YES THE BEST 911 BORACAY

Thursday, October 19, 2017

Drug Surrenderee, sumailalim sa Spiritual Enhancement Program

Posted October 19, 2017
Ni Inna Carol L. Zambrona, YES THE BEST Boracay

Image may contain: 1 person, standingMatagumpay na sumailalim ang 235 na mga drug surrenderee sa kanilang Spiritual Enhancement Program kahapon sa isla ng Boracay.

Naging tagapagsalita si Father Palermo Suganob ng St. Joseph the Worker Parish Priest sa harap ng mga beneficiary kung saan ipinaintindi sa kanila kung gaano ka-importante ang mabuhay sa mundo, magpatawad at pagpapahalaga sa sarili.

Isang video presentation din ang ipinakita ni Father Suganob sa mga ito ng sa gayon sa pamamagitan nito ay mapukaw ang kanilang isip na habang may buhay may pag-asa kapag tinutulungan ang sarili na magbago mula sa maling bisyo.

Ito na ang ika-siyam na aktibidad ng mga drug surrenderee kung saan sa darating naman na October 25 ay isasailalim ang mga ito sa Counseling Program.

Image may contain: one or more peopleSamantala, ang programa ay pinangunahan ni Malay Mayor Ceciron Cawaling, Malay PNP, Boracay PNP, Malay Local Government Operations Officer (MLGOO) II Mark Delos Reyes, Municipal Health Officer Dr. Ma. Nay Mucho.

Ang Community Base Rehab Program (CBRP) ng Municipal Anti-Drug Abuse Council (MADAC) ay nasa ilalim ng LGU Malay at Philippine National Police (PNP).

Itong programa ay may temang “Ginahandom ta: Pagbag-o it Kasimanwa”.

PRC Boracay-Malay Chapter, naghahanda na para sa Million Volunteer Run 4

Posted October 19, 2017

Ni Inna Carol L. Zambrona, YES THE BEST Boracay

Image result for Nationwide Million Volunteer Run 4Handang-handa na ang Philippine Red Cross Boracay-Malay Chapter sa gaganaping Nationwide Million Volunteer Run 4 ngayong Sabado October 21.

Sa panayam kay OIC PRC Malay-Boracay Chapter Ronaliza Inocencio, itong Million Volunteer Run sa Boracay ay magsisimula sa Station 2 Nigi-Nigi, Beach Resort papunta sa Station 1 beach area ng alas-5 ng umaga.

Dahil sa isa ito sa nag-markang aktibidad ng PRC, puspusan ngayon ang kampanya nila para magpa-rehistro at maging bahagi ng Million Volunteer Run.

Ani pa ni Inocencio, ang mga sumali dito ay may isang taon na Accidental Insurance kung saan ang malilikom na pondo sa kanilang registration ay mapupunta sa mga mangangailangan ng dugo lalo pa at malapit ng matapos ang Blood Collecting Unit ng chapter.

Ayon pa kay Inocencio na ang naturang Volunteer Run ay hindi umano competitive run o fun run sapagkat ito ay isang humanitarian run.

Samantala, inaasahan ding lalahok sa takbuhan ang mga kawani ng ibat-ibang Government Agencies, Department of Education, mga estudyante at pribadong sektor sa bayan ng Malay.

Boracay PNP, binalaan ang publiko kaugnay sa modus operandi ng ssang Chinese National

Posted October 19, 2017
Ni Inna Carol L. Zambrona, YES THE BEST Boracay

Image may contain: screen and laptop
Photo Credit Boracay PNP
Pinag-iingat ngayon ng Boracay Tourist Assistance Center BTAC ang publiko sa isla ng Boracay.

Ito’y may kaugnayan sa umano’y Modus Operandi ng isang Chinese National na nagbebenta ng  pekeng gadget kung saan nabiktima nito ang isang babae sa loob ng restaurant sa Station 1 Balabag, Boracay.

Sa salaysay ni Dioren Quenn Arboleda, 24-anyos, lumapit ang suspek sa kanila na umiiyak at nagmamakawa na humihingi ng tulong.

