pagsaksak.

Lumalabas sa imbestigasyon ng mga pulis na habang nag-iinuman itong biktima kasama ang kaibigan at habang nasa kabilang mesa ang grupo ng suspek ay bigla umanong nagka-initan ang biktima at ang kasama ng suspek na si Henry Roberto.

Dahil sa naka-inom at armado ng kitchen knife si Silvano ay sinaksak nito  ang biktima na agad isinugod sa ospital na kalauna’y idineklara na binawian ng buhay ng doktor na sumuri.

Samantala, sa isinagawang follow-up investigation ng kapulisan, matapos umanong dalhin ni Telic ang biktima sa ospital ay hinanap nito ang mga suspek na sumaksak sa area at ng ma-tyempuahan nito malapit sa Ernest Place sa Bolabog ay hinampas nito ng kahoy ang mga suspek.
Kaugnay nito ay inaresto rin ng kapulisan si Mark Gerald Telic.

Sinundo naman ng Malay PNP ang suspek sa pananaksak na si Silvano sa Tibiao PNP para harapin ang kanyang kaso.

Monday, March 02, 2020

Ordinansa sa bayan ng Malay sundin upang walang problema—Acting Mayor Bautista

Posted March 2, 2020

Inna Carol Zambrona, NEWS DEPARTMENT

“Kung ano ang Ordinansa yun ang dapat sundin”

Image may contain: ocean, sky, outdoor and water
CTTO MTRO
Ito ang sinabi ni Acting Mayor Frolibar Bautista, may kaugnayan sa ilang mga pulis sa Malay PNP na hindi umano sumusunod sa batas trapiko.

Nabatid, nag-ugat ang usapin ng mismong  ng Malay Auxiliary Police o MAP ang humuli sa pulis na naka uniporme na hindi umano nakapag-renew ng permit to transport na dadalo sana sa joint flag ceremony sa Balabag.

Sa naging panayam kay Bautista, inabisuhan umano nito si PLTCOL Jonathan Pablito, Chief of Police ng Malay PNP na imbestigahan ang reklamong natanggap niya kaugnay sa ilang pulis na hindi sumusunod sa ordinansa ng transportasyon sa Malay.

Sinabi ni Bautista, maliban sa walang permit to transport ay may sumbong umano sa kanya na pinapasada pa ng mga habal-habal drivers ang motor ng ilang pulis.

Aniya, inorganisa na ang “bawal ang pasaway” sa isla kaya dapat sumunod ang lahat sa regulasyon upang walang maging problema.

Kahit miyembro ng MAP at mga nagtatrabaho sa gobyerno, kung hindi sumusunod sa mga ordinansang ipinatutupad ay dapat hulihin.

Sa hiwalay na panayam, ipinasiguro ni Malay Chief PLTCOL Jonathan Pablito na suportado niya ang “Bawal ang Pasaway” na programa ng alkalde at katunayan ay  pina-imbestigahan niya ang naturang akusasyon.

Samantala, ikinalungkot nito ang alegasyon na may naghahabal-habal na pulis.

Hiling nito na sana ay masunod ang tamang enforcement na MTRO (Municipal Transportation and Regulatory Office) at LTO Deputized Officer ang kasama tuwing may operasyon.

Magka-ganunpaman, ayon kay Acting Mayor Fromy Bautista ay maaaring magbigay ito ng siyam (9) na special permit to transport sa mga pulis para may magamit ang mga ito tuwing may responde at operasyon.

Wednesday, February 05, 2020

Boracay Business group pabor sa temporaryong pag-ban ng turistang Chinese

Posted February 5, 2020
Inna Carol Zambrona, NEWS DEPARTMENT

Image may contain: 1 person Pabor si Boracay Foundation Incorporated (BFI) Chairman Dionisio “Jony” Salme na pansamantalang i-ban muna ang turistang Chinese sa Boracay dahil sa Novel Coronavirus o 2019-nCoV.

Sa panayam kay Salme, kung ito ang nararapat ay sang-ayon ang kanilang grupo sa gagawing banning.

Dagdag pa nito, ang hakbang  makakatulong para masiguro na maprotektahan ang publiko at mga turistang nagbabakasyon laban sa naturang sakit.

Aniya, batid niya na malaki ang epekto ng nCov sa bansa lalo na sa ibang tourist destination kabilang na ang Boracay lalo at bumaba ang tourist arrival sa mga nakalipas na araw.

May mga nagsara na rin aniya na mga establisyemento dahil wala masyadong bisita.

Ayon pa kay Salme, nasa employer parin ang desisyon at katunayan aniya ay nakipagpulong na sila sa Department of Labor and Employment para sa mga gagawing hakbang patungkol sa mga empleyado.

Samantala, payo nito sa publiko, makinig ng balita patungkol sa naturang sakit para malaman kung ano ang mga dapat gawin at sundin ang precautionary measure na ibinibigay ng DOH.

