Saturday, April 23, 2016

Comelec Aklan, nag-paalala para sa liquor ban ngayong eleksyon

Posted April 23, 2016
Ni Jay-ar M. Arante, YES FM Boracay

Image result for liquor banNag-paalala ngayon ang Commission on Elections (Comelec) Aklan kaugnay sa ipapatupad na liquor ban dalawang linggo bago mag-halalan sa Mayo.

Ayon kay Chrispin Raymund Gerardo, information officer ng Commission on Elections (Comelec) Aklan at ngayon ay Malay Comelec Officer II, dapat sundin ng mga bar sa isla ng Boracay ang umiiral na resolusyon para rito gayon din sa buong Aklan.

Ito umano ay batay sa Resolution No. 10095 na may lagda ng lahat ng myembro ng Commission En Banc alinsunod sa Omnibus Election Code.

Dito ipinagbabawal umano nila ang ang pagbibinta at pag-alok ng nakakalasing na inumin kung saan base sa nasabing resolusyon ay magsisimula ito sa Mayo 8 o bisperas ng eleksyon na magtatagal naman hanggang sa araw ng halalan Mayo 9 sa buong Pilipinas.

Nabatid na ang lalabag sa liquor ban ay mapapatawan ng isa hanggang anim na taong pagkabilanggo at maaari ding mapatawan ng disqualification sa paghawak ng posisyon sa gobyerno o kunan ng karapatang makaboto.

Pili-Malay Political Forum ngayong araw, handang-handa na

Posted April 23, 2016
Ni Jay-ar M. Arante, YES FM Boracay

Handang-handa na ang isasagawang PILI-Malay Political Forum 2016 mamayang alas-4 ng hapon sa Balabag Plaza isla ng Boracay.

Ito ay sa pangunguna ng KBP, Yes Fm Boracay at ng PCTV katuwang ang Comelec-Malay, PPCRV, PCCI-Boracay, BFI at ang Hennan Group of Resorts.

Dito mag-haharap sa nasabing forum o debate ang mga kandidato para sa pagka-mayor at vice-mayor ng bayan ng Malay.

Nabatid na layun ng programang ito na mas lalo pang makilala ng mga botante ang mga nag-nanais na maglingkod sa nasabing bayan at ang karapat-dapat na mahalal sa gobyerno.

Samantala, inaasahan naman na aabot sa isang libong mga supporters ng dalawang partido ang sasaksi sa nasabing forum na kauna-unahang ginawa sa bayan ng Malay para sa nalalapit na halalan ngayong Mayo 9, 2016.

Security guard, ini-reklamo matapos pasukin ang isang babae sa loob ng kwarto

Posted April 23, 2016
Ni Inna Carol L. Zambrona, YES FM Boracay

Image result for blotterReklamo ang inabot ng isang security guard matapos niyang pasukin sa loob ng kwarto ang isang babaeng ng walang paalam sa Station 2 Brgy. Bulabog, Boracay kaninang madaling araw.

Ayon sa report ng Boracay PNP, papasok na umano ang nag-rereklamong si certain “My” sa kanyang kwarto para sana magpahinga galing sa inuman ng bigla siyang itext ng security guard ng apartment, kung saan siya nanunuluyan na kung pwedi ay makikitulog umano ito sa kanya.

Ngunit dahil naman sa takot ng biktima ay nagtago ito sa banyo ng kwarto pero, laking gulat naman nito sa kanyang paglabas na naka-pasok na umano ang sekyu sa loob ng wala manlang sira ang lock ng pintuan.

Sa kabila nito wala naman umanong ginawa sa kanyan ang naturang guard ngunit dahil sa takot ay minabuti niya itong ireklamo sa Boracay PNP para sa kanyang seguridad.

Friday, April 22, 2016

Fire Station sa Mainland Malay planong itayo sa Caticlan

Posted April 22, 2016
Ni Inna Carol L. Zambrona, YES FM Boracay

Image result for fire stationPina-planuhan na ngayon ang pagpapatayo ng Fire Station sa bayan ng Malay.

Itoy dahil sa pag-pursige at makikipag-tulungan sa mga lokal na ahensya ng Malay para ma-aprobahan ang pagpapatayo ng nasabing Fire station.