Image may contain: phoneTinanong naman ito ng biktima kung ano ang kanyang problema kung saan sumagot ito na kailangan niya ng pera at kasunod nito ay inalok niya ang biktima ng Iphone cellphone na nagkakahalaga ng P 13, 000 at Laptop na P 10, 000.

Dahil sa mabilis na pangyayari napabili ng suspek si Arboleda sa maliit na halaga ng gadget subalit kalaunan ay napag-alaman nito naisahan  siya ng suspek dahil peke pala ang mga ito.

Idinulog ng biktima ang reklamo sa mga pulis ng sa gayon ay maging  alerto ang publiko at hindi na mabiktima ng hindi nakilalang suspek na Chino.

Nagbabala naman ang Boracay PNP na mag-ingat sa ganitong mudos at ipagbigay alam agad sa kanila kung may na-encounter silang ganitong pangyayari upang agad na mahuli ang mga salarin.

Suspek na nagtangkang saksakin ang pulis ng BTAC, timbog

Posted October 19, 2017
Ni Inna Carol L. Zambrona, YES THE BEST Boracay

Nakapiit ngayon sa kulungan ang suspek na si Benjie Nacino, 34-anyos residente ng Madalag, Aklan at pansamantalang nakatira sa Brgy. ManocManoc matapos nitong tangkang saksaking ang Police Officer ng Boracay Tourist Assistance Center BTAC.

Sa blotter entry ng Boracay PNP, nakatanggap sila ng tawag mula sa isang concerned citizen na itong suspek ay nasa ilalim ng nakakalasing na inumin, may hawak na kutsilyo at tila naghahamon ng away sa lugar.

Dahil sa ito ay nagdala ng nerbyos sa mga taong nakatira doon, agad na nirespondihan ng mga pulis ng Boracay PNP ang lugar kung saan nakita nila dito ang suspek na may hawak-hawak na kutsilyo.

Nagpakilala si PO1 Ramon Abalayan Jr. na isa siyang pulis para matigil ang suspek sa kanyang ginagawa subalit tumakbo ito.

Hinabol naman ni Abalaya ang suspek kung saan ng kanya itong nakorner ay tinangka nitong saksakin siya ng talong beses ngunit kanya itong naiwasan.

Attempted Homicide ang ibinigay na kaso sa ginawang insidente ng naturang suspek

Friday, October 13, 2017

Supplemental Budget ng LGU-Malay, aprobado na

Posted October 13, 2017
Ni Inna Carol L. Zambrona, YES FM Boracay

Aprobado na sa 3rd and Final Reading ang Supplemental Budget ng LGU-Malay para sa taong 2018.

Sa ginanap na 35th Regular Session ng SB Malay, inaprobahan  ang budget na nagkakahalaga ng P  201, 113, 582.34  bilang pangkalahatang pondo ng Malay sa susunod na taon.

Nabatid din sa Ordinance No. 01 Series of 2017, na maliban sa nabanggit na general fund ng bayan ay inaprubahan din ang P 445, 237.13  bilang alokasyon sa Municipal Economic Enterprise Department (MEED) na gagamitin sa iba’t ibang serbisyo ng munisipyo.

Ang budget ay para sa konstruksiyon at sa ibat-ibang mga proyekto, mga development projects ng ilang barangay lalong-lalo na ang opisina ng Solid Waste Management para mapadali at maisa-ayos ang pag-haul ng basura sa Boracay at Malay.

Lalaki kulong matapos naaktuhang nagnanakaw

Posted October 13, 2017
Ni Inna Carol L. Zambrona, YES THE BEST Boracay

Sa kulungan ngayon ang inabot ng isang lalaki matapos itong maaktuhang nagnakaw  sa bahay ng biktima sa ManocManoc Boracay kagabi.

Idinulog ng biktima na si Leocila Sacapaño, 27-anyos sa Boracay PNP ang kanyang reklamo ng makitang nakapasok na sa kanilang bahay ang suspek na si certain “Narciso” at tatlong kasamahan nito.

Ayon pa sa biktima nakita niya dito na hawak-hawak na ng isa sa kasamahan ni certain “Narciso” ang pagmamay-ari niyang tsinelas na Havaianas.

Mabilis namang tumawag ng tanod ang biktima para madakip ang mga suspek subalit tanging si  certain “Narciso” lang ang nadakip habang ang tatlong kasama nito ay nakatakas dala-dala ang tsinelas na ninakaw.