Sa naging panayam kay Malay Acting-Mayor Frolibar Bautista, sinabi nito na temporaryo paring naka-ban ang pagtanggap ng mga turistang galing sa bansang China, Hong Kong at Macau na may kaso ng nCoV matapos itong ipinatupad ni Pangulong Duterte.

Malay wala pang kaso ng nCoV -LGU Malay

Posted February 5, 2020
Teresa Iguid, NEWS DEPARTMENT

Image may contain: textWala pang kompirmadong kaso ng Novel Coronavirus (2019 NCov) sa bayan ng Malay.

Ito ang ibinahaging impormasyon ng LGU Malay sa inilabas nilang NcOV Bulletin ngayong araw.

Paglilinaw pa nila, wala ring PUI o Person Under Investigation sa Mainland Malay at isla ng Boracay.

Sa ngayon ay mayroon umanong 429 na Persons Under Monitoring o PUM dahil sa kanilang travel history mula China sa nakalipas na labing-apat (14) na araw.

Paliwanag pa ng LGU Malay, ang 2,000 Chinese maliban sa Wuhan ay arrival record na naitala ng Municipal Tourism Office mula January 25 hanggang February 3, 2020.

Taliwas ito sa lumabas na balita na ang 2,000 na Chinese umano ay nasa PUM o Persons Under Monitoring pa rin.

Anila, karamihan sa mga ito ay nakalabas na ng bansa at nasa 429 na lang ang imo-monitor.

Samantala, nakapagbuo na ang Lokal na Pamahalan ng Malay ng Inter-Agency Task Force Against the 2019 Novel Coronavirus at mas pinaigting ang Education and Information Campaign sa lahat ng sektor para maka-iwas sa naturang sakit.

WVRAA Meet sa Aklan kinansela dahil sa 2019-NCOV

Posted February 4, 2020
Inna Carol Zambrona, NEWS DEPARTMENT

No photo description available.
CTTO
Ire-reschedule nalang ang Western Visayas Regional Athletic Association Meet (WVRAAM 2020) na gaganapin sana sa Aklan dahil sa 2019 nCov.

Ito ang ikinumpirma sa panayam kay Rebecca Ibarreta, Education Program Supervisor in MAPEH at Athletic Manager in Sports ng DepEd-Aklan.

Aniya, ang pag postpone at pag re-schedule ng WVRAA Meet 2020 ay atas mismo ni DepEd Secretary Leonor Briones.

Magpupulong din aniya ang mga Schools Division Superentindent sa buong rehiyon para mapag-usapan ang final schedule ng WVRAA 2020.

Samantala, maliban sa WVRAA ay pansamantala ring pinostpone ang iba pang regional events kasama na ang Palarong Pambansa.

Ang inisyatibo ay para masiguro na ligtas at hindi ma-expose sa pampublikong lugar ang mga estudyante, atleta, coaches, guro at mga magulang lalo’t may kaso na ng 2019-nCoV sa bansa.

Tuesday, January 14, 2020

Bayan ng Malay nakatanggap ng isang Milyon mula sa PCSO


Posted January 13, 2020
Inna Carol Zambrona, NEWS DEPARTMENT

Image may contain: 3 people, people standing
CTTO
Nakatanggap ng isang milyon ang bayan ng Malay mula sa Philippine Charity Sweepstakes Office o PCSO.

Ito ay kinumpirma ni Municipal Treasurer Dediosa Dioso na siyang tumanggap ng naturang donasyon.

Ayon kay Dioso, nitong Huwebes, Enero 9 ay personal niyang tinanggap sa Capiz Statium Roxas City mula sa representante ng PCSO mula Maynila.

Maliban sa bayan ng Malay, tumanggap din ang Probinsya ng Capiz na ng dalawang milyon gayundin ang Probinsya ng Iloilo.

Ayon kay Dioso, ang donasyon ay ipinagkaloob dahil sa pagdeklara ng Malay ng State of Calamity dahil sa epektong dulot ng bagyong Ursula noong araw ng pasko.

Food packs, at para sa medical assistance ilalaan ang naturang pera para sa mga residenteng apektado ng bagyo.

Kaugnay nito, magpupulong pa ang opisina ng MDRRMC para i-identify kung sino ang mga dapat pagkalooban ng tulong.

Kalibo International Airport at Caticlan Airport kanselado ang byahe ng eroplano dahil sa Taal Eruption


Posted January 13, 2020
Inna Carol Zambrona, NEWS DEPARTMENT

Image may contain: text
CTTO
Pansamantalang kinansela ng Kalibo International Airport at Caticlan Airport ang scheduled flights ng mga eroplano ngayong araw.

Ayon sa Civil Aviation Authority of the Philippines CAAP, napagkasunduan nila ng mga airline companies na pansamatala muna nilang ikansela ang operasyon dulot ng pagsabog ng Bulkang Taal kahapon.

