YES THE BEST 911 BORACAY

Friday, March 23, 2018

Mga kapulisan naka-alerto para sa Semana Santa

Posted March 22, 2018
Ni Inna Carol L. Zambrona, YES THE BEST Boracay

Image may contain: 1 person
Pinaghahandaan na ng Philippine National Police (PNP) ang seguridad ng publiko sa isla ng Boracay para sa nalalapit na Semana Santa.

Ayon kay Boracay Joint Task Force at Metro Boracay Task Force PSUPT Ryan Manongdo, naka-alerto ang kanilay hanay lalo sa pagbabantay ng mga papasok at palabas sa Jetty Port at Cagban Port ng Boracay.

Paalala ni Manongdo na mag-ingat at maging mapagmatyag upang hindi mabiktima at upang maiwasang masilisihan ng magnanakaw.

Bukod dito, may mga itinalagang Assistance Desks ang kanilang tanggapan kung saan ito ang magsisilbing sumbungan sa oras ng emerhensya katuwang ang MDRRMO, Coast Guard, Maritime at iba pang law enforcers.

Samantala, nagbigay paalala naman ang Municipal Transportation Office sa mga motorista na bumabyahe sa bayan ng Malay partikular sa isla na tiyaking maayos at ligtas sa byahe.

Image may contain: one or more people, table and indoorAbiso ng MTO siguraduhing maayos ang kondisyon ng sasakyan at puno ang tangke ng gasolina, lalo na kung malayo ang biyahe.

Mahigpit ring paalala sa mga drayber na huwag gumamit ng cellphone kapag nasa pasada at dapat ding sumunod sa batas trapiko upang makaiwas sa disgrasya.

Samantala, mahigpit naman ang kanilang ginagawang pagbantay sa mga kalsada upang mabantayan ang daloy ng trapiko.

Kaugnay nito, sa Boracay istrikto ring ipapatupad ang “No Party on Good Friday” na mahigpit na ipinagbabawal ang ano mang klaseng ingay sa araw ng Biyernes Santo hanggang sumapit ang alas-sais ng umaga ng Sabado de Gloria.

Tuesday, March 20, 2018

Boracay Command Center nanganganib na ipatibag ng DENR

Posted March 19, 2018
Ni Inna Carol L. Zambrona, YES THE BEST Boracay

Nanganganib na mapasama sa mga titibagin ang Command Center pagkatapos na kinumpirma ni DENR Region 6 Director Jim Sampulna na sinilbihan nila ito ng Cease and Desist Order.

Ang dalawang  na istraktura na proyekto ng LGU-Malay at kasalukuyang ginagawa ngayon sa Station2 beachline ay lumabag umano sa 25+5 easement rule.

Ang batas aniya ay kailangan ipatupad sa lahat at walang exemption kahit government project pa ito.

Itong dating command center ay sinira at pinundohan para gawin itong dalawang palapag kung saan ang 2nd floor ay magsisilbing opisina ng MDRRMO habang public toilet naman ang sa ibabang bahagi.

Sa panayam naman kay LGU Malay Executive Assitant IV Rowen Aguirre, wala umano silang magagawa kundi sundin ang kautusan ng DENR na itigil ang construction at ipasara ito.

Ani Aguirre, sa ngayon problema nila ang pagtatayuan muli ng Command Center dahil wala silang area na paglalagyan nito.

Samantala, sa usapin ng “total closure” ng isla, hindi sumangayon si Aguirre sa ginawang rekomendasyon ni DENR Secretary Cimatu dahil pwede naman aniya isailalim ang isla sa rehabilitasyon upang maresolba ang mga nakitang dapat ayusin na walang  pagsasara.

Bukas araw ng Martes, nakatakdang pumunta si Sampulna sa Boracay dahil target nila ngayon na maayos ang problema ng drainage outfall sa Bolabog Beach.