Pinaghahanap na ng mga pulis ang tatlong kasamahan ng nahuling suspek.

Monday, October 09, 2017

Lalaki huli sa pagnakaw ng gasolina ng motor

Posted October 9, 2017
Ni Inna Carol L. Zambrona, YES THE BEST Boracay

Image result for nagnakaw ng gasolinaHindi na nakapalag ang isang lalaki matapos itong mahuli sa pagananakaw ng gasolina ng motor sa Sitio Tambisaan, Brgy. ManocManoc, Boracay kaninang madaling araw.

Kinilala ang supek na si Michael Dugang, 23-anyos residente ng ManocManoc Boracay.

Kwento ng biktimang si Rowena Buenaflor, 46-anyos, ginising siya ng kanyang kapit bahay at sinabihan na ninanakaw umano ng suspek ang gasolina ng kanilang motor na naka-park sa labas ng bahay.

Mabilis namang lumabas ang biktima ng bahay para kumprontahin ang suspek kung saan tatakas pa sana ito subalit kanya itong napigilan.

Himas rehas ngayon ang suspek sa lock-up cell ng Boracay PNP.

Lalaki sa Tambisaan, kalaboso sa isinagawang buy-bust operation

Posted October 9, 2017
Ni Inna Carol L. Zambrona, YES THE BEST Boracay

Image result for buybust
Kalaboso ang isang lalaki sa pagbebenta ng iligal na droga sa Sitio Tambisaan, ManocManoc, Boracay kagabi.


Nakilala ang suspek na si Ericson Villanueva, 30-anyos ng Andagao, Kalibo at kasalukuyang naninirahan sa nabanggit na lugar.

Naaresto si Villanueva matapos mabilhan ng isang sachet ng pinaniniwalaang shabu ng nagpanggap na poseur buyer kapalit ng P 500.

Sa isinagawa pang body search ng mga pulis nakuhaan pa ito ng dalawang sachet ng suspected shabu.

Tinangka pa umanong  tumakas ng suspek subalit hindi ito pinaglagpas ng mga operatiba.

Kasong paglabag sa Sec 5 at Sec 11, Article II of RA 9165 sa pagbebenta ng iligal na droga ang isasampa kay Villanueva.

Naging matagumpay ang operasyon sa pinagsamang pwersa ng Aklan Police Provincial Office Provincial Drug Enforcement Unit (Apklan PPO PDEU), Boracay PNP, Malay PNP, PDEA 6 at Task Group NOAH.

Friday, October 06, 2017

Chinese Nationals, muling nanguna sa Tourist Arrival

Posted October 6, 2017
Ni Danita Jean A. Pelayo, YES THE BEST Boracay
Nangungunang muli ang mga Chinese Nationals sa bilang ng may pinakamataas na arrivals para sa buwan ng Setyembre.

Base sa ibinigay na datos ng Malay Municipal Tourism Office,  umabot sa 30,259 ang total na bilang ng mga chinese na bumisita sa isla ng Boracay sa naturang buwan.

Kaugnay nito, pumapangalawa naman ang Korean Nationals na may 25,162 at sinundan naman ng Taiwan na nakapagtala ng 2,538.

Nabatid na kasama sa Top 10 ang bansang Saudi Arabia, Malaysia, Hong Kong, USA, Austrilia, Japan at ang huli ay ang Singapore.

Pumatak na rin sa 1,529, 895 ang kabuuang bilang ng mga turistang bumisita sa isla mula buwan ng Enero hanggang sa kasalukuyan kung saan 70, 410 dito ay mga Foreign Nationals, 53, 090 para sa mga Local tourists at 1, 372 na mga OFW’s.

Inaasahan na madadagdagan pa ang bilang ng mga turistang Chinese dahil sa unang linggo ng Oktubre ay dagsa ang bilang na dumating dahil sa pagselebra ng Moon Cake Day at Chinese Mid-Autumn Festival.

Samantala, positibo naman ang ahensya ng MTour na maabot ang target bago matapos ang taon na ito.

Tourist Arrival sa Boracay, patuloy na tumataas – DOT OIC Velete

Posted October 6, 2017
Ni Inna Carol L. Zambrona, YES THE BEST Boracay

Image may contain: 1 person“Boracay is still doing good.”