Ayon kay Head Officer Marlo Schonenberger ng Municipal Disaster Risk Reduction Management Office (MDRRMO) Malay, malaki umanong tulong sa kanila na ma-aprubahan na  ang ipapatayong Fire station kung saan ang napili umano nilang pagtatayuan nito ay sa Caticlan proper.

Sakaling maipatupad ang naturang proyekto ay sinasabing ang Department of Interior and Local Government (DILG) Malay ang magbibigay ng pondo para sa construction nito.

Grupo ng mga Aeta at Badjao Mendicants sa Boracay na-rescue

Posted April 22, 2016
Ni Jay-ar M. Arante, YES FM Boracay

Boracay PNP photos
Isa na namang grupo ng mga Aeta at Badjao Mendicants o namamalimos ang na-rescue ng mga otoridad sa mainroad ng isla ng Boracay kahapon.

Ito ay sa pinag-samang pwersa ng Boracay PNP, Municipal Auxiliary Police, Tourism Regulatory Enforcement Unit at Barangay Tanod ng Manocmanoc sa pangunguna ng MSWDO-Boracay at ni PINSP Jinky Lou Ramos, Chief of Women and Children Protection Desk.

Na-rescue ang mga Aeta at Badjao sa nasabing operasyon sa area ng Talipapa Bukid kung saan nakahilira ang mga ito sa gilid ng daan para mag-binta ng kung ano-anong klaseng gamot na sila mismo ang gumagawa kasabay ng pamamalimos.

Ayon naman kay Senior Police Officer I Christopher Mendoza ng BTAC Police Community Relations, nanggaling pa umano ang mga nasabing Badjao sa Zamboanga habang ang mga Ati naman ay sa Kalibo.

Samantala, agad rin umano nilang itinawid sa isla at itinurn-over sa Municipal Social Welfare and Development Office (MSWDO)-Malay ang mga na-rescue.

Dating book keeper, inireklamo ng pagnanakaw ng isang German national

Posted April 22, 2016
Ni Inna Carol L. Zambrona, YES FM Boracay

Image result for theftInireklamo sa mga pulis ng isang German national at may-ari ng isang resort sa Boracay ang kanyang dating book keeper ng pagnanakaw.

Ito’y matapos napag-alaman na hindi umano naibayad ng suspek na si certain “joy” ang pera para sana sa BIR simula 2015 hanggang 2016 na nag-kakahalaga ng mahigit P6, 000.

Ayon sa nag-rereklamong si Ludwig Borchers 64-anyos, wala umanong maibigay sa kanyang resibo ang suspek matapos niya itong kunin sa kanya.

Sa kabila nito hindi na rin mahagilap ng nag-rereklamo ang nasabing suspek simula ng umalis ito noong Enero 2016 dahilan para ireklamo na niya ito sa mga pulis.

Disc Jockey, kulong matapos manggulo sa loob ng isang bar

Posted April 22, 2016
Ni Inna Carol L. Zambrona, YES FM Boracay

Image result for kulongArestado ang isang Disk Jockey o DJ matapos ireklamo ng panggugulo sa loob ng isang bar sa Station 2 Brgy. Balabag, Boracay kaninang madaling araw.

Ayon sa blotter report ng Boracay PNP, naka-inom umano ang suspek na si certain “Ong” ng manggulo ito sa loob ng bar kung saan nagbigay ito ng takot sa ibang mga bisita.

Agad naman itong inawat ng dalawang bouncer na sina Jeabon Gonzales 26-anyos at Philip Tambong 30-anyos ngunit ikinagalit umano ito ng suspek kung saan tinulak niya ang dalawa at hinamon ng away.

Samantala, sa pag-respondi naman ng mga pulis sa lugar ay nahuli ang suspek at ngayon ay pansamantalang naka-kustudiya sa Boracay PNP dahil sa nasabing insidente. 

Boracay PNP, nakiisa sa simultaneous Earthquake Drill

Posted April 22, 2016
Ni Jay-ar M. Arante, YES FM Boracay      

Image by Boracay PNP
Nakiisa ang Boracay PNP sa taunang Simultaneous Earthquake Drill kahapon araw ng Huwebes bilang paghahanda sakaling magkaroon ng lindol.