Partikular dito ang lahat ng domestic flights maliban sa international flights sa Kalibo International Airport.

Sa Caticlan Airport kanselado rin ang byahe ng Air Asia, Cebu Pacific, Cebgo at Philippine Airlines.

Inabisuhan naman ang mga pasahero na makipag ugnayan sa kanilang binilhan ng ticket na pwede nilang i-rebook ang kanilang ticket hanggang tatlumpong-araw.

Samantala, wala pa umanong schedule kung kailan magre-resume habang hindi pa tiyak ang sitwasyon sa paliparan sa Maynila dahil sa ashfall.

Mag-ina arestado sa buybust operation


January 12, 2020
Inna Carol Zambrona, NEWS DEPARTMENT

No photo description available.
CTTO
Boracay Island- Arestado ang mag-ina sa ikinasang buy bust operasyon ng kapulisan sa Sitio Cagban, Brgy. Manocmanoc, Boracay kahapon ng umaga.

Ang mag-inang suspek ay sina Mary Jane Morales y Abalayan, 44 anyos, at ang anak na nitong si Shaila Morales y Abalayan, 18 anyos, tubong Panay, Capiz at pansamantalang nakatira sa naturang lugar.

Matagumpay ang ginawang operasyon sa pinagsamang pwersa ng Malay PNP, at 2nd Aklan PMFC matapos mabilhan ng isang sachet ang inang si Mary Jane kapalit ng P 700.00 na buy bust money.

Sa isigawang body search ng kapulisan nakuha pa sa posisyon nito ang anim na sachet ng ipinagbabawal na droga.

Nadamay sa isinagawang operasyong ang anak nitong dalaga kung saan nakuhanan ng sampung shachet ng suspected shabu ng hinalukay ang sling bag nito.

Ang mag-inang suspek at mga nakuhang pinaghihinalaang droga ay dadaan pa sa Regional Crime Laboratory Office VI para sa laboratoty examination.

Nahaharap sa kasong paglabag sa Sec 5 at Sec 11 Of Rep. Act 9165 o ( Comprehensive Dangerous Drugs Act of 2002) ang mag-ina.

Inter- agency pinahinto ang koleksyon sa pontoon sa front beach


January 10, 2020

No photo description available.Pinapahinto ngayon ng Boracay Inter-Agency Rehabilitation Management Group ang paniningil sa mga turista na dumadaan sa pontoon na inilatag sa front beach ng Boracay.

Sa sulat ni BIARMG General Manager Natividad Bernardino kay Malay Acting-Mayor Fromy Bautista, ang collection fee sa mga pontoon ay subject for approval pa ng Boracay Inter-Agency.

Ito umano ay pinag-usapan na nila noong nakaraang meeting nila kasama ang LGU Malay November 26, 2019.

Napag-alaman kasi na nag-issue ng Executive Order No. 51 si Bautista na may petsang December 5, 2019, para i-implementa ang P 30.00 fee bawat indibidwal sa pag gamit ng pontoon.

Subalit ayon sa Inter-Agency, nakatanggap di-umano ang kanilang opisina ng mga mga reklamo at hindi pag-sangayon sa sistema ng pangungolekta.

Ang usapin na ito ay tinalakay din sa Sangguniang Bayan kahapon.

Balak namang i-suspend ni Bautista ang paniningil ng matanong hinggil sa isyu ng pontoon.

Basura nahakot dahil sa bayanihan, mga empleyado ng ECOS na hindi pumasok rason ng pagka-antal


Posted Janurary 6, 2020

Unti-unti ng nahakot ang mga basurang tumambak sa iba’t-ibang bahagi ng Boracay dahil sa bayanihan ng mga residente at stakeholders.

Halos isang linggo din kasi matapos manalasa ang bagyong si Ursula ay tumambad ang mga debris mula sa mga nasirang bahay at basura mula sa mga establisyemento na hindi kaagad nahakot ng ECOS.

Ayon sa pamunuan ng ECOS Sanitary Landfill and Waste Management Corporation, hindi pumasok o nag-AWOL ang kanilang mga driver at pahinante simula Disyembrer 30 dahil hindi kaagad naibigay ang 13th –month pay ng mga ito.

Hindi raw ito kaagad naibigay sa mga empleyado dahil hindi pa umano sila nabayaran ng LGU-Malay ng utang na humigit kumulang P 100M.

Paglilinaw ng ECOS, nagawan na ito ng paraan at ibibigay naman nila ang 13th month pay ng mga nagrereklamong empleyado.

Sa ngayon ay may mga bago raw silang driver at patuloy ang kanilang paghahakot ng basura na pansamantalang itinambak sa Manocmanoc MRF at itatawid kapag bumuti na ang lagay ng dagat.

Samantala, nag-bayanihan ang karamihan lalo na ang mga taga-barangay, mga NGO, stakeholders, at hauling operators para mabilis na mahakot ang natitirang basura lalo na sa beachline ng Boracay.