Isa ito sa sinabi ni DOT Boracay Sub-Office Tourism OIC Kristoffer Leo Velete sa patuloy na pagtaas ng tourist arrival sa isla ng Boracay.

Sa panayam sa kanya ng Boracay Good News nitong Sabado, mariing sinabi nito na sa kabila umano ng mga pagsubok na pinagdadaanan at mga hindi magandang nangyayari sa bansa ay patuloy parin ang bilang ng mga turistang mas pinipili paring magbakasyon sa isla.

Nabatid na simula Enero hanggang Agosto ngayong taon ay nakapagtala sila ng 1.4 Million tourist arrival kung ikukumpara noong nakaraang taon na 1.2 Million ng kaparehong buwan.

Kaugnay nito, dahil sa kanilang Tema na “ Experience Western Visayas ” ini-ingganyo ni Velete ang mga tourist destination sa probinsya na makipag-ugnayan sa kanilang opisina at panatilihin ang kagandahan ng kanilang lugar lalo na sa mga Front Liners na siyang magdadala ng magandang impormasyon sa turista.

Samantala, pina-alala ni Velete na dapat protektahan ang isla para mapanatili ang kagandahan nito na siyang nagbibigay atraksyon sa mga turistang dumadayo rito.

Kumpiyansa si Velete na maaabot nila ang target na 2 Million tourist arrival para sa taong 2018.

Wanted sa kasong rape sa Jamindan Capiz, timbog sa Boracay

Posted October 6, 2017
Ni Inna Carol L. Zambrona, YES THE BEST Boracay

Image result for rapeTimbog ang isang lalaki na wanted sa kasong rape sa Jamindan, Capiz sa manhunt operation ng pinagsanib na puwersa ng Boracay Tourist Assistance Center at Jamindan PNP sa Sitio Bolabog, Balabag kahapon ng hapon.

Sa blotter entry ng Boracay PNP, kinilala ang suspek Mark Anthony Joscon alyas “Mak-Mak”, 19-anyos, isang delivery boy at residente ng Brgy. Jaena Sur, Jamindan, Capiz.

Nasakote si Joscon sa bisa ng Arrest Warrant na inisyu ni Hon. Judith D. Orendain-Tonogbanua Branch 20, RTC 6- Mambusao Capiz na may petsang September 12, 2017.

Wala namang ini-rekomendang piyansa para sa pansamantalang paglaya ng suspek.

Wednesday, October 04, 2017

DILG nagbabala sa bagong modus para sa Marawi

Posted October 4, 2017
Alan Palma Sr., YES THE BEST Boracay

No automatic alt text available.Naglabas ngayon ang Department of Interior and Local Government o DILG ng kalatas na nagbabala hinggil sa bagong modus operandi para sa Marawi.

Ang seste, magpapakilala ang mga personalidad na ito na kawani ng gobyerno o DILG na tatawag o magti-text sa bibiktimahin nila para humingi ng donasyon para sa Marawi.

Ang cash donation daw ay para sa rehabilitasyon ng Marawi City na sinira ng halos tatlong buwan na bakbakan ng militar at Maute ISIS group.

Ayon pa sa advisory, para maisakatuparan ang kanilang panloloko ay sinasabihan nila ang kausap na biktima na ipadala ito sa pamamagitan ng remittance center.

Maliban dito, nagbabala rin ang DILG na may isa pang impostor na nagpapanggap at nag-aalok na i-delay ang implementasyon ng suspension o dismissal sa serbisyo sa kanyang tatawagan na umano’y utos galing sa Office of the Ombudsman.

Kung sino man ang makakatanggap ng anumang tawag o text na may kahalintulad na intension ay agad ipaalam sa pinakamalapit na police station o DILG Office sa lugar.

Ang pa-abiso na ito ay ikinalat na sa lahat ng munisipyo maging sa barangay level para wala ng mabibiktima ng nasabing modus operandi.

Tuesday, October 03, 2017

18 menor de edad, dinampot dahil sa paglabag sa curfew

Posted October 3, 2017
Ni Teresa A. Iguid, YES THE BEST Boracay

No automatic alt text available.Kabuuang 18 menor de edad ang dinampot ng mga otoridad sa nagpapatuloy na pagpapatupad ng curfew ordinance sa isla ng Boracay.