Ito ay pinamunuan ni PINS. Jose Mark Anthony Gesulga, Deputy Chief ng Boracay Tourist Assistance Center (BTAC).

Dito sumailalim ang mga pulis sa drill ng Alarm, Response, Evacuate, Headcount, at Evaluate format na pangkaraniwang bahagi ng isang earthquake drill.

Nag-simula din ito sa isang minutong putul-putol na tunog ng sirena na sumisimbolo sa lindol kung saan ginawa nila ang pagsunod sa “Duck, Cover, at Hold” routine habang tumutunog ang sirena na susundan ng paglabas sa gusali.

Ang Simultaneous Earthquake Drill na ito ay inorganisa ng National Disaster Risk Reduction and Management Council (NDRRMC), kung saan layon nito na maihanda ang mga Pilipino sa lindol dahil sa ang Pilipinas ay matatagpuan sa Pacific Ring of Fire na nag-reresulta ng kadalasang paggalaw ng mga lupa at ang pagiging aktibo ang mga bulkan.

Thursday, April 21, 2016

Bayan ng Malay, itinanghal na kampeon sa ginanap na Rescuelympic 2016

Posted April 21, 2016
Ni Inna Carol L. Zambrona, YES FM Boracay

Photo Credit: Mar Schonenberger
Muli na namang tinanghal na kampeon ang Municipal Disaster Risk Reduction Management Council (MDDROMO) ng bayan ng Malay sa isinagawang Rescuelympics ng Governors Cup 2016 sa Calangcang Sports Complex kahapon.

Ayon kay Local Disaster Risk Management Council Officer 4 o ( LDRMCO) Head Galo Ibardolasa, karapat-dapat naman umanong manalo ang MDRRMO Malay dahil sa kanilang ipinakitang galing sa nasabing patimpalak.

Maliban sa pagiging kampeon hinakot pa nila ang siyam na award laban sa labing isang bayan na sumali dito kung saan nanalo sila bilang Best in first aid scenario, Best in Fire Fighting, Best in Uniform, Best in safety analysis, Best in water search and rescue, Best in Most discipline, Best in Multiple Casualty Scenario, Best Swimmer at Best in admin for the first to third class Municipality.

Samantala, itinanghal naman bilang 1st Runner up ang bayan ng Kalibo habang 2nd runner up naman ang MDRRMO sa bayan Batan.

Nabatid na tatlong sunod na taon ng nananalo ang MDDRMO ng Malay simula noong 2014, 2015 at ngayong 2016.

Panibagong kumpanya ng E-trike nais pasukin ang operasyon sa Boracay

Posted April 21, 2016
Ni Jay-ar M. Arante, YES FM Boracay

Dahil sa sinasabing pag-phase out ng mga tricycle unit sa isla ng Boracay ay isa na namang kumpanya ng e-trike o electric tricycle ang gustong pasukin ang operasyon sa isla.


Ito’y makaraang magkaroon sila ng presentasyon ng kanilang kumpanya at ng kanilang produkto sa ginanap na SB Session ng Malay nitong Martes.

Ang Prozza Hirose Manufacturing Inc. ay ilan lamang sa mga kumpanya ng e-trike na gustong mag-operate sa isla ng Boracay.

Base sa presentasyon ng nasabing kumpanya, nagkakaroon sila ngayon ng operasyon sa Cebu City kung saan may malaking pagkaka-iba ito kumpara sa mga e-trike ngayon sa Boracay.

Nabatid na kung sakaling papayagan ng konseho ang kanilang hiling ay gagawa sila ng sariling specification para lamang sa Boracay base na rin sa inilabas na desisinyo at sukat ng LGU Malay.

Maliban dito ang Prozza Hirose,  umano ay maglalagay ng isang charging station sa isla kasama na rito ang apat na swapping stations sa tatlong brgy. sa Boracay kung saan maaari namang magkarga ang nasabing sasakyan ng dalawang baterya bilang ang isa ay reserba.

Samantala, isasailalim muna ito sa committee hearing sa pangunguna ng committee on Transportation bago magkaroon ng desisyon ang konseho.

