YES THE BEST 911 BORACAY

Thursday, March 01, 2012

Pamahalaang probinsiya umaasa na maaawa ang BFI

Ni Edzel Mainit, Senior Field Reporter, YES FM Boracay

Naniniwala si Aklan Governor Carlito Marquez na maaawa na rin ang Boracay Foundation Incorporated (BFI) sa pamahalaang probinsiya para sa proyekto ngayon na-indurso na ng Sangguniang Bayan ng Malay ang 2.6 ektarya na reklamasyon sa Caticlan.

Kasabay nito, umaasa si Marquez na makukumbinsi din ng konseho ang BFI na bawiin ang kasong naisampa nila laban sa probinsiya.

Lalo pa at magkakaibigan naman umano sa totoo lang ang mga stakeholders na ito, ang pamahalaang lokal ng Malay at maging ang pamahalaang probinsiya kaya kampanti ito sa makikibahagi din ng kanilang pagsuporta sa proyekto ang BFI.

Inamin din ng gobernador na sa ngayon ay hindi pa nila nagawang umapela sa grupo ng mga negosyanteng ito sa Boracay.

Ngunit sa oras na mapasakamay na umano nila ang pag-endorsong ibinigay ng SB ay doon na rin nila isusunod ang balak nilang pag-apela sa BFI na bawiin na rin ang kaso.

Magugunitang una nang inihayag ni BFI President Dionesio Salme at Board of Trustee Member ng BFI na si Loubell Cann na wala pa sa plano nila ang pag-bawi sa kaso dahil ang bagay na ito ay napakahirap na desisyunan at ang kaso ay naisampa na. 

Governor Marquez, natuwa sa desisyon ng SB Malay

Ni Edzel Mainit, Senior Field Reporter, YES FM Boracay

Labis-labis ang pasasalamat ngayon ni Aklan Governor Carlito Marquez sa Sangguniang Bayan ng Malay, dahil sa binigyan na rin ng konseho ng pag-endorso ang proyektong 2.6 hectar na reklamasyon sa Caticlan.

Aniya, malaking tulong ang resulosyon ng pag-endorsong ito ng SB para maka-usad na rin ang nakabinbin na proyekto, lalo at problema talaga ang masikip na rea ng Caticlan Jetty Port, gayong lumulubo na rin bilang ng turista sa Boracay kung saan ang nasabing pag-endorso ay napakagandang balita umano sa bahagi ng pamahalaang probinsiya.

Bunsod nito, umaasa si Marquez na mas mapapabilis na ngayon ang pagdisisyon ng Supreme Court para bawiin ang Temporary Environmental Protection Order (TEPO) laban sa proyekto.

Samantala, dahil sa ginawang pag-endorso na ito ng SB Malay sa 2.6 hectares na reklamasyon sa Caticlan.

Naniniwala naman ang gobernador na pinasaya ng Konseho ang mga negosyante sa Boracay dahil malamang ay ikinatutuwa aniya ito ng mga stakeholder sa para mabigyan na rin ng maayos na serbisyo at pasilidad ang mga turista. 

Fire Prevention Month sa Malay, pinaghandaan ng BFP

Ni Edzel Mainit, Senior Field Reporter, YES FM Boracay

Buong buwang kampaniya ang ikinasa ngayon ng Bureau Fire Protection Boracay para sa mamamayan ng Malay at isla upang makaiwas sa sunog kasabay ng Fire Prevention Month ngayong buwan ng Marso.

Ayon kay Inspector Joseph Cadag ng BFP-Boracay, buong bayan ng Malay ang iikutin nila para bigyang paalala at ipabatid sa publiko kung papano makakaiwas sa sunog.

Inaasahang magkakaroon din umano school campaign, Poster at Slogan Contest sa mga paarang sakop ng bayang ito at magiging tampok ang temang: “Makiisa, maki-alam at makipagtulungan upang sunog ay maiwasan”.

Maliban dito, mamimigay din ng fire extinguisher para sa tatlong tanggapan ng Barangay  sa Boracay, ang Balabag, Yapak at Manoc-manoc ang BFP.

Gayon din, magkakaroon aniya ng blood letting activity, at pagsasanay sa kuminidad para sa turuan sa pagsugpo ng sunog sa iba’t ibang Barangay ng Malay.

Samantala, naki-isa naman ang Boracay Island Water Compamy sa kampaniyang ito ng BFP.

Katunayan ngayon umaga ay pormal na ibibigay na sa mga bumbero sa isla ang Fire Hydrant na proyekto ng BIWC upang makatulong sa mga ito sa pagsugpo ng sunog. 

Building Officials ng Malay, pinaghihigpit

Ni Edzel Mainit, Senior Field Reporter, YES FM Boracay

Paghihigpit ng mga Building Officials ng lokal na pamahalaan ng Malay ang hiling ngayon ni Sangguniang Bayan Member Jupiter Gallenero.