Karamihan sa mga nasampulan ay ang mga pagala-gala sa beachfront, computer shops, bilyaran at ilan pang mga lugar na kadalasan ay tinatambayan ng mga teenager.

Kasama ang MSWDO, WCPD at MAP ay sinusuyod ng mga miyembro ng BTAC o Boracay Tourist Assistance Center ang buong isla simula alas-10 ng gabi hanggang alas-5 ng madaling araw para sa implementasyon ng Municipal Ordinance 212.

Ayon kay  BTAC Acting Chief PSI Jose Mark Anthony Gesulga, on going parin ang kanilang isinasagawang pag-iikot at mas tinututukan umano nila ang araw ng Byernes hanggang Linggo dahil ito umano ang mga araw na maraming bilang ng kabataan ang lumalabas ng gabi.

Pahayag pa nito ang sinumang may edad dise otso pababa na mahuhuling pagala-gala mula sa mga nabanggit na oras ay huhulihin at sasailalim sa seminar ng kalahating araw sa MSWDO kasama ang magulang para sa first offense samantala papatawan naman ng P 500 at isang araw na seminar kapag inulit ito sa pangalawang pagkakataon at sa third offense ay multang P 1, 000 kasabay ng pagkakulong ng mga magulang.

Dagdag pa ni Gesulga, mas pinahigpit pa ang kanilang pag-momonitor lalo’t ilang petty crimes na rin ang kinasangkutan ng mga kabataan lalo na sa nakawan at salisi.

Sa impormasyon na natanggap mula sa mga kapulisan, may kaso ng harassment at pambubugbog sa isang koreano ang naitala dahil sa pagsingil ng sobra-sobra ng mga sand castle boys lalo na sa mga turistang nagpapakuha ng picture sa mga sand castle.

Mga minors din ang madalas pagala-gala at nagtitinda ng mga kung anu-ano sa beachline tuwing hating-gabi.
Magugunitang noong ika 30 ng Setyembre ng maimplementa ang nasabing curfew kung saan tuloy-tuloy na umano ito para hindi malihis ng landas ang mga kabataan.

Sunog sa isang Resort sa isla, agad na naapula

Posted October 3, 2017
Ni Danita Jean A. Pelayo, YES THE BEST Boracay

Agad namang naapula ang nangyaring sunog kagabi sa isang resort sa Station 2, Balabag,Boracay.

Sa panayam ng himpilang ito kay FO2 John Henry Ildesa, nakatanggap sila ng tawag sa isang concerned citizen ganap na alas-syete y medya  ng gabi na umanoy may sunog sa nabanggit na lugar.

Agad naman nila itong nirespondehan, kung saan napag-alamang ang pinagmulan nito ay exhaust fan.

Ayon kay Ildesa, naiwan umano ng guest na bukas ang naturang gamit mula alas-nuebe ng umaga hanggang gabi bago tumunog umano ang kanilang smoke detector kaya agad itong pinuntahan ng sekyu para alamin.

Wala namang naitalang injury sa naturang pangyayari kung saan ang estimated na danyos nito ay nasa P 1,500.

Katuwang ng Bureau of Fire Boracay sa pagresponde rito ang BFRAV o Boracay Fire Rescue Ambulance Volunteers, Kabalikat Civicom at Malay Auxilliary Police.

Samantala, paalala ng grupo ng BFP na maging responsable ang publiko sa kani-kanilang mga appliances at huwag kalimutan ang mga nakasaksak na mga kagamitan dahil sa oras na makalimutan ang mga ito ay maaaring makadulot ng kapahamakan.

Gun Ban ng Comelec at Checkpoint inumpisahan na

Posted October 3, 2017
Ni Danita Jean A. Pelayo, YES THE BEST Boracay
Image result for gunbanInumpisahan na ang pagpapatupad ng gun ban at pagsagawa ng checkpoint  sa unag araw ng Octubre basi sa ipilabas na memorandum ng COMELEC.