Duterte, matiyagang hinintay ng mga taga-suporta sa Boracay at Kalibo sa kabila ng ilang oras na delay

Posted April 21, 2016
Ni Jay-ar M. Arante, YES FM Boracay

Image by: Rody Duterte page
at Pastrana Park Kalibo, Aklan
Sa kabila ng halos ilang oras na pagka-delay ay matiyaga parin ang mga supporters ni Presidential candidate at Mayor Rodrigo Duterte sa pag-hihintay sa kanya sa isla ng Boracay at bayan ng Kalibo.

Bago ito sinasabing alas-12 ng tanghali darating si Duterte sa Boracay ngunit nagpalabas ng pahayag si Atty. Joseph Encabo, Team campaign ni Duterte na hindi na ito matutuloy sa isla dahil sa isang malaking meeting.

Image by Ms. D at Boracay Regency
Ngunit muling nagpalabas ng pahayag ang Executive Secretary ni Duterte na si Bong Go, kung saan sinabi nito na alas-2 ng hapon ay matutuloy ang pagdating ng Mayor sa isla ngunit inabot naman ito ng hanggang alas-4 ng hapon.

Mula sa Brgy. Yapak kung saan lumapag ang sinakyan nitong helicopter ay agad na dumirtso si Duterte sa Boracay Regency para dumalo sa isang convention sakay ng isang van kung saan hindi na nga natuloy ang motorcade nito dahil sa hinahabol na oras.

Matapos nito ay agad namang nagtungo si Duterte sa bayan ng Kalibo sakay ng kanyang helicopter kung saan sinasabing alas-9 na ng gabi nakarating ang Mayor at doon ay sinalubong siya ng libo-libong Aklanon supporters na ilang oras ng hintay sa kanya.

Samantala, sinasabing bago dumating sa Aklan ang Presidential candidate, ay nagsilabasan ang mga balita na magkakaroon ng assassination kay Duterte ngunit wala namang nagkumpirma tungkol dito.

Nabatid na umaga palang ay halos puno na ng mga supporters ang Balabag Plaza para sa pagdating ni Duterte gayon sa Pastra Park sa bayan ng Kalibo kung saan isinagawa ang concert/rally nito.

Wednesday, April 20, 2016

MHO nagpadala ng sulat sa SB Malay kaugnay sa sementeryo sa Balabag Boracay

Posted April 20, 2016
Ni Jay-ar M. Arante, YES FM Boracay

Nagpadala ng sulat sa Sangguniang Bayan ang Municipal Health Office (MHO) Malay sa pangunguna ni Dr. Adrian Salaver.

Ito ay kaugnay umano sa sementeryo sa Balabag Boracay, kung saan tinutukoy nito ang kalusugan ng mga tao sa lugar.

Napag-alaman kasi na marami umanong kabahayan sa paligid ng libingan na maaaring makaapekto sa kalusugan ng mga taong nakatira na malapit sa area.

Sinabi naman ni SB member Frolibar Bautista, na kailangan talagang magkaroon ng distansya ang mga kabahayan sa area kabilang na ang pagpapapatayo ng mataas na bakud.

Dahil dito ini-refer ng konseho ang naturang usapin sa Committee on Land Use at sa Committee on Laws kung saan nakatakda itong isailalim sa committee hearing.

Nabatid hinihigpitan ngayon ang monitoring ng MHO sa pangunguna ng Sanitation Unit pagdating sa kalusugan at kalinisan ng mga tao sa isla ng Boracay.

Helper cook, nag-reklamo matapos suntukin sa loob ng bar

Posted April 20, 2016
Ni Inna Carol L. Zambrona, YES FM Boracay


Image result for blotter reportNamamaga pa ang mukha ng isang helper cook ng magsumbong sa Boracay PNP matapos suntukin sa loob ng bar sa Station 2 Brgy. Balabag, Boracay.

Si Leonard Faa,  19-anyos ng Odiongan, Romblon ay nagsumbong sa mga pulis kung saan sinabi nito na noong papalabas na umano siya sa bar ay bigla itong sinuntok ng hindi nakilalang lalaki sa kanyang mukha kung saan nag-resulta naman ito ng pasa at pamamaga.