Sa isinagawang sesyon ng SB Malay noong Martes, ipinaabot nito ang kaniyang obserbasyon kaugnay sa di umano ay mayroong estalishemento papuntang ng Mt. Luho na patuloy ang pag-gawa ng konstraksiyon.

Pero napag-alam umano mula sa Zoning Officer ng Malay ng kina-usap nito, na walang kaukulang dokumento at Building Permit ang gusaling tinutukoy nila.

Bunsod nito, hiling ng konsehal na sana ay matuto nang maghigpit ang mga Building Officials, at hindi lamang sa main road o sa lugar na matao ang i-monitor ng mga ito, kundi pati din sa likod na bahagi ng isla.

Samantala, ayon naman kay Presiding Officer SB Member Esel Flores, dahil nakausap na naman niya ito ay sana di umano ay tinanong na rin ni Gallenero sa Zoning Officer kung ano ang ginawang aksiyon ng mga Building Officials ng Malay ukol dito gayon alam na nila ang sitwasyon. 

Karagdagang demand ng SB sa probinsiya sa pag-e-endorso ng reklamasyon, sinopla

Ni Edzel Mainit, Senior Field Reporter, YES FM Boracay

Ayaw na muna ngayon ni Sangguniang Bayan Member at Presiding Officer Esel Flores na dagdag pa ang limang demand ng konseho sa pamahalaang probinsiya kapalit ng ibibigay nilang pag-endorso sa kontrobersiyal na proyektong 2.6 hectar na reklamasyon sa Caticlan.

Ito ay makaraang hiling ni SB Member Wilbec Gelito na kung maaari ay isama sa resulosyon ng pag-indurso nila, na kung pwede mula sa  12.5% na share ng LGU sa terminal fee sa Jetty Port ay gawin na lamang itong 15%.

Pero, inalmahan ito ni Flores, sapagkat ang limang unang demand umano nila ay sinang-ayunan na ng Gobernador, lalo at hindi aniya nailatag at napag-usapan ang hiling na ito ni Gelito noong nagsagawa ng Committee Meeting, kaya mahihirapan sila kung isisingit pa ito.

Bunsod nito, ayon kay Flores, ay babawi na lamang sila, at ipaabot sa pamahalaang probinsiya ang kanilang ibang kahilingan kapag pormal nang na-organisa ang Caticlan Jetty Port Management Board, na siyang isa din sa demmand ng konseho sa gobernador upang i-endorso ang proyekto. 

Sunday, February 26, 2012

Mga bangkay na biktima ng masaker sa Bulwang, Numancia, isinailalim sa post mortem

Ni Edzel Mainit, Senior Field Reporter, YES FM Boracay

Kahapon ng hapon ay isinailalim sa post mortem examination ang limang bangkay na biktima ng masaker sa Barangay Bulwang, Numancia na ganap kahapon ng umaga.

Ang mga biktima ay pinagtataga at pinalakol sa ulo at iba pang bahagi ng katawan ng suspek na kinilalang si Errol Rivas Roldan, na kamag-anak din ng mga biktima.

Ito ay makaraang pasukin nito ang dalawang pamamahay kung saan natutulog ang mga biktima na si Anunsacion Rivas, 98-anyos at asawa nitong si Luciano Rivas 94-anyos, Salvacion Rivas 84-anyos, Baltazar Rivas 51-anyos, at Fely Rivas.

Samantala, maliban sa sa limang biktima na idineklarang dead on the spot, patuloy namang ginagamot sa pagamutan sa bayan ng Kalibo ang isa pang biktima na kinilalang si Rosa Baltazar.

Sa impormasyon mula sa Numancia Police, hindi man lang napansin ng mga residente sa loob ng compound ng mga Rivas ang mismong pagpatay sa mga biktima sapagkat nangyari ito habang natutulog pa ang karamihan doon kung kaya hindi agad ito napigilan.

Sa kasalukuyan ay hawak na rin ng pulisya makaraang bulontaryo namang sumuko ang suspek, na di umano ay nakakaranas ng depresyon, matapos itong iwan ng kanyang asawa dala ang kanilang mga anak. 

Clean up drive para sa “Mangroves for Boracay”, ikinasa na

Ni Edzel Mainit, Senior Field Reporter, YES FM Boracay

Bago taniman ng mangroves ay kailangang lilinisin muna ang lugar.

Ito ang layunin ng pamahalaang lokal ng Malay sa tulong ng Department of Environment Natural Resources (DENR) sa pagkakasa ng Grand Clean Up drive sa darating na Sabado, a-tres ng Marso sa Sitio Lugutan at Area ng Tulubhan Barangay Manoc-manoc.

Ito ay kasunod sa naka plano nang programa ng LGU at DENR na “Magroves for Boracay”.

Kung saan bago pa man simulan ang pagtatanim sa lugar na na-identify ng DENR ay nakatakda nang linisin ang area na ito bilang paghahanda.