Sa panayam ng himpilang ito kay Malay Comelec Election Officer II Elma Cahilig,  wala naman umanong naitalang nahuli sa isinagawa nilang checkpoint sa Caticlan.

Kaugnay nito, nagsagawa rin ng Checkpoint sa isla ng Boracay sa unang araw ng Oktubre pati na rin sa Sition Lugutan, ManocManoc kung saan wala namang naitalang lumabag.

Ayon pa kay Cahilig, magtatagal ang implementasyon hanngang sa Ika-30 ng Oktubre habang inaantay pa ang pirma ni Pangulong Duterte kung itutuloy ang Barangay Election.

Napag-alamang ang pagsisimula ng election ban at checkpoints ay sabay-sabay na isinagawa nationwide.

Samantala, pinapaalala rin ni Cahilig na tuloy ang filing ng Certificate of Candidacy at mag-uumpisa sa Oktubre 5 hanggang Oktubre 11 mula alas-otso ng umaga hanggang alas-singko ng hapon hanggang sa hindi pa naisasabatas ang pagkansela ng Barangay at SK Election.

Saturday, September 30, 2017

China, nagsagawa ng feasibility study para sa itatayong Iloilo – Guimaras - Negros bridge

Posted September 30, 2017
Ni Inna Carol L. Zambrona, YES THE BEST Boracay

Image result for Iloilo – Guimaras - Negros bridgeNagsagawa ng inspeksyon at pag-aaral ang mga opisyal ng isang Chinese corporation para sa isang feasibility study sa itatayong tulay na magdudugtong sa Iloilo, Guimaras at Negros Island.

Nag-courtesy call ang China Communications Construction Company (CCCC) Highway Consultants Co. Ltd. na nakabase sa Beijing kasama ang mga opisyal ng Department of Public Works and Highways (DPWH) sa Governors Office ng Guimaras.

Ang layunin ng mga ito ay para tingnan at pagplanuhan ang gagawing construction na magkokonekta sa itatayong Iloilo, Guimaras at Negros bridge sa lugar kung ito ba ay posibleng gawin.

Kasama ng mga kinatawan mula sa nabanggit na Chinese builders ay sinamahan ni Buenavista Guimaras Mayor Eugene Reyes ay tiningan nila ang site na posibleng pagtayuan nito.

Nasasabik na ang mga residente ng Guimaras na masimulan at matapos ang itatayong tulay dahil isa itong malaking tulong sa turismo na mapadali sa kanilang byahe lalo na kung malakas ang alon o masama ang panahon.

Ang tulay na magkokonekta sa Iloilo papuntang Guimaras ay may haba ng 2.6 kilometro ay balak simulan sa last quarter ng susunod na taon.

Samantala, kinakailangan umano ang P27 Billion budget para sa proyektong ito ayon sa National Economic Development Authority Region 6.


Friday, September 29, 2017

Mga magpapakasal inimbitahan sa Kasalang Bayan ng HRP Boracay

Posted September 29, 2017
Ni Inna Carol L. Zambrona, YES THE BEST Boracay

Nakatakdang magsagawa ng “Kasalang Bayan” ang Our Lady of the Most Holy Rosary Parish Boracay sa susunod na taon.

Hinikayat ni Mylin Escultor, Parish Secretary ng HRP Boracay ang mga hindi pa kasal at balak mag-pakasal na magpa-rehistro at maging bahagi sa aktibidad na magbubukod sa kanilang pagsasama.

Ani Escultor, magdala lang ng Birth Certificate, Baptismal at Confirmation Certificate at palista na sa kanilang opisina sa simbahan para mapasama sa Kasalang Bayan  na mangyayari sa ika-10 ng Enero ng susunod na taon.

Bukas daw ito sa lahat ng mga wala pang-gatos sa kasal dahil wala na umanong bayarin at sagot na ang kanilang pagkuha ng Marriage License at Cenomar.

Dagdag pa nito, pati ang reception at pagkain ay sagot na ng magso-sponsor ng Kasalang Bayan kung saan patuloy ang registration hanggang Oktubre 16.

Pina-alalahan din ni Escultor sa mga magpapa-rehistro na magdala agad ng photo copy ng kanilang mga requirements para ito ay kanilang makompirma at hindi mahirapan sa pagkontak kung sila ba ay matutuloy sa pagpapakasal.