Nabatid na sinubukan pang lumaban ng biktima ngunit sa kasamaang palad ay aksidente nitong nasuntok ang kanyang nobya.

Samantala sinasabing kalasingan ang siyang dahilan ng nangyaring insidente kung saan nagawa umanong mang-trip ng suspek sa loob ng bar.

Portable Cr na gagamitin sa LA Boracay, aprobado na ng LGU Malay

Posted April 20, 2016
Ni Inna Carol L. Zambrona, YES FM Boracay

Aprobado na ang gagamiting Portable Cr ng Local Government Unit o (LGU) Malay para sa nalalapit na La Boracay umpisa Abril 27 hanggang Mayo 1, 2016.

Ayon kay Engineer Tresha Lozañes ng Environmental Management Services Unit Office ng LGU Malay, mag-lalagay umano sila ng Portable Cr sa gaganaping La Boracay sa front beach area.

Nabatid na nagpulong na umano sila kasama ang ibat-ibang ahensya dito sa Boracay kung saan tinalakay umano nila sa nasabing usapin ang mga rules and regulation na dapat sundin ng mga event organizer.

Kaugnay nito, maglilibot at mag-momonitor ang kanilang ahensya sa pag-sisimula palang ng naturang event upang mabantayan ang mga organizer ng event kung sila ba ay sumusunod sa kanilang pinag-usapan tungkol sa mga dapat at hindi dapat gawin.

Samantala, muli namang pina-alalahanan ni Lozañes ang mga organizer na maging responsable at magbigay respeto sa mga batas na ipinapatupad sakaling magsagawa ng event sa isla ng Boracay.

Pagpapatayo ng Navigational lighthouse sa Malay sumailalim na sa Groundbreaking

Posted April 20, 2016
Ni Jay-ar M. Arante, YES FM Boracay

Ginanap na kahapon ang Groundbreaking ceremony para sa construction ng Navigational Lighthouse sa brgy. Sambiray sa bayan ng Malay.

Ito ay pinangunahan mismo ni Mayor John Yap at ni MGLOO Mark Delos Reyes ng DILG kasama ang mga department heads ng nasabing bayan.

Nabatid na ang budget para rito ay mula sa napanalunan ng Malay sa Seal of Good Local Governance (SGLG) noong nakaraang taon kung saan nagkakahalaga ito ng P3 Million.

Samantala, kasama naman sa mga sumaksi rito ay ang Philippine Coastguard (PCG) Brgy. Officials ng Sambiray at Engineering Office.

Ang Navigational Lighthouse ay ginagamit para sa pag-monitor sa karagatan gayon din sa mga mangingisda na gumagamit lamang ng maliliit na bangka kung saan ang PCG naman ang mag-ooperate nito.

Tuesday, April 19, 2016

Boracay Action Group kasado na sa motorcade ni Mayor Duterte sa Boracay bukas

Posted April 19, 2016
Ni Jay-ar M. Arante, YES FM Boracay

Image result for duterte in kaliboBukas na araw ng Miyerkules Abril 20, 2016 ang nakatakadang motorcade ni Presidential candidate Mayor Rodrigo Duterte sa isla ng Boracay.

Dahil dito nagsagawa na rin ng pag-pupulong ang Boracay Action Group (BAG) na pinangunahan nina BTAC PCInsp Nilo Morallos at Deputy PInsp Mark Anthony Gesulga kasama ang PA Task Force Boracay Group (BAG) na si Capt Niño Tonalejo sa Presidential Candidate ni Duterte na si Security Officer (Ret) PSupt Dionisio Abude at ang kanyang grupo.

Dito, pinag-usapan nila ang tungkol sa ruta ng dadaan ng nasabing motorcade patungo sa isang event na dadaluhan ni Duterte sa isla.

Nabatid na inaasahan umano nila ang matinding trapiko sa isla bukas kasabay ng pag-sisilabasan ng mga supporters ni Duterte.

Samantala, isang concert-rally rin ang magaganap sa Pastrana Park sa bayan ng Kalibo bukas ng ala-1 ng hapon na dadaluhan mismo ni Duterte kasama ang Mocha Girls.