Napag-alaman na lalahok sa Clean-up drive na ito ay mga empleyado ng LGU, mga estudyante ng Manoc-manoc, mga stakeholders at non-government organization o NGOs sa isla.

Samantala nagpahayag naman ng tulog at suporta sa programang ito ang Tan Yenkee Foundation.

Magugunitang, una nang inihayay ng bagong Community Environment and Natural Resources Office o CENRO Officer ng Boracay na si Mersa Samillano, na may mga pag-uusap na sila ng alkalde ukol sa balak na palaguin ang eco-tourism sa Boracay.

BIR, nagpa-alala sa mga establisimiyentong hindi nagbibigay ng resibo

Ni Edzel Mainit, Senior Field Reporter, YES FM Boracay

Marami pang establisimiyento sa Boracay ang hindi nagbibigay ng opisyal na resibo sa mga kostumers, kaya nagpa-alala ang Bureau of Internal Revenue o BIR sa ilang stakeholders na ugaliin ang pagbibigay ng resibo.

Ito ay sa kabila ng matagal na aniyang apela ng kawanihan, partikular na ni Ricardo Osorio, direktor ng BIR-Kalibo, kaugnay sa ilang obserbasyon nito sa Boracay.

Ito ay sa kabila ng pag-abot at pag-lampas umano ng BIR ang target collection nitong nagdaang taon ng 2011 at nagmumula sa isla ang malaking bahagi ng tax collection ay nakikita pa rin umano nila na hindi sumusunod dito ang ilang establisimiyento.

Dahil dito ay ganoon na lang din ang paalala nito at baka umano mga empleyado na pala ng Department of Finance ang kostumer ng mga establisimiyento at maaktuhan pa sila sa ganitong gawain.

Dahil dito, puspusan ang paalalang ginagawa ngayon ng BIR para sa mga tax payer at mga negosyante sa Boracay, kasabay hiling na magdeklara ng tamang kita.

Samantala, hinimok naman ngayon ni Osorio ang publiko na makiisa sa katulad na kumpaniya ng BIR at sa oras na hindi umano makakatanggap ng resbo sa mga transaksiyon ay maaari ipaabot ang reklamo sa BIR.

Montenegro Fast Craft, ini-imbestigahan ng Marina

Ni Edzel Mainit, Senior Field Reporter, YES FM Boracay

Nasa kamay na ng Marina ang pag-iimbestiga sa Montenegro Fast Craft kaugnay sa pangyayari noong nagdaang ika dalawangput lima ng Disyembre sa Caticlan Jetty Port.

Ito ay matapos ma-stranded ang mga pasahero, partikular na ang mga turista mula sa ibang lugar at ibang bansa, dahil sa hindi nakasakay sa bangka patawid ng Boracay.

Nakaabot din sa Sangguniang Panlalawigan ng Aklan ang pangyayaring ito.

Dahil dito ay ipinatawag sa sesyon ng SP-Aklan nitong Miyerkules ang pamunuan ng Caticlan Jetty Port, representante ng Montnegro Fast Craft, kooperatiba ng mga bangka, gayon din ang Coast Guard para maipaliwanag kung ano talaga ang nangyari.

Ngunit ayon kay Odon Bandiola, kalihim ng SP Aklan, hindi umano sumipot ang representante ng Fast Craft.

Napag-alam umano ng SP na pinuntahan ng Coast Guard ang Montenegro para ipahatid sana ang mga pasahero bandang alas-10 ng gabi patawid ng Boracay.

Subalit tumanggi ang pamunuan ng fast craft, kaya doon na lamang nagpalipas ng gabi ang mga pasahero sa terminal ng Jetty Port, bagay na ikina-dismaya ng mga opisyal ng probinsiya.

Lalo pang na-dismaya ang mga opisyal nang nabatid ng SP na hanggang hating gabi pala ang Certificate of Public Convince (CPC) na ibingay sa fast craft kaya maaaring makapaglayag ang mga ito kung nanaisin sana nila, lalo na at hindi naman umano masama ang panahon. 

Sa kabilang banda, sa paliwanag naman ng kooperatiba naman ng bangka, napag-alamang nasira umano ang dalawang bangkang pang 24-oras na naglalayag sa mga panahon na iyon kaya hindi rin sila naka-biyahe.

Hindi din umano naayos ang kanilang bangka hanggang Disyembre 26.

Sa panig naman ng SP, hindi maganda ang nasabing pangyayari para sa turismo ng Boracay ,dahil sa ibinibenta ang isla sa mga turista ngunit hindi man lang makapag-bigay ng magandang serbisyo pagdating sa transportasyon.

Dahil dito, nasa Marina na ngayon ang awtoridad sa pag-iimestiga gayon din kung ano ang aksiyong gagawin nila laban sa kompaniya ng fast craft.