Isa patay, apat sugatan sa nangyaring vehicular accident kagabi sa Ambulong

Posted September 29, 2017
Ni Inna Carol L. Zambrona, YES THE BEST Boracay

No automatic alt text available.Dead on Arrival o DOA ang 67-anyos na si Tony Sultan, isang muslim ng ito ay aksidenteng nabangga ng Solar E-trike ng Star 8 na minamaneho ni Lazaro Daguno, 47-anyos na umano’y nawalan ito ng preno habang binabagtas ang pababang porsyon ng Sitio Ambulong, ManocManoc kagabi.

Kinilala naman ang apat na sugatan na sina Norbero Villamor, 48-anyos, Eric Roberto, 39-anyos, Abdani Balangue, 16-anyos at Shailyn Ninto, 14-anyos.

Duguan naman dinala ang mga biktima sa iba’t-ibang klinika sa isla subalit ini-refer din ang ilan sa mga ito sa bayan ng Kalibo dahil sa natamong sugat sa ibat-ibang bahagi ng katawan.

Sa salaysay ng driver na si Daguno sa Yes The Best, pababa na ang kanyang minamanehong trike sa bahagi ng Mandala Spa ng bigla umanong nawalan ng break kung saan nasagi nito ang mga biktima habang pilit nitong kontrolin ang kanyang manibela.

Nasagi muna nito ang dalawang motorsiklo at nasagasaan ang dalawang estudyante bago tinumbok ang kanang bahagi ng kalsada kung saan doon nakatayo ang biktimang si Sultan bago sinadya niyang ibangga sa poste.

Dagdag pa ni Daguno, binagga niya ang poste para hindi na makadamay ng mga nakakasalubong na mga sasakyan at mga tao sa lugar.

Labis naman ang pagdadalamhati ng naiwang pamilya ni Sultan dahil sa kanyang sinapit.

Samantala, bulontaryong sumuko si Daguno sa himpilan ng pulisya at ngayo’y naka-kulong sa lock-up cell ng Boracay PNP.

Habang sinusulat itong balita wala pa kaming nakukuhang update kung kamusta na ang kalagayan ng apat na biktima pagkatapos ng kanilang sinapit na disgrasya kagabi.

Thursday, September 28, 2017

German National, natagpuang patay sa kanyang kwarto

Posted September 28, 2018
Ni Inna Carol L. Zambrona, YES THE BEST Boracay

Image result for heart attackWala nang buhay ng madatnan ang isang German National sa kanyang tinutuluyang resort dito sa isla ng Boracay.

Base sa report ng live-in partner ng biktima sa Boracay PNP, galing umano siya sa kanyang Therapy Class at sa pag-uwi niya ay nakita nalang nito na wala ng buhay ang 48-anyos na kinakasamang German national na si Kondrad Lothar Beckman.

Dali-dali naman itong humingi ng tulong sa mga tao sa lugar upang maidala sa pinakamalapit na pagamutan para ma revive si Beckman.

Subalit, ayon sa doktor na sumuri ay atake sa puso ang dahilan ng pagkamatay ng biktima.

Ang bangkay nito ay dinala na sa Prado Funeral sa bayan ng Malay.

Mga natirang Residual Waste sa MRF Balabag, hindi pa nahahakot

Posted September 28, 2017
Ni Inna Carol L. Zambrona, YES THE BEST Boracay

Idinulog ni Balabag Punong Barangay Lilibeth Sacapaño sa Sangguniang Bayan ng Malay ang kanyang pagkabahala sa natitirang residual waste sa kanyang lugar na hindi pa nahahakot.

Sa pamamagitan ng sulat, idinaan ng kapitana kay Sangguniang Bayan Member Dante Pagsuguiron ang kanyang suliranin para matalakay sa plenaryo ng SB at mabigyang linaw kung ano ang mga dahilan kung bakit ito nangyari.

Sa pagtatanong ng mga konsehal, ayon kay Bids and Award Committee Chairman at MPDC Head Alma Belejerdo, dumaan sa bidding at na-aprobahan ang budget na mahigit P 8 Million para sa dalawang lote na may estimated 11,000 cubic meter na residual waste.