Tindira ng mga Sunglasses sa Boracay, nabiktima ng magnanakaw

Posted April 19, 2016
Ni Inna Carol L. Zambrona, YES FM Boracay

Image result for theftNagsisimula na namang magsulputan mga kawatan sa isla ng Boracay.

Katunayan isang tindira ng sunglasses ang nabiktima ng magnanakaw sa Station 2 Brgy. Balabag, Boracay kahapon.

Sumbong ng biktima na si Kristy Ann Cahilig 19-anyos sa Boracay PNP, bumili umano sa kanya ang suspek na si Gaudencio Fabroa III, 45-anyos ng sunglass na nag-kakahalaga ng P350 kung saan binayaran umano ito ng suspek ng P1, 000 at sinuklian naman niya ito ng P650.

Subalit, kumuha umano ng isa pang isang libong peso ang suspek sa kanyang wallet para papalitan sa biktima ng tig-dalawang P500 kung saan pinabalik nito ang isang libong pinapalit sa kanya.

Napag-alaman na dahil umano sa hindi maayos na pagpapalit ng pera at kalituhan ay ginawa ng suspek ang sinasabing trick kung saan sa pag-alis ng suspek at sa pag-check ng biktima sa kanilang drawer ay nag-kulang na ito ng mahigit P1,650.

Driver ng isang resort sa Boracay, tinambangan ng magnanakaw

Posted April 19, 2016
Ni Inna Carol L. Zambrona, YES FM Boracay

Image result for robberyTinambangan ng tatlong lalaking suspek sa pagnanakaw ang isang walang kalaban-laban na driver ng isang resort sa isla ng Boracay.

Nakilala ang biktima na si Joel Absalon 29-anyos residente ng Sitio Ayala, Brgy. Yapak, Boracay.

Sumbong ng biktima sa mga pulis ng Boracay Tourist Assistance Center o (BTAC), umiihi umano siya sa madilim na bahagi ng lugar ng may biglang lumapit sa kanyang tatlong hindi nakilalang lalaki kung saan ang isa dito ay hinila ang kanyang kamay patalikod at ang isa naman ay tinutukan siya ng kutsilyo habang ang isa ay kumuha ng kanyang bag na dala.

Napag-alaman na nag-lalaman ang kanyang bag ng wallet, drivers license, ATM card na may lamang P10, 000 at cash na pag mamay-ari ng kanyang amo na mahigit P27, 000 habang nakuha din dito ang gamit at perang P2,000 ng kanyang live-in partner na dala-dala niya.

Samantala, patuloy namang pinaghahanap ng mga pulis ang tatlong suspek na tumangay sa dala-dalang pera ng biktima.

Turista sa Boracay tuloy-tuloy na ang pagbuhos

Posted April 19, 2016
Ni Jay-ar M. Arante, YES FM Boracay

Halos siksikan na ang beach area ng isla ng Boracay dahil sa dami ng mga turistang nagbabakasyon.

Base sa tala ng Municipal Tourism Office (Mtour) Malay, patuloy na tumataas ang bilang ng mga nagbabakasyon turista sa isla kung saan karamihan naman sa mga ito ay mga local tourist.

Nabatid na malapit na ang kina-aabangang LaBoracay 2016 kung saan ibat-ibang aktibidad ang magaganap sa isla simula sa susunod na linggo hanggang sa Mayo 1, 2016.

Sa ngayon mistulang siyudad na rin ang isla dahil sa matinding trapiko na nararanasan kung saan nagkaka-ubusan na rin ng mga sasakyan dahil sa dami ng pasahero.

Samantala, all-out naman ang ginagawang pagbabantay ng mga otoridad sa seguridad ng mga turista at para sa isla ng Boracay.

Monday, April 18, 2016

SP session ng Aklan, magpapatuloy umano sa kabila ng pagiging busy sa pangangampanya

Posted April 18, 2016
Ni Inna Carol L. Zambrona, YES FM Boracay

Patuloy parin umano ang isasagawang SP session ng Aklan sa kabila ng pagiging busy ng ilang mga kandidato sa kanilang pangangampanya para sa nalalapit na halalan.