Nahinto raw ang paghahakot ng nanalong bidder na JCV Lines ni Vidal Villaruz dahil umano sa nahakot na nila ang volume na dapat hakutin.

Ani Belejerdo, hindi pa nababayaran ang contractor dahil sa problemang ito na hindi tinapos ang paghakot kahit na lumalabas na namali ng estimate si Engr. Solano sa kabuuang volume ng basura kaya humantong sa paghinto ng paghahakot.

Apela ngayon ni Sacapaño, dapat ubusin na ang paghakot ng basura dahil may inaprobahang kontrata.

Sa opinyon naman ni SB Pagsuguiron, nagkaroon daw ng double budgeting dahil ang mga hinakot ay sa ManocManoc lang dinala at iba naman ang humakot mula ManocManoc papuntang landfill.

Sa paglilinaw ni Solid Waste Manager Otic Macavinta, wala pa siya sa solid waste ng mangyari ang kontrata at kung sa paghahakot naman ng basura mula Balabag papuntang ManocManoc, dinahilan nito na hindi kayang pumasok ng malalaking truck sa naturang lugar kaya magkahiwalay ang ginagawang trip ng mga haulers.

Samantala, dahil sa pera ng bayan ang ginamit sa mga kontrata at ibinayad sa mga contractor, suhestyon ni SB Gallenero na mag usap-usap na lang ang mga involve na contractor kung sa papaanong paraan mahakot ang natirang basura sa MRF Balabag.

Wednesday, September 27, 2017

Boracay, nananatiling Rabies Free

Posted September 27, 2017
Ni Danita Jean A. Pelayo, YES THE BEST Boracay

Image result for Rabies FreeNananatili pa ring Rabies Free ang isla ng Boracay sa kasalukuyan.

Sa panayam ng himpilang ito kay Nurse II Madel Joy Tayco ng Municipal Health Office ,sa taong ito ay wala umanong nakumpirma na kaso ng rabies sa isla katulad sa nakalipas na taon.

Kaugnay nito ang ahensya naman ng MHO ay may isinasagawang information, education and communication (IEC) campaigns para mabigayan ng kaukulang impormasyon ang publiko.

Nabatid naman na mayroong animal bite center sa Bayan ng Ibajay at Kalibo na maaaring agad na puntahan ng mga nabiktima ng kagat ng aso.

Magugunitang taong 2013 tanging ang isla ng Guimaras at Boracay lamang ang kauna-unahang lugar sa Western Visayas ang idineklarang rabies free.

Ang World Rabies Day ay taunang selebrasyon sa buong mundo tuwing ika-28 sa buwan ng Setyembre.

DPWH, ipapatawag sa susunod na sesyon ng SB Malay

Posted September 27, 2017
Ni Inna Carol L. Zambrona, YES THE BEST Boracay

Image may contain: one or more people, people sitting, table and indoorDahil sa lubak at hindi parin naaayos na kalsada sa area ng Caticlan sa bayan ng Malay, nais ngayon pagpaliwanagin ng Sangguniang  ang pamunuan ng DPWH.

Dismayado si LIGA President Julieta Aron sa kasalukuyang sitwasyon nila sa Caticlan partikular ang national road malapit sa palengke ito’y dahil nitong nakalipas na araw ay mayroon umanong nadisgrasya habang dumadaan sa lugar.

Ayon kay Aron, may request na sa Office of the Mayor para ma-construct na ang kalsadang lubak-lubak na labis na pahirap sa mga dumadaan lalo na sa turistang pumupunta sa isla ng Boracay subalit wala pa ring development mula sa DPWH.

Para malinawan ang mga miyembro ng SB, napagdesisyunan ng mga ito na imbitahan ang DPWH sa susunod na sesyon upang pag-usapan itong isyu.

Kung matatandaan, nagpadala na ng sulat si DPWH Aklan District Engr. Noel Fuentebella sa Lokal na Pamahalaan ng Malay sa kahilingan ni Mayor Ceciron Cawaling para sa pagsasa-ayos ng lubak na kalsada at pag-paganda ng kalsada pati na ang drainage system at mga signages na ilalagay sa lugar.

Sinasabing naglaan na ng P8 Million budget ang DPWH na direktang nasa control ng provincial government ng Aklan.