Ayon sa Sangguniang Panlalawigan Aklan, simula umano ngayong linggo ay magiging busy na ang kanilang opisina dahil sa mga nakanbinbing usapin na dapat talakayin ng buong konseho.

Nabatid na walang magiging recess ang SP dahil sa ibat-ibang committee hearing ang kanilang itinakda.

Samantala, sa kabila naman umano ng patuloy na session ng SP ay hindi rin tumitigil ang mga opisyal na kandidato sa pangangampanya lalong-lalo na ang mga re-electionist upang muling mahalal bilang SP.

Largest cable operator sa bansa tutulong sa Coral Rehabilitation Program ng BFI

Posted April 18, 2016
Ni Jay-ar M. Arante, YES FM Boracay

Image result for corals in boracay]Nagpahayag ng pagtulong ang isang malaking cable operator sa bansa para sa Coral Rehabilitation Program ng Boracay Foundation Inc. (BFI).

Ito ay sa pamamagitan ng isasagawang fun run sa isla ng Boracay ngayong Abril 23, 2016 kung saan tinatayang 800 run enthusiasts ang sasali rito na kinabibilangan ng mga residente ng Boracay at mga turista para sa isang weekend celebration with a cause.

Dahil dito bukas ang registration para sa dalawang categories na 5k at 10k na magsisimula ng alas-6: ng umaga sa D’mall beach area Station 2.

Nabatid na ang malilipon sa isasagawang fun run ngayong taon ay para mailigtas ang mga korales sa isla sa pamamagitan ng Coral Refurbishment Project ng BFI.

Samantala, base sa BFI tutulong din umano ang executives ng naturang kumpanya sa pagtatanim ng mga korales sa isla para sa pagpapakita ng suporta para sa kapaki-pakinabang na dahilan.

American national, ini-reklamo ng pananakal ng dalawang pedicab driver

Posted April 18, 2016
Ni Inna Carol L. Zambrona, YES FM Boracay

Image result for blotter reportReklamo ang inabot ng isang turistang American national matapos umano nitong sakalin ang dalawang pedicab driver sa Station 2, Brgy. Balabag, Boracay.

Nakilala ang dalawang biktima na si Mark Anthony Alvarez 21- anyos at Jimmy Escasulatan 26-anyos kapwa residente ng Brgy. Laserna, Nabas, Aklan habang ang suspek ay si Brian Lamb.

Sa report ng Boracay PNP, naka-upo umano si Escasulatan sa kanyang pedicap ng nilapitan siya ng suspek at sinakal gayon din si Alvares at sabay tulak rito kung saan mabilis naman itong tumakas papalayo.

Samantala sinasabing ang dahilan ng insidente ay napag-kamalan umano ng suspek na ang dalawa ang siyang dumura sa kanyang kaibigan.

Nabatid na agad namang nagka-ayos ang dalawang panig matapos ang maayos na pag-uusap at paghingi ng tawad ng suspek sa mga biktima.

MS Insignia na may sakay na mahigit 500 turista dadaong sa Boracay ngayong araw

Posted April 18, 2016
Ni Jay-ar M. Arante, YES FM Boracay

Image result for MS InsigniaNgayong araw ng Lunes ay nakatakdang dumaong sa isla ng Boracay ang MS Insignia ng Oceania Cruises na may sakay na tinatayang limang daan at limampung pasahero.

Ayon kay Special Operation III Jean Pontero ng Jetty Port Administration Caticlan, dadating umano ang naturang cruise ship ngayong alas-9 ng umaga at magtatagal naman hanggang mamayang ala-6:00 ng gabi.

Karamihan naman umano sa mga sakay nitong mga pasahero ay mga European tourist kung saan magkakaroon naman sila ng ibat-ibang aktibidad sa isla ng Boracay.

Nabatid na ang MS Insignia ay mayroong 300 crew kung saan ito din ang kauna-unahang pagbisita nito sa Boracay.

Samantala, isang maiden-call naman ang magganap sa loob ng barko sa pagitan ng kapitan nito at ng ibat-ibang concern agencies sa probinsya ng Aklan, provincial government at ng Department of Tourism (DOT).